老媽拌麵 (將軍澳中心)

營業中

休息中

星期一下午差不多兩點經過將軍澳中心，見到老媽拌麵冇咩人，就同朋友入去諗住食個午餐.裏面有幾張吉枱，諗住行埋去坐，點知某個女侍應即時話二人唔可以坐四人枱，跟住我哋就揀咗對住條柱食飯.點知幾分鐘後有一對男女入嚟，即時坐咗一張四人枱，侍應都冇反對，咁點解唔俾我坐？跟住我就話要換枱，三個侍應即時話落咗單就唔可以換，最後我堅持，個侍應又話轉枱OK喎，點解啲服務態度可以咁差㗎？午市套餐送一碟$24嘅小食，一碟三片超薄嘅豆腐，正價要$24，味道一般服務咁差，我一定唔會有下一次幫襯！

台灣拌麵曾經風魔一時旅行必買手信原來香港有連鎖拌麵餐廳店舖燈火通明感覺好乾淨職員態度非常之好讚午餐時段送❤️類小食或者跟餐+24下午茶時段特價好多等到1430🐼🍜 清燉牛肉湯麵下午茶都有三塊厚身大牛肉牛好有咬口 肉味好香湯味道清清地🍜 西紅柿慢煮牛肋條拌麵牛肋條淋得嚟好有彈性好易入口西紅柿汁好濃唔會蓋過牛肋條香味拌麵一齊食味道好夾刀削麵好有咬口色香味俱全！餐飲洛神花茶好濃加晒成杯水一杯變兩杯！哈哈

很久没有吃这家了，之前在荃湾吃过印象一般般，今天决定再给一次机会，然而大失所望！！！上百元的椒麻手撕鸡拌面套餐，居然只有一小撮鸡肉，单点也居然还要八十，还要加一，早日倒闭吧！！！

近排天氣凍， 好想食d 熱野， 又好掛住牛肉麵， 今日就去咗食台灣菜.今次見到有兒童餐， 好得意， 用架車盤放食物， 但我囡都話想食湯麵， 所以今次冇叫， 下次試吓.見到個二人餐好扺，$288有好多野食.路邊攤小食拼盤： 有炸雞粒， 墨魚丸， 腸仔， 全部炸物都即整， 好好味川味紅燒牛肉湯麵- 片片紅燒牛肉都厚切， 有好多件，啖啖肉，刀削麵煙煙銀銀， 口感唔錯酥炸雞排肉燥飯- -上枱好豐富， 好滿足， 份量多， 成碟雞扒，d 肉燥多到滿晒， Dryer 雪糕- 好精緻， 上面舖有朱古力醬， 花生碎， Oreo 餅+ 手指餅花奶仙草凍- 唔會好甜， 花奶味濃

都係自己唔好...出名做拌面的店...入去就不應該試其他菜色...見了一個鐵板黑椒牛扒 $98 +$22可轉套餐有飲品+甜品.賣相不相, 配菜有翠玉瓜和蕃薯條, 黑椒汁好味...二塊不是太厚的牛扒..滿心歡喜相不到牛扒完全咬不開, 二塊都只可以吮汁, 衰過湯渣....$98 無要求貴價牛扒, 但都不能差到這個地步...倒不如唔好推出來給顧客, 專心做到拌面.

不過不失 。d麵口感普普通通，湯底黎講算係幾重口味。 價錢黎講食個麵都叫做係貴過一段市價 。另外叫左個牛扒餐，西冷牛扒都係一般般 。今日食左200幾蚊 。整體黎講如果唔知係咩你當佢係茶記就差不多，心理會平衡返小小 。The texture of the noodles is average, and the broth can be considered quite flavorful. Speaking of price, the noodles are relatively expensive compared to the average market price.I also ordered a steak meal, and the sirloin steak was just average. It cost me over 200 dollars today. Overall, if you don't know what to expect, you can consider it similar to a local eatery, which helps to ba

