老掌櫃東北菜館 (海之戀商場)

營業中

休息中

香港可以食東北菜既餐廳唔算好多，位於荃灣海之戀就有間食東北菜既餐廳，好多人都會叫北京填鴨，因為佢價錢抵食～如果坐到窗邊既話仲可以望到海景，餐廳仲設有少量露天坐位氣氛一流🌅餐廳仲有其他餸菜可以選擇，例如酸菜魚、京燒羊肉、東北農家炒飯、雲吞雞、餃子等等，咁多款式真係要黎多幾次先可以試晒—————————————————————————————♦️北京填鴨(半隻)：配菜有京蔥同青瓜份量都唔少，重點係佢有大約20塊摩摩皮可以比你包多幾舊，滿足你食片皮鴨既慾望～每片片皮鴨厚度相若，唔會太厚又唔會太薄，肥瘦適中，片皮鴨配埋京蔥、青瓜同埋填鴨醬真係好好味，而且摩摩皮比較薄食多幾塊都唔覺滯，鴨肉都幾香唔算好諧，如果外皮可以再鬆脆啲就更好♦️酸辣土豆絲：份量夠多，一黎到土豆絲仲熱辣辣絕對係新鮮即炒，個人覺得辣度十足夠晒惹味，但酸味略嫌可以再重少少♦️糖醋里脊：成舊都係肉冇骨，炸粉唔會好厚，而且炸到外脆內軟，醬汁甜酸度岩岩好仲好開胃評分🖍️(滿分為5個🌕)抵食指數：🌕🌕🌕🌕🌗服務質素：🌕🌕🌕🌕🌕環境：🌕🌕🌕🌕🌗味道：🌕🌕🌕🌕🌗

今次去咗荃灣嘅東北菜館，真係要推介俾大家！食物同環境都一流😋👍！首先講下北京填鴨半隻，皮脆肉嫩，配上薄餅同蔥醬，真係無得頂！每一口都好滿足🦆🌯。鴨肉香味濃郁，口感一流，配埋經典嘅醬汁真係一試難忘。口水雞真係好正，雞肉滑嫩入味，淋上麻辣醬汁，口感豐富😋🌶️。雞肉嫩滑，搭配香辣嘅醬汁，真係辣得過癮，每一啖都係味蕾嘅享受。五香牛肉麵都唔錯，牛肉煮得啱啱好，麵條爽口，湯底五香味濃郁🍜🐮。湯底濃郁香甜，牛肉嫩而不柴，麵條吸收曬湯汁，口感豐富。呢度嘅環境真係好舒適✨，裝修好有氣氛，食住東北菜，真係好享受🍽️🏮。店內裝潢傳統而有特色，令人仿佛置身於東北嘅溫暖家庭。無論你係咪第一次嚟，呢度都會俾你一個唔同凡響嘅用餐體驗🌟。店員服務態度好，令人成日想再嚟。

$168 片皮鴨😋荃灣海之戀呢間竟然有片皮鴨，仲要$168有半隻，真係物超所值好抵食 ！鴨皮脆脆地，肉質唔會老，啲鴨肉飽滿啦。香港好小出現咁抵食片皮鴨 ！份量都有2-3人 難怪7點去到已滿座啦 另外仲叫左知 酸辣涼拌土豆絲，酸酸甜甜，清新開胃，啖啖土豆絲都唔會膩口😝最後再講返啲香煎小黃魚，配合椒鹽。香口 好味 🤤總括黎講，呢間真係一流嘅性價比，食完超級滿足😌$168半隻片皮鴨$88 椒鹽小黃魚$62酸辣涼拌土豆絲

