翠蓮素食

營業中

休息中

平日夜晚去食嘅任飲任食自選餐款式都算OK多 成人每位$128（星期六、日、公眾假期 每位$138）茶位另收$8店員強調係落單先即煮嘅嘢食哈哈 佢建議一次最好只叫4-5個菜 怕食唔哂會浪費喎～！齋粒真係必食（最好食的了）不過嘢食D芡汁都幾重手 食完好鬼口渴炸嘢外面層粉好厚 蒸餃個皮都係好厚真係麻麻哋～

第一次嚟到荃灣食素食自助餐無諗過可以食倒咁好食既素菜野食種類豐富令到我地樣樣都想試而且餐館既人好好，好有耐性唔會未食完就急急腳收碟我地叫左3輪總共叫左13個餸大讚既係咕嚕肉/五柳素仙斑 下次要再搵食過回食指數： ⭐️⭐⭐⭐⭐

有長輩介紹荃灣素食自助餐（午市）佢話抵食，所以叫我試吓。原來11:30先開，我們早了少少，職員都很好，先讓我們坐下來，自己洗好晒杯碗，便看看餐單。沒想到有那麼多選擇。佢哋每次上的食物會較細碟，最意想不到的是，小炒是師傅即叫即整！好勁啊！首先，叫咗一個枝竹炆鰻魚，點心齋滷味，百花粟米豆腐羹，錦鹵雲吞，西汁香酥鴨。一件雜錦荔竽角。菠蘿咕嚕肉，美國炒菇丁丁。豉汁炆鰻魚嘅鰻魚幾好食，齋鹵味都有很多種類在一碟裏面，又唔會太酸，我喜歡食齋叉燒😊😊好食😋（好耐沒食過齋啦）。錦鹵雲吞，個雲吞炸得好鬆化，一點也不油膩，而且個酸酸汁又唔會太酸，非常之搭配好味！另外西汁香酥鴨，（即係炸腐皮），但係炸都好香酥鬆脆，個西泠汁酸酸地好好味🤤！百花粟米豆腐羹，用料慷慨，味道也不錯👍🏻讚！伍柳仙班，好得意！沒想到是一條「細魚」哈哈😂😚咁可愛既！😂😂😂菠蘿咕嚕肉，個咕嚕肉整得都幾似，味道都唔錯！另外，個齋湯都好好味！美國腰果菇丁，我自己本身沒有太大喜歡菇丁，所以得便一般，但長輩很喜歡食菇，所以佢話好好食😋是她的最愛😍！我想講，這裡雖然環境不是好大。但環境都算好舒服。另一想讚的是這裡的服務員💁‍♀️（年輕小姐，瘦瘦白白，長

【枝竹炆鰻魚，braised Vegi eel with bamboo shoots 】 first encounter, 去了荃灣，入去這素食店，叫了枝竹炆鰻魚。紅燒鰻魚和嫩竹筍交織在一起，演繹出美妙的味道之舞，一曲土地與水的交響樂。 每一口食物都低聲訴說著平靜水域的故事，喚起人們對寧靜景觀的夢想，大自然的恩賜與烹飪完美地融為一體。 這道菜不僅僅是維持生計，它還讓人們的靈魂沉浸在遐想之中，品味簡單而精緻的結合所帶來的詩意。

買外賣芋頭魚，成日比漏甜酸醬，已經不是第一次，專登返去問佢再攞，點知都係俾少包，服務態度又唔好，阿姐好似撞聾咁，講幾次都聽唔到，真心唔推薦，我好少寫劣評，今次真係忍唔住要寫

街坊素食店食物味道、外賣包裝ok，職員態度良好，平日也常來外賣，食物質素一向ok。今天是初一，外賣點了香芒如意露荀、髮菜琵琶豆腐煲、宮保聚雀巢，每款餸菜都有很多蔬菜搭配，色彩繽紛令人食慾大增，健康美味，不會太鹹，適合老人家。價錢ok，可接受，素食之選，平日多數買鹵味齋、點心或糕點，其實小菜也不錯。順帶一提，若想做善事可向老闆查詢。餐廳會安排派發福飯給有需要人士，捐贈福飯飯盒每個$30。行善積德，福有攸歸。

前幾天跟家人吃中午飯，未食過咁難食既齋，又貴又唔好食，服務態度又差，叫左碟羅漢齋炒麵$108，啲面好淋完全無炸過，最基本既程序都無做，而且剪到碎晒好似俾bb食咁，夾到夾唔起，最重要係多油到不得了，估計有成樽油，每一口都係食緊成羮油落肚，差到極點，老人家點食。叫左幾碟點心，遲遲未黎，等左幾個未催下，啲亞姐又呼洐了事，一話唔要就即刻黎到，不知謂，點心同樣差，好難食，以後一定唔會再幫襯！

今日要食素，小弟同太太由大埔來荃灣，想睇下有邊間可以試，咁啱經過，見佢有放題！問咗價錢！覺得都合理，就入咗去試！見過餐牌好似有好多款！未咩都叫下？老實嘅！小弟真係叫咗好多款，但係好多原來味道係一樣！都唔緊要啦！食到咁上下！有個哥仔嚟問我哋，仲要唔要落單？last order，未打算再叫多幾樣！點知個阿叔！唔知係咪部長！話我哋成枱都係嘢仲係咁叫！驚我哋食唔晒！最後冇叫last order!最後小弟絕冇浪費，全部清晒！坦白嘅！食物質素一般！不過價錢合理！但個部長態度就真係好有問題！不停係咁講，話我哋叫得嘢多！如果覺得叫得野多，你就唔好做放題啦！大前題，係我又冇浪費食物！如果浪費食物俾錢嗰陣你都嘈啦！又要做放題，又要唔俾人食得多！咁嘅心態就唔好做素食，轉賣肉食啦！肉食就好快飽！我又唔係冇俾錢，你唔使係咁講係咁講嘅！

