老爹茶居

營業中

休息中

老爹係我家人成日幫襯嘅餐廳趕到5:30前叫下午茶、午餐同果個迷你飯碎蛋煙三文魚法飽配炸薯條 $44特別係碎蛋煙三文魚法飽每次一定會叫由以前大size會切兩份share食到而家細size 一人食都好夠飽如果有得轉配沙律菜唔配薯條就好啦但其實佢d薯條都好食 夠粗 只係唔想咁熱氣🤣鮮茄汁扒鹹牛脷飯 $60牛脷一d都唔韌，好味！迷你芝士肉醬意大利粉 $39真係超迷你，但肉醬偏鹹，整走左dd吉烈蝦整嘅粉漿不錯，好脆！如果有兩隻蝦就更開心😃

好耐冇食到咁投入肚嘅晚餐，但今晚唔同，因為我揾到咗一間可以令人打個飽嗝嘅餐廳。入到去就點咗紅湯一白湯，對比一下，白湯味道鮮哂，紅湯又夠茄味濃郁，飲落去真係暖笠笠，惹味到不得了。餐包軟綿綿, 配埋熱辣辣嘅湯，真係夠曬心。男朋友嗌嘅是肉眼牛扒，佢話滿意到不得了，牛扒啖啖肉，火候拿捏得宜，入口即溶，平平無奇嘅意粉配上濃郁肉汁，都變出位。我就決定冒險啲，嗌咗個叻沙牛根腩。牛腩腍腍哂，牛軟骨都滑溜溜，仲要個湯底甜中帶微辣，食得出師傅醒胃手藝。依家講到最抵讚嘅部分，我哋嗌咗個芝士蛋糕，打包帶返屋企食，天啊，真係頂級享受，芝士濃郁得嚟又唔會過於膩口，絲滑得黎有啲微微脆底，食完仲留有陣陣奶香。食完晚餐，兩杯特飲嚟清口，珍珠奶茶啲珍珠Q彈，蜂蜜綠茶清新解膩。可以講，今晚有幸遇上一間咁好味嘅餐廳，真係畀晒面🤤💯轉頭一定再黎，打算食埋佢哋嘅蝦球意粉同埋豬扒飯，直頭係飲食界嘅發現呀！🤩🍽️👍

馬鞍山老爹茶居從朋友口中得知已屹立馬鞍山多年，也是他由小到大的飯堂🤣，最近起了聞名不如見面之心，決定去見識一下，果然名不虛傳、是一所令人食指大動的餐廳，餐單豐富、更了解到各日也設有每日精選餐單，套餐中附上的南瓜忌廉湯令人一試難忘，而餐包熱呼呼的送上檯也是一大驚喜，在餐飲上選擇同樣琳瑯滿目（眼見餐牌有：珍珠奶茶、各式水果茶、以及咖啡和巧克力等等，但是我下單了最基本的凍檸茶，凍檸茶底夠香👍🏻，今天嘗的主菜是厚豬扒，厚豬扒肉質嫩滑，美味多汁大大塊😋👍🏻。令外餐廳位置確實方便，位於新港城這個港鐵商場內，十分就腳👍🏻

細細個都成日食呢間餐廳🤣 今次再去食，質素都係差唔多🤣 味道唔錯，餐包熱辣辣，羅宋湯味道濃郁。咖哩羊腩肉好淋，咖哩都好香，不過羊味比較重，唔係個個都食到🤣卡邦尼意粉唔會膩，仲有帶子，但帶子稍微有d腥

越做越差，食物差，服務差，本來要收加一已好離譜 ，只係高級茶餐廳，宜家仲要改咗夠$200先可以用電子支付，lunch & tea 都幾乎等於用唔到，不如取消啦，以後不用再去😡

老爹係馬鞍山有點歷史既餐廳，由中學食到而家，味道不過不失，有時會想食佢個蒜香雞翼麵配珍珠奶茶🧋雞翼有點炸過頭同無味道，唔知係咪忘了調味😯#dinner #food #yummyfood #yummy #香港#馬鞍山

員工態度差、個 胖胖的 女侍應、在店門口巳不想招乎、沒有客人時段、要站在等、不理會、 最後冷漠地 安排 不適合的座位,因為 有小朋友 座位 非常不適合, 但卻拒絕 分配 其他合適的座位、終於明白無客原因、 該店 食物質素一般 奶茶 質量畀連鎖快餐店還差 ,還收加一服務費、老闆要檢討下、這樣下去、 還會光臨嗎 ！

今日特登由港島去馬鞍山新港城睇戲，睇完戲係商場睇有咩野食，黎黎去去都係啲大型連鎖店，上海姥姥，大快活，大家樂，見到都唔想食!一直行，行到去馬鞍山中心地下就發現到呢間餐廳。吸引我同朋友入去既係餐廳望落去坐得好舒服，樓底好高，好闊落。再講下食物，我地叫佐是日精選E餐(法式芥荼子汁燒豬仔脾雹配意粉)， 是日精選F餐 (馬來咖哩紐西蘭羊腩煲配飯)，同埋一個意式白酒墨魚汁燴海鮮意大利飯。1.法式芥荼子汁燒豬仔脾雹配意粉 ($92)精選E餐奉送餐湯，餐包，同埋一杯飲品。餐包味道正常，配香濃既牛油食真係想食多一舊! 羅宋湯味道濃郁，令人非常開胃。豬仔骨沾上秘製既甜酸汁，非常惹味。美中不足既係份量豬仔骨得2件，如果多一件豬仔骨就完美了。2. 馬來咖哩紐西蘭羊腩煲配飯 ($92)精選F餐都係奉送餐湯，餐包，同埋一杯飲品。  咖哩味道香辣，一啖啖刺激味蕾。羊腩份量充足，沒有酥味。  3. 意式白酒墨魚汁燴海鮮意大利飯 ($80)墨魚汁味道濃郁，拌飯一齊食好好味。美中不足既係飯既質地比較乾，有啲啲唔係太似risotto。總結，啲人成日話馬鞍山係香港既美食沙漠，未食呢間餐廳前我係認同既。但食過呢間餐廳後我絕對

