聚滿坊粥底火鍋私房菜 (已搬遷) 新店位置

呢日約左3個朋友一齊食晚飯,  因為其中一個係外藉人士, 從來都未打過邊爐,而佢住嘅國家又比較少食海鮮, 所以我地帶佢來食粥底海鮮火鍋 - 既可以食海鮮又可以打邊爐!至於點解揀呢間? 因為年幾2年前有個藝人大肆推介呢間嘛~想試好耐喇, 今次一於帶埋朋友來試佢佐敦道落車, 行左大概10分鐘先到~入到店, 店細細, 其實都係坐得4-5枱人~但因為今日平日吧? 所以計埋我地成晚都只係見3枱人~咁呢, 我見佢最主要係有4個套餐的~但我地主要想食粥底海鮮火鍋, 所以撇除左泰式嗰個了~然後$368個個要訂~ 我地又冇訂到~最後我地叫左$288嗰個~店買話, 呢個D海鮮好D, 蜆變花甲, 多左元貝, 魚變龍躉, 魚滑變鮮蝦墨魚滑, 仲有丸都upgrade左~開始時, 煲入面只係米水, 冇米的~畀我地煮晒所有食材後, 最後先加米飯落去煲粥食的~店員會提供辣椒生蒜同豉油畀你調味~然後d食物就開始到, 我地就開始食了~上: 游水海中蝦真係仲識郁的! 好生猛!都幾大隻, 好鮮甜~每人有3隻~下: 日本海金蠔呢個冇咩特別, 蠔都大隻嘅, 味道正常~上:動感鮑魚真係動感嫁! 仲郁緊的!厚肉, 新鮮! 好味!呢個

其實只是一般海鮮，不知點解吹到咁大，去街市買自己烚/蒸熟仲好！😡🤬食到一肚氣，伙計粗聲粗氣，不憂做咁款，地方又迫，成日怕被人撞，吾該都無聲成日左攝右攝放低食物，問佢野又嫌食客煩咁，打去訂位又話‘係咁難訂架啦，多人呀麻...’....咩態度？！海鮮鮮甜？！不覺囉⋯⋯咩海鮮都好只要未死都甜架啦！！....既然無特別但最主要是受氣真是好不值👎🏻👎🏻👎🏻出面大把選擇！各位睇清睇楚先去食！不然包你食到一肚氣！

我訂了6點半, 去到不斷叫我落呢樣,落個樣,每5至10分鐘就叫我快D食把鍋內食物食完, 我地2人都未能食完 ,店員又叫你快D落食物, 當時我真的忍唔住問佢,你們那麼趕時間叫我們快快把食物食完,你們是否想我7點半食完交枱嗎。店員話不是呀,是怕我地唔識落食物。。。天呀。。我不是小朋友。比店員狂迫我地快食情況下,我7:35 已經走人,食火鍋食得最辛苦既一次。佢地分兩輪,6:30 0r 8:30 ,不明店員為什麼要咁樣做。

幾年前見過歐錦棠介紹過呢間喺渡船角既粥底火鍋配料多又抵食，之後一直想去，訂過幾次枱都滿座，無意中見到訂枱網有呢間訂，仲有折添～　不過只可以揀$198嘅特惠版有16款食材其中有七款海鮮，包括：鮑魚、海蝦、花蟹、蠔、魷魚、魚、蜆，仲非常新鮮，鮑魚仲識郁㗎！ 2個人一條魚，一隻蟹，分量好好。雞件嫩滑，魚滑都好鮮味~ 食曬所有野，店員會將粥底加飯煮成粥，吸收哂海鮮精華超鮮甜，仲好窩心咁比埋脆卜卜既油條～食埋個粥真係捧住個肚走，好滿足！

聽講呢間好受歡迎，所以一早訂左位，仲訂左個星級餐~D海鮮全部都好新鮮, 鮑魚上枱既時候仲識郁~全部都好有鮮味, 淥一淥好快食得~牛肉都唔錯~貝類海鮮鮮甜~食晒D海鮮之後, 就要食埋個粥底啦, 職員都話前面唔好食咁耐, 因為一直加水D粥會冇咁好味~不過我地加左兩次D粥都好入味, 有晒海鮮鮮味, 加埋南瓜粒非常perfect~仲有店送的油炸鬼粒好match

