老媽拌麵 (奧海城三期)

營業中

休息中

以前自己好鍾意煮老媽拌麵，個關廟麵的確好食！所以對呢個品牌都唔陌生。之後係香港開埋門市，喺荃灣都食過，今日咁啱行過，估唔到原來奧海城都開咗一間，就係奧海城三期大門口，一入去左手面就係。門面仲幾靚！於是同個女去食下午茶。下午茶選擇都幾多!😍好多台式特色嘢食：麵食/肉燥飯/蛋餅/刈包/甜品都有!💕🌮台式雞扒刈包配地瓜條比想像中炸得靚嘅雞扒！大大塊鹽酥雞扒，自己炸唔到！外層香口脆卜卜，雞肉超級juicy，配埋個醬汁，好味呀！地瓜條配梅子粉，perfect match yummy!😋🥞🍦🍫朱古力醬珍珠雪糕吐司兩大塊脆脆吐司，好多cream、雲呢拿雪糕、珍珠、士多啤梨、藍莓、朱古力醬！呢個甜品應該冇人抗拒得到！又係明明想減肥，都放埋一邊食左先算啦🤣🤣飲品方面，夏天有新嘅沙冰系列。🥤朱古力沙冰偏向dark choco既朱古力味，唔會好甜，凍透心！爽！仲有枝朱古力蛋捲同一細塊oreo面頭仲有忌廉，正！💖另外梗係都試下佢嘅珍珠奶茶，🧋老媽黑糖珍珠鮮奶茶不錯！

哩個位以前係越南餐廳，轉左老媽拌麵之後好似熱鬧左好多，而且佢裝修幾靚，有大玻璃窗感覺寬廣。Menu選擇多，除左招牌拌麵湯麵外，仲有石鍋飯同小菜套餐。和牛炸醬石鍋飯套餐石鍋夠哂熱，牛肉炸醬整得好香，內有豆干，有粒粒肉粒既口感唔會一pat野咁☑️份量多夠哂撈成鍋飯。加左小食百頁豆腐，口感彈彈地食落好似有豆腐香既魚片咁。金羅漢果海底椰近排熱到溶成日想飲d清熱野，哩個野飲就岩哂!自家煲既羅漢果茶，加埋仙草凍清熱解渴☑️川味紅燒半筋半肉牛肉湯麵中意食辣既我食親台灣麵都一定揀辣，哩個湯底好特別，佢唔係油膩個種辣，入首先帶有藥膳味，然後慢慢滲出辣味，一路食個湯比我飲到見底，飲完又無口渴👍🏻好中意佢既關廟麵，彎彎曲曲夠薄身，彈牙又好掛湯👍🏻最驚d又厚又粉既刀削麵!!!朱古力醬珍珠雪糕吐司🍞哩個係跟餐加既甜品，兩個人share岩哂☑️多士即焗外層微脆，有d珍珠咬下口感豐富d，沾上朱古力醬同雪糕食一流👍🏻埋單$300有找，質素同份量都good，值得一試🫶🏻

老媽拌麵冇食過都有聽過，分店亦係香港越開越多，今次就揀放工後去試一試佢川味紅燒半筋半肉牛肉湯麵 $110牛腱同牛筋份量都唔算少而且幾厚，不過個人偏向鍾意食淋身啲，呢幾舊肉就有待進步啦。湯底幾濃，麵底係刀削麵，幾掛湯。私房花雕雞拌麵 $108雞做得幾出色，滑身之餘花雕味亦都好出，個人覺得好食過牛。如果拌麵可以再重味啲或者再多啲花雕汁，撈起上黎或者就會更香更濃郁！豆乳香香雞 +$22雞嘅炸皮唔會好厚已且夠脆，雞肉仲好嫩滑。另外跟腐乳醬，幾特別，個醬仲有啲豆乳香，同炸雞幾夾，第一次食呢個配搭，值得一試！溏心蛋（1隻）+$22普通溏心蛋一隻，7仔19蚊有2隻鳳梨茉莉鮮果茶 +$10呢杯野飲值得加10蚊嘅，同出面手搖店嘅水果茶份量相若，但只係需要10蚊！

