老北京 (渣甸中心)

營業中

休息中

今日同同事去咗銅鑼灣一間中菜館，試咗佢哋嘅午餐半自助餐，抵到喊呀！呢間餐廳嘅午餐半自助餐真係好抵食，$65一位咋。首先，你就可以任食佢哋嘅前菜、餐湯同埋生果！前菜有幾款涼拌小菜，酸酸甜甜幾開胃，餐湯就係老火湯，飲落去暖笠笠，好足料！生果方面，有幾款時令生果，甜度適中，啱晒做飯後甜品。最緊要係，你可以自選一道餸菜！我同朋友就揀咗兩款唔同嘅菜式試吓。我揀咗個雲吞雞，個湯底好鮮甜，雲吞皮薄餡靚，雞肉都幾嫩滑，份量都幾足！朋友就揀咗宮爆雞丁，嘩！呢個宮爆雞丁真係一絕！雞丁炸得外脆內嫩，個醬汁又香又辣，勁惹味！配埋白飯食，簡直係完美組合！總括嚟講，呢間餐廳嘅午餐半自助餐喺銅鑼灣區嚟講性價比超高！選擇多，食物質素又好，價錢仲好合理！無論係同朋友聚餐定係一個人食lunch都好適合！

睇黑白大廚見到拔絲，一直好想食拔絲地瓜。特登搵下邊度有得食，留意到呢間老北京有得食，專登出嚟食下！好開心，終於滿足了願望。/ 拔絲地瓜 /滿滿心思嘅糖絲，觀賞值十足！加上新鮮熱辣嘅地瓜，包上香甜脆口嘅糖衣，一啖咬落去，再迎來粉嫩嘅地瓜，大滿足！一直要嚟試。不過記得早啲落單，都要等一段時間先有得食。/ 韭菜盒子 / 經典街頭小食，還原度很高，值得一試。/ 老北京打鹵麵 / 豐富嘅配料，加上彈牙嘅麵條。第一次試呢一道菜，風味十足，係新鮮嘅體驗。呢間餐廳嘅裝修，同埋食物嘅款式，都有北京嘅特式，服務員都會用普通話同你溝通，真係令你覺得好似去咗北京一趟咁。大推拔絲地瓜！

朋友想食京菜嘅餐廳,所以我地去左銅鑼灣老北京。安頓好座位就先選了菊花茶夠清香又清熱，晚上飲唔怕訓唔著。我哋選了以下菜式-韮菜豬肉水餃煎-煎得好香脆,皮薄餡多包著充滿肉汁,清香韭菜鮮甜豬肉一起吃下。高湯小籠包-小籠包，皮薄不易穿肉鮮充滿肉汁。辣子雞丁-雞丁肉嫩滑超微辣味道層次豐富。老北京芝麻醬糖餅-這個菜是北京地道菜酥軟中帶著甜甜地不會油腻。京醬肉絲（配春餅八張）-非常惹味香口,醬汁令到菜式更加好味,用春餅夾著食更加正越食越開胃。拔絲蘋果-糖絲在蘋果上又不會過甜亦不會黐牙,賣相又吸引真係手機先食是一道功夫菜式。

📍老北京 銅鑼灣📍最近同朋友講起好想食北京填鴨，於是就嚟咗銅鑼灣呢一間老北京食😍，見到個名就覺得應該係北京老字號，果然佢嘅填鴨非常好食！😍北京烤鴨半隻皮脆肉嫩，配上填鴨醬、青瓜絲、蔥絲，包上薄薄的麵皮咁食，非常好食。有啲可惜，早知就叫一隻，完全唔夠喉！😍酸菜白肉鍋呢一個酸菜白肉鍋非常有驚喜，好足料，除咗有酸菜同白肉，仲有粉絲！加上泡椒，味道又酸又辣，非常開胃，好適合用嚟配飯飯。😍清炒萵筍清炒萵筍，但係鑊氣十足，鍾意食萵筍嘅人覺得非常好食！😍大葱豬肉餡餅呢個餡餅啖啖豬肉，餅皮煎得香脆可口，好食。地理位置方便。茗茶有多種選擇，最特別係有得叫菊花茶，下火清熱。

