翡翠拉麵小籠包

營業中

休息中

入到餐廳飲啖茶，發現係用茶包，吾似其他酒樓用茶葉，十分乾淨衛生。餐前小食😏小籠包試左原味，熱呼呼，一咬落去，爆曬汁，肉質都好鮮嫩。必食推介！小黃魚二人都吾太夠食，條鮮太細條！不過，煎得幾香脆，都有魚嘅魚味，而且魚的肉質鮮美，不會煎得過火。上海炒年糕讚下個年糕先！口感軟硬適中。我好怕啲汁太稠，或者完全冇味，呢間都做得吾錯，而且不會太咸。最後叫左擂沙湯丸沾上厚厚一層黃豆粉，加上薄薄的皮，一咬落去，吾算係非常流心，不過都幾香，下次會再叫

突然想食上海菜，就走去德福的翡翠拉麵小籠包，原本以為6點幾尚算早，點知去到門口已經超級多人在等位，都等左廿幾分鐘先有枱，真係估唔到咁受歡迎。一坐低，侍應就問要茶定水，大肚冇得試茶，就要水，不過聽到隔離枱問有咩茶選擇，知道得一款茶冇得選擇款就有D不滿。肚餓就快手點食，點左必食小籠包。呢度小籠包真係keep到水準，真心覺得起碼佢皮簿而且肉吸收湯味，大小剛剛好，可能之前食過其他唔好食的小籠包，皮太厚或是肉太乾，冇湯等等，有比較下，就覺得係唔錯，又唔算貴。上海排骨拉麵，拉麵清清地，配濃味少少排骨都適合，麵量對我黎講少左d，唔太夠喉，但排骨係整得唔錯，大大舊都好鬆化。韭王炒鱔糊，有d失望，配料太多，望落差唔多全部都係蔥，鱔係非常少，一d都唔抵食，味道係惹味，配飯麵都好好，但以呢個份量黎講，就以後都唔會再點，應該有其他更好選擇。上海炒粗麵，餸多麵多，味道係好，但唔好期望太大，覺得會有咩特別，只係中規中矩咁，就好似普通炒烏冬，但係夠晒飽肚。

芙蓉蟹肉扒冬瓜清甜，好味雞絲粉皮青瓜沒有清新口感，在吃纖維花生醬香粉皮爽沒什麼雞絲 雞絲鞋鍋貼個底超脆肉多汁好好味糖醋雞塊典型冶味咕嚕肉味雞湯燉麵湯和麵分開上雞湯清 而有火腿香麵條軟硬度適中

五香牛肉拉麵 (係三角拉麵)牛肉一咬就開，入味有得揀標準，三角拉麵，幼三角拉麵即係粗面但唔係一般上海粗麵咁粗略微有鹼水味，但質地不錯啖湯有d 似去飲果d 上湯味手抓餅當然係用手食 酥香，乾身，好味完上海炒年糕今次黎食上海野都係因為想食年糕年糕 (不論上海定韓國) 都係我的comfort foodLi 個年糕較稔身，味道正正常常law芝士小籠包第一次食特別味道小籠包本身以為用芝士做招來 會係勁濃烈芝士原來只係淡淡地一啖一隻略嫌大隻左少少但入口爆湯口感一流只係食落似。。。孖芝漢堡 XD

返工日日出去食，呢區餐廳都差不多試過啦。苦惱😖翡翠拉麵小籠包，擔擔麵一坐落去就有店員埋黎問飲咩茶，幾好，唔似有些餐廳直接上茶。點完菜，望下左右隔離，幾乎每台都有人點擔擔麵麵來啦～～～湯汁散發出陣陣花生🥜味，微辣的湯頭讓本來單調的麵多了幾層口味。一入口，辣椒油讓麵很滑，麵條軟度適中，咀嚼後，花生🥜味慢慢散發出來。再拌著碎肉，讓湯汁多了份鮮甜。一個人的午餐🥣，只能食一樣，小籠包，就等下次先試啦。

以前對翡翠係一般嘅，因為記得貴又吾飽🤣🤣🤣相隔幾年，再俾機會自己試下😆😆😆炸豬扒好入味！好香口👍🏻👍🏻👍🏻加上大大件🤣🤣雞𢇁粉皮，正到不得了！🙂🙂最緊要夠凍同多醬🤨酸辣湯面係我致愛💖💖💖夠辣夠酸，又多料😬😬😬食一碗，飽唒😆😆😆呢碟雖然份量比較細！但排骨大舊又入味，夠焾身，小朋友都食到！好好送飯🥳🥳🥳我食嘅時候做緊信用卡優惠，就價錢合理！兩大兩細食都夠哂飽😋😋😋

