翠苑餐廳

營業中

休息中

今日見到呢間冰室諗住入去試吓，見menu寫店長推介$78無骨海南雞飯就試吓，落單果時問侍應有冇得轉雞胸，佢話有，之後無啦啦有個超肥既侍應皺晒眉頭好寸嘴話：「無呀，一陣整左比你你就話唔係雞胸架喇」，我心諗大佬我第一次幫襯咋喎，其實就算無都唔緊要，你哋唔好一個話可以一個話唔可以，搞到我冇哂心情，仲要見到環境坐位啲衛生唔好，本身諗住走，但係諗住如果佢整得好食嘅話都忍啖氣算數，點知黎到碟野又細，啲肉又晦，真係中伏我以後唔會再幫襯，希望大家避雷🙏🏻

一入去叫我們坐的那張二人枱是裡面出入口的位置,出出入入都會撞倒椅子的那種,況且我們身材都不小的,然後另一張枱有人剛剛走,未執枱,我們唔介意佢可以慢慢執,就走到這張枱坐,有個男樓面就好悔氣好無禮貌咁講,太約就是說:果張枱都未執,坐落去做咩,坐番呢張!  然後我們即走;做咩要食到咁受氣!!!.....未order就已經咁鬧法,呢D鋪請我都唔食.這是茶記,我唔會要求好好禮貌,你正正常講野就OK嘅,但係接受唔到呢D態度咁惡劣嘅招待.以後唔會再去,香港真係-好嚇之都!!!

一間曾光顧超過十年的茶餐廳，想不到今時今日，她製作的食品是每況愈下。下午茶一碟星洲炒米簡直是太空船的航行速度上枱--不用5分鐘，你認為是即炒還是微波爐的傑作?!不需太多思考，用手探探碟邊是涼的，用眼觀察米粉連一絲熱氣也看不到，再把米粉吃進口內是溫的而不是熱的，就算我富它是炒過的，也可能是15-20分鐘以上吧？這樣的所謂「星洲炒米」你會給錢來吃嗎？再說另一碟「菠蘿雞絲炒飯」，等了約15分鐘終於上枱，終於有一碟熱的食物是炒給我吃的!但別高興得太早，飯雖然是熱的，份量也算恰當，可是全碟飯祇有5小丁片的菠蘿，它們全部加起來，連一小片指甲也比它們大!至於雞絲全部也祇是得幾片。至於味道則更不消提，祇可用淡而乏味去形容。整個下午茶餐惟一勉強合格的是那杯奶茶，而餐價是每位港幣43元。各位看完我的親身經歷而仍有興趣冒險一試的，就即管來吧！🤣

今日去西營盤辦理手續，見預約未夠鐘又未食早餐，經過正街見到一間翠苑餐廳，見未試過，就入去食個早餐先，叫了一份沙爹牛肉煎蛋公仔面和一杯凍檸茶走甜一共$41，本人覺得幾好食，但今次寫這個食評只是想講下這間茶餐廳員工十分之有禮貌和親切友善，環境好寬闊。雖然只是一間茶餐廳，都能做到這樣真的比個讚他們。現今香港大部分任何一間餐廳啲員工都全程黑口黑面和冇禮貌，大家可以值得考慮去試吓

夜晚10點幾附近得返呢間餐廳有開，本身都無特別期望，諗住都係普通茶記野，食個快飯咁樣。嗌左一個椒鹽豬扒飯，可能因為無咩人，廚房即整，熱辣辣之餘味道亦都好平衡，唔會太咸之餘豬扒亦唔會太乾太un, 鼓油汁亦有調過味唔會太搶，將一碟普通嘅椒鹽豬扒飯入面所有細節都做到啱啱好真係唔易，值得一試！！Btw 凍奶茶就真係太普通，無咩事可以飲返熱檸水🙏🙏

呢間有60年歷史嘅茶餐廳啱啱有個夾新Menu都轉晒等我試吓佢得唔得！蒜粒臘鴨蒸雞 $62臘鴨都算幾夠味，再配埋有蒜粒嘅蒸雞夠晒香口,雞都幾滑溜,都算叫新鮮嘅黑椒茄子牛仔骨煲件數都幾多，加埋啲我最鍾愛嘅大蔥，黑椒汁夠惹味，如果牛扒冇煮得咁耐應該會更加好！螺頭桂圓燉豬尾呢個應該算係成晚嘅焦點，碗湯應該都夠兩個人嘅份量，如果你唔大飲嘅話，個豬尾亦都煮得好淋，螺頭亦都好多塊，湯汁好清，非常啱我哋呢啲鍾意健康嘅人！

「咖喱羊扒饭」在晚市菜单才有，HK可能吃羊肉的不太多吧所以比较贵而且肉质参差不一，这次的感觉就不是很新鲜…咖喱酱汁比较咸盖住了羊肉味「咖喱鸡扒套餐」煎的鸡扒皮脆脆的，今晚吃咖喱吃得太满足了这家店下午茶种类超多的呢～分了好多类菜单，买单的时候看到还有红酒炖牛尾煲仔菜，下次有机会就试试

