老上海餛飩舖 (裕景坊) (已結業)

第一次幫襯，不過應該都係最後一次，因為佢哋好六月二號就結業(租約期滿)。 本來想要粗麵，但原來佢哋得幼麵咋，唔緊要。 不過我哋明明話走蔥，佢竟然成羹蔥拎過嚟。都唔緊要，我哋可以自己「不」走。因為第一次食幫襯，以為佢哋嘅豬扒係炸嗰隻，點知原來只係輕輕拖一拖油，冇用炸粉。又唔緊要啦，OK好味就可以。 以份量計算，佢係幾抵食嘅(原價$35，我哋加咗$10雪菜)，碗麵都好大(男士都應該夠食)，塊豬扒雖然得一塊，但係我覺得冇偷工減料。 我欣賞嘅係佢杯豆漿唔係好甜，雖然我飲唔出係咪自家製╮(￣▽￣"")╭

有冇人同我一樣好鍾意食雲吞，我有特別嘅外號就係鍾意食啲細細粒嘅小雲吞，所以呢類型嘅舖頭一直都係我嘅最愛之一30幾蚊已經有好多粒，食到好飽，佢嘅湯底都十分之鮮味，加埋啲紫菜連小雲吞一啖食落肚，真係好正

朋友介紹黎呢間上海舖食早餐舖面好平凡，唔太好上海野嘅我自己一個的話真係未必會入黎餐牌上面選擇好多，竟然港式早餐都有，不過難得黎到，試下朋友推薦嘅小餛飩啦揀左薺菜小餛飩米粉其實巳經叫左少米但仍然勁大碗😅小餛飩竟然10粒咁多仲要隻隻都好足料真係⋯⋯食完餛飩都飽左🙈

元朗不嬲出名多嘢食多都唔知點樣揀好😂😂行行吓經過呢一間舊式嘅舖頭見吾洗排隊 於是膽粗粗入去試吓我叫咗碗雲吞米線 真係超級大粒雲吞好新鮮 粒粒都好大粒雲吞皮亦都好滑👍🏻👍🏻👍🏻加埋佢啲辣椒油👍🏻👍🏻👍🏻好得好想買埋佢支辣椒油返屋企😂😂😂由於碗雲吞太大碗啦我覺得兩個人食都得最後食淨🥲🥲🥲因為實在太大碗😂😂😂總括嚟講間舖頭嘅裝飾呢就比較舊式啲嘅但係勝在食物質素贏唒下次會再嚟幫襯🤗🤗🤗

今日同朋友去晏畫去元朗行街,諗住搵間平平地的餐廳依下肚,我地一見到佢個餐牌就覺得好抵食,賣相又吸引於是就入左去試一試,試下好唔好食....果然出乎意料薺菜鮮肉小餛飩麵+豆漿 下午茶2點半後去食價錢好經濟實惠,仲要有成10粒餛飩!!!味道仲要唔錯😋每粒餛飩都皮薄足料,配埋麵底食完個肚超滿足😁 杯豆漿更加唔駛講,好香濃的豆味唔似其他餐廳會加糖落去,味道好天然😋雖然只有熱飲,但正正係因為熱飲先更易帶出豆的味道,真心覺得正

今日去開呢頭，老公話想食上海野，咁我地就入左去～ 場內格局冇咩特別，都算乾淨企理menu可以選擇既菜式都幾多，但因為我唔太肚餓，所以叫左13粒小餛飩..... 而入面好似係有3款款式既餛飩。小餛飩一上枱既時候已經覺得好吸引！因為佢包個size係一啖就食到，而且皮薄！ 一食既時候果然有驚喜細細粒餛飩但材料非常足！而我老公就order左正常size既餛飩，但就揀左唔係湯上，用花生醬撈上... 我都未見過原來餛飩可以用花生醬撈～～ 不過我唔鐘意食花生醬所以冇試到！但老公都話好味佢另外叫多左碗炸醬撈麵，佢一食第一啖就「哇」左出聲，話個味道好特別 話好少地方有最後就係杯豆漿入得出係自己煲，唔係一支支叫貨 豆味重，不過略嫌甜左d下次一定會再試其他食物！

你當老上海喺元朗應該係新開嘅，之前冇見過，中午入去試吓，兩個人食，叫咗一個鮮肉小雲吞，一個大韭菜雲吞河粉，飲品揀咗豆漿，相對之大雲吞比較小雲吞好食，可能個人唔係咁鍾意食太薄皮，大雲吞皮比較厚，如果鍾意食啲肉瘦呢度係唔錯嘅選擇，但係我自己就略嫌肥豬肉唔夠，不過咁樣係健康啲嘅，反而想講講嘅係杯豆漿，有別於其他粉面店一式一樣嘅交貨豆漿，呢間嘅豆漿係比較香，比較好飲，可能佢搵第二間攞貨啦，好好飲，夠香濃，先6蚊杯

