翠華餐廳 (已結業)

🌟翠華出咗全新韓國菜menu, 一打開menu已經流曬口水樣樣都想食🤤。🐔韓式芝士炸雞: 必點主打， 芝士份量勁多， 而且可以做到拉絲效果， 芝士控 應該會將成碟芝士食曬😂， 炸雞皮脆肉嫩多汁， 二人份量非常豐富😁🍝意式茄蓉海鮮天使麵: 個tomato paste味道好正， 完全激發哂海鮮嘅鮮味， 令冰鮮海鮮也不平凡❤️🍲雪耳人蔘燉雞湯: 超足料😍, 一碗湯有成半隻雞, 人參味道清甜帶甘, 養生女仕們必飲。 好飲過好多所謂嘅靚湯專門店🤫~~~~~📍翠華餐廳九龍灣海濱道77號海濱匯2樓1號舖~~~~~

自沒有在觀塘區工作便很少去九龍線附近逛，趁放假就約朋友去打卡聖地觀塘碼頭影靚相相📸正當之後唔知去邊醫肚之際，發現有棟新商廈，裏面都有好幾間餐廳😅最後都係選左翠華😆我地被安排坐近窗口，正呀，因為呢度竟然係落地玻璃😳其他位睇落都ok。呢度晏就雖然只係賣set lunch，但就已經令我地選擇困難症發作啦😂好多款都想試喎。最後好不容易點左呢幾個set黎share👇餐湯：栗米湯見到係有好細粒既粟米粒係度，唔係開粉既，好可惜影相出唔到效果😛E. 車厘茄鮮蜆天使麵我朋友最喜歡呢碟，佢覺得口味好啱佢，我都覺得唔錯，蜆肉有鮮味，車厘茄再加上豆苗既味，夠晒Fresh😋H. 黑松露野菌薄餅佢上枱既感覺拍得上西餐廳喎～佢可以比客人自己切，點分都得😁佢d芝士仲可以拉絲喎～😯食落去仲啖啖菇，好足料下🤗實屬最驚喜之選👍L. 煙三文魚凱薩沙律三文魚睇落都ok新鮮，佢配左個柚子醋汁，都幾醒胃😃另外加8蚊就可以轉特飲，都幾抵😙手工薑汁撞奶茶生磨蛋白杏仁茶佢雖然都係翠華，但又感覺上又同平時既翠華有d唔同🤔首先我未見過其他翠華有pizza賣啦😜而且地方彩光度好夠，環境ok舒適，性價比都幾高。希望以後會多幾間呢款既翠華啦😜

原來海濱匯都幾多餐廳🤭 呢間Tsui Wah仲有新既韓風menu 味道都唔錯呢😳-芝士醬炸薯條🍟（$32）韓式芝士炸雞🍗（$40）先嗌左2款小食 芝士控當然係揀...🤫 芝士醬風味香濃 熱辣辣配上滑嫩帶肉汁既炸雞/香脆內綿既薯條好正😍 仲可以無限拉絲添～ 而且呢個價錢黎講份量好足吖-辣肉腸薄餅🍕（$72）溫泉蛋牛肉石鍋飯🍲（$78）主食方面薄餅係現場手工即拉！薄皮脆身之餘竟然加入辣椒！勁辣🤣🥲 喜歡食辣既唔好錯過啦！而石鍋飯牛肉份量勁慷慨🥰 食極仲有 -朱古力心太軟流心蛋糕🍫（$48）當然唔少得甜品😋 製作需時既心太軟切落去勁流心勁澎湃🤣🤣 朱古力味略為較甜 蛋糕部分如果外皮脆口d會更好 仲可以1小時前預訂免費加朱古力生日牌㗎🎂

公司附近有間翠華，一直我只係覺得係茶餐廳，撞啱有一晚加班入咗去諗住快食，然後繼續努力。驚喜店員放下餐牌我竟然見到 a la carte, 成件事高級左！韓式芝士炸雞 $38韓式芝士炸雞雖然有啲熱氣但我鍾意，其中一款最令我著迷的就是芝士炸雞，外脆內嫩的炸雞，放入韓式芝士醬拌勻，外面沾上一層溶化了的芝士，金黃色香口惹味！煙三文魚凱撒沙律 $58賣相精緻，煙三文魚入口滿滿的鹹香，羅馬生菜新鮮爽脆，煙肉粒酥香惹味，麵包粒配以醬汁一齊食可以平衡番味道，凱撒沙律食得健康又輕盈。蒜片辣椒欖油大蝦炒扁意粉 $78蒜片爆至金黃色十分吸引，辣椒絲爆得非常香，大蝦煎至兩面金黃很有誠意，大隻而且彈牙，欖油炒扁意粉口感較清爽，香口惹味，很適合最近熱辣辣的天氣，食落很開胃。凍鴛鴦 $23來到翠華我始終喜歡他的招牌飲品，凍鴛鴦 5分奶茶5分咖啡，平衡了兩方的香味。

