翠華餐廳 (TKO Gateway)

營業中

休息中

每星期去兩至三次常客，但這機次早啲去食11:30am 早餐，真係食得唔爽。問題不是食物，唔知亞姐心情點解日日都咁差，面黑過隻鑊，都唔緊要，十問九唔應，態度非常差。行埋去比錢好似左住佢咁。唔知翠華是否請人好難，完全沒有要求，次次去親都係係咁。簡直趕客走，希望翠華先給員工多些培訓課程。如果唔想做就唔好返工，請管理層留意這個問題，嚴重過食物質量。這樣的服務態度，真係唔會再去，同朋友講起，佢哋都有遇上這個問題，已經無去好耐。本人好少寫食評，只有比好評讚揚下餐廳（如有好得閒），但今次好忙都要立刻寫，希望通知大家小心，最好不要早上至中午去，費事食飯都要睇人面色！

曾經在佐敦及油麻地返過工，也必會去翠華食早餐及午餐。但今時不同往日，白加士街的翠華也都結業，我還以為翠華已經全線結業。因為帶兒子去將軍澳踏單車，讓我發現了這個TKO Gateway商場及這間翠華。這天是第二次來將軍澳踏單車，一家人便光顧了翠華，叫了三個午餐，份量很大，我一個男人加兩位女士及一個小朋友竟然會食剩。我特別欣賞它的忌廉南瓜湯，十分美味。羅宋湯也有很多雜菜，不會太稀。物轉星移，十多年前翠華的定位是中環、尖沙咀、佐敦，如今翠華是將軍澳、東涌。

今日放假同老公，囡囡行過見到翠華變咗做D類食肆，因為周圍都唔俾三個人同枱，所以就局住入咗去食。本身對佢食物都無乜期望，叫咗A餐- 蒜蓉牛扒飯，明明叫飯，唔知做乜俾咗薯蓉。。。牛扒幾好，但係個薯蓉凍冰冰，無乜味。。。紅湯好似油浸咁熱咖啡就ok然後仲有個B餐 - 吉列豬扒腸仔意粉吉列豬扒同腸仔都幾好，火候適中冇煮燶但意粉凍冰冰好難食。。。。白湯ok，凍奶茶都不過不失但。。。員工服務十分差😒😒😒臨走嘅時候我個囡跌咗件好細嘅小玩具落沙發底但係跌到好入好入我就痞喺度，執咗好耐，都執唔到兩個侍應明明企我隔離，見到我執極都執到只係掛住傾偈同埋執枱冇一個員工願意協助我去執返件小玩具，都唔緊要但俾我聽到有個多口嘅女侍應背後講話我個女咁大個仲要爸爸揹其實關你乜事？？？加上我個囡只得兩歲，佢生得高，就以為我個囡好大個，仲要背後話人，真係好無品😒😒😒

數數手指，對上一次食翠華應該係喺機場準備去旅行嘅時候😭，呢日見到原來有分店係坑口，仲要係冇咩人排隊，就去食個快餐🥸❣️板燒豬扒（黑椒汁）配薯菜+羅宋湯+凍檸茶 $62+$3每日都有幾款指定午餐，今日就揀咗呢一款，有兩大塊有骨豬扒，容易切開，口感腍滑，黑椒汁味濃，本身諗住薯菜係炸薯條，但上菜時係香草薯蓉，仲有少少雜菜同西蘭花，但兩者都係冇乜味道，如果配埋黑椒汁食就好好多🤐，跟餐送嘅羅宋湯好足料，有大量嘅蔬菜同埋牛肉，味道香濃，但略嫌湯只係微暖，如果再熱少少應該更好飲🤩❣️秘製海南雞飯配熱飲 $78呢個好推介，油飯香濃，海南雞嫩滑多肉，再配上好足料嘅老火湯菜乾湯，好滿足嘅一餐😋❣️蝦籽珍珠雲吞麵 $34幼麵爽口，雲吞細細粒但足料，再配上麵頭嘅蝦籽，鮮味更加突出🙂🏦是次消費總額 $177（人均消費 $59）👅好味度：8（10分滿分）間唔中一次快餐味道都算ok，但有啲不足之處就係呢間分店嘅衛生情況就一般，地下踩上去有啲黐笠笠，枱面抹完都好油，如果改善埋就非常好啦🤪

地址－翠華餐廳 (將軍澳)將軍澳常寧路2號TKO Gateway 1樓65號舖😈特色－好早就開門 附近好多連鎖快餐店都未開💋早餐有A餐B餐c餐同埋特餐，次次去食都係揀B餐沙嗲牛肉麵 👍💋餐包是暖暖的，炒蛋份量多而好味💋凍檸茶正正常常😊人均價格－ hkd 40 (dinner )評分－ ❤️❤️❤️❤️ (最高6分）#cafe#foodie#炎夏好去處#夏日搵食推介#foodie#cafe#自助餐攻略#下午茶情報

試過幾次周末早上出餐慢，以為只係假日客多員工人手不足，今日平日，早上7點入座，當時大約只有5個客人，叫左餐蛋面熱奶茶（$50），落單好快，諗住平日會快d啦，點知由落單7點等到7點半足足半小時都未出到一碗餐蛋面！好明顯係廚房冇出餐，但點解廚房有幾個員工，做幾個客都做唔切？只見廚房不斷做外賣餐，一批批咁出，堂食散客就乾等，唔出聲催都唔做你份餐！建議落單前可以同客人講廚房要先做外賣餐，堂食一碗面至到少要等半小時以上，等堂食客人自行判斷是否要等！今次因為趕時間最終冇再等，所以今次只係評個服務。

一心諗住入去河粉，點知阿姐話粉面檔師父8點就放工所以無粉面，連菜都無....當時只係8點半，而suppose 呢間野做到10點......睇黎呢間野都做唔長....

