翠豐冰廳

營業中

休息中

本人是愛好咖啡人仕，每日起碼兩杯齋啡，本來很高興翠豐有即磨咖啡飲，但他的咖啡豆實在不知從哪裏買或屬於哪個國家！本人愛好齋啡，但若不加糖他的齋啡好像涼茶舖的苦茶，還加上酸；又酸又苦！希望老闆看到這篇文章可以考慮轉另一款咖啡豆！因為其他餐廳，如大家樂或大快活或附近的茶餐廳，他們的咖啡豆都不像翠豐這樣的！齋啡都十分好飲，我不用加糖；而不是又酸又苦的。因翠豐飲即磨咖啡是要另外加錢的，所以希望老闆考慮轉另一款咖啡豆。

經常要諗食咩早餐嘅，我就嚟咗呢間餐廳食，餐廳環境尚算闊落。 早餐嚟講選擇都豐富，今次就叫咗個最普通火腿仿鮑片米嘅米粉，份量我覺得略嫌有點少，但係味道是不錯的，不會死鹹，太陽蛋煎得幾靚。 價錢都尚算，可以接受

今日同阿囡整完回鄉卡之後，喺牛頭角附近，諗住搵間茶餐廳醫肚就算，係估唔到一間平平無奇嘅茶餐廳都比到驚喜。精選晚餐：✨豐翠無骨海南雞套餐配油飯及郊外油菜呢個套餐可以選羅宋湯或者老火例湯，我當然就選擇例湯啦，例湯就係普通老火湯味道，但都有好多湯渣食下，之後就講返個海南雞十分之好食，啖啖肉，有雞味，唔鞋，係個油飯就爭啲，唔係平時食開嗰啲油飯，飯硬身咗啲，唔夠油。✨蔥花叉燒滑蛋蓋飯估唔到茶餐廳都有咁好嘅水準，黎到已經覺得抵食，賣相好唔錯，滑蛋好香，唔會煮得過老，叉燒仲要係偏瘦，最鍾意食瘦叉，只係撈飯d汁就多咗啲。之後餐飲叫咗杯黑牛，而家呢啲咁嘅天氣，況且都好耐冇飲囉，另外我叫嘅晚餐仲送咗個雪糕甜點係一杯芒果雪糕，不過唔記得影相，係香港做自家製嘅品牌。喺我食緊晚餐嘅期間，我都不斷8卦留意附近客人食物質素，真係超過咗茶餐廳嘅水準🫶🏻另外以平日工業區嚟講，人流不斷，品質真係唔錯。

路過牛頭角見到厘間茶餐廳，諗住普普通通食個晏，行到入去正直放晏時間，只好搭枱啦。估唔到竟然係隱世茶餐廳，午餐有多種選擇之餘，仲包個中湯同野飲，都只係$6x。上菜快，又好食又大份，認真幾抵。

今日係牛頭角工業區見到呢間新開嘅茶餐廳，餐廳在工業區來講都幾搶眼光鮮，環境乾淨企理，見佢哋個海南雞飯好吸引，同事又搭單幫佢買多份牛腩飯外賣。落單後，等一陣間就拎得，真係快靚正😋招牌無骨秘製海南雞（配油飯）無骨海南雞肥瘦均勻，皮滑肉嫩啖啖肉。配油飯份量也不少，味道好香。仲有三款醬汁甜豉油、薑蓉同酸辣醬，好惹味~牛三寶飯有崩沙腩，牛筋同牛肚蘿白。崩沙腩炆到好淋完全唔靭，牛筋Q彈牛肚爽口，濃厚的牛肉香氣，整體不錯。附送紫菜湯，勁多紫菜好足料。