今日同朋友約好去銅鑼灣老北京食晚飯。我地去到先要菊花水飲住睇餐牌。我哋點左辣子雞丁，韮菜豬肉水餃煎，高湯小籠包，老北京芝麻醬糖餅，拔絲蘋果，京醬肉絲（配春餅八張）。辣子雞丁：鮮嫩雞肉配上乾辣椒，花椒爆炒非常香口野味。韮菜豬肉水餃煎：肉質好韮菜香，煎到兩邊都金黃。高湯小籠包：新鮮肉餡加上被皮薄包著既熱湯一口咬下非常好味道。老北京芝麻醬糖餅：芝麻加花生醬非常香配合糖餅食口感味道都好好。拔絲蘋果：糖香脆成絲鳥巢造型，非常吸晴，包著炸得香脆蘋果。蘋果仲保持到清甜可口。京醬肉絲（配春餅八張）：熱辣辣春餅包住醬爆過肉絲，韭黃帶起不同味道。

與朋友相聚去嘗試家鄉的味道，偶然走進了這間小店，出奇地找回了家鄉的味覺。想不到在銅鑼灣中也有這種隱世小店。裝修風格唔錯，幾舒服，亦有私隱空間。首先，我們點了京菜必不能少的招牌菜。北京烤鴨（半隻） $258烤鴨的肉質鮮嫩，油而不膩，皮貼着肉，比其他店舖更為嫩滑爽脆，不會有皮尖着很多肉的情況，極為好吃。二食：津白鴨骨湯 $100使用烤鴨的鴨骨熬製的津白湯，不油不膩，鴨味十足， 十分適合一邊吃烤鴨一邊飲用，蔡香味和鴨油香混合在一起，鮮味十足。雞絲粉皮 $88這道傳統的京式小食製作得非常用心，計時十分嫩滑，配上特製的醬汁和冰冷的粉皮，使人十分開胃。宮保雞丁 $128雞丁與腰果混合一起進行爆炒，香味十足，雞丁與腰果的氣味混合，再加上辣椒，又辣又香，屬於必叫之選。老北京炒麵 $128傳統的北京炒粗麵，香味濃郁，鹹甜適中，具有家鄉的風味。滿足滿足

.今日同朋友出開銅鑼灣買野順便同朋友去咗一間特色嘅京菜館lunch🙌🏻一出𨋢門見到個招牌好有特色，好耐都未見過古色古鄉嘅feel👍🏻餐廳裝修都好懷舊有古代feel✅佢哋嘅set lunch都好抵👍🏻半自助餐咁❣️食物亦都好出色糖醋排骨食菜一定係食糖醋排骨必點😋最鐘意酸酸甜甜咁非常開胃😋 肉質鮮嫩多汁，外焦裡嫩。獨特的糖醋醬汁由優質醋、天然糖和秘密調味料精心調製而成，酸甜適中麻婆豆腐🌶️麻婆豆腐，最經典既川菜，以其濃烈的麻辣風味和滑嫩的豆腐著稱。選用新鮮的嫩豆腐，搭配豐富的牛肉末，再以特製的豆瓣醬、花椒粉和蒜末調味，讓每一口都充滿層次感青瓜🥒涼拌粉皮新鮮既青瓜切絲，搭配Q彈的粉皮，淋上特製的醬汁，酸甜適中，令人一口接一口。每一口都係清新的滋味紅豆沙我覺得有少少特別呢碗紅豆沙比平時好食好多‼️經典既中式甜品，選用上等紅豆，經過細心熬煮，煮至軟糯香甜，口感滑順📍老北京 (渣甸中心) (銅鑼灣)銅鑼灣渣甸街50號渣甸中心5樓

原來宜家老北京都做緊午市套餐！半自助㗎幾抵食💁🏼‍♀️除咗主菜之外仲會有多款京式凉菜、蕃薯、粟米及例湯！佢哋嘅菜式都都係正宗北京菜嘅！如果喜歡食北京菜嘅話值得一試⚡️葱爆牛肉味濃香口，爽脆的京葱成功吊出牛肉香，整個配搭用來佐飯實在惹味不已。⚡️酸菜魚酸菜味道鹹酸，有助增進食慾、幫助消化，還可以促進人體對鐵質的吸收。真係好好食呀！又惹味非常開胃嘅菜式。湯底亦都濃郁滋味。半自助位置都有涼菜，冬瓜湯，糖水白飯！任食真不錯

