聖安娜餅屋 (已搬遷) 新店位置

吾係特別愛黑糖, 黑黑軟扒扒o既扭繩狀 (足9寸長), 賣樣一般…但佢又有核桃提子哩個我愛o既組合播?!...咁就試一試啦!!...黑糖o既獨特甜味就吾係好覺…但個包包係偏甜架!!...包身好軟熟, 提子乾多過核桃肉…似食普通提子麥包…仲有係…一年幫襯吾到兩次就俾我”中獎”…發現一條白色硬毛?!...應該係廚具掃帚脫落o既毛!!...印象打晒折扣呀~~~~~~~~~~~~~~~

6件西餅 __15元,是次用COUPON揀雲石蛋糕 ,呢件個味道幾特別,有d咖啡味,而且中間又有d cream~但唔係兩層蛋糕,中間cream果種造法,係食左1-2啖,中間有多層薄薄的cream,能夠營造雲石縱橫交錯的效果同埋taste!!!! 非常特別喔~ 呢件蛋糕都幾重手呀~下次一定再試過~~朱古力cake,朱古力味道幾好,唔係牛奶朱古力果種,有少少帶苦的~ 香蕉朱古力卷, 不過卷,中間一定有好多cream,香蕉味幾香濃

為慶祝我的生日,家人幫我訂蛋糕~款式由我揀^0^要去到該分店才有大大本蛋糕畫冊查閱,服務員效率快~不錯的 小鬆弛熊士多啤梨忌廉蛋糕(1磅)　＄１５８加生日牌~ 10元好在吱得幾靚,滿意呀!!放咁多字落去,效果都不錯~((比之前又貴左..記得我再上年生日,只係8元而已......不過又廢事家人花心思再吱朱古力醬,又去買個生日白朱古力牌...所以都係加10元好了))用恆生信用卡８折，再扣埋cash dollars = $112.8~粉紅色的心形圖案~ 都係朱古力黎ga,都好特別~~而且好味的~個表面仲有好多白色+粉紅色的碎朱古力條~圖中見到果2個心形朱古力,仲可以拔出來,有1枝好堅固的朱古力條支撐住tim我都幾滿意呢個咁靚的效果~草莓新鮮~共8粒~鮮味無窮小鬆弛熊個朱古力牌都好好味,唔會好甜蛋糕的忌廉,真係好軟滑呀!!! 非常之平滑~唔會係硬巴巴那種口感,最後張圖有碎黑+白朱古力粒,係我自行加落去的~中間d海棉蛋糕質素很不錯呀,軟軟的!!!!!又唔會油膩!!絕對係首推蛋糕之1!!!!!!不過我見近來聖安娜推出新款鬆弛熊蛋糕,都無左呢款lu~不過都有其他新款~

前日31-1-2010(Sun)男友話去紅磡塌樓附近探探幾個朋友,我o地出發前,行經呢o度就買麵包做早餐啦.我o地買o左:$6.50 o既吞拿魚包,$6.50和風咖喱牛肉酥,$5.00咖啡雪芳蛋糕,$6.00o既盒庄鮮奶同加$3.50就買到o既果粒橙.我o地上到巴士食,男友食吞拿魚包,我食和風咖喱牛肉酥,佢唔太辣,幾香夠酥.而咖啡雪芳蛋糕唔太甜亦幾鬆軟.有9折咭,折實$24.80

星期日路過聖安娜看到它的display櫃有兩個75度~~興奮得粉仔想即時買下 可是想想家裡有餅卡~ 所以還是忍下了~~昨天粉媽終於去換了一個回來~~~終於見到真身啦~~~ 不過粉仔又覺得55個樣好似靚仔d wro~~同埋點解個盒上一定要有happy birthday? 唔生日唔食得蛋糕?上次去美心買天使仲奇怪 畀錢果時無啦啦個收銀姐姐同粉仔講 「你幫我同生日果個人講聲生日快樂呀!」 囧rz~~~ 邊度有人生日呀??? @0@跟55度最大的分別是在於蛋糕上的朱古力 55度是朱古力片 而75度是朱古力碎變成朱古力碎的好處是吃下去感覺沒有那麼膩~~75 跟55的口感差不多~因為都是朱古力蛋糕＋朱古力的cream+脆脆~ 不過有55上的朱古力片呢口感更豐富一點~~ 但75度的朱古力味比55度濃多了~ 喜歡dark chocolate的粉仔 覺得75比較正~~~ 而且因為感覺沒有55那麼膩 粉仔吃了一件後又忍不住多切了一件ooooooo~~~ 最後還是吃到有點滯呢~~~ 所以切了後 即時把它放回雪櫃 否則就很危險呢~~附帶一提現在去買蛋糕還送了一張特大的鬆弛熊的生日卡呢~~