本來諗住是但找間店醫肚不過今次喺一間平平無奇名嘅餐廳中找到小驚喜佢個名好似啲大型連鎖嘅茶記不過食物就感受到有心去做價錢嚟計一開始睇唔算特別平同出面小菜價相近不過有個特別位係呢間茶記的晚市套餐會有雪糕所以有心人可以將雪糕配合飲品會有多一些變化今次試的是咸蛋土魷肉餅飯特別之處是魷魚並不是出面常食到的混入肉餅中而是切絲放上肉餅面肉餅份量好足一個大男人食都一定夠飽女士就最好同人share 食味道都很不錯有丁丁的小辣調味而豉油汁比較多近美極鮮醬油的味道所以配白飯都很開胃惟其可以更好的就是肉可能真係足料比較厚所以比較難做到超嫩的質感（本身都不錯了，不會蒸老了或死實實）所以今餐確實是水準以上有機會會再來試其他菜式👍但都想輕輕吐槽一下啲嘢飲熱朱古力太淡熱奶茶嗌咗多奶 最後變咗少奶茶走ok見到薯仔牛柳粒都多人推介牛柳肉質算係幾好薯仔可以再煎脆啲蜜汁可以再多啲食評懶寫咁多圖片附上食咗幾次唔同嘅菜式

放工之後我去左牛頭角附近搵嘢食啦！揀咗間冰室 佢嘅選擇好多噃有常餐 是日晚餐等等😬重慶辣子雞丁 $80呢碟嘢睇落好濃味 雞肉炒到金黃酥脆辣椒同花椒嘅紅色混合在一齊 好吸引人！食落去都好好味 辣椒同花椒嘅香氣係口中散開 雞肉嘅鮮嫩同辣椒嘅辣味好搭配真係送飯一流🤓蝦醬通菜炒牛肉 $75呢碟嘢嘅樣貌好吸引食慾 成座山咁高牛肉切得好薄 炒得好嫩多汁通菜嘅翠綠同牛肉嘅紅色形成鮮明對比蝦醬嘅鹹香同牛肉嘅鮮甜融合在一齊 味道濃郁我都升級咗套餐《有白飯、餐湯同熱飲 》+$15如果想飲啲冷飲 +$3我揀左什果賓治+$12 味道都唔錯保持到一貫冰室嘅水準😚😚總括嚟講 食物質素唔錯 性價比高有機會都會嚟試吓佢嘅常餐同埋鐵板餐😗

平日lunch間唔中都有去翠豐到食下，正正常常無乜特別，同普通茶記差唔多，今晚屋企無煮飯就買左佢地個晚餐外賣試下。我揀左牛乳炒滑蛋蓋飯配蒲燒原條鰻魚（$78）再加$3配凍奶茶少甜。賣相睇落都唔算差，但食落就真係唔得，雖然我都知鰻魚唔會係廚房燒，應該多數都係叫貨現成，但真係勁多骨，第一次食咁多骨既鰻魚，仲要唔係好夠汁。個蛋完全無味，都唔知食緊啲乜，好彩杯奶茶都叫唔錯，都仲有啲揸拿，但係唔會再有下次。

轉工前係呢頭既啟匯返工，見到呢間餐廳裝修中，但到我last day佢都仲未裝修好😂果陣隱約見到佢裝修好似幾是正同寬敞，今日咁啱有緣黎左附近就試吓佢～👅奶醬薄多醬料爆餡，外層多士香脆😋👅無骨海南雞配油飯雞肉幾嫩滑，雞皮同雞肉之間有層海南雞應該要有嘅啫喱👍油飯色水幾靚，但係唔算香，不過茶記水準嚟講不錯～👅芥蘭新鮮無渣，爽脆度啱啱好，冇芥蘭既澀味，唔錯👍👅乾炒牛河港式茶餐廳嘅經典，間唔中就會想食😬但呢度炒得唔夠鑊氣，無醬油香味，河粉偏碎，牛肉有啲韌，頗失望🙈

蜜椒薯仔牛柳粒 $78+$15 轉套餐（白飯、餐湯+餐飲）牛柳粒有六舊左右🐮炸過再炒肉質尚算軟淋調味鹹甜適中👌🏻薯仔份量多過牛柳粒勁多😂可能淨係食薯仔都夠飽薯仔拖過油🥔外脆內粉大舊啲既有少量帶生整體都算有鑊氣🍳白飯熱辣辣🍚軟硬適中幾好👍🏻