和幾個友人相聚，來到這一間京川菜館，餐廳裝飾走古色路線，燈光環境較暗，即使當晚坐滿客人，也沒感覺嘈吵，很適合三五知己共聚一餐-老北京炒飯（京蔥蛋炒飯） $108金黃色的炒飯，炒得顆粒分明，吃得出每粒飯都沾有蛋汁，充滿鑊氣，蛋蔥香味四散，十分開胃-北京烤鴨 $258（半隻）吃京菜最著名一定是北京片皮鴨，我們點了半隻試試，份量頗多，片皮鴨鴨香味十足，外皮酥脆鬆化，肉質嫩且滑，個人喜歡這裏的餅皮偏薄，加入青瓜和甜醬等配菜口感十分豐富，朋友們都讚好！-二食：津白鴨骨湯 $100他們的二食是用剛才片皮鴨的鴨骨熬湯，這是一道出乎意料之外好渴的湯！湯是非常濃稠的奶白色，真材實料湯裏有鴨骨和鴨肉使湯汁更入味，加上津白令湯味更清甜-老北京炒麵 $128炒麵濕潤、多汁，面質偏彈牙，有點像烏冬或拉麵，有椰菜絲、紅蘿蔔絲，簡單配料卻又很有惹味，很好吃！-宮保雞丁 $128雞丁麻香微辣，雞肉嫩而不油，加上脆口的花生，充滿香氣，配以白飯十分開胃

銅鑼灣有間北京菜餐廳🥢✨除左菜式香辣惹味，店內裝修更是優雅，充滿中國風格，濃厚文化氣息🏮🍃餐廳已經有一段時間，吸引左好多熟客，食物質素不錯🤩🍽️餐廳半自助餐形式，享受不同美食。今日我有鴨湯🍜紅豆蕃薯糖水，各式各樣的薯菜同新鮮水果🍉🍊任食酸菜魚🐟鮮香酸辣，魚同酸菜口感鮮嫩，湯汁濃厚宮保雞丁🍗雞肉、花生同青椒製成，味道香辣可口，色澤鮮艷老北京 (渣甸中心)📍銅鑼灣渣甸街50號渣甸中心5樓

心血來潮想食片皮鴨朋友上網見到呢間好似食唔錯於是一齊試吓去到地方好細，比較雜亂而且人手不足，揾個人落單都難（不過職員好有禮貌）上菜非常之慢，唔講以為自己去咗食法國菜😑每道菜之間相隔勁耐整體食物麻麻，特別係主角片皮鴨，非常失望唔會再有下次

今晚同朋友去了間特色京菜館，這間餐廳位於銅鑼灣渣甸街50號渣甸中心5樓，一出升降機就見到個古色故鄉嘅大招牌老北京，餐廳內裝修就很等色，很傳統，好有中式客棧感覺朋去發板，先來酸辣土豆絲作為醒胃前菜，口感清脆、帶著辣香與醋酸的雙重風味，隱約有陣濃厚北方口味另一個就是老北京必吃的賽螃蟹，賽螃蟹是著名的北京菜，但材料中沒有一絲蟹肉，最主要以蛋白模仿蟹肉，「賽」是「媲美」的意思，入口味道及質感，師傅煮比得上蟹肉的鮮甜及細嫩蒜泥白肉，食時用筷拌合蒜蓉，隨著熱氣，一股醬油、辣椒油和大蒜組合的香味直撲鼻端，使人食慾大振。蒜味濃厚，肥而不膩北京烤鴨（半隻），烤至金黃香脆的外皮，上枱時已香氣撲鼻！ 口感脂香鬆脆，夾在鴨肉中的油脂香而不膩，鴨肉軟嫩，配搭青瓜、香蔥包著一口吃下，加上一齊入口味道十分配合宮保雞丁，夾一筷宮保雞丁入口，舌尖先感覺微麻、淺辣，而後衝擊味蕾的是一股甜意和酸酸的感覺，雞肉鮮嫩、花生香脆，使人欲罷不能最後加埋個甜品拔絲鴛鴦，以幼身糖絲，在蘋果和香蕉上打圈，入口唔會太甜，又唔會黐牙，拔絲鴛鴦有蘋果和香蕉，外邊脆甜，蘋果味道微酸，作為今晚結尾十分完滿，對於喜歡食京菜嘅朋友，絕對多一個選擇