東北菜是指在東北，包括東三省（黑、吉、遼） 、內蒙東四盟以及河北秦皇島的烹飪菜系。特點是量大，用料廣泛，用上豐富食材，令人一食愛上。老掌櫃東北菜館位於海之戀商場，店面面積大，仲可以邊食邊嘆藍巴勒海峽靚景，見住拖輪🛳️不斷往來，好悠閑。最驚喜係食品價錢吾貴合宜，便宜價錢食大碟粉面小菜。片皮鴨半隻：份量極多，鴨皮香脆可口，油脂溢出，蘸上乳豬甜醬加大蔥青瓜，解膩之餘，齒夾留香，麼麼模大約有20塊，熱辣辣，即使沒有隔油紙都沒有黏在一起，好功師傅功架，有肉的部分可以食出鴨香，好味。韭菜豬肉餃子🥟（煎）：皮偏厚，彈性一般，但又未好到好冧。 韭菜豬肉餃子餡料唔大，韭菜味有，肉餡因為唔大偏削，都是一口一隻，有誠意提供醋同辣油。麻辣皮蛋：椒麻辣油堆疊香氣，舀起醬伴著清爽青瓜絲一同入口，使主角皮蛋香而不辣。四川擔擔面：紅油，偏辣，用豬骨、老雞熬了數小時的濃湯，湯的分量很多，煮好的刀削麵再放入碗中。 麵充滿麻醬香郁，香濃不膩。總結：價錢親民合宜 性價比高大件夾抵食

好耐之前係喺大角咀分店度食過 印象吾錯而家分店越開越多 更加方便！海之戀分店部份位置仲有海景睇😍😍😍值得一讚呢度上菜非常之快！侍應有禮貌😀▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 肉三鮮餃 🌟🌟🌟 ($52)一客有成十隻甘多 粒粒都勁飽滿豬肉混入鮮蝦同韭菜 超香！而且仲係爆汁架😍😍😍而且好欣賞佢嘅餃子皮屬於有咬口嗰隻 夠煙靭😛😛❀ 農家小炒菜🌟🌟🌟 ($86)嗜辣愛好者不要錯過！每塊五花腩都均勻地薄切 連同辣椒一齊炒 十分之惹味 忍唔住要配個白飯食 呢碟份量完全夠晒四個人食🫣🫣認真抵食🫢🫢🤭❀黃金萵筍 🌟🌟($84)黃金四季豆 黃金南瓜就聽得多 黃金䈑筍就真係第一次見🤩🤩🤩鹹蛋黃份量多到爆炸 但又吾會油膩😛因為佢啲萵筍好清甜 完美地平衡翻😛❀牛奔麵🌟🌟 ($52)本身諗住叫碗麵淺嚐 點知個份量係甘多 啲麵食極都食唔完😂 湯底牛味都幾重！特別鍾意佢啲牛筋 炆得岩岩好又夠晒入味！🤩❀高力豆沙🌟🌟($13)呢度嘅高力豆沙原來有得單點😍，非常之有彈性 我就算只叫一粒 都係熱辣辣奉上 作為晚餐結尾就岩晒🥰🥰⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰全部10分為滿分✨ღ味道

今日放假同朋友去行街買衫, 我好少去呢一區😅所以朋友帶路去咗呢間餐廳度食晚飯 .手拍青瓜唔錯 青瓜夠脆口, 秘製杭州骨 ,我覺得肉質比較硬 ,醬汁比較濃味 ,但朋友話 好味 真係每個人口味唔同 . 糖醋李脊唔錯好開胃.

見網上有寫 呢間海之戀分店係寵物友善 打電話去訂位 （講到明 有一隻小狗） 話外面位full 哂Cut線後 再即時打多次 問Walkin 等幾耐 職員就話 ： 唔知wo 無限時 鐘意坐幾耐都得 咁我就去walkin 等位 點知去到得一半多少少既入座率 而outdoor 係完全無人 我就問 又話無位既 佢先話唔開 同唔比狗入再同職員Confirm 有狗 （手抱住） 佢話ok 埋邊枱 一踏入去餐廳 佢地攔住我 話狗唔入得 要放出面 係鋪頭圍欄出面… 完住隔開左人同狗明白好多餐廳唔比狗入 唔去呢間咪去第二間 但唔該唔好玩人 表示左幾次有狗 都無話唔比入 所謂比入既outdoor 原來唔係餐廳既露天位 係餐廳圍欄外商場範圍嘅位置 講完唔比狗入之後 我再問佢 點解之前問極都無講唔比既然後勁 冇 禮 貌 咁話 只可以係圍欄外除非你有狗狗手推車泊係圍欄外如果無 唔好浪費時間去 今次被佢玩到停車場錢都蝕埋…. 仲要等登大老遠出嚟 見有得食片皮鴨 又可以帶狗就算無狗都唔會再幫襯

