老爹

營業中

休息中

今日嚟到呢間老嗲，呢間雖然話係西餐，但又有台式飲品。咁啱下午茶時段，下午茶同午餐其實主食一樣，分別只在於午餐多左餐包同餐湯，當然午餐價錢都會高d。叫左一個煎雞扒飯配秘制汁，雞扒皮脆肉嫩，煎得啱啱好。配菜並唔係一般餐廳用嘅雜豆，係紅蘿蔔同青瓜，不過唔好以為佢求其生切或者齋烚，係用蒜蓉炒過嘅，一d都唔求其，仲炒得幾好食。佢嘅秘制汁，其實就係豉油汁，呢個汁雖然我食唔出佢加左咩，總之就當係豉油。飲品係我嚟呢度例牌都叫嘅熱炭燒咖啡，平時我係唔點飲咖啡嘅，不過嚟親呢度就一定飲呢杯。佢嘅炭燒咖啡唔係得個名，係飲落堅係有炭燒味，好香、唔酸唔澀、入口有回甘，非常啱我口味。雖然佢呢度係除左普通餐廳嘢飲，仲有好多唔同款嘅台式飲品，但我強烈建議大家至少試一次炭燒咖啡！😋環境方面，呢度嘅空間好闊落，就算滿座都唔迫夾。地方乾淨整潔。佢有部分嘅燈係用唔同嘅煲嚟整嘅，呢方面幾有特色，其他就同普通餐廳一樣。

💬朋友最近帶領去一間老港式嘅西餐廳，真係乜都有得食，鋸扒、拉麵🍜、豉油西餐，人流當然普通，但價錢正常，有湯有嘢飲咁。可惜近日原來執咗笠，感覺到其實真係唔係好捱得住，而家只有上環店繼續經營中。食物方面不過不失，但氣氛到士氣同服務就覺得係問題所在。.———————————————————————————🥢黑毛叉燒流心蛋飯💬配菜有青瓜🥒紅蘿蔔🥕，係煮過唔係生切，算係有誠意；黑毛叉燒腍身，無港式叉燒燶而焦脆，一隻流心蛋有水準，加上秘製豉油汁整體理想🤔

8點鐘夜晚搵飯醫肚，行過見到餐牌ok就上去食。平日8點幾，餐廳得2成入座率，我哋都求醫肚無所謂。用qr code手機落單，套餐有野飲。裝修都有投入資源，食物性價比好，平均70就一個套餐，相信係打工仔飯堂好地方。青咖哩豬頸肉意粉，夠飽肚，意粉就一般嗰啲粗身意粉質地，豬頸肉都煎得夠香。龍利柳燒汁意粉，魚肉都煎得夠香，味道唔會有太雪藏味。餐肉蕃茄直通粉，厚切餐肉夠過癮，味道酸甜夠平均，通粉掛汁唔會太乾身。

有時間浪費嘅不妨試下呢間 堂食遲入過我都食完埋單 外賣坐足一個鐘等 份量唔係多完全唔明點解要60分鐘整😂 主菜等成個鐘 湯同熱飲就一早拎出黎 等到黎齊飲品都凍哂 不如叫凍飲？

完全係中伏，入咗去食完先知道原來呢間嘢態度不嬲都咁差。嘢食非常之難食，態度差到PK，其實根本應該執咗佢啦，做到咁唔想做，不如就咪做啦。一入到去睇都未睇Menu，已經問你食乜嘢，話未諗到就西口西面態度極之非常差，見到你要諗食咩就要對你呼呼喝喝。”咁你到底飲嘜野/食嘜野”，做得西餐態度咁差，簡直難以置信，嘢食同態度咁差價錢仲要收得咁貴，一啲服務都冇。奉勸大家唔想一肚氣嘅話，千祈唔好嚟呢間舖頭食。坐喺窗邊見到嗰啲窗咁污糟一啲胃口都冇。Btw都未見過有食西餐會會攞交比人食野