老爹茶居(Daddy's Kitchen)在馬鞍山新港城廣場的地下舖，是一間西式混合港日式的餐廳。店舖的面積頗大，樓底也高，裝修是時尚簡約風格，天花掛上了一些燈泡吊飾。我點了一個鰻魚煎蛋大碗飯，鰻魚很肥美，配上甜甜的日式醬汁，還有煎蛋與小棠菜，是一頓營養豐富的午餐😊飲品方面我選了平日慣飲的熱檸茶，但這裡還有其他特色飲品的，例如：珍珠奶茶、蜂蜜綠茶、芒果綠茶等。另外，我看到餐牌上標明這裡的所有食物都不加味精，對這間餐廳的感覺更好，會再到訪。

我鐘意黎呢間食嘢，其中之一係佢嘅餐包熱辣辣，每次吸引我大大啖成個包食晒佢，另外羅宋湯又係超愛飲，好好飲架！真係好想佢大碗d😁，今次叫咗套餐，主食係豬扒，紅酒汁另上，大大件豬扒，食完非常之滿足，飲杯熱檸檬綠茶，飽飽👍你哋都要黎試吓

33蚊司華力腸出前一丁，正常都會以為係一條，點知一黎到，得果幾片，可能我真係見識得太少，或者是司華力腸太貴了，一定係。唔係就係呢間鋪食水深呃錢。食完都忍唔到要評語，警惕世人叫餐要醒目，唔好被騙。

今日同屋企人食晚飯 入到去都冇乜野 點菜都正正常常 落單個員工係冇乜表情 感覺佢塊面黑d姐 都算啦 臨走我起身行左出去 我4歲小朋友梗係跟住我行出黎啦 迎面有個男員工攞住d餸想放隔離檯 佢黑面話 "妹妹 你不如唔好行出黎住啦" 我明既 你驚撞到就唔好啦係咪?! 但可唔可以有禮貌d呢?最慘 係杯珍珠奶茶超難飲 冇奶味 飲到整口鞋哂 d珍珠大到粗管都吸唔上珍珠又冇味 少少甜都冇 個喇沙豬軟骨好似d瘦肉渣噤 但個汁係ok既個燒春雞意粉係好食既 但個汁就超難食囉最正常係個魚柳芝士汁個意粉 同個紅白湯都唔錯既但冇下次囉

第一次食這間店，門口有人排隊，我們等了一會就有位，叫了兩個下午茶，滷水牛展米粉$33及碎蛋沙律手抓餅$35，要加$8先有飲品，滷水牛展不論牛展定米粉份量都好少，味道也一般，碎蛋沙律手抓餅個手抓餅比較厚身，碎蛋已經唔係貴野，但份量也比較少，仲要加一服務費，唔抵食.

假日喺馬鞍山新港城行街睇戲去到夜晚商場入邊間間餐廳差唔多爆滿要排隊咁🤫諗起商場地下附近有間西餐廳🤔環境大而且位置多所以一於就去嗰邊覓食好好彩地咁啱個時餐廳唔算話好多人終於有位可以坐低食下野啦😍餐廳有 set menu可以選一款main course跟餐湯餐包及飲品90蚊有找都幾抵食軟殼蟹焗南瓜汁意粉原隻軟殼蟹炸得香脆今次揀咗意粉 配焗南瓜汁味道都ok幾驚喜 薯蓉焗田螺（無殼六粒）薯蓉賣相好靚田螺無殼整咗出嚟 爽口嫩滑 配埋薯蓉一齊食match珍珠奶茶見到呢間餐廳熱門係珍珠奶茶所以點黎試試珍珠奶茶嘅茶味唔係死甜個種係真係茶餐廳嘅港式奶茶味咁所以如果本身飲慣好甜嘅珍珠奶茶朋友呢度嘅珍珠奶茶未必係你最鍾意不過如果本身好鍾意港式奶茶嘅朋友呢度嘅珍珠奶茶就好啱你啦而家珍珠都好大粒 爽口彈牙總括嚟講呢間餐廳都坐得幾舒服入邊嘅餐價錢都reasonable馬鞍山嘅街坊居民食野都有多一個唔錯嘅選擇

今日一支公晚飯，近近地去咗呢間「老爹」，叫咗個咖喱牛腩煲，跟白飯，再加杯凍檸茶，盛惠$101。個牛腩煲幾好味，熱辣辣，上枱嗰陣個煲仲係噴緊煙嘅⋯⋯ 環境方面都算乾淨同濶落。服務方面，貌似老闆嗰位伯伯好好禮貌，又會主動同你傾吓偈。相反後生啲嗰幾個真係要同老闆學吓嘢。其中有一個男仔我叫咗佢幾次都扮聽唔到！