-老掌櫃東北菜館🍽️-北京填鴨填鴨勁抵食超多塊鴨肉😍佢個份量夠2-3人食😂佢個摩摩皮做得好有彈性唔會好乾身鞋口😌加埋個秘制填鴨醬正！-砂窩雲吞雞煲雞肉就算煲完都仲好嫩滑😋雲吞好似乒乓波咁大粒勁足料😂佢個雞湯底超濃味成煲清哂😆-🌟評分:🏅🏅🏅🏅🏅📍地址: 荃灣大河道100號海之戀商場2樓2006號舖-#foodieluveat#foodisluveat_hk#foodieluveat_荃灣#foodieluveat_中菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #老掌櫃 #老掌櫃東北菜館 #北京填鴨 #海之戀

喺海之戀入面，都要兜咗一個圈先搵到原來喺Donki門口，轉右就係餐廳有望到海景，如果想欣賞，就可以早啲book位北京填鴨（半隻）有包埋一份摩摩皮，上菜時仲熱辣辣，可以包住青瓜同蔥一齊食個醬比較鹹，可以唔使點咁多份量都算多，四個人食都應該夠砂窩雲吞雞煲（半隻）可以當埋湯飲，有菜，雞，雲吞份量都好多東北農家炒飯入面有少量蝦同埋三色豆，一齊炒略嫌味道偏淡，餡料可以更有誠意抱住好想食高力豆沙嘅心，但係點知竟然賣晒，好失望

朋友約左平安夜出黎食飯同聚會見係openrice見到食評好似都唔錯就打算試下，三個人叫左一個蝦炒飯，北京填鴨半隻同上湯娃娃菜蝦炒飯整體黎講唔錯，炒得夠乾身👍🏻片皮鴨係呢度招牌菜（我見每一枱都叫）上湯浸娃娃菜，整體黎講都好食👍🏻

可能係全香港最抵食嘅海景餐廳💞東北菜源自中國東北地區，以其濃郁嘅味道同豐富嘅食材聞名。唔少人都係因為呢啲經典菜式而愛上東北菜！🌊 老掌櫃東北菜館,位於荃灣海之戀商場，環境優美，仲有海景，可以邊食邊享受靚景更驚喜嘅係佢哋嘅價錢相當優惠，幾十蚊一碟餸大大碟，性價比超高！💰🍗 片皮鴨半隻鴨皮香脆，美味可口,份量十足。🍜 東北雲吞麵雲吞大隻，碗麵超大碗，夠三個人食，份量十足，味道不錯🍖 東北鍋包肉酸酸甜甜超好味，令人回味。餐廳唔收加一、唔收開瓶費、唔收切餅費，非常實惠！而且佢哋喺大角咀、荃灣同埋元朗都有分店，大家可以就近去享受美食！📍 地址：荃灣大河道100號海之戀商場2樓2006號舖📍 交通：港鐵荃灣西站C出口，步行約1分鐘希望大家都可以嚟試下呢間高質素嘅東北菜館，享受呢啲美味嘅東北佳餚！🍗🍜🍖😊✨

已經第三次黎呢間餐廳，招牌片皮鴨食過兩次，今次就試下其他菜式～有水煮牛肉、酸菜魚、各種小菜、甜品麵食，重點係全部都大大份✌🏻✨孜然蔥爆羊肉羊肉鮮嫩多汁，有洋蔥、京蔥，孜然重口味，勁岩送飯～✨砂窩雲吞雞（半隻）$148份量十足👍🏻一窩都夠4個人食，雞湯底清甜，有娃娃菜同小棠菜鋪底，雞都夠滑雲吞皮薄餡多羊肉餡，好濃郁羊肉和蔥香氣✨螞蟻上樹（$76）粉絲夠哂入味，幾辣香口惹味，不過偏油✨推介指數：8/10