與朋友慶生，來了這家佐敦的食店。本來在尖沙嘴有分店，想不到已經結業。佐敦這一家地點不太就腳，店鋪比較小。我們四個人點了兩個星級餐、兩個特惠餐。再加一碟魚皮，魚皮即叫即炸，皮薄，一試難忘星級餐多了聖子、帶子、龍躉等海鮮，食材都非常新鮮。最喜歡是蝦，大大隻，非常生猛。吃起來還非常鮮甜。螃蟹也非常美味，每人半隻剛好。最後店員還會幫我們煮粥，南瓜、雞和之前的海鮮湯底在加粥，拌在一起，每人剛好一碗。朋友吃過都讚好。這種有質素的小店希望能長做長有。

朋友生日飯聚，選了佐敦文蔚街的聚滿坊食火煱，一行五人坐在大門旁的大U型卡位，非常舒適闊落。我們選了每位$218 的套餐, 飲品另計。因為店員態度殷勤有禮，故向我們推介鮮炸魚皮， 在不好意思拒絕的情況下要了一客， 但原來真的超級好味， 我還是第一次吃到熱辣辣新鮮炸起的脆卜卜魚皮……必試！火鍋配料以海鮮為主，真的非常新鮮 ， 鮮蝦非常生猛 ，要用碟子蓋著，否則會跳出來。 其實我是喜歡吃牛多於海鮮的人，這裏的牛肉份量不多，但慶幸是非常美味！至於最後那個期待已久的粥底，我已飽得吃不下，但朋友們都覺得鮮甜好味。全晚我認為難吃的，就只有魚蛋，完全沒有味道，其他所有都非常滿意！

粥底火鍋的價錢是以每位計算，我們四人選了特惠版，每人盛惠$218。食物選擇與份量已經事先設定好，個人不太喜歡這種零彈性的安排，火鍋對我來說有如自助餐 (快餐店的火鍋除外)，可以只吃自己感興趣的食材，即使火鍋不能全自選，至少希望可以半自選。我對蠔不感興趣，若然吃自助餐，頂多吃兩三個或不吃，平常吃火鍋更不會點來吃，不過這裡的食物款式早已設定，不吃白不吃還是吃了。沒什麼評價，因為本來就不懂欣賞，只能說不難吃。鮑魚新鮮肉厚，不過鮑魚本身的味道淡，以粥水作湯底又難以為它添上味道，更使其鮮味流失於粥水中，厚肉吃起來更顯無味，感覺有點可惜了大好的鮑魚。蜆無沙，但肉小，吃了等如沒吃的感覺😅蝦送上來的時候依然活蹦亂跳，必須蓋着才能阻止它們逃走，可見非常新鮮，肉質尚算爽口，也能吃出一點鮮甜。魷魚沒個味道，質感也沒有出色之處，演活了吃之無味棄之可惜。魚滑味道可重了，然而是泥味巨重，我們四人其中三人受不了要吐出來，餘下能吃的那位本身是個味覺特別遲鈍的人.......牛丸自己沒吃到不評，魚蛋質感可以，但味道偏差，有一股不討喜的味道，質素近似超市以磅計的自取自選丸類。雞肉沒到鮮甜嫩滑，中規中矩，但一頓火鍋沒一兩盤

唔知食乜好，又想清清地所以揀咗食粥底火鍋!去到要等十幾分鐘先有位，店員話尤魚可以升級俾聖子皇我哋，最終我哋揀咗$288嗰個套餐。。。啲蝦上枱仲識跳，蟹俾人湯開一半啲手腳都仲郁，整體嚟講算幾新鮮!店員間中會提我哋海鮮要淥幾耐。食到最尾先放南瓜煲粥，店員好小心咁幫我撇完油先煲粥~睇住佢無落任何調味都好鮮甜，仲有油條送粥，飽飽

第一次試粥底火鍋，都係朋友介紹黎呢間試下。海鮮係完全超出預期！講下個menu，有特惠版、星級版仲有至尊版，我地揀左星級版。一黎到服務員好nice同我地介紹menu，海鮮上到台都係好新鮮，啲蝦仲識跳！之後店員同我地講有啲新番既雷暴貝，$48蚊一隻，我地叫左三隻試下，完全超出預期！勁甜🤤🤤🤤🤤🤤整體黎講，雖然埋單每人差唔多400，但係啲海鮮係好新鮮，最後仲有粥食，而且食得勁飽，鍾意食海鮮真係唔好錯過，有得返轉頭完全大滿足！