12月19日，同靚媽諗住到正街，食完篜魚飯餐後，就都源記食糖水，到咗正街先知，食開篜魚間食店，巳結朿營業，就求其揾咗呢間，茶餐廳唻食午飯，入座後望吓呢間食店個環境，同個菜牌都冇乜好感，去埋個男，女共用廁所，就更加反感，因此店廁所做埋倉用途，心諗呢間食店D嘢，都吾荒好食，尤其當靚媽，連個羅宋餐湯飲咗少少，就吾飲而我個，海南鷄飯嘅醬汁，連黑醬油都冇，對此餐絕望到頂點，哈，可能毫無希望，反而D食物又oK喎，靚媽食晒佢個駌鴦扒飯，我亦將個海南鷄飯，唻個美人照鏡，食一餐由絕望到Ok嘅午餐，呢個感覺真係好神奇。😂😂

今日去西環朋友間Salon剪頭髮💇🏼點知朋友遲到所以就係附近搵間茶餐廳食個早餐先🥣呢間茶記有7成都係卡位所以坐都會比較寛敝！不過椅子就殘舊一點！而早餐有十多個餐選擇，價錢由$17 至$42！我揀左沙嗲牛肉米粉配火腿煎蛋加$1烘底多士再加$2凍檸茶。本身想食提子餐包/冰鎮菠蘿包！不過賣曬！送餐時間5分鐘到，凍檸茶茶色唔錯！但糖漿比例較多！而沙嗲牛肉米粉就份量十足，火腿同蛋都無煎燶！味道與大多茶餐廳一樣正常！

話說上次去食完個街坊鋸扒, 真係覺得又平又抵又大份, 超級豐富又飽肚, 今日無飯開, 一於去試埋個中式小菜🤭 果然同樣唔錯🤭每晚有四款小菜套餐選擇, 見到同場隔離枱款款都好大碟好吸引, 而套餐係包白飯🍚同例湯🥘 今次叫 🥘馬來咖喱牛筋腩煲🥘, 上枱嗰時個煲仲滾緊, 熱辣辣好新鮮 (睇相就知有幾滾🤣) 個煲份量超大份, 非常多牛筋腩仲有啲配菜, 牛筋腩唔un 好腍好入味, 咖喱少少辣好野味, 但份量真係多, 所以白飯係食唔晒🤭

突然好想鋸扒, 但又唔想去大xx, 又唔知去邊食好, 求求其其去附近茶餐廳喇😅今晚咁啱有 🥩西冷牛扒餐, 啱哂😋 晚餐有湯 + 主菜跟白飯 / 意粉 / 薯菜 + 甜品 + 飲品, 價格 $70, 都okay!🥩西冷牛扒唔un, 都無落左鬆肉粉既感覺, 平食係可以既🤣 🍟粗薯條香脆, 份量多, 好食!🥘蘿宋湯, 好濃又多渣, 好好飲!整個餐份量都多, 都好飽肚😋 有時想平平地鋸下扒都推介既🙌🏻 同場仲見到有多款小菜, 大大碟, 應該都唔錯, 下之食!

西環自小就給我一種撲朔迷離的感覺，👻👻這個區域的店舖很早就關門！🌛🌚但我偏偏就喜歡這種慢活的生活態度，💆‍♂️於是放假就由上環步行至西環🧑‍🦯🧑‍🦯感受下這種慢活的生活！🧏‍♂️到晚上11時，五臟廟響起警鐘🤥，於是周圍覓食👅👅來到了這間位於正街的翠苑餐廳！價錢屬於中上價位，我見餐牌上有海南雞飯套餐，自己心諗都未試過咁夜食海南雞飯決定一試！點知🤢🤢🤢就正如大家看圖一樣，嗰啲雞就像豉油雞一樣的顏色，，都安慰自己可能大家嘅方式不同姐，一食柴過紙皮，又斬到大細不一樣！最緊要個油飯爛，濕，都不特只，係完全無味，諗住撈姜溶食啦⋯⋯個姜溶就咸到要洗腎！連基本黑豉油都係無，準力食左一半，都係要放棄朋友的西冷牛扒都算中規中矩，無咩特別！之後到戲肉啦，一望入水吧！居然見到有個師傅喺度食煙🤬🥶😱但當時鋪頭都一定起碼有10個客人在店！呢個真係可算奇境🙏🙏，無言，結帳

食物普通，但阿姐態度極差，今日經過四個人得圓枱淨唔想搭抬於是離開，點知個阿姐大大聲話七個人抬四個都話唔夠坐！無幫襯都唔駛禁惡，想趕客咩，無下次囉。想受氣可以嚟呢間試吓。

星期六放假同阿仔出食個早餐先,阿仔叫左個沙嗲牛肉公仔麵配火腿煎蛋改炒蛋,牛油方包,加$3.00要凍檸水.我就要左個牛奶麥皮配冰鎮牛油菠蘿包,麥皮有好濃牛奶味唔落糖都好好味,茶餐廳好小有冰鎮牛油菠蘿包，可惜菠蘿包唔夠熱,要杯熱檸水去油膩

今日年三十，同朋友在正街附近購物。進入翠苑茶餐廳午膳，二人各自叫了午餐 (HK$50 一人)。埋單要收 120 ???   竟然話今今日年三十要加 二， 門口 完全冇告示。亦無伙記 通 知。其他食客 都 十分鼓 燥。餐廳 信譽很重 要。 完全 欺騙 客人。完全垃圾。永久入黑名 單 。