老馮茶居 (荃灣千色匯II)

餐廳以6、70年代老香港為裝潢主題有公雞茶壺杯碗大大小小的復古裝飾掛在牆上，打卡一流。老馮鮮蝦餃大大隻蝦餃，蝦肉爽口彈牙，皮薄且有彈性。蟹子燒賣皇頂層鋪上脆脆蟹籽，半肥瘦豬肉和蝦肉粒粒飽滿，口感扎實。 蝦醬蒸腩仔飯豬肉爽口肉質鮮嫩，米飯吸收了豬肉的油脂和蝦醬的鮮香味。老馮金沙米皇腸軟滑的腸粉包裹著黃金脆皮，裡面還有爽口彈牙的蝦肉 ，口感層次豐富。薑蔥牛柏葉加入薑蔥作佐料，鮮嫩入味，口感爽彈。 香煎蘿白糕煎至金黃酥脆，軟硬適中。咖喱蒸魷魚魷魚口感鮮嫩，並吸收濃郁的咖喱香氣。

想飲茶、食點心，唔一定要去傳統嘅酒樓或者點心舖🔥。要體驗最地道嘅港式風情，呢間荃灣嘅點心店，融合咗香港嘅屋村懷舊風🏡，喺呢個環境食點心就最有feel。.🐣臘腸滑雞飯($39)雞肉夠晒嫩滑，配埋臘腸夠晒鹹香，仲要充滿油花，真係超級送飯！.🦑咖喱蒸魷魚($33)咖喱汁夠晒濃郁，好惹味。配埋片片都爽口嘅魷魚，好開胃。.🐷沙嗲豬大腸($33)真係超邪惡！豬大腸夠軟腍，而且充滿內臟油脂感，配埋香濃嘅沙嗲好正。.🐮沙嗲金錢肚($33)金錢肚嘅質地啱啱好，有口感又唔會過韌。而且吸收晒濃郁嘅醬汁，好味。.🥬高湯菜心($18)菜心嘅賣相整得好好，而且用高湯煮出嚟，味道啱啱好。.💥五柳炸雲吞($30)食點心唔少得要嗌脆口嘅炸嘢，就還返啲夠晒香脆，嚟得呢度一定要試。

#MC帶你去荃灣.想嘆一盅兩件又唔一定要去酒樓就有嘅~➖✨ 老馮茶居.餐廳主打手工製作港式點心；茶居裝修以六十年代老香港為主題，搭配復古裝飾、公雞茶壺杯碗、舊式招牌等，古色古香，充滿香港情懷。➖🥢 老馮金沙米皇腸｜$38 ✨推介✨.腸粉皮好薄好滑，包著炸米網蝦春卷，三層口感勁豐富！外皮軟糯，中間超香脆，蝦仁彈牙；再加上麻醬混豉油，好滋味！➖🥢 老馮鮮蝦餃｜$36 ✨推介✨.蝦餃皮薄通透而黏彈，大大粒蝦肉爽口彈牙，調味唔算太重。➖🥢 咖哩蒸魷魚｜$33 .咖哩汁好濃味而且好掛汁，土魷口感彈牙爽口，極之出色！而且有齋（又稱麵筋）鋪底，超惹味！➖🥢 正宗潮州粉果｜$23 ✨推介✨.餡料十分飽滿，有豬肉、蝦米、冬菇及沙葛等，味道香濃；粉果皮厚薄適中，口感煙韌有彈性，值得一試！➖🥢 沙嗲金錢肚｜$33.沙嗲醬味道香濃，牛肚坑紋賣相吸引，質地夠曬軟腍、好入味，仲有齋（又稱麵筋）鋪底，吸汁一流！➖🥢 XO醬蘿蔔糕｜$30.蘿蔔糕煎至金黃酥脆，加上XO醬嘅瑤柱蝦乾鮮味，辛香又有口感！➖🥢 茶芥｜$6／位.➖➖➖➖➖➖➖➖➖➖➖➖➖➖#Ming_Course #荃灣區美食 #荃灣美食 #荃灣好去處 #香