叫左個三杯雞得啲殼，腳踭位，雞皮,完全冇肉，店員都說冇辦法，因為係中央控制佢話老闆說其他部分做其他才三杯雞係得呢啲下爛嘢，雞皮，雞骨腳踭，雞殼，雞翼尖斬半，以前真係差好遠，服務冇問題但是食品質素極差，店員都說已經跟老闆反映，但老闆唔聽，佢都叫我幫手去投訴，以前食開都唔會係咁樣，老闆諗縮數，一隻雞嘅做法就係啲肉用嚟做手撕雞，脾位用嚟做花雕雞，其他下攔嘢，雞皮雞骨雞腳踭雞翼尖用嚟做三杯雞，價錢有增冇減！！！！可以用垃圾嚟形容

雖然開晒關，但一直都未有時間飛一轉去台灣食、玩、瞓。真係太掛住台灣美食，今日收工之後入左將軍澳老媽拌麵食返個台式晚餐先。餐廳環境都幾闊落，坐得幾舒服。叫得拌麵，你以為淨係得麵食？非也，呢到粉、麵、飯、小菜、台式火鍋想食乜都有。另外，老媽拌麵嘅晚餐都唔貴，大約$60至$90就有一份，加套餐都係加$22就有齊餐飲同甜品。而且份量都唔少。蒜香麻辣火雞腎 (+$22) 跟餐追加冷盤火雞腎好香蒜香味，好爽口，配合埋小黃瓜一齊食，好醒神開胃。百頁豆腐 (+$22) 跟餐追加百頁豆腐鹵得好入味。西紅柿慢煮牛肋條鍋(配飯) ($88)主菜一上檯已經聞到好香牛肋條味。牛肋條炆得好淋，入口即溶。另外蘿蔔本身都好甜，配埋西紅柿汁，完全將全個菜嘅味道昇華晒。香辣雜錦半湯肥牛鍋(配飯) ($82)呢個雜錦鍋好豐富，有牛肚，牛筋同肥牛，辣度岩岩好，好有台灣臭臭鍋嘅風味。飲品-金羅漢果海底椰(跟餐)/芭樂檸檬茶(+$10)金羅漢果海底椰清熱解渴，食完辣野飲真係絕配。芭樂檸檬茶好新鮮，同台灣夜市果汁一樣咁好飲。老媽拌麵餐飲份量足，職員服務態度都好好。難怪閒日晚上都九成滿。有機會會再黎試下佢午餐同下午茶。

朋友想食台灣牛肉麵，見到將軍澳中心有呢間台灣餐廳，就決定食呢間。西紅柿慢煮牛肋條鍋配白飯 $88一上菜會有小火爐一路助熱，令牛肋條可以保持熱辣辣，不用擔心會好快冷掉。牛肋條入味，肉質軟腍，加上濃郁的蕃茄醬汁，酸酸甜甜十分送飯，令人忍不住吃光了一大碗飯，味道有驚喜，十分推薦！川味紅燒三寶牛肉湯麵配刀削麵 $82牛肉麵湯底味道濃郁，加上椒香的辛辣味，鍾意濃味的朋友表示不錯。配料豐富，有牛腱、牛筋同牛肚，再加上不同的蔬菜同掛湯效果出色的刀削麵 ，想食牛肉麵的朋友表示滿足。豆乳香香雞 +$22豆乳香香雞香口，餐廳會附上特別的腐乳醬作為沾醬，味道比想像中更搭！餐廳光顧小菜鍋及豐盛一人餐可以升級套餐（+$22），包括一樣前菜、一杯飲品及一樣甜品。小菜方面，有微辣的四季豆及開胃的小蕃茄。飲品方面，朋友選擇了凍洛神花茶，酸酸甜甜，味道清新。我就選擇了玫瑰花洋甘菊花茶（+$30），花茶令人覺得暖身又放鬆，更有滿滿的花香，甜甜的又美顏。餐廳會附上蜜糖，可以依個人喜好加進花茶，十分貼心。甜品就選擇了花奶仙草凍及細杯裝雲呢拿味雪糕，作為飯後甜品剛剛好。餐廳環境光亮，食物選擇多，味道不錯，而且份量十足，CP值高