肥姑姐飲食推介 – 星洲炒米 及 凍奶茶惠顧日: 2020年9月16日1）環境衛生一貫連鎖店的格局，地方寬敞清潔光猛，就算疫情期間2人一枱都可以容納40人。2）食物質素翠華的星洲炒米完全唔會比一般酒樓差，材料足及味道夠，材料有蛋絲，叉燒， 火腿， 蝦仁， 韭黃，芽菜。米炒清爽彈牙有鑊氣之餘，因為落了咖哩粉炒，所以非常入味同時不會太辣 。3）價格星洲炒米HK$67 凍奶茶HK$12(不另收加一服務)4）再惠顧指數👉🏻

晏就感覺口淡淡，然後有朋友極力推薦去翠華食咖喱。 大約一點幾兩點左右啦！翠華已經排緊隊lu～ 好彩2位枱都安排得好快 (唔洗10分鐘就入得啦)，由於太餓，所以隨即order咗份咖喱牛筋腩飯 ＋ 豬扒配薯蓉午市套餐 配紅湯加杯凍奶茶 上菜速度好快! 咖喱的確香噴噴，最重要牛腩炆得好淋好入味! 真係超級好食，價錢仲比以前優惠咗 講埋份豬扒先，真係有驚喜 (原來有2塊呀正呀) 豬扒口感極佳，煎得一啲都唔老～ 入口一啖又一啖好滿足 薯蓉更加係新鮮無添加極濃薯仔香味！ 性價比好高嘅一餐

食過咁多間翠華，呢間Number 1難食！首先，奶油脆脆咩醬都唔搽(可能疫情期間) ，明白，但無理由偷雞唔俾練奶，要自己問先俾，有慳皮之嫌！個脆脆包唔脆都算,仲要凍既！沙爹牛肉麵咁普通既香港特產，可以整到個湯底無沙爹味！使唔使溝咁多水呀？！！沙爹醬好貴！？你收緊$40一個早餐囉！杯咖啡淡而無味,飲兩淡叫做解口渴！！晨早食個咁差既早餐真係一肚氣。。。但收銀員幾有禮貌，員工有禮貌。但個廚房班底要重新去訓練過啦。。。。

將軍澳翠華重開，好耐冇食，諗住去捧場，食喜歡既早餐！一個字：失望！大失所望！通粉個湯底好似煮麵水，啲通粉冇哂味，仿鮑魚絲，唉！火腿，算吧啦！唔好再問！個豬包唔＂翠＂，即時變咗軟華！唔問你要乜蛋！佢啲同行都唔會咁！朋友個米粉湯一樣惡劣！值得去嘅唯一安慰，杯咖啡仲係有啲水準！短期好難再説服自己去食！以前食物質高，煮得好味！你呢樣唔得個樣唔改得，都諒解你！可能唔想花時間做無謂野吖！宜家企硬A, B & C餐，又係冇🐷⋯⋯仲有難食！粉絲也失望！

今日到尚德邨，新開翠華食早餐，真係不知所謂，早餐得通粉，米粉，公仔麵都話無，餐前要求一杯水，又話無，成間鋪，伙記話今日好多野無，唔知開嚟仲咩，通粉係用快熟通粉，真係比錢食到一肚氣

男朋友未食午餐，又就黎到兩點半下午茶時間，我地入去坐住等。睇完下午茶餐牌，套餐選擇好少，男朋友揀左瑞士雞翼撈麵配熱奶茶(茶走)，我就搭單加$15加配脆嘩奶油豬。瑞士雞翼撈麵配熱奶茶(茶走)$43我試左少少，雞翼肉質算滑，都幾入味。個麵就麻麻地，撈唔匀啲汁之餘又偏硬既口感。整體份量唔值$43，偏貴。茶走味道正常，偏甜左少少，唔夠香滑。脆嘩奶油豬有兩大舊，搽左牛油同煉奶，可惜唔夠香脆，只能夠止肚餓之用。

今日因為實在工作太攰，無精神自己煮，所以決定去商場食。諗起翠華個menu仲有好多野未嗌過，就入去叫左個焗豬再加個常餐。而家翠華個衛生都做到好足，枱面上面放刀叉個籃已經唔見左，全部改為獨立包裝既膠餐具。常餐個太陽蛋改左做炒蛋，不過炒得老老地。個奶油豬係成個餐最好食，咬落去d牛油唧出黎果個感覺係得呢度先有個豬朳公仔面偏咸，仲咸過瑞士汁，我無食哂焗豬其實d芝士同蔬菜ok, 但塊豬扒d肉偏實，d炒飯唔夠乾身，無粒粒分明同鑊氣。下次黎都係叫返我最愛既咖喱牛腩飯

是日午餐同屋企人落樓行咗個圈，見翠華開左啞耐都無試過，於是就入去翠華食晚餐。入到去都見到唔算好多人，就算七點幾八點幾嘅時間你都仲可以搵到位置。打開餐牌見到選擇都幾多，於是點左一個鮮蝦撈麵，同埋見到佢哋好似主打深海魚，於是都叫咗個涼瓜炒深海魚。撈麵有成五隻大蝦，而且係用XO醬撈，味道都幾唔錯，仲有一碗魚湯餸添。姨深海魚炒涼瓜就有啲失望，深海魚比較硬身，而且亦都有少少腥味，所以都唔會太推薦。兩個餐總括加埋$140買單，晚餐來講都叫做可以接受。