翡翠拉麵小籠包

營業中

休息中

係CWB剪完頭髮, 就行左去Time square食飯. 見到有呢間上海野, 有D set lunch就入去試下.叫左個套餐, 有個雪菜蝦仁炒飯, 4隻小籠包同一杯豆漿.個炒飯可以用好好食黎形容, 飯粒分明, 雪菜有咸香, 炒得好好 小籠包都係有水準, 個皮, 湯汁, 同個豬肉都做得好好.另外仲有杯豆漿, 正正常常, 無咩特別.不過座位十分迫, 坐左係2個女人隔離, 2個係咁大聲係度講事非, 非常騷擾, 食完拿拿聲走.

星期五我地兩口子都要ot ,成9點幾先放工去食飯，一心諗住食「x泰豐」，10點05分去到門口....😩已截單唔俾入了！即刻search下，搵到time square 的crystal jade 關11點就快快跑過來。小籠包，好多肉汁，而且鮮甜冇「豬肉除」（因爲我麻麻地食豬，一般多油或肥的豬肉會有陣味我食唔到），我一人食左3粒。即叫即蒸但都好快上菜。素菜蒸餃：個人至愛，因足料健康入面有粉絲，菜，蘿蔔等餡料 。不過今晚呢個啲餡略為濕左小小。雲吞雞（一位）：有兩粒雲吞，出色之處係個湯好濃好入味，仲陣陣嘅藥材香氣。雞肉好淋，連啲骨都燉到綿哂。青瓜卷，同涼伴青瓜唔同，青瓜卷係考手工的菜色，手切青瓜皮，用醋浸成酸菜，酸甜而不辣，十分爽口開胃。擔擔面：是偏辣的🌶🌶🌶🌶如果5個辦為最辣 ，呢個面有4個辣 。湯底好濃好夠味。一個人食會太多，太heavy 。拉面是人手拉的，好爽身好好味。我地入來坐底已經10:30pm 但仲見師傅向度做拉麵。

4月1日的那天我決定跟車爸爸(的牙齒)分手，所以臨別秋波跟它們去吃一場離别的午餐！ 午餐後要到西環看牙醫，私心的選了到銅鑼灣吃是有原因的嘻嘻文末揭曉！最終選了翡翠拉麵小籠包。 在門口的電子餐牌見到推出了這櫻花蝦菜式，很富春天氣息一於就試試這浪漫的菜式啦！ 12時到達人不多坐於靠牆卡座，面對有點像日本料理店的吧位，其實亦是師傅拉麵的位置！  裝潢富現代感挺燈光亦舒適，尤其合我個喜歡相機食先的麻煩友！ 先選上來飲品大家一定以為蝶豆花椰果檸檬特飲是我的！那您便錯了我選的是玫瑰蜂蜜飲哦，幽幽玫瑰花香加上蜂蜜喝得十分舒服！ 蝶豆花椰果檸檬特飲拌勻後是我最愛的紫色，賣相十分吸引味道偏酸喜歡酸味的朋友會喜歡的！ 冷盤選上花雕醉雞車爸爸說雞皮挺爽肥膏不多，我只吃雞肉入口頗嫩滑，酒香幽幽的不會帶苦澀味。 上海小籠包＄40這店的出品從來具有一定水準！希望今次也保持得到！ 夾起來沒穿破包頂摺口位不算厚，咬開後見到包內肉球極富肉汁，味道夠鮮甜肉球亦鬆化，水準保持得住啊~ 接著點上的清炒河蝦仁亦已到來，香氣撲鼻未吃已有好感，一匙吃下口感最爽，彈牙鮮香調味

今日一個人來到銅鑼灣，咁啱經過又一個人唔洗等位，就入來食個快lunch . 因為一個人，被安排坐在bar 位，感覺好cool , 可以見到廚師一面煮，我一面食。Lunch set 點了雲呑面 ，小食是涼拌青瓜 ，跟餐飲品選了熱豆漿。通常來crystal jade 都是食小菜，小籠包，同一大班人，未試過食佢地嘅湯面。面條好爽口好好味 ，還有我最愛的芫西，不過好多面，最後食唔哂青瓜好爽 ，剪成三角形好難夾呢！不過味道是沒有問題的

