老苔目 (已結業)

早前發現了糖百府對面新開左間台灣野，又見OK wor都D人寫得都~就去試試!二人行叫了一個Dinner set，估唔到都幾多野食wor12X其中最好食就係魯肉飯&米苔目, 值得一試!而且服務又幾好~繼續支持

星期六，在太陽底下走了一整個下午，行到成身熱辣辣，胃口也沒有想像的好，晚餐來一碗簡簡單單的米苔目就最好不過。老苔目位於旺角黑布街，糖百府的對面，地方著實不大，全店約只得廿個座位，大部份都是四人檯，但坐落去又會覺得好擠迫，仲要同鄰座背貼背，應該唔會太舒服。等了約十五分鐘，終於等到全店唯一的二人檯，不用同人迫是好事，但店內冷氣又的確開得好大，坐了一陣已經覺得好凍。本來想試試紅燒牛肉麵，但其標價 $52，加一後直迫 $60，定價實在太過進取，反正都唔肚餓，還是揀番最基本的米苔目 ($18)，另加碟小吃就足夠了。米苔目的造型有點像粗身的瀨粉，但口感除了滑溜，亦稱得上粉 Q，感覺的確幾特別。麵線味道清淡，配上的湯頭則放了肉燥及韮菜，令整體味道更加甘香濃郁，也無可避免會帶少許油膩，但仍屬可以接受的程度，如果湯底再滾熱一點，相信會更吸引！小吃要了白玉翡翠 ($26)，即以椰菜包著紅蘿蔔絲及韮菜等配料，用料新鮮，也吃得健康，店方特別為此道小吃配上芝麻醬，可惜味道卻不太搭，情況有點弄巧反拙。小店的服務效率不錯，加水都加得好密，看看餐牌上的 logo，原來跟已撒離香港的阿土麵線屬同一集團的。總括而言，用廿

朋友睇食評覺得不錯，就試下啦！七點多去到，見鋪頭細細，幸不算太多人，等位不到十分鐘就得！入到去坐冷氣風口位，服務員見我有些微言，即說會調細冷氣，一讚！叫了以下菜式：米苔目~~~先來，不錯，但甜味有些重白玉翡翠~~配花生醬，感覺奇怪大腸蚵仔麵線~~非常失望，完全不是那回事，湯底超咸，麵太糊，大腸乾乾的，我們只食兩口就放棄，對面一對情侶直情同服務生講味道很差！花枝羹~~~配料不錯，但食完個超咸蚵仔，飲了兩杯清水，再食此菜式，只覺舌頭味覺巳大受刺激，相對這花枝羹太甜，甜到又吃不下去。刈包~~經歷以上味覺大反轉後，十分感謝有這熱包作填飽之用。埋單百五左右，不算貴，但根本好似無食過野，要食多餐來補數！沒下次！

上openrice見推到頭十位，出名嘅又係自己鍾意嘅魯肉飯，即刻慕名來試一試！六點鐘附近到，等一陣就有位，大細魯肉飯價錢差不多，$18／$15，大嘅多半碗，所以叫個大！舖頭坐滿人，等一個魯肉飯好耐，應該唔使一分鐘就搞掂嘅，我等咗成十分鐘以上。。。上菜算慢！不過服務不錯，加水好快，同埋態度好好。=]個飯食落唔鹹，肥豬肉同瘦肉比例不太平均，肥豬肉比較多，同埋食開魯肉飯d肉多數係肉粒或者肉碎，呢間d肥豬肉係比較長條形，唔係太好伴飯。個味道同台灣唔係好同，冇台灣個d咁惹味，不過就濃度適中。overall來講都唔錯！*比錢個時先知要加一服務費。不過好彩佢服務都叫ok. 唔係比人硬搶。

今天來到老苔目, 等了10分鐘有台. 可惜我坐正冷氣位, 真係凍得我騰騰震. 叫了米苔目, 有小許Q, 不過我覺得湯底可以再好D, 有回像食銀針粉.擔仔面-是一個油麵底的湯麵, 料唔錯的有貢丸, 蝦及肉碎. 味再濃一點會更好的.老水拼盤: 有雞腎 (OK), 牛腱(SUPER SPICY), 鴨舌(味有點怪怪), 雞亦(好食), 亦尖(好食), 老旦及老豆腐 (麻麻地).雖不像人家說的那麼好食, 不過睇得出老闆是有心做好食物的. 希望水準繼續提昇.