“韓式牛肉炒粉絲”($78)“蒜片辣椒欖油大蝦扁意粉”($82)“韓式芝士炸雞”($40)“煙三文魚凱撒沙律”($68)“藍荳花檸檬茶”($22)“柚子檸檬梳打”($26)見天氣咁好,去咗行下觀塘海濱行到牛頭角嗰邊實在太熱頂唔順要搵餐廳坐吓😂上咗去海濱匯睇吓有咩食🤣不過因為星期六下晝好多餐廳都已經閂咗上到2樓見到翠華仲開緊個場又幾舒服一於試試😝最特別嘅係呢間係以韓式同西式食物為主😆連人參雞湯都有得食🤣我地叫咗2個main,1份小食同1份沙律🥗首先要咗個韓式牛肉炒粉絲🐮味道同喺韓國餐廳食到嘅差唔多😍粉絲炒得好夠香,配上甜甜辣辣嘅韓式辣醬好惹味😋牛肉份量都幾多,食落都幾腍☺另一個主食試試個蒜片辣椒欖油大蝦意粉🦐🌶🍝食落蒜味超香🧄,夠哂香辣惹味🤩蝦肉質爽口彈牙,又唔會太細隻😛呢個意粉真心整得幾唔錯🤤小食叫咗份韓式芝士炸雞🧀🐔炸雞同芝士係分開上,想點幾多就幾多🤤熱熔芝士拉絲度十足超邪惡😈炸雞食落香脆☺雖然細細粒但份量十足😆$40真係超抵食😍最後仲叫咗份煙三文魚凱撒沙律🥗沙律都係大大碟😆煙三文魚,羅馬生菜配上麵包粒🍞夏天食真係好爽😛飲品要咗杯好靚紫色嘅藍荳花檸檬茶💜味道同普通檸茶都差唔多,唔會太

這間餐廳的名字應該沒有人不識，以為是茶餐廳口味，如果係就錯了！今晚放工同朋友行了去觀塘海濱花園個邊吹下水後想搵個食晚餐，係apps 內找見到佢係附近嘅海濱匯，入了商場上兩層扶手電梯就直接見到門口，餐廳內裡地方十分闊落，前面是一排卡位，內裡還有大量位置，最驚喜還有開陽嘅落地玻璃位置，雖然現在已是夜晚，但仍然可以清楚望到MegaBox個邊嘅位置！打開餐牌一望，同平時見到的完全唔同，內有中意西日韓口味選擇，絕對不是茶餐廳款式選擇，價錢就真係茶餐廳價錢！今晚點了溫泉蛋牛肉石鍋飯，同個辣肉腸薄餅，廚房出菜快，最先係溫泉蛋牛肉石鍋飯上枱，賣相精緻，配上兩個醬汁，超熱盪盪嘅石鍋裡面放滿了煙韌嘅米飯，上面放滿了超入味嘅牛肉，中間還有隻溫泉蛋，感覺真心愉快！還有石鍋將近鍋底嘅飯變成飯焦，十分香脆！而另一個就係辣肉腸薄餅，上枱時我以為出錯了，因平時食開嘅係意式辣肉腸，但估不到用了中式嘅臘腸，哪何會辣呢？但一入口就知道廚師用心嘅製作！每片臘腸下都會有辣椒粒，所以當入口時一咬下，一會就會感受到刺激嘅感覺！加埋薄餅餅底十分香脆，我個人十分喜歡這種配搭！中意嘅Fusion !立即要加杯凍鴛鴦，50/50嘅比例，入

朋友係觀塘海濱果邊返工，放工約食飯就揀左附近呢間餐廳，因為網上睇相裝修好簡約好舒服。兩個人餓鬼上身咁叫左好多野食😆鮮蝦雜菜沙律配柚子油醋汁 $58沙律菜好新鮮好靚，蝦有彈性，有輕輕煎過，仲有個柚子油醋汁好清新，好開胃！芝士醬炸薯條 $32呢道菜上菜果陣真係嘩一聲！碗芝士超級香濃！完全估唔到係咁！芝士醬所用嘅芝士應該唔止一款，薯條新鮮炸，熱辣辣，點芝士可以拉到絲，好好食，芝士控一定要點！多到點唔曬！K-Pop 炸雞 $32炸雞都係新鮮炸，醬汁甜辣度啱啱好，有啲蒜味，我仲點埋薯條啲芝士落去，自創新口味！😆人蔘雞湯浸娃娃菜 $58點人蔘雞湯浸娃娃菜之前，staff 提我地呢道菜裏面會有原隻人蔘雞，但我地主要想食菜，所以都決定揀呢道。個湯好滋補濃郁，娃娃菜索晒啲味，入面其實係有雞肉，食完小食，我覺得呢個菜好啱中和一下。感覺非常健康又好味。乾炒黑松露雜菌扁意粉 $78意粉有黑松露同埋菇味！依家唔會太淋太硬，唔錯！特飲 手工薑汁撞奶茶 $23特飲 柚子檸檬茶 $26凍柚子檸檬茶好清爽，朋友比較養生，杯薑汁撞奶茶都好香薑味。