中上環返工,除咗茶餐廳or 兩餸飯同埋$100-$200一餐嘅貴嘢作為打工仔仲有咩嘢選擇呢？隱世食堂 俾你見到佢嘅存在都唔知道個門口喺邊 ！問你點入去🥹其實就喺隔籬商場行樓梯上一層轉右再轉右 冇人帶路可能都要搵一陣主打$60-70 一個餐有麵包、餐湯、飲品、主食 （意粉 or扒飯)通常會點做到以量取勝，因為這樣能夠讓顧客感到物超所值，同時也能滿足他們的食量需求。餐廳提供套餐，讓顧客可以一次點餐解決多種口味的需求，同時也能夠享受更優惠的價格。總的來說，餐廳以量取勝的策略是為了滿足顧客的需求，同時也能夠提高經營效益。

因為呢間好近我公司，所以我周不時都會食呢間好撞手神，有時好多人排隊，有時就冇乜人，就算冇人排隊，入面都好似冇乜員工，要係出面等好耐先會有人幫你就算入咗去都會等好耐先至會幫你叫嘢食但係佢嘅價錢唔算貴，普普通通$40-$50都有一個餐，如果係西餐$60-$70所有餐都包湯包嘢飲包餐包，佢都唔算太差，都幾抵食，幾啱打工仔去食，所以都會幾多人去食今次我叫咗黑松露野菌帶子意粉因為可能即叫即整嘅關係，都等咗大概有20分鐘左右，佢嚟到好熱出哂煙，好香松露味，都有幾多野菌都有三大粒帶子，唔好睇落兜嘢好似好細咁，但係因為好多醬，食完都幾飽肚幾滯，但整體唔算難食

週日（12月4號）到訪此餐廳吃下午茶餐，14點35分落單，等了45分鐘才上菜。問句為何等如此久，點知那些服務員只說“現在給了你啦！你嘈都無用。“再問點解要等這麼久，都是同一答案，全無歉意，態度差劣，以現在這個年代真是少見。。。。

本身去食另一間鋪頭仔，點知好多人。。。唯有再行下，之後就試下e間老爹去到12點半大約，唔太多人不過走果時要排隊唔係好明。。鋪頭感覺好似家庭式經營咁，有set lunch同其他餐。。。都幾多選擇既。。。我叫左個午餐60幾蚊，我朋友食三文魚意大利飯。。。1xx 有d小貴我覺得有凍飲，餐湯，餐包凍飲唔使加錢，因為有加e服務費。。湯我叫左周打蜆湯，水一樣。。。無味杯奶茶仲搞笑，睇相唔講以為我飲好立克仲要唔甜嘅，完全唔知e杯係乜嘢嚟不過都費事叫佢換，都唔知可以換啲乜嘢。幫我豬扒飯好特別，飯小。。正常男人食完唔會夠飽結論係永遠唔會再食

係上環逛完街諗住醫下個肚，剛巧👀呢間「老爹 Daddy's Kitchen」餐廳，佢嘅下午茶餐款式多多，於是與 honey 一齊入去試下 😉餐廳環境👌🏻 頗寬敞寧靜，於是坐底 order 咗兩款下午茶套餐：👆🏻“碎蛋沙律煙三文魚牛角包”～三文魚、碎蛋，配合沙律菜，味道好夾，可惜牛角包牛油味唔夠重，但 overall 都 😋👆🏻“茄汁脆魚柳燴意粉”～茄汁味好重，意粉彈牙、魚柳唔少、不過就炸得唔夠脆，有些少淋，大致上都算唔錯啦！ 😚👆🏻餐飲“凍珍珠奶茶”～一般奶茶味道，粒粒珍珠煙煙韌韌，好有咬口 😉總括而言，唔駛加一、價錢唔貴又坐得舒服，宜家嚟講都好抵喇！😘