星期五晚 6:45 到達, 跟店方講了不想搭枱, 所以在小店門外等了 15 分鐘才可入座 (這店只得兩張2人枱, 另有5 張4人枱)今次叫了 :鹵肉飯 (小 : $15) 推介食品之一 : 醬汁很香濃, 極有台灣風味. 飯粒亦很軟熟, 是用台灣白米煮成的! 後悔沒有叫大碗的 (大 : $18, 份量卻多一半) 麻辣牛鍵刈飽 $20 推介食品之二 : 牛鍵鹵得很淋, 麻辣汁夠香口又惹味, 不啫辣的人不要試! 刈包熱辣辣, 亦很軟熟, 店員還貼心地附上即用即棄手套, 醬汁不會弄污雙手了. 原本我叫店員走香菜, 最後還有少量灑在飽裡, 不過沒關係啦, 可以自己拿走香菜.紅燒牛肉面 $52 面條 ok, 比較粗身, 有咬口牛肉炆得夠淋, 亦入味, 沒有渣湯頭較為甜, 顏色很深, 有濃濃牛肉味, 飲得出有多種香料在內最大問題是這碗面, 明明看著它從廚房端出來, 只是微暖, 而不是熱騰騰的. 熱或暖的牛肉面, 大大影響牛肉面的食感.蚵仔豆腐湯 $26 湯底是味噌湯, 所以帶甜. 豆腐很滑, 蚵仔很鮮甜, 又大粒. 但湯底有甜味, 好像跟兩種食料不太搭配.要改善的地方1. 我們叫了 3 次, 才有店

Food:1) 魯肉飯-正常, okey的!2) 大腸蚵仔麵線-d麵線唔錯,但係個腸臭,蚵仔似唔熟3) 花枝羹-一塊墨魚片,釀左d炸粉係底,(又係唔熟)個羹底好稀4) 白玉翡翠-用椰菜捲著瓜絲及雜菜配花生醬來吃,味道很怪Service:waitress都好有禮貌, 食物上得幾快,不過好少2人desk,呢度主張搭枱Environment:望入去裝修都okey, 坐落...蚊蚊纏著水杯,好多蚊擾人呀!Price:大部份都唔貴, 不過唔大碟的, 我覺得唔抵如果有得choose, 唔會食呢間o羅!食後感: NO NEXT TIME! 蚊子已經令我好反胃..V.V..野食唔出眾,應該話唔好食...搭枱的對面情侶跟我打眼色可能見我影相, 仲有一路食一路發現新大陸貢我見住個女仔丟低隻雞翼, 血紅色的..根本未熟!佢地黎左一碗麵時, 發現間野好多蚊想cancel d dishes走人點知出哂啦..要硬住頭皮食埋佢..間野好似開業都未夠一個月how come之前d食評講到貢好我聽個對小情侶話係睇完雜誌介紹黎食的我就係搭車經過發現佢o既存在而會一會佢可能無咩期望, 所以欣然接受,不過都幾失望..覺得蝕左.

滿有期望去光顧懷念已久的台灣魯肉飯、花枝丸；可措掛台灣賣九流，先不談味道，賣相已不吸引，一層油飯在面，肉碎又少，食落成口油，又無肉味。根本同真正的台灣魯肉飯差太遠。米苔目不見得特別..無味黑糖牛奶珍珠，得個甜字，極重奶精味，仲差過街邊個D花枝丸更是失望之極，呢個價錢不如幫親街邊檔啦。無味又油又硬。一次已夠。

經朋友介紹來了這間黑布街的台灣店，門口一大堆人在等位，但１行４人，只約等了２０分鐘就可入座，睇左MENU，樣樣都想試，所以點了大量食物，魯肉飯-－－好食，但又比唔上在台北所食的刈包－－以為好普通，點知熱熱的包＋肥豬肉＋雪菜可以咁好食，超推介翡翠白玉－－好普通，無特別牛肉麵－－好普通老苔目－－又係好普通花枝羹－－腥味重，有改善的空間紅糟肉.－－紅糟味不夠，而肉炸得太乾，如果改善左會係一絕還有好多野想試，但有肚量大限，要留返下一次了，不過成間野好多小蟲在飛來飛去，廁所更有１０隻以上在飛，希望老闆能找滅蟲公司來攪攪．

琴日DeuxChats去完主題公園夜晚就去左老苔目食晚餐食物已係相片入面有所介紹呢到講下其他野1. 服務一流雖然老闆係鋪出面睇住, 但見到d店員好好禮貌同服務黎到叫你先飲杯水,菜到叫你慢慢食食到咁上下問你滿唔滿意食完叫你慢慢坐兼勤加水走時仲道歉話要DeuxChats搭檯然後走時出面個老闆友善地說期望再次光臨如果個店員用台語叫你「慢慢坐」我真係覺得自己飛左去台灣!keep住呀, 有細心既服務, 食客知道架!2.今次叫既食物抵食到震除左用抵抵抵抵抵黎講, 都唔知點形容3. 環境chat mâle 有d吹毛求疵我覺得整體已經好好鋪細搭檯亦唔係咩過失但如果個洗手間可以做多少少拖返乾少少個地咁就滿分!chat mâle覺得如果餐廳連食客既人生「大小事」都體貼到, 咁呢間餐廳差極都有個譜4, 睇波佐酒物之店?!店中都有賣好幾款卥味雖然無試到, 但已幻想外賣返屋企睇波送酒應該係人生最高享受