假日德福好多餐廳都好爆，但呢間餐廳唔洗等位，服務都唔錯嘅。食物選擇黎講同一般食上海嘢嘅餐廳差唔多，不過相對上多少少選擇，例如牛肉麵，有清湯、水煮仲有紅燒等等... 鍾意食辣嘅我就好開心喇！點左一個水煮牛肉麵 🍜 個味係唔錯，辣得黎又食到個味，啲牛肉煮得入味嘅，係個面比較淋，如果硬身啲就仲好啲啦😋再黎一個小籠包，一籠四個。質素唔算好特出，唔係唔好食，但又冇乜特別咁。有時候咁都已經唔錯呀，因為有啲地方係唔好食嘅🤭🤭

九龍灣閒日食lunch真係一個挑戰，特別係星期五，個個人都Happy Friday出去食飯，攞左飛都有排等呀🙈今日就去德福一如往往星期五咁多人，見翡翠拉麵小籠包門口人少最決定揀佢，點知我地最後都等左差不多20分鐘，等到好肚餓呀🙈🙈🙈翡翠拉麵小籠包無lunch set, 只有$88嘅小菜套餐同$328嘅某咭2人餐，經過我與同事們嘅精密計算，發覺散叫會抵啲😂 咁當然唔可以做蠢豬豬蝕底啦！櫻花蝦翠玉瓜絲都幾大碟，櫻花蝦比例好足夠，而翠玉瓜就偏淋，同櫻花蝦一個香脆一個淋都幾夾。小籠包湯熱辣辣，皮都算薄但係摺口有少少厚，肉味夠。櫻花蝦炒飯有一大堆櫻花蝦係面，上枱果時香噴噴😋 炒飯乾身，只略嫌味道有啲單調。上海粗炒色水好靚，每一條都有汁，又唔會炒到碎晒。加埋啲肉絲同冬菇絲味道好好，又夠香。鍋貼大大隻煎到個皮脆邊，依個都好好味架。依家翡翠拉麵小籠包仲有自家會員APP, 登記做會員除左可以遙距拎定飛，仲可以消費指定金額儲積分換食品同有生日優惠。咁下次就可以早啲拎定飛，唔使再等咁耐位喇🙈

今次係第一次嚟試呢一間翡翠拉麵小籠包估唔到一試就覺得系伏先講講服務生嘅態度唔太有善， 亦都有少少懶懶閒嘅感覺酸辣湯拉麵🍜個人認為酸辣湯整得太過酸食完仲有少少胃痛佢同辣嘅比例唔係咁匹配而且個拉麵做嘅掛汁亦都唔係咁好，拉麵亦都住得比較淋身再嚟多一碟上海粗炒完全唔合格上海粗炒味道過咸而且非常油膩，感覺好似飲緊成支油落肚成餐飯嘅性價比都唔高唔明白點解仲係咁多人等位呢個價錢完全配不上呢一個食物質素

三月中旬星期六晚上，天氣清涼。友人一向是翡翠拉麵面的粉絲，一星期起碼有一天要吃上一頓，老實說住在這邊已經一年多，卻沒有試過，不知道是什麼讓他這樣著迷，今晚正好一試見真面目。由於我們趕時間，所以很快就選好菜，先來冷盤鎮江肴肉，這道菜跟一道東歐菜非常像，制法也是利用豬肉豬皮本身的膠質作凝膠狀，豬肉跟凍膠一齊在口中融化，給各舌尖一個衝擊，分別是這道更晶瑩剔透，不愧為上海名菜。吃上海菜必點上海小籠包，皮厚度剛好，不會一夾即破也不過厚，放涼了也不變硬，湯汁配合嫩肉在口中爆發，這裡的肉非常嫩滑，一口一顆很是滿足。主食我點了五香牛肉拉麵，牛肉有五大塊，驟眼看去每一片都有不差的厚度，還很擔心口感，想不到牛肉厚而鮮嫩，夠味不過濃；麵條方面聽了友人建議要三角面，果然非常有嚼勁，而且能吃得出來是新鮮的，不過份量挺大，我就吃不了一整碗，其實可以兩人分著吃。在同類型吃上海菜的店來說，我是覺得這裡小吃到拉麵都有一定水準，特別是食材鮮度跟烹調技巧，作為日常飯堂是一個不錯選擇。

老公剛剛成為VIP, 用手機攞位,泊好架車,等咗一陣就有位食晚飯。 我哋一家三口 點咗以下餸菜:涼拌海蜇， 呢個係前菜， 阿仔至愛 ，每次嚟都會食， 海蜇凍凍地以及夠爽口 ，好正上海粗炒， 水準一直keep住 ，不過我就怕太油，老公就食到舐舐脷京醬肉絲配薄餅， 上菜時會配五塊薄餅， 薄餅略嫌厚咗啲，同埋入口帶點硬， 其實五片薄餅唔足夠包曬成碟肉絲 ，可額外再加$20，點多五塊薄餅。 因為啲肉絲就咁食會好鹹。菜肉雲吞湯拉麵， 呢個正常，水準keep到上海小籠包， 有水準，好味！