翡翠拉麵小籠包可說是我的飯堂，九龍灣德福分店差不多每星期都會來一兩次，今天下午到銅鑼灣工作，特此來到品嚐一頓下午茶。黑松露鮮肉小籠包烏卒卒的小籠包，顏色上雖然不討好，但是黑松露味濃郁，肉味香口，包汁味豐富。水煮牛肉拉麵拉麵給端上時，麻辣味搶被而來，湯底辣得刺激。但是牛肉比較乾身，稍需嚼勁。可惜拉麵份量較少。鮮肉鍋貼黃鐵豐碩飽滿，肉汁豐滿。雖然是翡翠拉麵小籠包的常客，但首次真的見到拉麵師傅在客人面前拉麵，感覺非常新奇。

有日帶朋去落黎玩, 去到TIMES想食野, 中餐應該希望唔失禮,所以去依到.等左都有一陣, 之後入坐, 等左有一陣先有待應來. 食舍信用卡套餐優惠食品都似酒樓級別, 有雞絲粉皮, 小龍包等等...仲有飲品跟埋, 我就叫左意米水.

之前一直有食開呢間翡翠拉面小籠包，次次都會叫擔擔面，惹味得黎有時好味到連湯都會飲埋。今日中午同媽咪食Lunch，叫左四川擔擔面，京醬肉絲配薄餅同埋三鮮鍋貼。第一樣黎既拉面就不似預期，冇左麻醬味，想搵粒肉碎都冇，唔知以為叫左素既擔擔面🤦🏻‍♀️ 到京醬肉絲黎，真係嚇親，條條都係肥肉，想搵條瘦肉都難🙄🙄媽咪仲罷食🙈🙈 最後黎既鍋貼係最出色，熱辣辣個皮又脆卜卜，不過下次都未必會再幫襯🙈🙈🙈超失望！

自從加倍努力發掘新店尋找美食，從前常常光顧的翡翠拉麵小籠包已經有年多沒有光顧了。正值晩餐時段，食客如舊的人山人海。餐廳的裝潢也依舊的整理光鮮，摩登之餘又帶一點中式元素。座位唔太寬濶，但亦唔算過於擠迫.上海小籠包$40這小籠包一客四件，真是必點之物！小籠包子皮透薄，一咬，湯汁即爆出來！小籠包的湯汁極為鮮美，加埋香鬆的肉饀和陳醋的點綴，真的好吃！我可真一次吃完一整籠。京燒明蝦球$138這蝦球就是只有六顆。蝦球大大粒，肉質爽彈。由於京燒汁的味道比較濃味，酸中帶甜，當中又帶點辣勁，雖然蓋過了蝦的鮮味，但茨汁有點稠身，然而味道不錯，好下飯，是十分醒胃的菜式。蒜蓉豆苗$76這豆苗炒得不錯。充滿鑊氣，蒜蓉爆得好香，而且豆苗軟嫩，不帶半點草腥味，幾好。宋嫂魚羹$52這宋嫂魚羹質地滑溜，而透明清澈的湯羮中還有絲絲旦白和滑滑的魚肉。雖然味道清雅，但每一口都能嚐到魚肉和旦白花的滋味，然而味道比較淡，倒是一個幾健康的選擇。雖然香港的新餐廳多不勝數，但有實力的還是經得起時間的考驗，而且定價合理，水準十分穩定，倒是我吃小籠包的不二選擇。

翡翠拉麵小籠包曾經係好喜歡的餐廳，好耐冇來，就試下啦。可能只係11點幾，人唔多。睇下餐牌，小食冷盤平均$60至$80，同樓上金滿庭差不多，湯麵要$85碗。。。點餐後個侍應例行同每檯客講要等15分鐘，終於等咗25分鐘。唔緊要，好食就得啦。小籠包同蘿蔔絲酥餅還可以。兩碗麵冇味，所謂海鮮麵來到個賣相又差，得幾粒河蝦，幾粒海蔘同兩片雪藏魚，離譜。大失水準，浪費時間。攪錯，食上海嘢，點解係放桂林辣椒醬係枱，唔係豆瓣醬咩。以後唔會再來，咁嘅價錢，咁嘅味道，好過佢有太多選擇。