六月二十九日 (星期二)近期看到雜誌,一間台式食店在車房中開業今日剛巧在附近"揾食",決定今天晚餐就在此地解決來到門口,服務員已很恩勤地招呼我們,值得一讚!!!接着又為我們介紹店鋪食品的特色不過我們心中有數!當然叫老苔目!首先點了兩碗老苔目又叫了魯大腸和蚵仔豆腐湯老苔目,與我們想像中似的!感覺是銀針粉,是長身的!有口感,味道不錯但是我那碗比較油,不知道為何,很多油浮面!魯大腸,味道不錯,是冷盤來的!份量也不少很入味呢蚵仔豆腐湯,很多蚵仔而且每粒都漲卜卜,算新鮮湯反而沒有蚵仔味,但算濃呢整體上不錯,而且價錢便宜!坐得舒適,二人可坐四人檯,不用搭檯!不過記著早點去!

睇晒感多食評..眼見魯肉飯同埋刈包感多人都話好食..所以就把心一橫淨係去試呢2樣野..去到地方不大,但都依然有空位(可能係係下午茶介乎晚餐時間既關係掛)一去到我同男朋友就即刻點左個大既魯肉飯同刈包食..雖然已經叫左大既魯肉飯..但感覺好似少左D..唔知細既魯肉飯到底有幾細呢..不過魯肉飯我認為值得推薦,好有肉汁..我見隔離檯客唔夠肉汁,叫佢加都肯..幾好味..好多肉碎..刈包....JA係一舊肥豬肉+雪菜夾包..個人黎講..真係唔係感鐘意...不過員工不停加水既服務態度,真係值得加分!難怪個個食完都讚服務員既態度啦..

紅糟肉: 味道完全錯晒, 只有酸味, 不像樣花枝羹: 花枝上黐左一pat胡口既奇怪粉做物體, 係台灣從來未食過咁"變種"既花枝, 湯很淡, 唔特別魯肉飯: 唯一味道合格的, 肉質頗鞋對於一年去台灣無10次都有9次既我地, 對於台灣呢個地方及其食物瘋狂的我地, 到老苔目完全係極失望的決定 唯獨侍應既服務還可以.

睇完台北小吃札記，對台式的舊小吃的幻想有升級之感呢間小店近期又hot，試下啦，點知中招點左刈包：好熱，包鬆軟，肉肥，但過得去魯肉飯：又係肉偏肥，但好香，十幾蚊，合格啦紅糟肉：店員極推介，但好少份量，係有酒香，但談唔上好食紅燒牛肉麵：點解餐牌要推介，D肉完全無味，個湯唔得，最糟係D麵， 粗幼不一，有D生，有D太淋，50蚊架唔掂成咁幼幻想破滅，實在未夠"台"型

今天朋友請食飯, 便來近排人氣幾多同贊好既一間新食店試試,他們招牌棻同野飲卻令我失望米苔目即是一D中國大陸米未經過濾咁既軟身質感之銀針粉..我食不慣, 不太懂欣賞, 只可用有D特色來形容, 個湯底無咩味.個炸蝦卷, 好多油, 內裡既少到唔知去左邊, 食唔出是蝦卷.一杯"百香果"味道及外貌都是PEACH特飲, 但D妹妹仔待應堅稱是百香果來的, 好似認為是我地問題, 但我只認為是呢班妹妹仔仍未知什麼是真正的百香果來, 連坐在我們對面的客人睇到我叫了兩三轉去換番杯野, 都忍不住笑, 因換極佢地都唔改, 睇下個MENU, 都睇到佢地杯百香果完全同PEACH杯野既外貌不同, 簡直是不用腦去做野既待應, 我們真的沒好氣, 堅持俾番杯野你飲收錢, 80尾及90後既小朋友死橕自己無錯既精神不得不令你佩服有點咸既大腸成晚只有一碗野較為可入口便是燥肉飯地方好細, 少人既要搭TABLE, 無問題, D待應都好快手落單以為平, 其實碟碟野份量唔多架..加加埋埋兩個人成170都唔係真係咁抵食LAW