好鍾意食上海嘢，餛飩係我嘅至愛， 晏晝就去匯豐後面小巴站嗰邊食好西🥟餛飩方面有好多組合選擇👍 樣樣都好想食 😆最後揀咗全家福小餛飩再加$10.00 要拉麵撈底😚小餛飩有三款口味，有鮮肉、芹菜、薺菜， 有13粒或18粒選擇， 叫咗13粒嗰隻， 以我個人呢講最鍾意一啖一粒啪落口度食夠曬方便🤗 撈麵揀咗蔥油味，另外還有花生醬味😊👩‍⚖ 餛飩幾好食， 啲麵彈牙、可口同煙韌， 蔥油味幾香，麵質亦唔係腍bet bet嗰隻， 最緊要就係有我好鍾意剁椒😍，無論撈麵或點餛飩食， 好對味， 夠曬辣， 一路食，鼻涕同埋口水分泌出曬嚟， 夠曬過隱😆而且餐廳環境企理乾淨，還有早餐、飯食， 下次再嚟試埋其他😋👍

今日假期和先生來到位於元朗的老上海餛飩食中午餐，到店的時候店家剛開門，店內空無一人。這店主打食餛飩。當中又以套餐最為實惠，今日我點了炸醬麵和薺菜大餛飩。炸醬麵伴有2 條青菜，炸醬味濃，混合麵條一起食用，味道不錯。薺菜大餛飩餛飩皮非常厚， 菜多肉少，非常普通， 缺乏應有的鮮味。食了一碟炸醬麵後，肚子已經沒有空位可以容納厚厚的麵粉皮，味道一般般。店內冷氣強勁，播着 輕快的音樂，令人感覺放鬆， 可惜食物比較普通。

是日來到老上海餛飩舖，環境不般但空調充足樓面店員只有一名，非常辛勞餐牌上不單錯別字多，連內容也很混淆我們點了炸醬麵配薺菜大餛飩套餐，配非原味餛飩要加2元而等待時間亦頗長先上薺菜大餛飩，份量充足，餛飩大件，肉汁亦足湯頭味美，但亦有下調味然後是炸醬麵，一上菜已見到濃濃的肉醬，且麵底亦幼而滑，混合後味道偏鹹，但亦確實不錯，而以這個價錢來說份量算是不少整體來說這餐廳可以一試，份量足味道可以，喜歡上海餐的朋友有多一個選擇

最近日日都有酷熱天氣警告，無胃口之下選擇咗食餛飩😊經過呢間新開嘅店，標榜老上海，即管試一試😊店內環境寬敞，光猛簡潔👌🏻下午兩點過後有茶餐包熱飲一杯供應，點咗兩個：🔸鮮肉小餛飩麵10隻$28小餛飩可是一口size，一口一粒啱㗰女士選擇👍🏻餛飩口感較粉及偏實😅反之，麵的粉量就非常充足。🔸芹菜鮮肉小餛飩麵10隻$28每碗麵都有不少的紫菜附送👌🏻雖然是一口大小，但食哂整碗麵都非常飽😉🔸熱豆漿附送飲品選咗熱豆漿，豆味香濃，熱辣辣，正👍🏻整體不過不失，價錢合理👌🏻

🍴原味鮮肉小餛飩 15 隻 28 蚊 🥟下午茶時間仲有汽水 or豆漿送 (個豆漿甜度適中 都唔錯)呢間喺元朗既老上海新開冇耐 見到 menu上面有唔同口味既餛飩餃同小餛飩揀 小試牛刀就試左佢既小餛飩 15 隻28 蚊都算抵食 . 佢個湯底有 d魚味 葱花魚乾仲有紫菜🌿🐟 冇乜味精 餛飩個皮整得好爽滑 又夠薄 值得讚賞 我好無聊數過真係夠15 隻 😂 小餛飩入面既豬肉 係新鮮既 juicy豬肉味濃 🐷 真係整得幾好食 我幾滿意 !#雲吞 #小餛飩 #餛飩 #上海菜 #粉麵Score 平均分 <7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#老上海餛飩鋪元朗裕景坊27 至31 號金倫大廈地下1 號鋪~~~~~~~~~~~~

行到攰攰哋，見到一間老上海餛飩舖， 又想食餛飩，又想食上海麵，而餐廳有湯麵及乾撈麵， 天氣悶熱，左諗右諗，最終我選擇了韭菜鮮肉餛飩加蔥油撈麵。見到隔離枱的客人，碗碗都係滿滿的，開始怕自己食唔晒。韭菜鮮肉餛飩皮薄煙靭，內裡菜肉餡鬆散，韭菜有𡁻口，鮮肉餡的肉是一少粒、一少粒碎碎的，每一都口啖啖肉汁。蔥油乾撈麵味香，麵質地較乾身，麵條彈牙。枱上有蒜蓉辣椒醬，味道香辣帶酸，沾餛飩食份外開胃。在元朗價格唔算便宜，但計算質量都算不俗。

小餛飩太小，如果唔加麵一啲都唔飽，地方雖然暫時清潔，但應該不會再食，食物太少，收費貴，無飲品送，相對價錢比附近的餐廳貴，加上餛飩餡唔特別，相對梁記餃子扺食好多。