聯發茶餐廳

營業中

休息中

這裡的蛋三明治非常美味,它的炒蛋真的一試難忘。 這次我點了早餐,吃了一個午餐肉公仔麵(出前一丁)。我覺得他的公仔麵做得剛剛好, 到餐桌上還是很爽口的。如果你想添加更多的香腸或添加一塊額外的肉,你需要添加10元。加上冷飲費用50元。

每次放假大多數我同男朋友都鍾意去食茶餐廳，今次去左九龍城一間茶餐廳，因為突然之間心血來潮，好想食沙嗲牛肉出前一丁，需要搵到呢間茶餐廳咁啱又開，平時食開嗰間樂園冇開，所以試吓新嘢。我同男朋友都叫咗沙嗲牛肉出前一丁配多士炒蛋火腿🩷🩷🩷🩷 整體嚟講個沙嗲牛肉食得出係比較新鮮嘅牛肉，佢唔會煮得太過老，不過佢個沙嗲汁就冇咁出，比較淡味，要加埋佢枱上個辣油可以帶得出個牛肉味👍🏻。滑蛋整得都唔錯，夠滑唔會太老。同埋個多士幾厚身脆卜卜，不過我個人鍾意食多士嘅時候加啲砂糖落去，甜甜地好過癮🤓✌🏻個火腿就不過不失，不過當日去到要排隊，排咗幾個字。下次如果經過嘅話都可以值得一試。👍🏻值得一提佢個凍檸茶都整得10分夠濃味，果然茶餐廳嗰啲檸檬茶真係間間都好夠味👍🏻👍🏻茶記必嗌五個心心為最高分聯發茶餐廳 (九龍城)九龍城侯王道2-4號地下1號舖

今日早上經過九龍城，知道附近有一間出名嘅早餐店，特登過嚟試吓！睇吓同澳洲牛奶公司係咪一樣質素先！點知去到已經大排長龍，我諗質素返都有返咁上下！不過佢哋輪轉得好快，所以好快就輪到我！當然嚟到一定食早餐啦！價錢唔平！希望質素都好啦！嗌咗個餐肉公仔麵，配炒蛋多士，叫埋杯熱奶茶！唔使2分鐘，公仔麵就到咗啦！啲麵仲生生地，餐肉就應該係啱啱煎起，不過只有薄薄的一舊，有少少唔係好夠喉！公仔麵嘅湯底係傳統嘅湯底，講返個炒蛋多士先，炒蛋係唔錯！好有蛋味，而且好濕潤，好明顯係啱啱炒起！多士都係厚硬適中，烘左底，外脆內軟，真係唔錯！裏面亦都查咗啲牛油！配埋炒蛋真係一絕！到個杯奶茶啦，奶茶嘅茶底幾有茶味，係我杯茶！整體係一個非常合格有餘的早餐！如果價錢平番少少，就更加好啦！

又話碗有碟話碟, 奶茶好滑, 茶及奶比例一流, 湯粉個湯就好咸, 整體食物質素及味道有點似澳牛, 而服務態度就比澳牛更差, 至少澳牛落單唔會"西面"！今次是初嘗聯發, 當時都冇乜嘢人, 得兩枱人, 我一坐低叫了一聲"唔該"希望點餐, 女待應(稍微胖, 冇戴口罩的一個, 人客埋單會去收錢)當時剛好在我前走過, 在轉身期間比我見倒佢"西面"兼戚嘴, 比我感覺係麻煩咗佢要轉身！行到埋我張枱, 木無表情, 就咁企響度, 連問句食乜嘢都冇。食完後, 我叫另一個女待應落單兩杯凍奶茶外賣, 由于要揸車, 並表明比錢要一個膠袋打包奶茶, 哩個戴口罩女待應後來就攞咗個膠袋放咗響枱面, 幾分鐘後, 西面女待應就已經打包咗兩杯外賣奶茶放響我枱面, 跟手二話不説, 大力扯走已經放響枱個膠袋。嘩！亞嬋, 我欠你好多錢嗎？怪不得咁多人比上食嘢, 香港真仲有冇得救呀？

