聚滿居

營業中

休息中

逸東食飯想坐得舒服&慢慢坐，飲茶都算唔錯既選擇，星期日午市不用等位，大部分都是一家大細或陪長老吃飯北菇棉花雞食棉花雞就是為了棉花，其他都是配角，可惜棉花份量不算多蔥花炸兩腸夠熱&脆

食品味道：我點了味菜火鴨絲炆米 火鴨不是絲是條狀的 味菜沒有味菜味 不酸不甜不咸北菇棉花雞 雞肉還未熟 只是蒸鳳爪可以入口價錢：是一般酒樓的價錢， 需是下午茶時間 小點也需要 20蚊

公眾假期家人想飲早茶🫖假期幾乎坐滿人，而且上菜都比較慢，但係氣氛幾好。1️⃣香煎蘿蔔糕口感軟糯，唔算香口，加咗醬比較食得落。2️⃣鮮蝦腐皮卷呢個係四樣入面最好食，腐皮夠脆，饀料夠味👍🏻3️⃣燒賣幾大粒，味道正常。4️⃣黑芝麻馬蹄糕芝麻味濃！馬蹄清爽，夾埋又幾唔錯。賣相一般，但味道係比賣相好😹🤔本來想叫燒腩仔飯，但原來10:30先至有師傅整，所以取消咗。最後埋單$177，兩人四個點心可接受。

下午2點左右去咗飲茶 人流唔算太多 但上菜速度極慢 而且不論食物質素同溫度皆強差人意叫左6樣嘢食漏咗2樣 叫侍應生補上時愛理不理咁 諗住可能上午人多佢哋比較疲累 過咗15分鐘依然未上菜 搵經理追問下原來佢根本冇跟進過 經理叫佢跟返佢仲要態度惡劣否認 成個用餐體驗極度惡劣

好難食的一間酒樓。食物上得慢，逐樣逐樣上，但係又唔係熱辣辣。炸兩入邊油炸鬼硬掘掘，出邊腸粉凍冰冰燒賣，中間舊餡全部都係肉茸，好似啲即食燒賣咁流沙包，中間流沙勁大浸化學味，麵包咬落一嚿嚿。係個燒腩仔飯正常d, 碗白飯幾香幾大碗，燒肉係燒腩仔，不過燒肉脆皮唔脆，同埋有啲鹹，整體好過其他嘢食就叫好啦。絕對唔會再去食，而且座位勁迫，逼到好似隔籬枱係一家人分枱食咁樣，黐線。就咁兩個大人食咗4樣野，多謝$220係啲餐具幾乾淨，水夠熱

Disney hotel check out 後入東涌食lunch ,同公公婆婆一齊志去，老人家要飲茶，上OpenRice 搵到呢間星期一至六全日同一價錢小點$17.8,中點$23.8,大點$27.8,特點$36.8食物上枱都熱辣辣春卷內面係鮮蝦沙律流沙奶皇包唔流沙千層馬拉糕中間咸蛋黃果層冇味尤魚炒面ok點心拼盤，义燒包正常，菜苗餃好食，蝦餃good,薑汁糕煙un有薑汁味濃湯魚肚浸蘿蔔，蘿蔔好淋百花釀茄子，上面唔係魚肉係蝦膠

屋村酒樓「聚滿居」因為經常光顧，食到服務員💁都認得。冬風起，食羊腩煲🐐是常識吧： 用上gas爐一路滾住一路熱辣辣咁食，配埋啤酒🍻仲正，羊腩完全無騷味，爽彈得很，配埋吸精華的腐竹、爽口馬蹄、竹筍、香菇等，越食越入味，點少得傳統腐乳醬！成功調起羊肉肉味。姜蔥爆桶蠔 🦪： 用上美國大桶蠔、店員會即場拆開桶蠔比我地睇有幾多隻，以示公平公正，無花無假，用上姜蔥香爆蠔，無縮水之餘仲脹卜卜，咬落仲鎖緊肉汁，用生粉鎖水，走油，再調味，食落有層次。豉汁蒸鱔：食得出係爽鱔、吾係比焾身個款，蒸得好入味，豆豉味好出又吾會死咸，鱔爽彈先係靚野，新鮮。姜蔥炒蟹🦀：肉蟹膏吾多，但肉夠厚同扎實，走油令到蟹殼炸至脆身，好味，酒家都好細心，已破爛蟹殼方便食用，蟹肉清甜。咕嚕肉：一碟家常但顯廚師功架既菜式，用上半肥瘦豬肉，外皮炸至香脆，又吾會比淋面的菠蘿🍍醬整焾左、酸酸甜甜嘅汁包裹著脆豬肉，加埋菠蘿🍍粒同紅椒，好開胃。總結：整體有鑊氣區內酒樓會再光顧

從未嘗試過食呢間酒樓晚餐好奇想嘗試一下經過店員推介片皮鴨食法套餐片皮鴨佢啲肉攞嚟薑蔥爆炒片皮鴨大大片加埋薄餅，洋蔥絲， 青瓜條片皮鴨專用醬汁全部加埋一齊變咗好大一舊要分三四啖先食得晒一嚿薑蔥爆抄鴨肉味道相當唔錯啖啖肉

自從上次同朋友去左食片皮鴨，突然口痕想再食，就同男朋友走左去逸東呢間聚滿居食晚飯。坐低之後就叫咗個片皮鴨二食套餐，姐係除左有餅皮包既鴨皮之外，鴨肉仲可以幫你拎去加工，咁我就叫左薑蔥爆鴨肉。片皮鴨雖然唔係食過最好味，但勝在比起出面餐廳，呢度既份量多，無論係餅皮定鴨皮，都夠晒大塊。呢個薑蔥爆鴨肉真係無得頂送飯一流，而且差唔多舊舊都好有肉地。最欣賞佢唔似出面餐廳叫完一隻片皮鴨，啲鴨肉唔知去晒邊，夠晒抵食。