行完千色匯見到一間裝潢好似60,70年代老香港嘅復古茶居,連餐具茶壺都好有特色！老馮鮮蝦餃外皮厚度適中夠煙韌,晶凝通透,有大大粒鮮蝦,口感彈牙！蔥花蝦米腸腸粉口感嫩滑,有勁多蔥花同蝦,點麻醬甜醬辣椒醬食好香好好味！XO醬蘿蔔糕 粒粒蘿蔔糕連埋XO醬,炸到香口又惹味！鵪鶉蛋燒賣皇皮薄餡靚,肉質爽口有口感,真係唔錯！薑蔥牛柏葉牛柏葉質感軟得嚟有嚼頭,又入味！老馮流沙芋泥包熱辣辣,食落鬆軟,芋蓉好香,同埋唔太甜又流心,好正！金牌炸芋角不愧係金牌之一,蜂巢外皮炸得鬆脆,餡料又香又多,食得好滋味😋🫖舊式茶居買少見少,裝飾又好啱打卡,好似回到過去咁！

午市12:30已經有不少人在門口等位🙊等了約10分鐘後就能入座了😚 店內裝潢充滿了濃郁的懷舊風情🇭🇰牆上的老照片、復古的傢俱和古色古香的擺設🫖讓人彷彿置身於舊時代的茶居。點心性價比亦非常高🔸薑汁桂圓紅棗糕熱辣辣的薑汁桂圓紅棗糕，散發着濃郁的紅棗香氣❤️紅棗桂圓的清甜與薑汁🫚的辛辣味道互相融合，味道清甜不膩，口感軟糯Q彈，讓人回味無窮。🔸老馮鮮蝦餃蝦餃皮厚薄適中🥟內餡脹卜卜，每粒都包著兩三隻蝦🦐蝦肉新鮮，咬落彈牙有嚼勁，整體鮮嫩多汁。🔸正宗潮州粉果粉果皮薄餡靚，外皮煙靭彈牙，內裡有花生🥜肉碎🐷沙葛、韮菜等等，再加上胡椒調味，口感層次豐富。🔸鮮蝦腐皮卷外層腐皮又薄又脆，炸至酥脆金黃💛但不會過份油膩，每條腐皮卷剪成兩節，每節都有原隻鮮蝦🦐再蘸上喼汁，惹味可口。🔸蜆介鯪魚球鯪魚球外層酥脆，內裡細膩鮮嫩🐟口感煙靭彈牙，蘸上蜆介醬汁同食，帶點咸鮮味，味道更加突出🔸老馮金沙米皇腸腸粉皮薄而滑嫩，內裏包着脆米網蝦春卷，鮮嫩的蝦肉🦐香脆的內餡與滑嫩的腸粉完美融合，食落層次感十足🔸薑汁燉鮮奶薑汁的微辣與鮮奶的香甜味道十分夾，令人既能感受到薑的暖胃效果🫚又能享受到鮮奶的濃郁香氣🥛每一口都充滿了絲滑的口感，整體

🐻每次係元朗飲茶首選一定揀老馮茶居，裝修充滿老香港情懷，未食淨打卡都值回票價。不過老馮長期爆場，排隊半小時以上係基本，幸好荃灣千色匯有新分店，🐻今日順路係荃灣自然要食下。荃灣店裝潢一貫老馮風格，剛好避過人流，等一會就入座。今日天氣轉涼，🐻👩🏻點左個蟲草花燉雞湯暖一暖胃，燉湯相當足料，入口雞味香濃，飲完成個人都暖哂。先來道炸物金牌炸芋角，現炸現賣，外皮酥脆，芋蓉細滑，甜中帶咸，兩口就食完。然後係老馮金沙米皇腸，米粉皮拉得夠簿，包住脆香既金沙蝦肉，的確係食完想再食。點心自然唔少得老馮鮮蝦餃，蝦餃簿皮餡多，蝦肉鮮甜，性價比之選。古法牛肉球彈牙肉味濃，口感直迫牛肉丸。薑蔥牛柏葉薑蔥味重，牛柏葉有咬口，絕對係內臟愛好者既恩物。食左咁多道點心加燉湯都係$200埋單，老馮既味道同價錢真係吸引🐻一次又一次咁幫襯！

