老點點心竹筒飯 (已結業)

好耐都無去茶樓一盅兩件，經過旺角醒起附近有間新派點心專門店，就一於試試。店內地方雖然不大，但空間感十足，比傳統酒樓靜一些，唔錯。店舖少少但食物種類不少，有傳統的點心，也有傳統點心加上新派創作而成的點心，當然還有在傳統茶樓未見過的新派點心。蟲草花雞竹筒飯雞及蟲草花舖滿飯面，雞醃得入味，飯是白飯加入少許紅米飯，軟硬適中，配上少許甜豉油，唔錯。獅虎鮮蝦餃皇用竹筒盛載的蝦餃脹卜卜，皮薄而且滑，每隻蝦餃均有兩三隻蝦在裡面，唔錯。咸香黑魚子蒸燒賣用竹筒盛載的燒賣，肉味香濃，配上咸香黑魚子，好配合。高湯牛肉球平常茶樓食的牛肉球是蒸的，這裏的牛肉球是配上上湯，上湯內有少許菇，傳統得來帶點新穎。清酒雲吞雞酒味濃，雲吞皮薄，雞亦入味，新穎的點心。珍寶鮮蝦腸每一件的蝦腸均有一隻大大的蝦，醮上少少甜豉油，唔錯。粟米百花魚肚蝦膠加上大大件爽口唔腥的魚肚，推介。

一心諗住黎呢到食竹筒飯   入到餐廳後發現除左竹筒飯外 原來仲有咁多點心選擇!我地兩個點左個 蟲草花雞竹筒飯雖然竹筒飯望落唔係好大份, 但其實個底都幾深架兩個人share 再加點心  岩岩好 但係竹筒飯既飯煮得有點濕  比想像既實在有些落差 冰鎮秋葵 呢個係季節限定  如果喜歡秋葵的人一定不要錯過!秋葵本身就很嫩  而且煮得很爽脆 加上有冰鎮住  真係好適合夏天食 呢個芝心炸蝦丸也是必點之選 一咬開  熱辣辣既芝士就流出黎 芝士迷一定唔可以錯過呀最後 柚子蜜雞翼 炸香既雞翼上面淋上柚子蜜  做法的確幾新穎味道則不過不失吧 

返完全日工，收工好想食點心諗起每次經過都好想試下呢間點心就call埋個friend兩個去試下啦!等左5分鐘左右就有位啦!入到去，D位有D迫....如果肥少少都未必過到但肚餓既我地唔理咁多啦一坐低就拿拿聲拎張點心紙tick下先~首先就黎左個「戚風斑蘭馬拉糕」，同埋「冰梅豬手竹筒飯」「戚風斑蘭馬拉糕」係佢地既好受歡迎既點心食落口好大陣斑蘭味，又鬆軟夠熱果然係招牌菜!!!「冰梅豬手竹筒飯」，豬手都夠淋但如果梅味重返D就好~竹筒飯無乜特別...感覺只係放左係竹筒入面既飯，唔係响竹筒入面煮好....高湯浸菜心~菜心無渣鮮甜~不錯蝦餃同燒賣都係一客兩粒~蝦餃都ok la...唔太出色但都唔會難食黑魚子燒賣入面既蝦好爽口唔好以為雲吞雞一定係大大煲~呢度既「清酒雲吞雞」的的骰骰雲吞無乜特別，但係個湯有陣陣清酒味~都不錯啊呢個薑汁糕好正!!夠煙un!又有好香既薑汁味~最後甜品~當然唔少得飲茶必備既「芒果布甸」仲有一個就係「焦糖燉蛋」芒果布甸入面有芒果粒，濃濃芒果味「焦糖燉蛋」面頭既焦糖都燒得脆卜卜，入面都好滑~