老老實實，我今日下午三點路過見天突然好黑，就腳就衝入去填肚啦，入到去間野得十張枱左右，好 Up Dup 又迫都算，一坐低望下餐牌，我心「嘩」左一聲出黎乜茶餐廳野食都無，學澳牛剩係賣幾款野食常餐係一個包、兩塊火腿、一份炒蛋，跟餐飲 $40，再望落去見到茶餐都係多叉燒湯意 $66，我心諗你 D 叉燒食左識飛定食左後生幾年？結果平平地食左個常餐算數，貴到一個點咪又茶餐廳味道，仲貴過紅茶、太興、翠華，銀龍，但人地有裝修有服務你無囉！唔怪之得私人開嘅做做下會執笠，呢 D 價錢我唔係無錢食，係覺得咁迫嘅環境食呢 D 野我覺得唔值囉！食完走之後發現隔離條街果間 x 星仲貴，午餐要 $80，我覺得佢地開個價係因為附近無乜選擇，隔離街間間都好似合謀定價咁，間間都咁貴，九龍城食野貴過油尖旺，真係第一次見識

招牌叉燒飯-九龍城聯發茶餐廳Weekend 去九龍城，見到呢間茶餐廳門口已經有條人龍，見呢間叉燒位比較出名，就排隊試吓啦😗等左7分鐘左右，就有位啦Order 左一個炭火叉燒飯同埋沙嗲牛肉麵，炭火叉燒幾淋，配上滑蛋味道更加香濃，不過我就鍾意燶邊嘅叉燒多啲🤣🤣個人覺得炭火味就唔係好夠另外叫咗個沙嗲牛肉麵，沙嗲味好香濃，有少少花生味😗仲有個出前一丁好特別，係日本版，蛋味好重㗎，好少地方食到🤪

很好味！可惜店家在煲仔飯上檯時揭咗蓋，致使飯不能燶D！雖然我叫咗少飯，但仍然是一煲滿！還好有個油菜！幫助消化！想試吓它的'炸餐肉'都不能！可惜了！下次吧！我會再來認：試吓它的蛋包西炒飯或臘腸煲仔飯！

睇完<九龍城寨之圍城>，就慶起嚟左九龍城食野。今日去左間港式茶餐廳 ~ 聯發呢間店嘅招牌菜係 ~ 滑蛋葱花义燒飯 $78。據聞係常客發哥發嫂嘅至愛，咁我點都要食下。這飯包括有以下食材：义燒薄切义燒，差不多全瘦，少許焦邊。肉質軟腍，蜜味適中。蛋半生熟的炒滑蛋，火喉十足，且並不是太油膩。有蔥和洋蔥最後，還有鼓油一支放係你面前，任倒！凍飲+$2 ~ 我今次嗌左杯凍檸茶今日見5到發哥發嫂，遲d又再嚟過。📍九龍城 侯王道 2-4 号 聯發茶餐廳 地下1号舖宋王壹站 B2 出口#义燒#滑蛋#聯發#宋王壹#九龍城

#1 脆炸午餐肉（沙律醬） 8/10#2 櫻花蝦臘腸煲仔飯 9/10 , 嗰1分係自己衰多手落重咗豉油#3 鹹蛋臘腸煲仔飯 9/10 , 嗰1分係我朋友食嘅面門好似一間茶餐廳 , 你以為佢只有平時茶餐 , 驚喜係佢以特色煲仔飯為主體。重點重點 .. 味道非常不錯。係會返轉頭食嗰隻。而且份量亦非常足。 [[ 整餐飯嘅感覺你就好像浸在櫻花蝦和臘腸的浴池中 ]]菜單非常吸引 , 只可惜我們只有兩個人未能試盡其他。餐廳環境很乾淨，而且企理。當天是平日晚上去，不用等位。味道：💛💛💛💛環境：💛💛💛（正常茶餐廳）衛生：💛💛💛💛

得閒都係要過嚟九龍城行行嘅睇吓可唔可以撞到發哥，滑蛋叉燒飯，個蛋同埋個飯好食過叉燒啊，叉燒鋪面，個叉燒切得好大嚿，叫咗瘦叉，個肉質有啲諗，一啖咬落去會有啲痴牙，最出邊一層都唔係果種燒得比較燶燶哋嘅口感，滑蛋炒嘅火候啱啱好，蛋香味好濃，加埋個叉燒汁，連埋個飯一齊食整體會好食過叉燒。西多士都唔錯，唔會太甜，加埋個雪糕夾住一齊食好好食。