人氣懷舊茶室，裝修充滿老香港味道😊提供多款正宗粵式點心🥢店內滿滿昔日的傳統茶樓氣氛☕️蝦餃皮薄，餡料豐富🥟大大隻鮮蝦，爽口彈牙，味道鮮美可口😋燒賣大大粒、同樣也是皮薄餡靚😃啖啖鮮肉，食落多汁💦腸粉外貌如玻璃般晶瑩剔透🪞爽軟可口，口感順滑😁內有新鮮蝦仁及韭黃，香味十足🦐金錢肚味道也不錯🐽沙嗲味香濃，軟淋入味🤩越嚼越香辣，非常惹味🌶️砵仔蒸飯用上半肥豬肉，爽彈嫩滑🐷帶有蝦醬的鹹香味道，送飯一流🍚千層糕層次分明，啖啖蛋黃香🍳蒸得鬆軟，甜而不膩，很好的甜品選擇😙

一開始俾佢個名吸引住因為叫老馮😂但係原來店裏便用六七十年代嘅裝修，感覺好懷舊！而且裝修得好靚！好多時平時啲酒樓都已經閂晒門，得返專門食點心嘅舖頭可以夜晚食點心！我哋點咗薑蔥牛柏葉，咖喱蒸魷魚，蟹籽燒賣王，鮑汁柚皮鴨腳札，古法千層糕同埋凍嘅薑汁燉鮮奶🍴佢哋全部都係即叫即蒸，嚟到嘅時候影一輪相都仲係超級熱👍🏽薑蔥牛柏葉個芡汁啱啱好！牛柏葉爽口彈牙，因為出邊好多時食牛柏葉我都咬唔爛😂然後咖喱魷魚嘅魷魚大大塊！同牛柏葉一樣都係好彈牙！不過如果咖喱汁可以傑身少少就完美啦😗蟹籽燒賣王超級大粒！而且仲有好多隻蝦！個人認為好推～然後見到鮑汁油皮鴨腳札係我未試過同埋未喺酒樓見過嘅～見佢寫住推介就試吓，因為見其他枱都有人食緊！嚟到個樣勁似雞扎～都係用腐皮包住鴨腳炆得好腍！柚皮其實好難整，仲要佢整到一啲渣都冇！出色！之後古法千層糕，我覺得有別於出邊嘅！依度嘅千層糕比較厚實，食落好飽肚最後個薑汁燉鮮奶，職員好好～一開頭問我哋使唔使後上然後見我哋差唔多食完會主動問我哋係咪而家上！鮮奶好滑～如果薑汁重啲嘅話就正啦（可能我比較重口味）整體嚟講性價比好高！其實想試佢啲砵仔飯，都只係30幾蚊～要下次試埋佢！同埋搽位都只

一直都未試過呢間點心店，因為好耐冇一大朝起身不過仍然可以約人飲夜茶，卒之就食到喇平時飲茶大胃都係食鳳爪排骨飯，不過見呢間腩仔飯先係招牌就試嚇啦！經蝦醬調味，腩肉好有鹹香，配埋飽滿嘅絲苗米更係開胃金沙米皇腸嘅腸粉皮非常之綿，包住極脆嘅蝦捲，啖啖都嗦嗦聲攤多陣食都仲係脆嘅，點醬食更加滋味嚟得飲茶蝦餃燒賣係指定動作，呢間嘅蝦餃皮薄餡靚，由皮到餡都有蝦香，仲幾爽彈鵪鶉蛋燒賣口感都好嫩，蛋香係同肉香相配合，外皮亦非常薄食完咁多嘢，係時候打開第二胃門食甜品，呢籠千層糕好特別，每層蒸包之間鋪滿餡料，鹹鹹甜甜幾特別薑汁燉奶用嚟暖胃都正，薑味奶香都好足，蒸得又順滑，確實不錯

