老成都川菜

營業中

休息中

我最近造訪了這家名為"老成都"的四川餐廳,有幸品嘗到了他們家的經典川菜。首先是口感鮮嫩多汁的宮保雞丁,麻辣鮮香,令人回味無窮。他們的水煮魚也是一絕,魚肉嫩滑,湯頭鮮美微辣,清新爽口。另外,川北担擔麵的Q彈面條配上麻油、蔥花等調味,味道十分溫暖醇厚。最讓我驚喜的是他們家的紅油抄手,餃子皮薄而不破,內餡飽滿多汁,蘸上特製的紅油,整個口感層次豐富,令人欲罷不能。整體來說,老成都的菜品手藝出眾,真正呈現了四川家常菜的美味。無論是重慶辣子雞,還是成都涼粉,每一道菜品都包含了川菜特有的麻、辣、鮮、香,給人一種家鄉的溫暖感。強烈推薦這家餐廳,值得一試。

突然好鬼想食串燒 所以搵到了這家 舖頭都幾多人幫襯 人手唔多 等嘅時間都會耐少少🤏·罐罐竹笙雞湯 超足料嘅靚湯 真的很好飲超愛喝湯的我表示愛了愛了😍😂我會為左依個雞湯再來 佢係完全有驚喜過D串燒🤪·🍢串燒方面·韭菜孜然粉的味道真的永遠跟串燒特別特別襯韭菜香甜 非常入味 而且都幾大碗·豆腐皮 跟餐牌好像有點不一樣😂口感特別乾身 上面有一層孜然粉味道一般般～·羊肉串我食梗D咩？！完全沒有羊肉味道 肉質硬身！·🍹百香果水果茶一個字：甜

某晚突然想食川菜，去新北江發現左呢間從來都未食過，決定試吓佢。酸菜豬大腸個酸菜好好食，超開胃🤤豬腸入味夠淋，如果炒熱啲更好食。肉片炒花菜炒到夠香口，肉片啲油炒曬出嚟夠乾身，好有驚喜🤩燒烤韮菜估唔到係冇竹籤，有好香五香粉味👍🏼係環境比較逼，同人手似乎唔夠，但味道夠誠意，會再幫襯！🥳

放工好攰想是但食下平民菜意外地係新北江發現好味又抵食既川菜呢間既誠意度真係滿分四季豆四季豆係我今日叫既幾道菜入面最最最好味熱辣辣有鑊味既四季豆，同肉碎既香味融埋一齊，好很正。雲吞誠意原因之一，其實係配頭先講嗰個四季豆既主食，除左有普通粉麵揀之外，連寬條麵同雲吞都可配，我揀左雲吞，用酸辣粉既湯上既雲吞，咬開雲吞之後可以浸返啲湯食，正手撕雞份量好足好夠味，絕對唔會得幾條雞絲要刻意去摷先搵到，足料好味夠誠意！飲品特飲好似鹹檸七，話梅七，十幾蚊就有大大杯，可以邊食辣、邊解渴 唔洗就住就住飲小總結：2個人埋單160蚊都唔洗...抵食指數超過五星星。今次無叫辣雞，牛肉同埋酸菜魚，下次黎二擦一定要試埋！P.S. 食到一半先記得影相，意外地好食😋

新北江有好多間川菜 見到呢間新開就入去試吓 一行四個人 叫咗-干煸肥腸-酸辣土豆絲-麻辣手撕雞-尖椒皮蛋-串燒韭菜-串燒豆皮-串燒四季豆-海帶佢嘅辣我覺得偏辣少少 我全部都叫咗BB辣都覺得有少少辣 所以怕辣嘅人士可以叫走辣/再叫師傅唔好整太辣～特別講吓佢-尖椒皮蛋 -尖椒味超香 大家都食到停唔到口！-串燒系列-好惹味！好似新北江其他川菜嘅舖頭都冇串燒 都幾特別！-酸辣土豆絲-酸味十足超級開胃整體來講都唔錯 四個人嗌咗咁多嘢都係四百幾蚊！份量又好多 真係抵食之選！