別出心裁，有別於傳統既點心茶介已由7元加到8元，不過五緊要，因為呢度點心真係好岩我胃口，又好味，特別。至食鮮響鈴肉腸好特別組合，腸粉包住好脆既響鈴，裡面有又豬肉！口感好豐富，亦好有創意！呢個炸芝士蝦球！又係我至愛！外面係虾膠，入面芝士食時要小心燙親咀！我成日五小心b左d芝士出黎燒賣，蝦較！係用個木盒仔上好特別！而燒賣蝦較好足料！啖啖肉同虾！yummy! 另外叫左一盞飯，呢個就正正常常，無咩特別！suggest 留個胃試多d佢地五同既點心好過

👉🏻海蝦肉餅竹筒飯🎋💲32塊蝦肉餅大舊得嚟好多蝦👍🏻唔會話食到一半冇晒啲肉得啲飯🤣加塊個甜豉油就夠晒味😗(不過其實個蝦肉餅姐係蝦餃肉嘅放大版😹舊肉都幾滑嘅🤔)〰〰〰〰〰〰〰〰〰〰👉🏻戚風班蘭馬拉糕💲24超好食💚💚💚💚💚雖然佢綠到好似加左勁多色素咁但佢個班蘭味真係好出😻食完唔會好似一般馬拉糕咁會覺得口乾🤣〰〰〰〰〰〰〰〰〰〰👉🏻鮮上肉響玲腸(6件)💲29好大碟好抵食😗又好特別 望落似炸兩但食落口感好唔同🤔佢個響玲入面又係有啲蝦肉餅 外脆內軟🤤三重口感🤣〰〰〰〰〰〰〰〰〰〰👉🏻師傅冬荀鮮蝦餃(2件)💲20呢個個皮有啲厚 仲要之前叫左兩碟都有蝦肉餅搞到呢個感覺超平凡😹〰〰〰〰〰〰〰〰〰〰👉🏻咸香黑魚子蒸燒賣(2件)💲20粒蝦好細🤥黑魚子感覺一般冇咩特別😕〰〰〰〰〰〰〰〰〰〰To conclude: 個人認為呢間一定要食啲出面茶樓冇嘅嘢先好食🤣班蘭馬拉糕一定要食😛💚

以前的星期六,日好喜歡去老點飲茶，一來唔冼加一，二來創意點心好食，但當佢愈來愈出名後，觀光客愈來愈多，就少咗去。今日突然好想回憶下，所以就決定食老點，以為去到要排隊，點知唔冼。叫了6樣野，炸雲吞+響玲腸+吾係老點漢堡包+羅宋湯鮮竹卷+肉排竹筒飯+甜品（焦糖蛋+芒果布甸）1.炸雲吞：蝦都大粒，脆卜卜，加埋甜酸汁，不錯。2.響玲腸：以前好喜歡食，同其他酒樓唔同，唔係用春卷，係用響玲的皮包肉同蝦，但今次失望係腸粉皮，唔包薄同煙韌。3.吾係老點漢堡：迷你，餡係蝦，加埋芥末醬，一口剛剛好，不錯。4.羅宋湯鮮竹卷：因為喜歡羅宋湯所以先叫，但太失望，鮮竹卷並無吸到湯味，有d位好難咬開個腐皮，羅宋湯味不濃，失望。5.肉排竹筒飯：：紅米飯，無咩味，肉排多淋，唔吸引。6.甜品：焦糖蛋維持水準，芒果布甸太實，失望。味道：2/5抵食：2/5回頭率：0/5

🐹今晚跟老朋友來食老點王，本以為會很多人，但七點到還有很多位。有別於傳統酒樓，這裡的最大賣點是新派創意點心。點了兩個新潮的點心 — 吾係老點小漢堡、鮮上肉響玲腸，另外再叫了三個點心。本想叫薑汁糕但餐牌沒有了大熱還有班蘭馬拉糕，但因為覺得會太飽就沒點了。很快就上了小漢堡，真的真的很小，一口漢堡，似是迷你包配上高級版麥樂蝦，再加生菜和少少芥末味道的醬汁。說實，這點心有點過份賣弄新潮，巧立名目，沒什麼特別。再來是傳統點心鳳爪，這鳳爪可能是因為用XO醬煮的關係，沒有什麼辣味，但同時XO醬味亦欠奉。🐹：還是比較喜歡傳統酒樓做的鳳爪。鮮蝦春卷中規中矩，外皮夠脆，鮮蝦亦很彈口。不知算不算新潮，但個人覺得沒什麼特別。這餐最滿意的一個新派點心腸粉皮包著響玲，響玲中又夾著鮮蝦膠。響玲比春卷更脆，腸粉皮也夠滑，整體吃起來很新奇的感覺，口感還不俗，值得一試。清酒雲吞雞亦很不錯未食準備放進嘴，已經聞到濃濃的酒味，雞很嫩滑，雲吞大小適中，是足料的。不知是細意安排，還是巧合，最後上的是讓我們清清腸胃解解膩的清菜。🐹：想試特別點心的可以來嘗嘗，不過還是覺得傳統點心更好食