14-7-2023 (Fri)同老公放假,朝早我哋送完膠就食嘢,喺呢頭冇咩好食,1樓冰室(https://www.openrice.com/zh/hongkong/r-1%E6%A8%93%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r674246)?老公話唔食喇,勁似大陸風味,咁邊行邊搵啦,我想飲茶,去蒸廬(https://www.openrice.com/zh/hongkong/r-%E8%92%B8%E5%BB%AC-%E8%8D%83%E7%81%A3-%E6%B8%AF%E5%BC%8F-%E6%B9%AF%E5%93%81-r742081)?老公又話迫,咁又係,我哋拎住個手拉車,唔係咁方便.咁老馮茶居(https://www.openrice.com/zh/hongkong/r-%E8%80%81%E9%A6%AE%E8%8C%B6%E5%B1%85-%E8%8D%83%E7%81%A3-%E6%B8%AF%E5%BC%8F-%E9%BB%9E%E5%BF%83-r740166)啦,就朝住呢個方向行,但仍邊

衛生情況好差，嘢食惡劣，價錢唔合理。同屋企人父親節嚟食飯，一見到門面已經冇期望。以佢咁嘅質素，如果你同我講話$50任食，我覺得就差唔多，雖然就算任食我都只係會淨係飲茶同屋企人傾吓偈算數。埋單最尾六百幾蚊，我都唔知點解可以收到咁嘅價錢，最厲害係我見到餐廳入邊都有其他客，我懷疑佢哋係同朋友打賭輸咗要呢度食飯做找數真漢子。成餐飯不斷有啲烏蠅飛來飛去，由於我係嚟呢度食齋，我都費事殺生。同埋就算你決定殺生我相信你都殺唔晒嗰度啲烏蠅。

呢度嘅素食真係唔錯嘅🤔 由細到大，講起食齋，媽咪都會諗到呢度🫣 我自己對齋無特別喜好，但呢度啲齋的確係唔錯嘅🙋🏻‍♀️不過今次最令我深刻嘅都係粟米粥🌽，其次反而係佢嘅糯米糍，炸物都叮噹馬頭😂 豆腐同炸鮮奶都okay，佢嗰香荔酥卷就有啲Un🤔 不過有一個扣分位係得返就粒糯米糍，佢問我另外嗰粒要煎堆好無，我未答，話出去睇下，入到嚟想話要其他佢就已經剪好放咗去我張枱😐 我都不太好煎堆嘅😓 好彩同行人話佢食，呢下真係有啲無奈😮‍💨佢門口有好多特色點心同自選齋菜，啲外型都幾靚幾特別，但就無再嗌了🫣整體嚟講，性價比都okay，係對佢無問過我嘅情況下俾煎推我食有啲反感🤥

今天朋友突然叫食飯，去了荃灣，本來想去沙嗲王，誰知原來關門大吉。記得荃灣有一間食齋的翠蓮素食，便去這間吧！翠蓮素食有任食齋菜，平日價錢$128不用加一，另計$8茶錢，便可選菜單上邊幾十款素食，雖然一個價錢任食齋菜，但都不可浪費食物！ 我們點了西汁香酥鴨，椒鹽豆腐，齋鹵味，五柳素仙班，豉油王炒麵，腐乳炒雜菜，糕點，餃子…等。我最喜歡吃齋鹵味，五柳素仙班和西汁香酥鴨，大家都吃得很飽才離開。聽說收銀處有一個捐款箱，會在特定時間烹成飯菜派給老人及需要人士享用，是一間慈善素食店！

叫伙記落單，叫左成3次，佢回應左你，但都唔行埋黎🙄️ 當你打招呼咁出餐慢🌚 90分鐘任叫任食，前後夾埋等左都半個鐘🌝叫多幾樣都唔比你叫，係咁話食左先 食哂先 唔好浪費，既然咁眼緊又點解要做任飲任食呢🤷🏿‍♀️😒味道樣樣都係偏淡，就好似新手試煮一樣😃

第一次去食呢間。。即叫即整素食😀👍🏻好味😋😋😋所以都不詳細介紹了。。。推介這幾款，比較好味。。香穌鴨，五柳素仙班，香荔穌卷，炸蜜瓜奶，沙律，金菇鴛鴦炆米👍🏻👍🏻😋

呢間係眾安街81號舖，翠蓮素食，係我以後都唔會再幫襯的鋪頭。我之前都會去買外賣，都係叫味菜牛柳絲抆米。今日又買咗，食到一半發現有東西咬不爛，一看原來係一個煙頭的綿芯，仲係啡色的煙頭，然後再發現我成個口已經都係煙仔味，超惡心。宜家役情咁嚴重，仲食到人地食完的煙頭，無良廚師無良食市。食素都係拜佛拜菩薩，但點解呢d食市可以咁無良心。一定不會有好報。總之就係不值幫襯。我馬上跑去理論，對方初時唔認佢地的問題，好似係一件小事。食物好唔好食已經唔重要，連食物的衛生都做唔好，又卦著素食的牌面欺騙街坊，真係快d執笠吧。