Family Day最好就係去飲茶沒出街的日子唯有到屋企樓下的聚滿居嘆下午茶吧！屋邨酒樓不要奢求有好招呼但求點心好吃已是萬幸，這裡假日茗茶盛惠＄10/位真心不便宜！好先來炸物鮮蝦炸雲吞(大點)＄25.8從來是我們必點的炸點，這兒炸得輕脆不會過油沾些酸甜汁吃好好味。潮州蒸粉果(中點)＄21.8皮太厚餡料比較小下次可以不吃！！而這個豉汁蒸鳳爪(中點)＄21.8味道調得很好，鳳爪淋而不散口感不俗，不知何時連豉汁蒸鳳爪也變成中點，不過全張點心紙也只有一款陳皮紅豆沙是小點而已！！我小時候最愛吃雞扎其實是喜歡吃那索滿汁的魚肚，而自從出現了百花釀魚肚(特點)＄32.8後我已經投入了它的懷抱中，這客百花釀魚肚夠而料而且味道弄得好我喜歡喔！香茜叉燒腸粉(大點)＄25.8腸粉皮不夠滑溜之餘又厚身，最致命是不夠熱冷若冰霜的溫度大煞風景！！這個回味薑汁糕(中點)＄21.8可算是得意之作，口感煙韌彈牙薑味濃之餘不太甜，就算放涼了吃依舊吸引！    這間聚滿居食物質素半半吸引，懂選擇也可吃到好點心，在沒選擇的情況下也可以一試吧！

東涌區內酒樓唔多，想同姥姥👵🏼食餐好又要坐得舒服😌，就去位於逸東商場2樓的「聚滿居」。鐵板燒汁牛仔骨：上菜時「炸炸聲」，放係鐘板上可以保持溫度，毫不吝嗇的太大塊牛仔骨，醃製得好鬆軟，但食落有少少鬆肉粉味，燒汁夠濃味遮蓋了鬆肉粉味。薑蔥大蝦粉絲煲：大蝦夠曬爽彈，好細心剪走晒啲蝦蘇蝦腳，食落方便，可以啜埋D姜蔥味，姜片多到喊😍 粉絲夠曬焾☺️，係底吸曬蝦汁精華，蝦走一走油，特別好食😋。龍躉魚片：老人家🧓指定食魚🐟，叫個龍躉比佢試下，估吾到又係用鐵板呈上，好多姜蔥絲，龍躉好滑嫩，無骨，老人家KO曬。總結：屋村酒樓黎講質素吾錯 大推姜蔥蝦粉絲煲

今日放假，約左老人家飲茶👵🏼早早到左位於逸東商場二樓的「聚滿居」拎位。區內老人家多，早上八點拎位都要稍後片刻。去到門口先發現有得用THE GULU 排隊，下次會醒點用APPS排❤️😂茗茶開水每位HKD 9 ，點心種類多元化，有平時叫開既燒賣蝦餃、仲有香口芋角酥、水餃🥟灼菜咩都有，佐酒小食都有🥰應有盡有。千層馬拉糕（大點）：即叫即蒸，香噴噴，望落好似黃金糕，食落奶黃味香濃，非常鬆軟，甜度適中。香芋鴨腳扎（大點）：好足料呀，鴨腳帶芋頭香，呀婆都都食到，入面仲有舊蝦膠，好入味。叉燒腸不過不失，可能凍左有點豬肉騷味。牛肉球好彈牙，腐竹底吸曬精華。XO蘿蔔糕可以不用叫，因為蘿蔔糕煎得完全吾脆，重點太油了，又吾入味🤨總結：東涌區內坐得舒服飲茶地方食物款式多 質素還可

Family day同屋企人落去飲咗個茶，依間嘢星期一至六1630前都係咁嘅價，冇分早午下午茶市咁。咁我個日就平日嚟，4個人去食。食咗8樣嘢，但有啲太餓唔記得咗影，咁我特別介紹佢嘅炸芋角，因為係出面其他茶樓都好少有見到炸芋角了。佢嘅芋角外面做得好脆口，但入面就硬咗少少咁，不過都有食到芋頭嘅粒粒，整體都係好食嘅。再嚟就介紹佢嘅薑蔥牛栢葉，依個點心嘅味道做得都好足，會令人一啖接住一啖。咁其他嘅點心就不過不失啦，4個人食咗大概220左右，覺得都幾平嘅，平均55蚊個，去茶餐廳都差唔多依個價。

住咗喺度10年呢間算係唔錯表現平均嘅酒樓奶黃馬拉糕新式嘅馬拉糕做法，夾住奶黃夾心，細到大都係我嘅最愛，新鮮出爐唔會濕，熱辣辣。鮮竹卷咬落去啖啖肉配埋啲汁好Juice炸雲吞新鮮炸出嚟非常脆口，唔會因為放左好耐再返炸，而硬，入面有粒蝦配埋甜醋，非常夾。鮮蝦餃皮薄餡靚，晶瑩剔透，入面有三到四隻蝦，配辣椒油，鮮味提升～～福建炒飯酒樓食炒飯好講師傅嘅功力，一般呢都比正常茶餐廳好食好多，飯係炒底，每次必點因為係區內唯一一間嘅酒樓，所以相對會比市區唔算好平。但好食過東涌站海堤個間

趁星期日屋企人放假，就會去酒樓飲茶。呢間酒樓係逸東商場三樓，逢假期都會人山人海，都要等一陣先有位。點心選擇都算多嘅，午市時段都有唔少組合套餐。流心奶黃包嘅水準好高，流心效果一流。