呢間點心店我之前喺元朗食過，覺得裝修佈置好用心好特別🤩今次去荃灣分店回味下😚點心店係以60、70年代老香港為裝潢主題，有屋邨嘅走廊、鐵閘，又有賣柴米油鹽嘅雜貨鋪等等😌點心唔會有太多花巧嘢，係傳統嘅味道👍🏻😋仲要係即叫即蒸▪️古法千層糕千層糕夾雜咗奶黃，偏重蛋黃香味▪️片香馬拉糕傳統用蔗糖做嘅馬拉糕，空氣感幾重，入口幾鬆軟😌▪️沙嗲豬大腸大腸好肥美，好邪惡🤣沙嗲醬好入味👍🏻伴菜有麵筋▪️老馮鮮蝦餃唔算太大粒，但係好足料，皮唔會過厚🤩餡料有蝦、筍、豬肉▪️鵪鶉蛋燒賣皇懷舊點心之選，而家出邊酒樓好少有鵪鶉蛋燒賣🥹鵪鶉蛋加豬肉餡味道幾夾▪️蠔皇鮮竹卷食點心私心之選🤣去飲茶食點心必定會叫鮮竹卷😆呢款蠔油味適中，唔會太濃▪️XO醬蘿蔔糕係炸嘅XO醬蘿蔔糕，有少少熱氣，但好似重XO醬味又唔會太辣，幾啱重口味人士😂

好喜歡去呢間🫖，鍾意佢嘅懷舊做主題， 無論食物既質素同打卡我都覺得一流👍🏼😍好值得， 係一間不停encore嘅好地方❤️，所以一有時就會去食🥰呢日抽到時間就黎整番個一盅兩件先😋🦑咖哩蒸魷魚呢樣都係我必叫 ，老鳳嘅蒸魷魚， 蒸到恰到好處， 保持島魷魚鮮嫩嘅口感🥰🦀蟹子燒賣王喺老馮，我一定會必叫，但 有時去其他酒樓 ，我未必會嗌燒賣，因為唔知點解味道麻麻，🧆金牌炸芋角炸到外酥內軟， 啲芋頭餡好香滑😋🥢老馮金沙米皇腸呢款絕對係精緻嘅點心， 腸粉皮唔會好厚， 佢嘅特色金沙， 係用鹹蛋黃制成， 又邪惡又好味😍🐔八珍糯米雞糯米雞都係一款好受歡迎嘅點心， 呢個八珍糯米雞仲好大隻又足料👍🏼，🥛薑汁燉鮮奶最後嚟一碗 溫暖又滋補嘅薑汁燉奶❤️ 食落去已經有淡淡嘅薑香，好正， 口感又好滑

荃灣千色滙地下有間「老馮茶居」，係外面巴士站近幾步就到，位置方便。荃灣比較少點心專門店可以飲夜茶，依間幾好👍。又有點心、燉湯、蒸飯及甜品，選擇多元化。餐廳內環境以懷舊氣氛為主調，一邊打造成冰室的茶座，另一邊以公屋為裝潢：地下是雜貨店，樓上是住宿。打卡一流，同朋友來依到聚會又多個話題。燉湯：有兩款燉湯選擇，包括：螺頭燉瘦肉湯及蟲草花燉雞湯用燉盅燉嘅湯味道👅特別鮮甜，而且非常足料。蝦醬蒸腩仔飯：用蝦醬蒸飯超級惹味，加上用砵仔蒸，好有風味。腩肉肉質爽脆，一啲都唔韌。點心：鮑汁柚皮鴨腳扎、鮮蝦腐皮卷（餐廳推介）、老馮鮮蝦腸好少酒樓，仍然有柚皮鴨腳扎售賣，比較懷舊。柚皮充滿鮑汁味道，而且軟綿綿。而鮮蝦腐皮卷外皮超級香脆，好似食薯片咁，內裏嘅蝦大隻同彈牙。$6/茶位，食點心蒸飯一定要用茶配搭，非常潤喉。一盅兩件既休閒時光，好享受😎。