半隻北京填鴨份量比我想像中多🫨青瓜、京蔥等配料的份量亦夠充足😇北京填鴨皮夠白脆，鴨肉比例頗大，肉質雖未至於嫩但亦不會乾柴👌🏻唯一問題就是一上碟鴨肉和餅皮都已經放涼😕相信熱辣辣的話會更加吸引🥸酸菜魚份量同樣十分多🐟魚片無骨啖啖肉，肉質亦夠嫩滑😋留有少許鮮味。酸菜味道未會太濃，湯汁酸度適中，比較溫和😝辣度就十分輕微，不愛辣人士應該都能接受🤪炒飯夠乾身，外觀上看似濃味但其實味道偏淡，表現算中規中矩🫡雲吞肉餡飽滿，雞肉經煲煮過後非常軟滑但未至於爛🥰雞身外觀仍然非常完整。唯雞湯偏鹹，若然調味能清淡一點就更好，太重口味反而會令人卻步 😶‍🌫️萵荀本身水嫩，未有太多調味之下，更能突萵荀的清甜。———————————————————————雖然老掌櫃的中物都未有太大驚喜，但老掌櫃一向主打平價中菜😀今次光顧的確能體現到何謂「大件夾抵食」🤩

老掌櫃東北菜館喺荃灣海之戀商場，除咗提供經典嘅東北菜，仲有意想不到嘅靚景可以慢慢欣賞！我哋夜晚到達，見到戶外區冇乜人坐，想靜靜地傾吓計，所以特登叫職員安排咗露台位。行出去一刻即刻被驚艷，竟然可以欣賞到海景夜色，呢個景觀絕對係額外驚喜，邊睇景邊食東北菜，氣氛一流！-北京填鴨 (半隻)因為怕食唔曬，所以淨係點咗半隻試吓。鴨皮烤得香脆焦香，每一啖都感受到滿滿油脂嘅香味，配埋薄薄嘅餅皮、清爽嘅青瓜、京蔥同甜麵醬，一啖包埋一齊食，味道層次豐富！以百幾蚊嘅價錢嚟講，呢份北京填鴨絕對抵食，性價比非常高，值得推薦。-紅油抄手呢款紅油抄手表現唔錯，餛飩皮薄滑，包住嘅豬肉餡鮮嫩多汁。紅油調得恰到好處，唔會過份油膩，辣度適中，帶出少少麻香味，非常開胃。-老醋海蜇頭海蜇頭非常爽口彈牙，每一啖都帶有清新的醋香，開胃又清新。不過，配搭嘅青瓜略嫌冇乜味道，少咗啲驚喜感，喺整體表現上扣咗啲分。-高力豆沙呢道甜品係我嘅驚喜發現！外層炸得金黃酥脆，表面均勻沾滿砂糖，咬落去帶少少煙韌口感，內層嘅豆沙餡甜度控制得剛剛好，唔會過膩。

以前想食片皮鴨就會去大角咀分店，原來而家荃灣都開咗一間，呢度地方都幾大，坐落去舒服啲又唔使排隊！🦆E01 北京填鴨 (半隻) $168呢個價錢食到片皮鴨仲想點？鴨外皮夠香脆，呢隻鴨好有肉地，唔會只得皮，肉份量都好多，肉質唔算肥膩，配合經典青瓜同埋京蔥，加埋一齊食中和咗烤鴨嘅肥膩，必點！🦟🌲H14 螞蟻上樹 $76 🌶️一上枱已經熱辣辣勁香，呢個入面加咗好多蒜蓉，上面仲佈滿香蔥，炒得比較濕少少，味道好濃郁，入口就勁多肉碎，嗰種味道好似係魚香茄子嘅肉碎咁，如果鍾意食濃味嘢嘅人就會鍾意！❤️K02 高力豆沙 $ 13 (件）呈現黃金色大大粒，上面佈滿砂糖，豆沙餡都好大粒，除咗豆沙嘅香甜，仲有少少微酸嘅果皮味，食完超級大滿足！✨價錢真係超值，平時要一堆人先食到鴨，呢度兩個人都可以食到北京填鴨同其他菜式，爽！ 🥲枱面有少少黃豆粉，清潔可以再做足少少!