今日收工同屋企人嚟到將軍澳呢度食台灣嘢，就即刻諗起老媽拌麵，嚟到門口見門面非常之大，座位都闊落坐得舒服。睇咗好耐餐牌，最後都揀啲秋冬限定套餐。😋西紅柿慢煮牛肋條鍋套餐 $110鍋物下有火熱住，唔怕凍咗。牛肋條非常之軟腍嫩滑，一啲都唔韌，配蕃茄的香甜，拌飯一齊食好夾，小朋友或老人家食呢個餐都非常合適。😋台式半筋半肥牛清湯蔥油拌麵套餐 $102個麵來到已聞到好香的蔥油味道，首先飲咗一啖清湯，肉味濃而不渾濁，之後我會潷少少湯落個拌麵度一齊撈勻食。牛肉煮得剛剛好熟，唔韌，牛筋又煮得軟腍腍，套餐仲有凉拌辣蓮藕作為開胃小食。😋百香水果國寶茶，套餐 加$20有檸檬同百香果，特別清新好飲。😋玫瑰洋甘菊花茶，套餐 加$30 美容之選！好香的洋甘菊，天氣凍飲花茶真係非常適合，另配有蜜糖，可以自行調配甜度，加少少落花茶反而更帶出花茶的甜香。🍦套餐另有甜品雪糕，係牛奶公司雲呢拿味雪糕。🍮另一個餐加$28轉黑糖珍珠奶茶布丁🧋好味，我搶來食，布丁震震下好有動感。餐廳職員加水，要紙巾同要多套餐具都會好快提供，埋單都好快搞掂。呢日平日晚餐時間都9成滿座，不時見門口有人排隊，不過見都唔會等得耐，可能就係職員夠爽手。仲有

🍜老媽拌麵 (將軍澳中心) (將軍澳)📍今次嚟到將軍澳食台菜嘢🇹🇼～老媽拌麵呢個名，平時喺即食麵方面就聽得多啦👂🏻，但就第一次嚟餐廳食，唔知質素如何呢？🍽️大滿足2人套餐 $288我哋見呢個套餐好似最抵🤑，包好多嘢就叫咗呢個🙈。佢入面包咗 2個前菜 + 一個台式小吃拼盤 + 2個主菜 + 2杯指定飲品 + 2款指定甜品。我哋食咗： 🍴豆角 🍴蕃茄仔 🍴鹵水牛三寶拼盤 🍴川味紅燒牛肉湯麵（刀削麵 ） 🍴西紅柿慢煮牛肋條鍋（配珍珠米飯） 🍴金羅漢果海底椰 🍴洛神花茶 🍴Dreyers 雪糕 🍴花奶仙草凍佢前菜係隨機咁樣俾，個蕃茄仔好開胃，而個豆角都幾清爽👅。本身想叫路邊攤少吃拼盤，但發現賣晒🥹，唯有叫滷水牛三寶拼盤。點知上到嚟份量都好足🤩，有牛腱、牛筋、牛肚、百葉豆腐同糖心蛋🥚，佢哋入味得來又唔會好濃味，鹹淡啱啱好👍🏻。紅燒牛肉湯麵🍜，好貼心咁有刀削麵或者細面好選擇，個湯底超適合重口味人士😍，勁濃味，而個刀削麵口感亦都好彈牙。西紅柿慢煮牛肋條鍋🥘，上到嚟嘅時候發現，佢係連埋個爐一齊上🔥。啱晒冬天食，唔使驚啲餸會凍🧊。佢個蕃茄醬係偏西式🍅，唔係平時食蕃茄豬

現在經常等女兒放學 需找個舒適環境的地方吃個午飯再繼續下場⋯趕興趣班🫣我最近發現將軍澳中心有間不錯的食堂😍環境文雅舒適，地方夠寬闊 ，價錢適中👍非常適合我帶着娃兒食飯趕下場嘅媽媽😮‍💨😂Lunch set 餐單豐富 有意式拌麵、扒類、台式拌麵、湯麵，仲有飯類🤘🏽選擇繁多，總有一個會啱你😎heyhey⋯還有2個前菜加一杯指定飲品哦😍我最鐘龍食就是話梅汁豬手飯😋香淋酸甜 ，豬手炆到好入味又有口感🤨一點也不肥膩！+配滷水雞翼還有草莓沙冰🍧另外再order 麻醬手撕雞肉絲飯😋配上青瓜絲紅蘿蔔絲配搭非常清新易入口😙+配台灣腸配巧克力沙冰🍧 還順便點了一個炸地瓜條，香脆清甜🥳混了少少粉上去，卜卜脆我女最鍾意❤️