今晚去左奧海城食飯😆突然想食台灣野，所以就去左三期地下既老媽拌麵😍我地冇叫二人餐，不過都食得好豐富👍🏻餐廳環境幾靚，坐得舒服😌小食叫左兩樣。第一樣係豆乳香香雞，一口size既炸雞塊👍🏻炸雞塊夠香口，入口有香料香但唔會太咸，因為要沾腐乳醬黎食腐乳醬就好夠味，又咸香又少少辣，同炸雞既口感好夾，又香口又惹味。第二樣係酥炸甜不辣，台灣傳統小食同菜名冇偏差，外皮確實炸得酥脆，內裡就煙煙韌韌。搭埋甜酸醬，口感同味道都係回味無窮，如果份量再多d就正😝主菜係台式柚子骨配鹵肉飯味道同平時食開既糖醋骨相近，不過確實係多左陣柚子香🤤柚子骨夠入味，酸酸甜甜同咸味做到平衡，每件骨都接近一口size，方便食得黎又唔會好膩👍🏻鹵肉飯既鹵肉係偏向醬汁果種，撈飯一流。就算冇柚子骨，一樣可以成碗KO，加埋入味鹵水蛋半隻，食得夠滿足🥰另一樣主菜係蘋果沙拉千島醬蝦球配白飯呢味送同沙拉骨有d相似，而呢度用炸蝦球黎撈沙律千島醬，食落感覺更高級炸蝦球外皮層炸皮脆口，蝦球鮮嫩爽彈。沙律千島醬夠多夠濃郁，酸甜味好夠，同炸蝦球好夾。醬汁偏結身，所以加埋蘋果黎解膩就岩岩好☺️野飲就叫一杯金羅漢果海底椰加仙草凍同鳳梨百香果果茶。金羅漢果和海底

老媽拌麵，台灣出名做麵品牌，本身係屋企煮既即食麵，開埋餐廳仲要開到黎香港都好多分店😯以前食佢既屋企麵，醬汁同麵都係一試難忘💗特登試下堂食會唔會更正，奥海城店，非常方便，拌麵、湯麵、石頭鍋飯、台式小食都有🤞🏻店既裝修好高雅好舒服✨椒麻手撕雞拌麵，黎老媽拌麵無理由唔食拌麵既，趁熱撈匀，已經好香花椒味，好有特色既關廟刀削麵掛滿晒醬汁😍即刻食，有椒香麻味但唔算好辣，刀削麵粗身有咬口但唔硬，好好味🤤愈食愈想食，好夠汁唔會乾，手撕雞超入味，充滿椒麻風味好正👏🏻溏心蛋都好味，撈少少椒麻汁仲特別🙉台式十三香滷味，十三香就係有十三種香料加入去做醬既台灣味，期待😗滷牛筋，份量都幾多，好腍好滑溜，滷水汁好香濃，牛筋好入味好濃，正呀💗飲返杯台式手搖，凍鳳梨茉莉鮮果茶，賣相好靚，唔太甜但幾refreshing😌老媽拌麵既拌麵同醬汁果然係有一手，好味得黎有自己獨特既風味，好正既台灣味道✨