尋日(29-3-2009 Sun)同男友從皇崗返港後,落o左車行上o黎,經過聖安娜,想買定麵包做今日早餐,但o係外面睇吓啲cake先,有cheese cake呀!於是拉住男友一齊睇同揀,我揀o左$12.00o既藍莓cheese cake,男友揀o左$9.00o既雪地尋莓,之後佢話要還返件$6.50o既全蛋咖啡蛋糕畀我,哈.而睇啲麵包,冇個吸引o既,於是唔買麵包.我o地拎住件咖啡蛋糕行去收銀,咁我先拎張九折咭同收銀講有咭,佢應o左我知道o既,然而我就話要o個啲切餅o勒,咁收銀計好數,話廿七個幾,我冇為意,男友就畀o左錢,我一路行一路諗,咦?!佢好似冇畀折我喎,佢明明有應我o格,有冇攪錯?返到屋企打開個盒拎o黎食,藍莓cheese cake冇藍莓味,亦唔夠芝士味,只係口感似樣啲,唔得呀!味道: 1分男友o既雪地尋莓,個名好靚呀,不過都只係一件好普通o既士多啤梨西餅,不過就係大件啲之嘛,唉!味道: 3分而咖啡蛋糕就未食,應該 / 希望同上年食o既一樣咁好味o掛.PS: 既然你唔畀折扣我,咁我o係呢o度畀返你啦.

尋日(26-3-2009 Thur)冇飯盒帶,但又要留肚夜晚再去北京酒樓拆餐勁,同男友晨早落荃灣食早餐,就諗吓諗吓,不如o係o度買定麵包做lunch啦.於是入o黎睇,搵唔到上年食過o既咖哩酥,有啲失望,但見到$6.80o既芝士火腿潛艇,好似好吸引咁,就買o黎試吓,再買個$6.50o既全蛋咖啡蛋糕,咁就prefect喇.當我排隊畀錢時,我就向佢推介全蛋咖啡蛋糕,但佢就揀o左全蛋朱古力蛋糕o黎試.咁我有九折咭,折實就係$17.80.個芝士火腿潛艇重食熱辣辣o既,可惜我唔係當早餐食.我將全蛋朱古力蛋糕先畀男友,食完早餐後就分開返工.返到公司我睇睇,咦?!我o個個係全蛋朱古力蛋糕o黎o既?唉!同男友o個個調轉o左添.到lunch hour喇,用微波爐叮暖返個芝士火腿潛艇先.食落,芝士味好濃,兩片火腿潛o左o係裡面,芝士加火腿都唔太漏,可能個包面夠乾身啦.不過可能我早餐都食得充足,所以食唔落全蛋朱古力蛋糕,都係留返遲啲食吧.味道: 3.8分 抵食: 2.5分點知到4:15pm,肚餓添,於是食全蛋朱古力蛋糕,打開時,油淋淋咁.咬落,依然軟軟熟熟,但竟然食唔到朱古力味,呢個唔係幾得喎,下次都係買返咖

** 此 食 肆 的 第 八 個 笑 **6-9-2008 Sat到荃灣整o野,順便o黎攞朱古力軟心冰皮月餅,橫豎都係,又有張9折咭,睇埋有咩麵包o岩媽媽食先,咦?!有全蛋朱古力蛋糕,咖哩酥,豬肉酥,好似好吸引咁,於是買咖哩酥,豬肉酥,而全蛋朱古力蛋糕…..月餅都已經係朱古力,而且媽媽可能唔鍾意,但又被我見到有全蛋咖啡蛋糕,好,就買呢三樣.返到屋企,問媽媽食唔食,佢答唔食,於是我影o左相後,都係由我食,我先食咖哩酥.一咬落去係凍o既,但酥皮好脆,咖哩係青咖哩,唔辣,但餡料唔多,不過都算漏,但味道唔錯.味道: 4.5分而豬肉酥呢,相對o黎講呢個就遜色o左啲,而酥皮就冇咁脆.餡料味道唔多吸引.味道: 3分到9-9-08 Tue,我食埋全蛋咖啡蛋糕,擺o左o係o度咁耐,竟然未變壞,蛋糕依然鬆軟同有彈性,咖啡味香唔太濃亦唔苦,味道o岩o岩好,當中o既忌廉亦好滑,呢個唔錯.味道: 5分總數$14.80,有折就覺得呢個價錢OK o既

這是後補既食評! 上星期做完gym 聽個胃行雷, 於是係度買個我想試好耐既恐龍蛋, $3.8! 包面是咖啡皮, 個心有類似雞尾包既椰絲餡, 咖啡味都幾香, 餡唔太甜, 幾好! 不過, 食完之後, 我都唔知點解佢叫恐龍蛋, 佢只係咖啡皮菠蘿包+ 雞尾包既變奏, 唔會再花錢買第二個!