地方闊落，西班牙半肥瘦叉燒拉麵好好味，有驚喜, 配菜嘅粟米有甜味，椰菜煮得剛好，有 heart , set lunch 仲可以加珍珠奶茶好正!! 食完返工心情都好D，唔怪得晏晝好多人排隊啦！

喺上環做嘢慣咗開openrice 「附近」搵嘢食嘅我！一睇個名覺得似貴價嘢以為係darling搵daddy去偷情嘅地方～噤入去望真d原來又唔係wor HaHa！望埋價錢 就覺得啱一個人 平平地食餐飯嘅選擇！個下午茶menu好多粉面，飯種類比較小！仲有小食set，例如雞翼、薯角拼沙律、法飽、牛角包等等⋯價錢都係hk$20～30 包嘢飲添！毫不猶豫我揀咗份雜菌拉麵🍜配珍珠奶茶嚟嘅時間都大大地size㗎仲擔心自己食唔曬tim

呢度午市好受打工仔歡迎，環境不錯，間隔疏落，有落地大玻璃，建議早d去，lunch hour好快就大排長龍。.餐牌選擇多多，lunch set包西湯、餐包同野飲都只係$60-80(再加一）。跟餐飲品不只是普通咖啡檸茶，珍珠奶茶、蜂蜜綠茶都不用加錢。.今次點了鮮茄咸牛脷燴意粉、珍珠奶茶（少甜少冰），是日西湯選了南瓜湯（還可選羅宋湯），盛惠$62加一🤩。🍝🍝🍝🍝🍝餐具、餐包同南瓜湯一落完單就上桌，符合打工仔的效率。餐包普普通通，不算特別鬆軟也沒有烘至外脆內軟；南瓜湯就頗有驚喜，感覺真材實料🎃不一會兒珍珠奶茶也到，有水準，珍珠夠煙韌，總是覺得專門店太大杯，這兒可一過珍珠奶茶的口癮。🤤.主菜也很快上桌，牛脷份量不少，大小厚度也適中👅，意粉煙韌；美中不足是鮮茄可更多。小結：食物質素正常，選擇多多，平民價錢就有齊主菜餐包餐湯同特色飲品，lunch hour想感受下西餐，不妨一試。

同事生日要為她慶祝，她喜愛食西餐，遷就她只可以在上環尋找地方，想到之前曾經去過的老爹Daddy’s Kitchen，位於上環皇后大道西2-12號聯發商業中心1樓，地點較為隱蔽，環境優雅光猛又寬躺，適合聚會和拍拖，價錢經濟實際。餐廳除咗以中西菜式為主打外，仲有泰式和日式加入菜單當中，菜式種類選擇多，啱曬選擇困難症壽星女，餐廳對於食物質素非常重視，堅持保持菜餚新鮮食。精選全日套餐E HKD118美國頂級牛腹扒配薯角+蜂蜜綠茶 羅宋湯～上枱不夠熱，味道還可以酸酸甜甜滿開胃餐包～外脆內軟綿綿牛腹扒～肉質香嫩，肉味夠濃郁又有油香薯角～炸至色澤金黃，吃起來外焦里軟，香咸爽口。蜂蜜綠茶～清淡的綠茶配上蜂蜜口感清淡潤喉

今日lunch黎到呢間餐廳試一試，（上環聯發商業中心1樓）門口見到有個機械人係到，入去前探一探熱，消毒雙手。見到地方好大坐得都好寬敞，唔似有d餐廳比較細，要坐到好逼。坐低睇睇餐牌都幾多野揀，落單叫左個麻辣雞粒意粉餐，有餐湯餐包同野飲（凍像都唔駛加錢）仲有珍珠奶茶揀。個意粉辣辣地炒得好惹味份量都幾多，夠晒飽。侍應服務都ok，整體黎講性價比高。埋單既時候望左望下午茶menu ，大約40蚊左右，都真係幾抵食，下次可以再幫襯。