老媽拌麵，之前只係喺屋企食過，都覺得好好味，估唔到居然香港都會開咗餐廳。前幾日去奧海城行街，見到有位，即刻衝入去。座位都算幾開揚同舒服，用QR code落單，非常方便。點咗三個下午茶餐，大家share嚟食。每個都係$50-$60左右，已經連埋嘢飲，嘢飲同嘢食選擇非常之多，非常抵食。和牛炸醬拌面炸醬同麵嘅比例啱啱好，味道非常香濃，配上和牛肉，每一啖都勁享受豆乳香香雞配幼麵豆乳香香雞非常惹味，唔係平時嗰啲鹽酥雞咁，唔知佢點整，可以鎖住d肉汁，重點推介滷肉飯太耐冇去旅行第一啖食落去，好有台灣嘅風味，感覺就好似置身於台灣一樣最後，嘢飲選擇極多，有啲都幾特別，好似有金羅漢果海底椰，我就覺得味道幾特別，好好飲。朋友點鐘叫左士多啤梨沙冰，夏天飲真係一流！總括嚟講，平均每人$70左右，食得好滿足，下次過嚟奧海城一定會再嚟！

依間餐廳係台灣都幾有名氣我個人好鍾意食台式刀削麵又有口感又健康而佢地用左傳統正宗台南關廟區嘅秘方去整麵拌麵出名就眾所週知 我今日趁住下午茶就點份清燉湯麵試下依間分台坐落好舒服乾淨就算窗邊卡位下晝陽光好猛餐廳都麵有做足擋光措施下午茶餐牌食物都幾多選擇可以揀肉燥飯 麵食 蛋餅 刈餅前菜嘅小蕃茄極甜又多汁麵湯底好清甜唔會太過油膩感食落啖麵有微微嘅小麥味 炸雞扒食落都好酥脆肉嫩多汁另外可以追加小食添而飲品見佢介紹依個鳳梨水果茶鳳梨醬係佢地獨家調制 就連佢茶底茉莉花味都重唔淡唔知點解台式飲品就係咁奇妙咁好飲最後點左份甜品檸檬愛玉味道偏淡鋪滿草莓同藍莓好靚

行街經過發現奧海城原來開左老媽拌麵，今晚放工一於去試下！最後點了晚市2人套餐，有兩份主食、一客小食、兩杯飲品和甜品，優惠只選。主食之一當然點了招牌拌麵試下，台式半筋半肥牛微辣湯拌麵一上檯已經香味撲鼻，好吸引啊。拌麵麵底揀左幼麵，拌麵配上秘制醬汁特別惹味，帶點微辣。特別喜歡肥牛麻辣湯，兩者好夾。乾煸四季豆甜不辣鍋配珍珠米飯另一個主食叫了呢個四季豆甜不辣鍋，用石鍋上，所以熱辣辣，四季豆炒得好香啊，配上煎過的甜不辣片，十分香口。路邊攤小吃拼盤小食方面揀左呢個小吃拼盤，有鹽酥雞，香腸，鹽酥雞炸得好香口，一次過食到多款小食，正啊！飲品方面叫了凍柚子蜜綠茶和凍檸檬紅茶，配上台式食品，冰涼解渴。甜品附送大大杯雪糕，十分抵食。下次食拌麵可以黎試下！

之前都食過其他分店，呢間新分店特別在樓底高，仲有個好靚嘅門面。望一望餐牌，似乎多咗唔同選擇，不過我都係鐘情清湯半筋半肉麵~ 鐘意佢湯底清徹飲落又夠甜。牛肉片厚切但軟淋，牛筋望落晶瑩，咬落帶點黏口有膠質。跟餐仲有前菜、飲品，仲有Dreyers雪糕，性價比唔錯。餐飲點金羅漢果海底椰，飲落甘甘地，喉嚨即刻舒服晒~朋友點三杯雞配珍珠米飯，三杯雞雞件夠多又夠肉地，以砂鍋上枱，香氣更為突出，與醬汁稍為撈勻一下入口更覺惹味!跟餐點上黑糖珍珠鮮奶茶，入口唔會太甜，奶香唔錯，再加錢配上黑糖珍珠奶茶布丁，造型別緻，原來伴著珍珠食真係特別好味!成間餐廳樓底高又有窗吸到自然光，望住街景食野，坐落幾舒服~