今日山長水又遠，攀山越嶺搭成個鐘頭車入去天水圍食，就係為咗食呢間川菜，去到1個叫新北江商場，外表好靚，而家上到去就得啖笑，成個羅湖商業城咁🤣🤣🤣🤣🤣不過唔緊要，佢真係好鬼多嘢食，有選擇困難症嘅我第一眼就見到呢間，二話不說就坐咗入去唔識叫嘢食，先叫咗一個尖椒炒大腸同埋豬肚辣雞。佢個尖椒豬大腸炒得好嘢味好夠鑊氣仲好辣添。而佢個豬肚辣雞就遜色少少啦。得豬肚絲同埋雞粒咁炒埋一齊。不過而家咩價錢對得住咁嘅味道算係咁。期待下一次再去食

收工老友黎天水圍搵我食飯，大家又抱住試新野既心態就搵到呢間老成都川菜，川菜小弟平時比較少食，因為怕太辣同太油，今日就試下呢間小店質素如何啦，位置就比較偏d唔太起眼，店面都比較細只有5張枱左右，人多時會比較迫d。坐底睇下餐牌先，食川菜就唔一定下下又油又辣既，都有d比較溫和既餸菜，但唔食d辣又唔叫食川菜，所以同老友2人都睇左10分鐘去決定叫咩食，有個全日餐就幾抵，1餸1飯或麵，唔想食飯麵仲可以轉雲吞，包飲品都係70蚊內。羊肉湯羊肉湯跟飯，羊肉切得算適中有dd厚度，有大約幾塊，每塊都可以一啖一塊，肉質幾實淨比較瘦，但又唔會好難咬果隻，羊羶味有dd唔會太勁，湯底係清湯無乜味精，飲落都幾舒服，有d生菜跟住，白飯就正正常常少少濕，但唔太過份。罐罐竹笙雞湯裝湯個壺好靚，湯底好甜，配料有紅棗，龍眼，竹笙，配料都幾多下，竹笙好爽口好入味，雞就細粒d同少d，但個湯真心高質。雲吞跟餐配既雲吞，揀左小辣，都有成5-6粒，味道唔錯。豆腐皮食川菜唔少得叫串燒，呢份豆腐皮質感似豆腐乾多d，口感唔錯，辣椒粉味道就係大陸食串燒既味道，辣辣地同呢塊豆腐皮好夾。牛肉羊肉串燒呢2份串燒就比較強差人意既扣分位，原因係凍既，唔似

🌶愛辣之人可以試下啊❤️‍🔥（1）酸菜魚-鱸魚-BB辣🐟 $98🐟魚肉好滑呀！而且冇骨嘅！🍚 $98配埋飯/米線/薯粉，個底有好多芽菜同酸菜，不過就冇其他種類嘅配菜，如果想食就要自己加啦！🌶平時食到三小辣嘅我叫咗BB辣，就覺得係啱啱好，大家記得要量力而為啊！個湯底夠辣夠惹味！（2）涼拌牛展套餐🐮-小辣 $69🍚🍹叫套餐就有杯嘢飲同飯跟～🐮雖然係涼拌，但係佢嘅溫度只係常溫，略嫌啲牛展切得有啲厚身，所以食落嘅口感唔淋；個人就唔係太鍾意，不過如果你鍾意啖啖肉嘅感覺都可以試下！🌶牛展我哋嗌咗小辣，不過我就覺得唔係幾夠味（3）串燒牛、羊（$28/2串） 豆腐皮（$15）🐂🐑羊肉就冇羶味，牛肉就偏乾，其實就普普通通，唔係Juicy嘅肉，但個調味好惹味，似喺內地食嘅感覺～豆腐皮就幾好味！🤑價錢合理！調味好正🤭值得一試！