朋友網上隨機搵到銅鑼灣尼間‘老北京’食肆，約埋我這個老北京人，一起來幫襯。地方不大，有啲似私房菜，客人多，飯點要等位噠！1）北京烤鸭 HKD258/半隻 （半價優惠） （9/10）- 鴨肉嫩，鴨皮味道香，又唔會硬👍）- 配的甜面酱比较正宗👌- 薄餅既薄又韌，容易包料，薄薄的皮餅唔會讓人早早飽肚👍2）東華門羊肉串 HKD158/6串 （9/10）烤羊肉依然多汁鮮嫩！因為朋友唔食辣，所以羊肉串冇撒辣椒粉，否則更加惹味👍3）焦溜丸子 HKD178.- （7.5/10） 👇🏿👇🏿图上半部是網上正宗焦溜丸子圖下半部是‘老北京’的焦溜丸子，太多配菜，丸子不夠，配菜來補😅，雖然配菜的味道也不錯，但喧賓奪主了，我要的是丸子😅4）老山東燻手撕雞 HKD158.- （6/10）北京有燻雞，也有（山東）德州扒雞，但北京沒有山東燻手撕雞😅，这里應該是香港‘老北京’廚師自創的如果在北京食燻雞或德州扒雞，不會淋汁同埋加配菜，只係撕開或切塊食雞肉，因為雞肉已經夠曬味！唔需要淋汁👇🏿圖中，上半部是香港老山東燻手撕雞下左是北京燻雞/下右是山東德州扒雞來對比，感覺唔一樣了吧😀5）芫爆里脊絲 HKD148.- （8.5

最近喜歡追劇玫瑰的故事，突然好想食北京菜，然後一班姊妹相約到銅鑼灣，渣甸中心老牌餐廳，老北京。好口碑，今晚訂了VIP房，可以容納十多人的大圓枱，可能大家股票賺到錢，晚飯時段滿座，好熱鬧。氣氛好好，開支紅酒，慢慢看 menu 吃名菜。我們點了很多好吃的，有烤鴨半隻、羊肉串、黑醋黃魚，全部都係北京名菜，味道正宗，一流好食。蒜泥白肉 首先係我很喜歡的涼菜，蒜泥白肉用上五花腩，肥瘦相間，肉質軟嫩，輕輕捲着青瓜片，再鋪上大量生蒜和蒜泥。粉皮吸收了蒜香和醬油，很惹味，微微的香辣和肉的鮮香非常配合，入口滋味無窮。手撕雞很開胃的前菜，手撕雞味道香濃，口感夠爽脆。清甜配菜，加上鮮甜味美的雞肉，吸入了芹菜的香氣美味。北京烤鴨半隻北京出名的烤鴨，皮脆兼且充滿油香，上枱時香噴噴，燒鴨皮脆，薄薄的肉少脂肪，滲出陣陣烤鴨香，入口沒有半點膻味。卷上粉皮、香蔥、青瓜條和醬汁，味道層次更好，調味也不錯，肉質鬆軟，肥瘦適中，食過返尋味。鐵板牛肉 滿滿的牛肉，鐵板上磁磁聲先至過癮，牛肉調味好，份量也很多，肉質鮮嫩，時間煮得剛剛好，肉滑又新鮮，鮮味十足，確是滿意！老北京疙瘩湯貨真價實，老北京有廚藝，入口香味佳，味道濃郁，雞蛋

每次聚會最希望可以找到有房間提供的,因不想影響他人及保有私隱,這食店可滿足我們的要求。蒜泥白肉,蒜泥辣辣的配上醬油跟帶點油脂的腩肉味道不錯,肉質帶咬口,粉皮是重點來的,質地很滑溜,而且很索汁。老山東燻手撕雞,雞肉已經撕了出來,吃來很方便,雞肉很有煙燻的味道,而且還有少許麻辣的地味道。老醋蜇頭,海蜇很爽脆,配上酸辣汁使人食慾大增,青瓜很清甜。北京烤鴨,師傅的刀工不錯,鴨皮及鴨肉的比例平均,鴨皮油香滿滿,鴨肉酥香味美,用上薄皮包住鴨皮+鴨肉+京蔥+青瓜加上少許甜醬,這味道很出色。宮保雞丁,雞丁肉很嫩滑,師傅做到鹹甜酸辣味也很平衡,味道層次豐富。東華門羊肉串,羊肉嫩滑可口,加上孜然粉味道更佳,這個的騷味不會太濃,份量十足,可以說是一串接一串停不。味道: 值得一試環境: 給予房間有私隱衛生: 整潔服務: 殷勤價錢: 合理