好耐無食台灣野啦! 上星期放工就去左奧海城3期既老媽拌麵，見到有一個圓形打卡座位好特別，而窗邊都有數個梳化位，掛滿植物，我地就揀左闊落既梳化位坐得舒服D😌 我地既晚飯就點左:.🍱酥炸豬排肉燥飯 (套餐)套餐包一個主食、前菜小食、一杯飲品同甜品! 酥炸豬排同肉燥飯分開上，肉燥飯既肉燥醬幾多下，而且仲有半隻溏心蛋，撈飯食很不錯! 而酥炸豬排都幾香脆，就算無醬汁都好味! 小食是帶點麻辣既四季豆，幾開胃! .🍧Dreyers雪糕配草莓醬 (跟餐)套餐既甜品有雪糕，可揀朱古力或草莓醬，估唔到個雪糕球幾大，淋滿草莓醬後仲有花生同餅乾，好好食!.🍍鳳梨茉莉鮮果茶 (跟餐)鳳梨茉莉鮮果茶好大杯! 裡面充滿好多水果，有士多啤梨、百香果同蘋果等，加上鳳梨醬同水果，好fresh，而茉莉茶好清香，好解渴!.🍜和牛炸醬拌麵我地另外散叫左拌麵，呢度招牌係拌麵，點都要試下! 拌麵既麵底可揀幼麵或刀削麵，我地就揀左幼麵! 而個人來講都覺得幼麵會好食D，因為會比較入味同Juicy! 和牛炸醬就好似肉燥醬汁咁，係一粒粒肉，唔係一片片，最適合拌麵來食! 仲有煎蛋! 整體味道都唔錯!.🫓香煎蔥抓餅媽子一向鍾意食蔥油餅，唔係度

成日都聽到老媽拌麵呢個大名，但就從來都未食過原來已經開咗幾間分店咁方便，就去奧海城嗰間試吓Menu咁多嘢揀，選擇困難症又發作，見有二人餐，仲寫明大滿足，就費事諗嗌呢個餐開頭有前菜同小食拼盤奉上，前菜係豆腐同豆角，辣辣地幾醒胃台式小吃拼盤有兩款揀，大胃揀咗鹵水牛三寶拼盤，仲以為portion好細，點知都幾足料，有溏心蛋、豆腐、牛筋、牛肚、牛𦟌等等，好入味好嫩主食可以揀兩樣，麵食就揀咗台式半筋半肥牛微辣湯拌麵，麵底揀咗幼麵，好適合撈麵，有好惹味嘅秘製醬汁，神奇地令麵好好食肥牛另外浸咗喺辣湯度，可以撈麵或者就咁食飯就揀咗秘醬甜辣汁香煎沙朗肉燥飯，一碗肉燥飯都好大碗，肉燥香口香煎沙朗應該係豬扒，另上一碟，煎得好香好彈甜品都係跟餐，今次係花奶仙草凍，仙草凍滑捋捋，溫度夠冰涼，花奶好夠味，唔會水汪汪，消暑唔錯飲品都有包埋㗎，而且好大杯吓，如果想有嚼口，可以加錢落仙草凍或者珍珠金羅漢果海底椰都算足料，好大塊海底椰喺入面，加埋珍珠仲得意，真係百搭