跟著呢間野所寫 係尖東站行去 其實係好多餘 因為我不識路 打算搭地鐵去佐敦站行過去 驚好遠 諗諗下都係唔好 事關呢間野寫教人由尖東站行 諗住無衰 點知原來果條路極少人行 恐怖到死 點止7分鐘！！ 我地8個大人 都只係得一個爐 不過都無所謂 樣樣一份份 沒有成幫人可以搶食的樂趣！！海鮮就普通啦 過得去 菜都無條 又話粥底火鍋 點知咪只係水鍋 仲衰過清湯湯底！！ 最後 通常火鍋完 煲底的野都唔會食 呢間會幫你加點粥落去滚幾滚俾返你食 其實 睇見都唔想食 不過 試了兩匙 完全無好味 只係食到海鮮殼味!!

今次呢間粥底火鍋係朋友帶我嚟既，朋友話佢食咗好多次都覺得好好味，一定要帶我地嚟試下。呢間餐廳得兩隻餐選擇，一隻係$218特惠版同$288星級版，星級版既有多啲同唔同既海鮮，我地就叫左特惠版。佢會跟返有幾多食俾返相等既份量你，下面既相都係四個人既份量。好快就倒咗湯同餸俾我地，啲海鮮全部都好新鮮，蜆同鮑魚都係郁既，而蝦更加生猛到係咁跳，要搵個蓋遮住先得。最鐘意係啲聖子，食落去勁爽，好好味！牛肉都好好食，幾厚，唔似出面好薄既肥牛。菜類～食完晒啲餸之後就會俾埋油條你，再幫你"不"走湯入面啲油，加粥落去～～呢度既職員都好有禮貌好親切，見我地唔知每一樣嘢要放幾耐先可以食都好細心咁一樣一樣話我地知。

前前後後食左幾次，頭兩次去都唔錯，又有禮貌又細心，一直以來食物都幾好，不過服務每况越下，差到依加都唔想去，第三次同朋友兩個人去，個侍應(中年女人物體啦)係甘吹我地食快d，個煲d野未食完，就係甘倒野落去，仲叫我地快d夾起距來食，我地食得好急好趕，有同距講我地自地整，係甘來望我地食成點，又幫我地倒野，我地由坐底到埋單只係一個鐘，勁無奈，第四次去，諗住同朋友俾多次機會，結果又係甘，不停吹，不停倒，個煲仲有魚，蟹同丸，都照落粥，以前會等客人食曬，仲會提or幫我地撈起碎骨先落粥，我都喝住話仲有野未食完，距唔理照落，又係逼我地一個鐘埋單，做生意係甘既咩？依加兩個人打邊爐要限定一個鐘交枱？九流服務

同爸爸預祝生日！爸爸同佢啲老友最鍾意打邊爐，所以今次黎聚滿坊食海鮮同粥！我們9人，訂了特惠牌，比星級牌少了幾款餸，不過平近100元，比較適合我們。* 特惠牌 * 鮑魚、海蝦、花蟹、蠔、魷魚、䱽魚、芝麻雞、魚旦、牛丸、南瓜、冬瓜、粟米、油條、魚滑、肥牛。樣樣海鮮都很新鮮甜美，鮑魚、蝦及蟹上枱時還在動。其中一隻蝦更自己跳進鍋裏。魚滑有陳皮味，不錯。最失望的竟然是粟米！份量是按人頭，好像鮑魚蠔便一人一隻，蟹就一人半隻，蝦好像是一人三隻，等等。烚完所有食物後，侍應便會煮粥。全晚精華所在，超甜！

新嘗試第一次到呢一間打邊爐⋯⋯特別之處係用粥底嘅水去做湯底，其後就係好多海鮮上枱有勁鮮鮑魚丶泥孟丶有蝦丶有生蠔丶蜆仔，所以主打以鮮作招徠！枱椅就唔多，最多有10張，如果係三四知己都係一個幾好嘅地方！係用一個餐單形式去計算人頭嘅！$198/人，而其他汽水啤酒嘅嘢就全部散叫。但牛肉略欠吸引！