見到openrice有不少好評，去睇show前帶家人來試，可惜大失所望⋯ 質素比屋村茶樓還差⋯ 更不能比點心專門店了⋯斑蘭馬拉糕⋯ 螢光色有點⋯ 而且不夠鬆軟⋯蝦餃⋯ 廿幾蚊得兩粒，但有點蒸過龍⋯燒賣，夠大粒但唔夠味⋯炸鯪魚球～ 呢餐唯一一樣較好食既⋯清酒雲吞雞～ 細到呢⋯ 酒味太嗆⋯蟲草花雞竹筒飯⋯ 原本以為是招牌食物應該不會差⋯ 但⋯ 冇咩味，連個飯底都好難食⋯ 爛飯⋯每人8蚊的茶錢，但唔叫係唔會幫你加茶⋯入面8成都是遊客，本地人的我地其實入錯去⋯

今日同老媽子行街,行到咁上下,又係時候食晚餐,老人家喜歡飲茶,旺角又難揾位，見到這間店鋪,有茶飲,便和媽媽坐低。這裏地方不是太大,但都坐得舒服,牆上貼滿食物相片,令到食慾大增。點心紙就放在枱面,好似一個文件夾,用了彩色印制,好清楚吸引。我和媽媽都叫了好多碟首先係獅虎鮮蝦餃皇 2件 2件,少少地唔錯,可食多幾款點心。 蝦餃皮薄夠彈牙,蝦夠大隻,爽口,唔錯。鮮蝦炸雲吞,這個點心好有童年回憶,細個最鐘意食。這個雲吞雖然不是很大隻,所以脆脆部份不是太多,唔緊要,因為勝在個餡夠多,好充實。有4件,比起我在酒樓食的3件還多。戚風班蘭馬孻糕 平時食的是㫵色的馬拉糕,今次用了班蘭味,所以是綠色,見到有好多小孔,即是夠鬆軟。食了一口,真的好香班蘭味,好清香,又不會太甜,質感好軟熟,唔覺實崩崩,好味。民意叉燒腸 6件名字改得好特別,嚟到已經切開了6件,义燒不算太多,但腸粉皮唔錯,不會太厚,夠彈性。當然要叫返2個竹筒飯,新鮮肉排竹筒飯和蟲草花雞竹筒飯。排骨和雞件都大大件。鋪滿在竹筒飯上,所以夾開餸才食,原來溝了紅米的,夠晒健康。雖然個竹筒細細個,但食晒都好飽。排骨不會太靭,加了些椒絲,带些微辣,好味。雞件大

今晚突然很想食點心， search 一下就到了這一間試一試。入內店舖不算大，位置有點窄。當然我的焦點是食物啦！值得推介的是響鈴腸，腸粉嫩滑，響鈴鬆脆，而必定要趁熱吃，個人十分喜愛。另外蝦餃及燒賣也值得一試。我也有試獲獎的灌湯餃，材料充足，以味道一般，未足以吸引我下次再吃。有點失望的是安格斯牛肉腸，感覺牛肉有「騷」味。其他的點心，質素一般。總結，這點心店的質素不過不失，如你於晚上真的很想吃點心，可以重點選幾項試試。