👧🏻同同事喺大角嘴工作過後搵食，今次就揀咗喺奧海城內嘅老媽拌麵🍜！Lunch Hour真係全場爆滿好跨張！🌟清燉半筋半肉牛肉湯麵清燉牛肉嘅湯底清甜到令人聯想到清湯腩，蘿蔔嘅清甜會令人飲過不停。至於牛肉(牛展)就屬於厚切，口感不錯。牛筋有咬口，唔會煮得太腍。麵底就揀咗刀削麵，幾掛湯！🌟酸辣手撕雞拌麵去到老媽拌麵就冇理由唔試下佢地嘅拌麵！店員有細心提心襯熱撈勻醬汁。酸辣醬容易入口，不過辣味係慢慢滲出，辣得過癮🥵。同樣選擇刀削麵，比起湯麵更有咬口。至於手撕雞份量亦不少，吸曬醬汁精華！🌟豆乳香香雞跟餐+$22可以揀份小食，炸雞都有成6粒，粉漿薄得嚟入口又脆，雞粒冇雪味幾多汁！而豆乳醬👧🏻本身以為係甜豆乳味，原來係咸香好似食緊腐乳咁，夠曬惹味！🌟烤台灣香腸香腸嘅外層烤得很香脆，再配埋蒜片食，好有台灣風味！(如果有杯啤酒🍻就仲正！)🌟金羅漢果海底椰羅漢果水飲得多，但金羅漢果就比較少。味道就比較清甜，不過唔會有羅漢果嘅甘甜味。加上海底椰，呢杯絕對係清潤清肺熱嘅好選擇！🌟冬瓜檸檬冬瓜茶飲得多，但原來檸檬🍋同冬瓜係咁匹配！檸檬酸味頗明顯，可以中和冬瓜嘅甜👍🏻。

對上一次去台灣已經係九年前嘅事🥹每次掛住台灣就會周圍搵台灣嘢食頂住癮先，最近去咗呢間老媽拌麵，發現啲食物都幾出色！-🥢溏心蛋肉燥飯（+$30有埋甜品同飲品）肉燥可以揀辣或者唔辣，我哋就揀咗原味肉燥，肉燥比得一啲都唔手軟！🤩超多肉燥冚住晒個飯，一啖飯一啖肉燥勁滿足😝溏心蛋都整得幾入味，另外竟然仲有秋葵添！🥢酸辣手撕雞拌麵手撕雞份量都幾大，麵類方面揀咗刀削麵，滿港既辣油掛滿晒喺麵上面勁香！旁邊仲有蕃茄絲同青瓜絲，可以解油膩感🥰 佢嘅辣味有少少係越食越辣嘅感覺，不過都好惹味！🥢芒果沙冰（+$20）🥢熱柚子蜜綠茶🥢dreyers 雪糕🥢花奶仙草凍食完飯之後呢個甜品真係好滿足🥰甜品同飲品有好多款選擇，另外都有好多嘢想食下，但太飽了🤣下次有機會再

以下是我對這家餐廳的評價：食物：台灣牛肉麵是這家餐廳的招牌菜之一，它以經過長時間熬煮的湯頭和嫩滑的牛肉塊為特色。此外，餐廳還提供其他台灣傳統菜餚，如滷肉飯等。我個人認為這些菜餚都非常美味，而且價格相對合理。環境：這家餐廳的環境非常舒適和整潔。它的裝飾風格簡約而現代，讓人感到放鬆和舒適。此外，餐廳的服務員也非常友善和熱情，讓人感到受到了很好的招待。總體來說，我會推薦這家老媽伴牛肉麵餐廳。它提供美味的食物和舒適的用餐環境，是一個非常好的用餐地點。

老媽拌麵自己就經常煮，實體店第一次去！環境算是整潔吧，價錢尚可以接受的，由於口淡淡想飲啖熱湯，今次點了湯麵及小食。上菜時間幾快，打頭陣的是麻辣老鍋湯麵，餸有肥牛、蘿蔔、鴨血及墨汁豬肉丸都幾豐富，味道尚算不錯，麵底我選刀削麵，麵質非常爽，好食😋，但～湯是暖的…..湯麵當然是熱辣辣才好吃，這是常識吧，可能是怕麵底會過腍關係，所以放暖湯，這很忐忑，成敗一線之隔。小食方面：百頁豆腐～味道和口感都不錯豆乳香香雞～即鹽酥雞配腐乳醬，雞炸得外脆內腍，不太重味所以配腐乳醬，很就得人台灣烤香腸～切開4片，味道可以的，但烤香腸真係原條咬才可吃出風味，所以不太喜歡埋單盛惠$205，一個人算是中等價錢吧