一心係諗住嚟食叉燒飯點知突然發現啲餐牌唔同晒而且剩係得餐牌上嘅食物先可以揀唔怪得知條龍短左咁多冇辦法之下大家唯有照嗌我就揀咗個勁普通嘅咖喱雞飯其他同事就揀咗韓國料理一個就炒粉絲一個就揀石鍋飯一個就揀炸雞三個我都有share食D炒粉絲係OK好味不過可能味精太重有啲口渴石鍋飯都唔錯炸雞就好搞笑地好似個味有啲似齋雞粒個質地都有啲似個面頭勁脆入邊好似冇乜雞肉咁不過有啲意外嘅係有甜品送但係呢個甜品又唔係凍嘅係室溫食物基本上翠華都唔會話難食但係冇得揀其他嘢食就有啲失望所以服務分我俾低啲

今日同太太去咗行觀塘海濱長廊，見到沿途好多新商業大廈，行到差唔多到九龍灣盡頭就搵嘢食，入咗其中一座新大廈，裏面都有好多餐廳。見到有個牌寫住Now Open，有啲面善，但又冇中文名。睇真啲，原來係翠華。唔知係唔係走另一條路線，就揀呢一間醫肚啦。門口同入邊環境都好新好舒服，坐卡位。睇吓個餐牌都係冇翠華中文名，哈哈。餐牌同其他翠華都唔同，比較西式，同有其他地方美食。因為唔係太肚餓，就叫咗兩個沙律，同一個意粉。太太點左個蝦沙律配柚子汁，蝦幾大隻同爽，沙律菜都好新鮮，配柚子汁都好夾。可能我鍾意食酸野掛。我就叫咗個雞凱撒沙律，都幾好食，裏邊仲有啲煙肉，幾特別。仲有一個海鮮天使麵，係我最鍾意嘅蕃茄醬。裏面有蝦，蜆，青口，細魷魚鬚。差唔多我自己食晒，只係分咗少少比太太。叫咗兩杯嘢飲，太太杯玫瑰柚子茶，佢話玫瑰加落去原來幾好味，返屋企都可以試吓。我就叫咗杯生磨蛋白杏仁茶，好似食緊一個甜品多過一杯餐後飲品，真係好like😁，好滿足。見到隔離食石頭飯，都好香，下次嚟先至再試。

今天女兒帶我去海濱長廊對面吃晚餐，想不到這裡開了一家新商場，裝修時尚，我們去了這家餐廳吃飯😆我叫了韓式牛肉粉絲、黑松露比薩和玫瑰柚子茶。韓式牛肉粉絲份量剛好，賣相也不錯，韓式粉絲加牛肉非常惹味。黑松露比薩價錢不太貴，手打薄餅用了十足，薄餅上有許多蘑菇、黑松露味，芝士也非常美味。兩人吃八寸的比薩剛剛好。玫瑰柚子茶有點甜，我加了點熱水味道剛好。如果在海濱長廊散完步，可以來這裡填飽肚子。這裡的價錢不太貴，每道菜大概七十左右。

今天跟家人去了這家翠華吃晚餐，一打開菜單發現跟其他翠華不同，是韓式Menu。我地叫左鰻魚石頭鍋飯、勝瓜人參雞湯和柚子雞翼，我還叫了一杯熱柚子薏米。鰻魚石頭鍋飯賣相不錯，醬料分開上，可以按自己的口味加醬料。鰻魚幾肥美，飯上配有菠菜和芽菜，味道不錯。勝瓜人參雞湯，浸勝瓜幾新鮮。如果喜歡人參的可以試一下。柚子雞翼，柚子醬偏甜，如果不喜歡太甜的朋友，不妨少一點甜。另外柚子薏米水都幾特別。如果想和朋友來聊天也會是不錯的選擇。

