老上海麵館

營業中

休息中

咁啱來到大窩口呢頭，捻唔到食咩就惟有周圍行下。行下行下見到有間上海麵館，價格睇落都公道，於是入去坐低食晚餐。店舖唔算大，位置大概有10幾個，顧客大多都係街坊。入到去落單大概過咗5分鐘唔夠已經有得食，上菜速度超快。目測店舖由一對年紀約60歲嘅夫婦經營，老闆娘負責樓面，老闆負責廚房。老闆娘非常有禮貌，服務體驗良好。食食下加多咗6蚊叫咗杯豆漿，都幾好飲，豆味算濃，唔算太甜。可惜因為條例關係，堂食叫唔到一樽。下次做回頭客果陣，應該會外賣多樽走～一個字，抵！

咁啱經過附近諗lunch食乜，見有間小店就幫襯下。中午時間初時得2、3個客，之後有5、6個人就開始feel到冷氣爭啲。叫咗個雙拼麵：牛腩+蔥烤豬扒，雪菜湯底，再加杯豆漿，總共$49+$6=$55。豬扒雖然已經薄切但仍feel到「鞋」，反而牛腩夠淋夠入味，叫做拯救返半碗麵，而個湯底都幾有味。豆漿就咁啱聽到隔離枱問，樓面話係有加糖，不過我感覺唔算特別甜。期間有個客拎外賣又拉住個手推車，樓面阿姐好主動去開門比佢，服務+1。整體嚟講都唔錯（撇除個豬扒），要求唔高嘅可以支持下小店，不過要注意佢哋只收現金。

今天午飯時間經過了荃灣荃貴街富麗花園的📍老上海麵家， 記得之前光顧已經是疫情前的事了。🍽 麵店面積細小因今天時間尚早所以未有什麼堂食顧客，今天點了🐂牛腩上海麵和香蔥🐖豬扒米粉。💢牛腩湯底味道依舊鮮味濃郁，而上海麵質地煙韌彈牙，牛腩炆得很腍身亦很入味，配上炸菜絲同吃滋味一流。👍💢至於香蔥豬扒米粉，清湯底亦很鮮味，豬扒薄醃製夠入味，肉質幼嫩配上鮮蔥味夠香濃，加上雪菜粒更提升美味很不錯的一個米粉。記得早前光顧麵底分量相當多，一個人通常吃不完；但今次就發覺份量少了。但無影響其質量和味道，仍然是性價比高的一間隱世小店。

讚1.雙拼麵都只係四十幾，同地鐵站對面果間唯一比較，真係好抵2.碗麵係有水準既，麵質最好，爽滑，豬扒夠蔥油香，同好入味，呢區又少有上海麵店有蔥油豬扒，雪菜係鹹中帶甜，好傳統既滋味彈1.只可以用安心出行app2.雲吞餡太實淨啦，皮亦唔滑，有啲失望，雪菜亦少左啲

獨自食晚餐過見到依間老上海就入咗去佢門口有投疫一人餐$49蚊就入咗去試下主食+小菜+飲品細細個爸爸成日帶我去食上海餛飩麵所以有啲期待食佢咁佢有大小餛飩簡大就10粒 小就15粒有四個口味可以簡最特別有薺菜水餃但我今次係食咗芹菜豬肉小餛飩我再加$10加咗麵食小食簡咗4件雞翼飲品就叫咗豆漿佢啲小餛飩大概係$5銀咁大皮薄但芹菜味唔重但整體算OK加咗個個麵係幼身上海拉麵口感有啲煙靭幾鐘意咁佢個雞翼我覺得幾抵食有4隻SIZE唔算細滷得好入味一咬就會離骨不過一開始有啲少意外以為樓面姐姐漏咗我單之後發現原來佢打錯咗外賣但佢係知我堂食所以佢之後都有一直同我講唔好意思因為都等咗10MINS以上先食到可以有下次試下佢個薺菜同涼泮海帶

首次到訪，點了紅燒牛腩麵。份量適中，有五至六粒牛腩，唔靭；麵彈牙，唔會一餅野。仲會問你配雪菜定榨菜應該由一把年紀的兩公婆經營.......重點係唔駛$30有肉吃的麵（全日價錢），荃灣區好多地方都唔得，路德圍一定冇可能。有興趣就嚟試吓，認清楚地址呀！

路德圍真係好多野食通常都係同一類鋪開在一起所以就有麵街啊 糖水街啊 等等.老上海餛飩舖🇨🇳幾多人食單點一般為$3x 套餐價錢就抵食啲$4x~$5x.蒸餃🥟包得好靚 幾多蔬菜炸醬麵🍜拉麵好新鮮 不錯小餛飩🍲同大餛飩味道一樣個人覺得大餛飩比較好吃 豬肉饀料多點全家福餛飩🍤蝦味 即叫即包 幾足料意思是有齊原味 冬菇 薺菜 西芹 粟米 各2粒

突然想吃水餃 就來到這間 一開始看到沒什麼人 不知該不該試一試 但還是進去了 我點了炸醬牛腩韭菜水餃湯面和熱豆漿 我很滿意 價錢便宜又大碗 牛腩很軟嫩 炸醬很夠味 水餃也好吃 豆漿是甜的但剛剛好 很滿足的晚餐 會再光顧！

平時我地食嘢都好夜，都好苦惱食咩好，去到大窩口其實選擇都吾少喎，今次我地就試咗這間小店，沒想到十點都有吾少人黎幫襯，我地今次叫咗二個食物加一枝豆漿，價錢都吾貴，而且味道不錯。餃子夠大隻又足料，而且仲有炸菜和雪菜選擇都不錯，湯底都比較淡，餃子配上辣醬和醋十分好食。另一碗是炸醬豬扒面，炸醬堅好味，而且份量勁多，豬扒口感吾錯，吾硬身又有豬肉味，面的份量都十足，我地最後再叫了一個豆漿飲，但豆漿味就偏淡，下次會叫汽水會比較好。夜麻麻都可以食到上海麵真係一個唔錯選擇。

以我所知呢間麵店開咗幾個月，聽聞老闆娘以前係響轉灣對住公園商場門口嗰間上海麵打工另起爐灶，我都有啲印象，個人覺得呢間店菜式雖然無嗰間咁多款選擇，但係呢到做的比較有誠意，點解？最簡單一點，起碼佢啲湯夠熱同埋啲麵煮得好啲...別的不要講了...試過兩者就知道分別...好味夾大碗 一個人食一碗的確好夠飽牛腩夠入味，牛腩汁加入熱辣辣既湯裡面真係好正仲有薺菜餃依家好少地方會整，值得支持可以揀雪菜或者炸菜做配料韮菜餃大大粒，饀料相當夠份量，好香口每次黎食都一定要食雞翼又香又入味豆漿就普普通通啦，不過大大杯，好多時食完碗麵都飲唔晒一杯豆漿，因為碗麵的確夠晒份量價廉物美個人覺得仲抵食過車仔麵/雲吞麵