老爺私房菜

營業中

休息中

個豬扒包咩都冇仲好意思收人$46 豬扒本身又薄 個伙計仲話好大份好足料我先試下，點知中曬伏 蕃茄班腩飯正正常常，同豬扒包比已經好足料，有四五舊班腩都係$48。 不過真心唔會再黎

每日都會有唔同款既午餐 有時想食下魚或者諗唔到食咩就去食 ，但早餐就有啲少 同個牛扒餐係比較難食 但坐位都闊落唔會錯得好迫呢格係幾舒服之一，如果寵物既朋友仔可以坐餐廳外。

諗住近近地就腳，就去老爺買個早餐快食，一買出事，三文治同我用吐司包去整都米話唔出色，食到自己都唔知食緊咩！個三文治就咁用紙袋裝住都要收$2外賣盒錢都米講唔搶錢，仲要加價加得勁，都係等執笠吧啦

今日放假，起身已經過咗食晏時間，周圍都冇晒午市套餐，起身又食唔到咁多嘢🥹行過見到呢間老爺廚房，次次夜晚見到都好多人，就決定入去試吓佢啲嘢，睇下係咪真係咁好食😂下午茶套餐勁多嘢揀，又有吉列魚柳，吉列豬扒，煙三文魚，西多士，真係好耐冇食過呢啲🤣🤣 兩個人叫左兩個下午茶餐，大大份真係好抵食，本來都覺得佢個價錢有少少貴，但係個餐一嚟到即刻覺得抵晒終於知道點解夜晚咁多人排隊搵日夜晚都要嚟試下佢嘅小炒期待期待遲啲再寫食評俾大家

人生第一次咁衝動，食緊寫叫左椒鹽豆腐、豉椒炒蜆、奇味雞煲啲雞乾既，好似叮完再叮個種啲蜆少到*，種唔似平時大排檔個啲，又唔入味椒鹽豆腐就冇咩問題第一次咁難食，叫左比左錢唔食又唔係😵‍💫

夜媽媽9pm先搵嘢食開飯，經過見到呢間未食過，即管試試，兩個人坐卡位，喜歡。姐姐介紹酸菜鱼，唸住都係硬消，點知一食超超超驚喜，竟然搵到暫時在香港最滿意的酸菜鱼！魚片完全去骨，很滑很入味，配菜超足料，有芽菜萵筍豆卜雪菜，最緊要仲有寛粉，還放上菊花瓣，很地道！湯底夠味而不辣，唔晒我，大滿足。另外鐵板花菜都很滿意，最開心仲有冰凍奶茶，唔晒唔鍾意汽水啤酒的我。真心讚，很有誠意的小店，酸菜魚份量好足，兩個人就只能再加一個小菜，下次再試其他嘢。

4月21號晚市重開，同老公出去食餐晚飯震興經濟。行過老爺私房菜諗住試吓啦。叫咗小炒王、美極海蝦、京蔥炒牛肉。小炒王：太咸又無鑊氣，材料真係無乜，唯一好處係唔太油。美極海蝦：$148得六隻雪藏蝦，蝦頭臭臭地，肉身梅嘅😡😡京蔥炒牛肉：京蔥老過我阿媽，牛肉又係咸嘅唯一可以讚姐姐服務唔錯唔怪得旁邊嘅食肆都高朋滿座，呢間老爺私房菜就靜過鬼，今次只能怪自己唔信邪，真係中晒伏真係絕對絕對絕對無下次😤😤😤

封關之後 一直都未搵到好食啱口味既川菜今日夜晚同男朋友覓食期間見到一間新開張既大排檔，菜單上面居然有酸菜魚 膽粗粗行左入去試環境都算乾淨，有卡位坐，Order左個酸菜魚、椰香乳鴿、魚湯菜苗同埋兩杯大大杯既水果茶個酸菜魚好香好好食，唔似我之前食過果d咁一口油d魚又唔滑….裡面仲有好多配菜有雲耳、芽菜、紅薯粉同埋萵筍個椰香乳鴿比左好大好大既驚喜我地、啲椰汁味好重，咬落隻乳鴿度啲油流晒出嚟，真係食過之後返唔到轉頭

同老公來本身抱住試下的心態來試下，冇唸到D餸真系超出我意外，好味特別酸菜魚份量足，又好味！正啊 我哋叫佐四個餸，有小炒王夠嚄氣，椒鹽牛柳粒都好食同埋個辣子乾煸肥腸，唔記得影圖啦。反正大家可以去打卡試下啦。。。

新開所以試吓，有好多卡位，座得舒服！職員服務都ok 但飲品選擇居然無Zero, 只有果茶同咖啡，有生啤，續第二柸加$1，但一定要用返同一隻柸，而家既疫情用同一隻杯再去倒啤酒其實十分危險，有機會柸邊口水污染倒酒器，我唔想飲人口水尾！所以無叫！餸以川菜為主，但因為唔食辣所以選擇較少！羊腩煲細份200 幾，份量都多，送一碟菜入面有2整顆生菜，不過唔係好入味，如果喜歡清淡嘅人應該會喜歡。另外我叫左京蔥牛舌$118，同椒盬鮮魷$128，我就覺得鮮魷同牛舌既份量有點少。

行過見到間新店開張 咁就想試下 見到餐牌有辣野食 即刻入左去食 價錢方面就中等 今次試左個辣子雞 烤魚 鐵板啫啫菜 晚市時間比較多人 等左15分鐘左右先入到座 門口有座位可以坐住等都幾好！建議可以先打電話留座 咁就唔洗等位啦另外餐廳仲有水果茶提供！ 食辣野飲水果茶好夾！ 解下辣 今次叫左一杯水果茶同埋鮮橙多多 鮮橙多多 益力多開胃 水果茶解辣 very match!!!下次會再幫襯！希望新鋪可以keep住個水準想飲酒號朋友都可以黎暢飲啊！ 佢有新張優惠$48一杯啤酒 加$1追加多一杯！ 好抵飲 酒鬼之選