今日去觀塘海濱道打咭,玩左成日都覺得有D攰,所以睇下附近有咩好食,見到鄰近間翠華既餐牌都幾吸引喎,於是走入去試試。入面既裝修同以往大家所認知既翠華完全吾同,裏面地方好大,坐得舒服,而且仲有落地玻璃可以欣賞夜景。我點左個乾炒黑松露野菌意粉同埋雪耳人參雞湯,再加一杯蛋白杏仁茶。先講講人參雞湯,用料好足而且非常鮮味。這種鮮味不是指味精,當你試過一口之後,你會感覺到一陣陣蘗材氣味,但又不會掩蓋雞既味道,呢點值得一讚。接下來就介紹意粉比大家,可以見到份量足夠, 野菌多到就來遮哂D意粉,爆香既蒜味噗鼻而來,最緊要系醬料同意粉好入味,口感一流,勝過某D大型意粉專門店。蛋白杏仁茶則使我留下深刻印象, 表面有層蛋白覆蓋茶面上, 於是能困住茶香又能保持熱度。當我試過第一啖茶時, 已經感覺到陣陣杏仁既清香,中意杏仁既朋友真的不能錯過啊。最後,呢個晚餐真系打破左我對翠華既舊有形象,我推薦大家可以走來一試,保證使你一試難忘。

平日去開尖沙咀,旺角食飯,都食到有D悶。3日前聽朋友介紹海濱匯有間新風格既翠華開張,於是心郁郁想去試。我一入到去就得到侍應既熱情招待,帶我去靠近窗邊就坐,並向我介紹窗外就系電影《志明與春嬌》既一個著明取景地—「志明橋」,感覺好有FEEL呢!環顧四周,店內各個位置都非常乾淨企理,每張枱仲提供一枝搓手液供大家使用,非常貼心。來到翠華,中餐就試得多,但冇諗過佢既香草海鮮薄餅都可以咁好味架。薄餅邊皮火候控制岩岩好,卜卜脆得來又吾太燶,八爪魚同青口滿佈PIZZA上面,非常抵食。再來就係韓式芝士炸雞。從外貌上韓式同西式炸雞分別不大,但食落去就不同了,韓式炸雞口感更佳,外皮更爽脆,一D都唔辣,最重要系芝士醬真的很開胃,同炸雞稱得上絕配,令我個FD最後竟然空口食芝士醬!!!!值得一提,手工薑汁撞奶茶令我好回味,湊近已經聞到濃烈既薑味,入口香甜順滑惟薑味有有些少掩蓋了茶味,不過依然值得推介。呢個晚餐計落都不過百幾元,我非常推薦大家過來試試,一定不會令你失望。

今日早收工，於是老公去行吓耗資5千萬嘅觀塘海濱花園音樂噴泉，點知天不做美落大雨，於是就跑入去海濱道77號避下雨顺便去洗手間，路過見到翠華廣告牌就諗住坐低食啲嘢避雨，原來Tsui Wah唔係茶餐廳，係fusion餐廳，環境舒服，Menu日弍，韓式，西式，服務員非常有禮貌，耐心地為我們介紹食品，我同老公都唔係好肚餓，為純粹為咗避雨先至坐低，我哋每人叫咗一個沙律，老公食凱撒雞肉沙律，我食大蝦柚子汁沙律，老公飲蛋白杏仁茶，我飲玫瑰柚子茶，另外share咗一個海鮮天使麵意粉。水準係西餐廳扒房的水準，但係係茶餐廳嘅價錢，性價比高，有下次😊

自從搬咗Office之後，#小秘書 幾乎每日都係幫襯公司樓下間 Pret A Manger 買 #早餐，偶爾會去到附近嘅 #茶餐廳 食個 #大早餐，兩三點補個 #代餐 就頂一日👉🏻👈🏻 如果要食正餐嘅話，選擇少之餘、大部份食肆都比較高消費… 可能係為咗迎合班「金融才俊」嘅口味卦😅所以呢… 見到閂咗門個幾兩個月嘅 翠華餐廳 Tsui Wah Restaurant 重新營業，Lunch hour居然大排長龍😂 #小秘書 就只好過多幾日再去幫襯。新接手嘅營運者，一改風格，餐牌上嘅食物同員工嘅配搭都唔同晒，不過比個機會我哋間中轉吓新口味都唔係壞事吖😉 #港式早餐 慣性都會有一件 #多士、#炒蛋，再跟碗 #麵 同 #飲品，但係呢度嘅 #麵餐，就只有一碗麵再跟杯嘢飲，加加埋埋都要四十幾蚊落樓，起初我都覺得有啲貴㗎👉🏻👈🏻 不過乜都試吓啦… 呢日我要咗個 #沙嗲牛肉雜菌公仔麵 配 #凍咖啡，雖然我覺得佢哋啲 #牛肉 有啲鹹，不過食落都幾惹味，仲有一種辛辣感覺，而且旁邊加埋啲 #雜菌，賣相都唔差㗎🤤 而 #首領 要嘅 #牛角包，#滑蛋 多到漏晒出嚟，睇起嚟都好吸引🤩 等我有機會都嚟試吓先🥳🥳