由元朗開到去荃灣嘅「老馮」，店內裝潢以舊香港茶樓做主題，無論茶具枱凳周圍佈置都好似時光倒流60年😆見隔離左右食客都影呀影相機食先，可想而知呢度嘅環境同食物幾咁啱打卡😁人山人海，有啲料到😆同朋友兩個人總共嗌咗五個點心加一盅蒸飯，份量足，食到捧住個肚走😂💫老馮金沙米皇腸腸粉入面包住炸米網蝦春卷，蝦肉彈牙，口感層次豐富💫老馮鮮蝦餃略嫌個皮厚咗啲同稍韌，不過一夾無分體，蝦肉都鮮甜💫鳳爪排骨飯比預期中大盅！排骨好多，仲要肉多過骨，抵食，CP值高！💫咖喱蒸魷魚魷魚咬落柔韌，索晒啲港式咖喱汁超惹味💫金牌炸芋角作為芋頭控嘅我對呢件蜂巢芋角非常滿意👍🏻蜂巢色澤金黃，入口即化，芋蓉軟滑💫古法千層糕香港越嚟越少地方可以食到千層糕喇⋯ 口感鬆軟，糕餡滿口咸蛋黃嘅甘香，大推～

呢晚驚覺自己都有幾個月冇去過茶樓，突然好掛住茶樓啲點心，但係夜晚茶樓又唔會有點心食，就搵咗呢間點心店，解一解思點心之苦😂咖喱蒸魷魚幾鍾意佢嘅蒸魷魚醬汁唔會好多，每件大大件🦑 魷魚爽口，咖喱味道帶點辛辣，非常惹味。四寶滑雞扎呢一個滑雞扎用一層腐皮包裹住，入面有滑雞件、冬菇、魚肚同埋豬肚，真係夠晒懷舊😍古法千層糕呢個真係要趁熱食，千層糕非常軟熟，總共有五層😗 因為有椰絲，咬落口千層層次同埋口感豐富。老馮流沙芋泥包紫色嘅外皮好特別，搣開呢個熱辣辣嘅包，入面嘅芋泥餡料真係一湧而出🔥 呢個流沙芋泥餡料唔會太甜，鍾意食流沙包嘅朋友可以試吓。老馮滑蝦腸腸粉好滑，入面包裹住三隻大蝦，蝦仁爽口彈牙，簡單加少少豉油，已經非常美味🦐金牌炸芋角呢一個芋角都係好懷舊嘅點心，除咗似鳥巢嘅外層之外，中間有一層軟綿綿嘅芋泥，在入面就有啲肉碎🐷鮮蝦腐皮卷一份有三件，外層嘅炸腐皮好正，入面都有好多蝦仁，配少少喼汁，真係絕配😆呢度嘅點心都幾真材實料，特別係蝦腸同腐皮卷，啲蝦餡真係放得好滿🍤 餐廳嘅懷舊裝修可以俾大家懷緬一下。

店名：老馮茶居地點：荃灣千色匯II 地下G30-G33號舖1.蜜汁叉燒腸 $26腸粉皮薄餡靚，晶凝通透，口感嫩滑，好好味。2.正宗潮州粉果 $23粉果皮厚度適中，煙煙韌韌，爆餡，餡料香味十足，正。3.鵪鶉蛋燒賣皇 $33鵪鶉蛋燒賣好耐冇食啦，估唔到呢間竟然有，好懷舊，唔錯。4.老馮鮮蝦餃 $36蝦餃皮厚度適中，煙煙韌韌，蝦味十足超好食。5.古法千層糕 $26千層糕唔同一般嘅糯米千層糕。佢係麵包嘅質地做最外層，裏面嘅餡係類似蛋黃奶黃餡，超級好食。6.蝦醬蒸腩仔飯 $43蝦醬腩味，超香好嫩滑彈牙，又唔會太多肥豬肉，配埋個飯勁香勁好食。茶芥2位$12總價$199