呢日我地黎到將軍澳中心呢間老媽拌麵, 因為好想食台式野既關係, 就黎到呢間試試佢, 估佢唔到咁岩我地口味! 我地叫左台式三杯雞,佢係一個熱鍋上, 入面勁多雞同埋夠哂熱, 再配埋飯食真係一流, 仲有個前菜係D蕃茄仔, 好好食!我地另外加左好多小食, 有豆乳香香雞, 台灣烤香腸同埋香煎蔥抓餅, 豆乳香香雞有個醬係腐乳黎,點雞幾特別, 雞夠哂脆同熱辣辣! 正! 其他兩樣小食都好有台味! 好好味! 另外我地仲叫左酥炸豬排肉燥飯, 個肉燥飯有好多料, 夠哂撈飯,好好食, 豬排夠哂脆, 同埋份量好多! 食完真係飽哂! 野飲我叫左洛神花茶, 夠哂香濃!

地址－老媽拌麵 (將軍澳中心)將軍澳唐德街9號將軍澳中心1樓133號舖💋川味紅燒三寶牛肉湯麵(刀削麵)，上菜後第一件事就先呷一呷個湯底先，湯底味道濃郁，但又唔會過鹹，唔錯，而佢牛三寶係牛筋，牛肚及牛展，牛味勁香濃，鹵水汁勁入味，又好軟淋的口感，而佢刀削麵食落麵質勁爽口彈牙，整體感覺唔錯。💋秘醬黑毛豬紅蔥醬油拌麵(幼麵)，好似每張枱的教學咁，影完相就可以撈黎食XD，經過一段時間的努力後，終於可以令每一條麵條都沾滿了紅蔥油醬汁，味道偏輕盈，但味道係足夠的，食得出有淡淡的紅蔥香味，而我今次揀左幼麵，雖然冇刀削麵咁有咬口，但因為佢能夠充份咁沾滿左醬汁，出黎的效果真係好唔錯，而配埋黑毛豬爽口的口感，一軟一爽，感覺好特別，正。💋路邊攤小吃拼盤，呢個小吃拼盤裡面有台灣香腸，豆乳鹽酥雞同埋花枝丸，首先講下台灣香腸，佢整得唔算油膩，配埋生蒜一齊食，增添左一絲的辛辣味，正，花枝丸佢整得勁彈牙，SIZE又唔算好細粒喎，而最特別係鹽酥雞，首先佢唔會炸到太乾身，裡面仲保留左肉汁，而且佢個豆乳醬真係好特別，食落好似有陣腐乳味咁，配埋鹽酥雞食，味道岩岩好。💋百香國寶茶及老媽黑糖珍珠鮮奶茶，食完咁多食物後，都係時間飲

啱啱去食咗間充滿台灣街頭feel嘅餐廳，佢哋嘅拌麵——真係正到爆炸！啱啱端上嗰碗酸辣手撕雞拌麵，辣到你眼淚汪汪但又死命想一口接一口。夾埋啲手撕雞，咬落去夠晒滑嘅，肉感又鮮嫩得來！椒麻半筋半肉拌麵簡直係當日焦點，一啖啖嘅牛筋腍得黎又香口，搭埋嗰麻麻辣辣嘅覺得，簡直係食到唔記本嘅！食完嗰個幼脆麵條，我真係嗌到：「好吃到跳起！」沙滑嘅地瓜條係開胃小食嘅極品，仲有嗰爽口嘅涼茶，解渴得黎仲啱啱好同麵條配搭。整體黎講，哩間餐廳啲台灣小碟同涼茶都至正，飲食体驗真係冚唪唥嘅正！✨🍜🥢