爸爸生日, 訂左一個兩磅既生日蛋糕, 選擇了catalog 裡既棉花糖石板街薄脆蛋糕, 因為爸爸鍾意食石板街雪糕, 所以選擇這個蛋糕都應該合佢心意!朱古力味蛋糕算鬆軟, 但朱古力味不夠香濃, 內裡夾了棉花糖粒和杏仁粒, 份量唔多, 算可以接受, 蛋糕底有一層朱古力脆, 記得舊年都食過聖安娜有薄脆既蛋糕, 層薄脆係十分好味, 很脆口, 但今次卻完全唔同晒, 連材料都唔同左, 今次好明顯見到個樣係好似一粒粒米, 朱古力色既米, 口感都唔脆, 反而係韌, 好奇怪, 點解會唔同左, 早知就唔要層朱古力脆, 令到我對個蛋糕扣分!其實呢個蛋糕唔算好味, 比起美心真係差好遠, 加上個蛋糕材料唔夠豐富, 食多一件已經覺得悶, 下次都係選擇什果蛋糕, 起碼有生果食下, 味道都會豐富d, 下次都係食返美心!

以前媽咪通常買開$10三件D蛋糕(佢大多數去愉景新城分店),覺得幾鬆軟,味道亦OK!佢亦會買提子丹麥條俾我,因佢知我鍾意食提子乾!雖然丹麥條好好味!但總覺得面頭太油膩!再講$5好似貴o左少少!自從媽咪舊年9月病o左後,冇再去買蛋糕同丹麥條喇!上月探媽咪前見到新出o左隻特濃朱古力蛋糕,四四方方中間有層朱古力醬,買o左俾細妹,因我細妹鍾意食朱古力!我細妹話味道唔錯,不過買過幾次俾佢,佢話有時鬆軟,有時無咁鬆軟!$4.5一個細細個,講真都幾貴!反而覺得佢o地合桃酥好抵食!$22大大包,仲要係獨立包裝添!既方便,又衛生!

12月25日聖誕節, 同家人食過下午茶後, 已接近六點, 行過聖安娜, 見有好幾款聖誕蛋糕, 幾靚幾吸引, 於是買一個回家, 揀左一個叫溫馨冬日既蛋糕($125), 即芒果mousse 薄脆蛋糕! 整個蛋糕中既芒果粒唔太酸, 但芒果mousse則唔夠滑, 中間夾一層朱古力薄脆, 我覺得最好味道就係佢, 淋身既mousse與脆身既薄脆一齊食, 口感一流! 而mousse下面就係原味既海綿蛋糕, 味道普通但夠軟熟! 蛋糕外圍仲有士多啤梨, 綠色樹葉形狀既朱古力片, 蛋糕頂有幾粒芒果, 仲有聖誕老人公仔, 聖誕鐘, 少少cream等裝飾, 全部都食得, 一磅裝蛋糕, 話咁快就食完, 都算食得過, 最好既地方就係cream 少, 每一啖我都覺得好味!

個名雖然好長,但佢係一包五件既迷你版,味道好好,絕無欺場,肉鬆惹味得黎唔會太多太糊口, 芝麻好香真係好香, 紫菜就唔係好夠,應該要多一點!反而食到幾大椰味,不過ok啦!size細細地幾好,可以一次食晒,唔怕放耐會淋!推介!

呢個麵包其實係一個蕎麥向日葵花籽包, 如我所料, 佢類似一般小麥包咁上下, 不過多左葵花籽, d種籽大部份鋪在包面, 而包裡都有夾雜少許, 個包清清地淡淡地, 但食下食下就開始覺得鹹鹹地, 原來d葵花籽係幾鹹架喎, 不過個包好軟, 而且唔油唔膩, 感覺好healthy, $6半個, 都算係咁啦!

一個圓形錫兜裝住八小球既包仔, 麵包好軟熟, 味道少少甜, 提子份量唔算多, 我覺得啱啱好, 除左有提子粒之外, 仲有南瓜粒, 份量比提子少一點, 南瓜味道食唔到有, 雖然如此, 但覺得比一般提子麵包好味, 而且麵包又唔油, 算唔錯!