6pm到，人不多， 空調超冷大風，要求調位，女服務員態度不好。食物大致不錯，上菜也很快，唯一是竹筒蒸雞飯只有兩件雞，並且雞很乾，比較失望。6pm到，人不多， 空調超冷大風，要求調位，女服務員態度不好。食物大致不錯，上菜也很快，唯一是竹筒蒸雞飯只有兩件雞，並且雞很乾，比較失望。

蟲草花雞竹筒飯，就咁睇好似好多咁，但係一拎起啲雞肉同蟲草花，就發現原來啲雞肉得好少，唔係好夠送飯，應該飯少番啲雞肉多番啲咁就啱啱好啦師傅冬筍鮮蝦餃，都係冇乜特別，但感覺冇之前咁好食，唔知係個皮定係啲餡唔同咗爆漿芝心炸蝦丸，呢個好似係新出嘅，又係新鮮炸起，攤左一陣先咬，入面啲芝士漿比較小，不過同蝦肉一齊食又唔錯，蝦丸都算彈牙鮮蝦炸雲吞，冇乜特別，但係新鮮炸嘅，所以都OK戚風斑斕馬拉糕，馬拉糕好似比之前細嚿左，而且佢係冇斑斕味，連普通馬拉糕嘅味都淡左d，不過都係鬆軟嘅。

成日經過呢間野，第一眼已經比佢個名吸引左，終於有機會去比佢「老點」下-menu同普通茶樓一樣，一本簿仔+落單紙，不過係迷你版😍-菜式唔多，我地兩個人食，叫左幾樣野：新鮮肉排竹筒飯竹筒細細，上面裝滿左排骨，味道冇乜特別，不過飯就偏黏，我鐘意食爛飯所以好岩我胃口-標叔炸饅頭竟然標叔係何方神聖呢❓❗️我地覺得可能係係廚房洗緊碗既伯伯（離哂題）炸饅頭好「的式」，三隻細細既，三啖就食得哂。鐘意食炸饅頭既人都知，食炸饅頭唔係真係食饅頭，係食煉奶‼️炸得香脆既饅頭，熱辣辣咁點滿煉奶，一啖咬落去......正啊-鮮上肉響玲腸其實好似炸兩，不過扁身d，食落去偏向腸粉既口感。中間既響鈴脆卜卜既，配埋大大舊肉食，又唔錯喎-咸香黑魚子蒸燒賣黑魚子冇乜味，燒賣都叫大粒，咸香幾惹味，不過唔鐘意食咸魚就可能唔太岩-吾係老點小漢堡嘩‼️真係唔係老點，真係小小小漢堡喎。兩節手指咁高，好得意！雖然份量好似少d，但係一口一個，都咪話唔過癒雖然細個，但係味道都keep到唔差，裡面既炸物好脆-食完就會知呢到樣樣野都係幾細份，完全係為左單身人士而設既「小茶樓」，如果少人，忽然想飲下茶，又食唔到多野，呢間「老點」絕對係唔錯既選擇

可愛四色小甜點 📍老點點心 | 旺角·估下呢4個分別係乜味道···謎底揭曉從左到右分別是番石榴芒果焦糖忌廉咖啡·雖然呢間係點心專門店但我最鍾意嘅係佢地嘅甜品特別是番石榴清新爽口除左份量細細之外 0缺點·至於點心的部分我覺得無功無過喇不過佢地星期一至星期五都有$1一件嘅點心我地揀左蝦餃質素都ok·

平時都去開老點食點心。舖頭細，但兩個人黎飲個快茶完全無問題。今日就試下佢個吾係老點小漢堡。呢個點心好得意。有創意，同埋味道唔錯。漢堡係蝦堡，咬落彈牙。細細個既漢堡，味道好。仲有鮮上肉響鈴腸。同其他腸粉唔同，個腸粉入邊有響鈴同蝦。響鈴脆口，成個腸粉因為響鈴而唔同，好有創意同好食。蝦餃就一定會叫。但蝦餃就得兩粒，覺得少左啲。平時飲茶至少有三粒，希望可以改進。不過去開呢度食，係因為款式多，有選擇，同快靚正。