食過好幾次翡翠，一向都覺得唔錯，隔左一排冇食，今晚同媽咪黎食晚餐。由於喉嚨痛，清清地叫左個嫩雞煨麵，媽咪叫左上海粗炒，另外一個小籠包。小籠包好快黎到，夠熱，味道好。跟住黎個煨麵，啲嫩雞細粒到，量又少，可能得一湯匙份量，另外啲麵好淋，賣成65蚊，好難食。最後黎上海粗炒，諗住大路野實冇死啦，一黎到好似份量好多，點知成碟都得菜同麵，啲肉絲得幾條，仲要係極幼細，成78蚊一碟，真係完全唔值。限時食一個鐘三個字，又收加一但又冇服務，茶又自己加水，最重要係，食物冇誠意唔值，唔會再黎。

好耐無係呢間食午飯，今天再來，因為多咗客飯選擇，揀個餸，有碗飯，有杯羅漢果茶，價值$88再加一。 第一次係呢度叫餸食飯，揀咗宮寶雞丁，又因為係羅漢果茶，我倆都唔係好鐘意，所以只叫一個客飯，另外叫了個上海粗炒麵😊因為某機構員工優惠，有杯豆漿送，所以無要餐個杯羅漢果茶 lu 😁😁其實$88蚊加埋一，再加$3茶錢，以午餐來講都貴貴地㗎😅 不過間唔中食吓都可以嘅😙雞丁先生到先，好味喎！😋 但就唔係好夠辣同油咗少少，  但都接受喎，唔知點解食完都唔覺好油膩，唔通佢用嘅油比較好🤔 粗炒小姐都到，炒得幾靚，淡咗少少，但味道都唔錯😊👍🏼整體都好滿意，服務亦好好，環境燈光都舒服，係撘四人枱就同隔離近咗少少😅 但都係午飯，食完就閃都接受😁 我應該間唔中都會黎食吓😋😋

週末到德福廣場觀賞電影後的一人午餐，本想吃日式美食，但奈何排隊人龍實在太長。唯有四周看看廣場內哪家餐廳能夠有筆者的容身之地，結果就來到了「翡翠拉麵小籠包」。一個人的盛宴也點不了什麼大魚大肉的美食，只好點一碗麵食果腹算了。熬製酸辣湯的食材頗多的，眼見有豬紅、木耳、豆腐、肉絲等材料，口感甚為豐富；唯酸辣湯入口辣味很重，酸味欠奉。拉麵可以按個人喜好去選擇粗幼度，筆者選的是幼身的龍鬚拉麵。點菜時店員再三詢問筆者是否需要剪麵，不知就裡的筆者答允了，心想既然店員重複發問，想必是有它的需要吧。麵質是頗多的。但拉麵很難捌開，筆者匙筷並用，幾經辛苦才弄散了一點點。可惜夾起時仍然形同麵餅，也吃不到拉麵的質感是什麼了。60多元的一個麵食再加一服務費，也不是划算的一餐，唯麵食質素如此，實在有點令人失望。

係門口望望個餐牌，翡翠價錢都幾貴，但貴得黎值唔值先？幫襯翡翠，當然點客出名嘅小籠包啦，再點咗三鮮鍋貼，四川酸辣湯拉麵，紅燒獅子頭，同雞火炒雞.我重叫錯咗，叫"火雞"炒飯！小籠包：我要求嘅小籠包皮薄無穿，咬落有湯汁，夠熱，哩幾點翡翠都做到，我無點醬油食，略嫌味道重咗少少.三鮮鍋貼：唔合格！第一要求，底部香脆，做唔到，第二點，皮過厚，我食果時超熱，熱到辣咀，但底又唔脆喎！好奇怪嘅情況囉... 唔係用微波爐叮熱掛.....雞火炒飯：首先唔明點解叫雞火炒飯囉！ anyway, 個炒飯係唔錯嘅，飯粒炒得乾身，係一粒粒口感，我中意嘅口感，炒飯味道適中，唔錯！紅燒獅子頭：哩款菜係最滿意一環，獅子頭夾開時內裡呈現出粉紅色嘅豬肉，已經好吸引，豬肉鬆化入口即溶，已經超正，再加上味道帶甜嘅芡汁同新鮮嘅紹菜，配個雞火炒飯簡直一流！係喎！碗四川酸辣湯拉麵呢？吓！矛落單？重問我洗唔洗多蔥喎？咁係咪免我加一服務費？價錢偏貴，鍋貼失敗，重要漏單，即時由"好評"跌落"okay"!