慕名而來食佢哋嘅炒蛋，話說下咗唔少功夫。採用咗靚嘅湖北蛋，色澤蛋味都好特出。叫咗一碟蔥花滑蛋叉燒飯，真係好好味！首先，叉燒肉嘅質感好好，入口即溶。肉質鮮嫩，帶有微微甜味同香氣，而且肉質好淋。而滑蛋又係整碗飯嘅亮點之一。滑蛋煎得恰到好處，口感綿滑，蛋香四溢。啲蔥花加係上面，增添咗啲清新嘅風味同口感層次。飯粒軟糯，加埋甜豉油令每一口都帶有叉燒同滑蛋嘅香氣同味道。飯同醬汁完美嘅結合，令整碗飯更加美味豐富。

入到去坐低叫早餐，好清晰咁同佢講五香肉丁麵太陽煎雙蛋要多士。佢用好不知所謂嘅態度回應我出前一丁要咩面同埋要啲咩肉？同佢重複多一次，我要五香肉丁出前一丁面，佢係咁話你要乜嘢面？佢嘅樣好唔滿意，藐嘴藐視嘅樣子！間店係咪以為自己好出名？好多人好評就可以用不知所謂嘅態度佢對客人？到時執笠都係抵佢死

又同朋友黎九龍城覓食🤣6點幾食雖然有點不遲也不早 但見唔少人街坊熟客會黎外賣 有口碑嘅茶記喲。。。🦔✢ 炭火叉燒炒滑蛋飯 $98友人都對佢啲叉燒讚不絕口😋好不吝嗇嘅份量 帶點炭香味係精華 加埋滑蛋連為一體好正 再加點鼓油係點綴😚✢ 沙嗲牛肉出前一丁 $48前排先同呢個frd討論緊唔係公仔麵都可以亂食🤓「沙嗲牛丁」係絕配 但我要先有質素的！聯發用嘅北海道產出前一丁麵質係耐咗都咁有彈性 加埋超濃嘅沙嗲牛湯底 可以encore的! ✢ Affogato $38最跟得上潮流嘅聯發😎連cafe應有嘅雪糕咖啡都做埋得唔得架 嗰shot又真係ok喎！不愧係比較香醇嘅哥倫比亞、蘇門答臘豆 毫不遜色嘅espresso照車落杯球雪糕 只不過杯具換咗係茶餐廳👍🏿👍🏿 ✢ 炸餐肉條配蛋黃醬 $32唔驚熱氣真係可以一試🤭配糖係最精明食法 昇華咗嘅餐肉條 不過嫌今次炸得有點過火

九龍城美食林立，要突圍並非易事。呢間餐廳標榜滑蛋出色，加埋發哥係常客，所以一直心思思去試下，順便體驗九龍城澳牛的功架。餐廳格局帶有澳牛風情，侍應態度十分和善，牆上有九五至尊的肖象，相當吸引人眼球，今次試左滑蛋叉燒同旋渦蛋包西炒飯。西炒飯帶有蕃茄香味，配料有叉燒同腸仔粒，配料份量不少，抄飯乾身，粒粒透明，個旋渦好考師傅的手藝，滑蛋水平一流，一定要配甜豉油，滋味無窮!餐飲亦相當唔錯，奶茶味道純香，消暑一流!

聯發除了滑蛋🍳出名之外其實煲仔飯都好出色😙😙而且仲有唔係周圍有的櫻花蝦煲仔飯襯呢2日天氣又涼番 即刻衝去食🫧櫻花蝦臘味煲仔飯 $108估唔到煲仔飯會令櫻花蝦的味道更出加上份量好足的粒粒臘味每一啖都好滿足❤️煲底的飯焦亦非常出色脆卜卜咁又香 超香口🥴🫧鹹蛋臘腸肉餅煲仔飯 $108平時都好鐘意肉餅半肥瘦豬肉的肉餅 陣肉香油香已經令人食指大動😏😏仲要又有鹹蛋又有臘腸 好多料好滿足份量好足 食完勁飽🥴🥴