都一段時間無食過“翡翠拉麵小籠包”了，今午就去試吓啦！裝修後感覺上因加多咗枱嘅數目，所以有d逼夾，落單後店員話食物要等15至20分鐘，我哋都乖乖咁等～ 但一等就係半個鐘，叫店員幫忙跟進一下，竟然聽到廚房有人叫岀嚟，話食物已做好咗一陣，你哋無攞岀去吱嘛⋯⋯😤“手抓餅”食落表面酥脆但頗油同糊口👎🏼，“上海炒年糕”味道尚可，但年糕一d都唔煙韌👎🏼，另外最後就係（唔記得菜色名）嘅“肉絲配薄餅”，肉絲可能落得太多鬆肉粉，所以肉質食落有d怪，薄餅可能放咗段時間至攞岀嚟，5片都好乾導致一放肉絲上去包嚟嘅時候全裂開，搞到一手都係醬汁👎🏼👎🏼👎🏼。除咗等食物耐之外，一坐落隔離枱已好勞氣咁同d店員講，叫咗你哋幾次埋單都無人嚟，我心諗唔通連埋單都要等，原來係真㗎，要叫幾次至有人攞張單埋嚟㗎😤😤！

《翡翠拉麵小籠包》 #食在銅鑼灣📍銅鑼灣時代廣場B2樓B221A號舖-今日無啦啦想食啲辣野 跟住見到翡翠拉麵小籠包上海野都係食辣唔錯既選擇呀🔹紅油抄手 $52皮薄呢樣係幾好既，但肉質無咩味，食落有Ｄ鞋既感覺，辣味好重，連我食得辣都覺得有d辣呀！🔹上海小籠包 $40等左１５分鐘左右就有得食，即叫即蒸，新鮮多湯汁，而且＄４０一籠有四隻，價錢都唔太貴🔹四川口水雞 $78呢個係一個冷盤黎既，由於食落去凍凍黎，雞的表皮爽脆不油膩，口感嫩滑，配上辣醬好有絕配既感覺呀，食多兩舊個咀仲有麻既感覺🔹四川擔擔拉麵 $60麻醬係本人既至愛 一邊麻醬一邊又有辣味，勝在幾大碗，同人ＳＨＡＲＥ就岩岩好總括黎講，唔太食得辣既朋友就可以叫少樣紅油炒手

裝修後第一次再試，但食物及服務比之前差了很多，最中伏是蕃茄魚湯拉麵簡直似食剩的湯，同圖片完全不同，問經理佢仲話放了蕃茄，令湯沒有咁酸！！總之兇佈！！其他食品一般而已！！

芝士鮮肉小籠包 HKD$50 很不錯的的小籠包，本來諗緊芝士和小籠包會唔會唔夾🤔但食落發現有驚喜芝士和鮮肉湯汁的味道出奇地夾🤤🤤而且皮薄汁多，正呀🤤上海擔擔麵 HKD$60幾好食的擔擔麵🤣湯有濃厚花生味，而麵的軟硬也正好，有口感之餘不會過硬。可以一試。口水雞撈拉麵 HKD$78口水雞醬汁有少少似譚仔小食的重口味版😆配雞肉味道幾夾而撈拉麵的醬汁是口水雞醬🤦🏻‍♀️感覺有些死鹹，而且味精太重，食完好口乾。Ps:銅鑼灣分店下午茶時段手工拉麵黃點心有75折優惠

上海菜總會間中係我嘅餐單中出現，今晚突然好想食酸辣湯麵，即使要等一陣子都等！有位後馬上叫碗酸辣麵，呢碗湯嘅杰度ok, 味道夠辣及中等辣度，有肉絲、木耳及豬紅絲，材料唔算好多款，起碼冇豆腐及蝦，拉麵份量對眼！另外叫了醉豬手，酒味幾濃，皮爽脆帶點肉！加上叫了小籠湯包，皮唔算太薄，但肉汁一咬即流出，配醋一齊食都幾唔錯！

見下午茶有75折，諗住想食得飽肚D又好魂無黎咪黎食，點知中哂伏！！叫左3個麵質素都好差：1. 擔擔麵完全無料，湯底勁油似係放左好耐出哂油咁勁難食，淨麵加隔夜湯都成＄6-70真係好唔抵2. 燉雞麵勁少料得幾件碎雞，唯一覺得個湯算幾濃似返D樣3. 牛肉麵雖然多料但好UN好難咬，質地都怪怪地咁即時上網睇返食評原來已經有人講翡翠拉麵小籠包的質素差左好多，仲有人提到擔擔麵好唔掂，先知已中伏，又貴又難食，平一半都唔想再黎食！！真係下次真係要CHECK清楚openrice先好去食野⋯⋯