.‼️❤️ 記得CLICK我PROFILE關注我呀 ❤️‼️.🤤 Yᑌᗰ Yᑌᗰ ᕼK ᒪOᑕᗩᒪ ᖴOOᗪ @ 🌟 翠豐冰廳《👽食神大媽食茶餐廳》.💁‍♀️ 圖片展示美食為：泰式脆皮豬手 HKD 108瑞士汁乾炒牛肉河 HKD 48傳統懷舊西多士配煉奶 HKD 32熱利賓納熱鴛鴦.👽 大媽比較少經過呢個區，唔知道原來週末嘅時候呢個區好多餐廳都會閂左。剛好係星期日，正起度擔心冇嘢食嘅時候，就見到呢間救星有營業！一入到去，幾乎全場爆滿，睇嚟大家都好感恩有呢間救星營業。.🥞 剛好下午茶時段，有好多優惠嘅茶餐選擇。茶記一定要叫西多士係常識吧！好厚身，外層脆脆地，內層超軟，仲有滿滿嘅煉奶！好邪惡好好味！.🍜 再來多個「瑞士汁乾炒牛肉河」，上檯冒煙熱辣辣，牛肉份量同肉質都唔錯，河粉充分炒開唔黏口，火候十足。.🍖 見到餐牌推薦「泰式脆皮豬手」，呢個價錢，有成隻豬手，梗係要試吓啦！上枱賣相好唔錯，外皮上面嘅調味比一般鹹豬手更加香口！肉質保持JUICY，油香四溢。真係估唔到性價比會咁高！.🥤 跟餐野飲可以免費揀利賓納，好開心呀！再來茶底香濃嘅鴛鴦，大滿足！.⭐️ 呢間茶餐廳好企理，桌椅整潔一啲都唔污糟，大家記得支

圖片每款小菜都幾吸引🤪🤪🤪🤪🤪點知$90+(連白飯)係食創意料理，薯仔變炸薯角，牛柳粒變牛肉片。🤣🤣🤣🤣🤣懷疑無哂材料，廚房就地取材，見有乜就用乜😂😂😂😂😂雖然呢種操作好common，但變到三不像真係大開眼界🤭🤭咖哩牛腩一樣唔知係咪唔夠料，係隔離牛腩麵加兩舊落去，入味係入味不過唔係咖哩味😂雖然小菜收呢個價錢唔算貴，但咁嘅質素真係得啖笑🤭對岀餐0管理，廚房0認真

本身牛頭角餐廳唔多，所以翠豐嘅嘢份量足夠，坐又坐得闊落，晏就同下午茶都幾好食！價錢合理，所以身為街坊嘅我都周不時會過嚟食飯好中意食佢嘅吉列豬扒配薯條，豬扒好大份

.夏天嚟啦｜口袋裏面總有打風落雨👝外賣餐廳｜今晚 我去｜觀塘核心外圍｜牛頭角地鐵站附近｜💡🕵🏻‍♂️ 翠豐冰廳🍴💡.出名嘅有✴️ 鐵板晚餐｜無骨海南雞飯｜酸辣米線｜.睇吓餐牌｜感覺就係茶餐廳｜全方位🗺️ 中式 西式 全餐 粥粉麵飯 樣樣有👨🏻‍🍳👩🏽‍🍳我同朋友👫一齊點左兩個晚餐✌🏼1️⃣ 無骨海南雞飯 ｜有老火湯｜熱飲｜上菜速度非常快｜雞肉厚 鮮嫩 無血水｜有基本款醬料｜甜蠔油 薑蓉 酸辣醬｜黃薑飯 大大碗｜米飯粒粒分明｜味道穩定標準👍🏻｜2️⃣ 辣子雞｜有中湯/ 西湯｜加熱飲上菜速度 都好快🫨香 辣🥵 鮮｜有鑊氣｜非常下飯｜.最後 阿姐仲送咗個 vanilla 雪糕杯🍧 俾我哋非常完美😍既晚餐🥰———————————————————————-總結報告🉐📃性價比：8.0/10 🤨｜港式｜茶餐廳🍴｜冰室｜—————————————————————📬 翠豐冰廳🍴｜Tsui Fung Café｜牛頭角地址：觀塘偉業街91號地下💈 營業時間：07:00-21:30☎️：2117-3523 ｜9573-7613 可WhatsApp

今日天氣好好，想找一個有冷氣的茶餐廳休息下。行下行下便想起翠something，之後再多一段路，去了翠豐冰廳。午餐時間，門口收錢的，最少有10個人在等外賣，好彩有座，不用等。要了不同的丸，炒烏冬和咖哩牛腩飯。個丸和炒黑胡椒烏冬，我覺得一般la～但一說到個咖哩牛腩飯，個汁好味，牛腩入味，好食