聯盛宴

營業中

休息中

聯盛宴（鑽石山店）朋友聚舊，飲早茶是最好的選擇，我地食左：义燒餐包、明火白粥配蘿蔔糕（2件）、生磨杏汁鮮竹卷配駌鴦蒸點（潮州粉果及牛肉燒賣各2粒）、晶瑩蝦餃皇及瑤柱菜苗餃。點心好味，歡聚一齊傾計最開心！

今日約左朋友去鑽石山，大家諗住一齊食左野先。因為唔熟鑽石山，都只係識荷里活廣場，就揀左係商場入面飲茶。我地叫左啲點心同粉麵。雪菜肉絲煎米粉😋米粉脆卜卜，非常香口，即使浸左雪菜肉絲湯都好有口感。鐘意香口既人會鐘意。鮮竹四寶雞札👍夠足料，有蟹柳，雞柳，魚肚，芋頭，味道都唔錯。潮州蒸粉果👀餡料偏少，味道就跟平常的差不多，正常發揮。金銀蛋浸白菜仔🙃清清地，味道ok,係份量少左啲甜在心流沙包🙂流心餡都算幾流心，甜甜的，幾好食。可能因為係假日，好似唔係好夠人手，成日要自己出去搵侍應。等個菜都等左好耐，諗住唔要，準備走，點知就上菜。但整體都還算不錯。

叫左芒果布甸，腸粉，茄子，3個蒸點心32分比點心紙侍應，後尾見佢40分先入單！首先45分嚟個暖嘅茄子，55分嚟個微暖嘅腸粉同布甸，雖然話飲茶預左耐，但慢到咁，真係無下次！

與家人食午餐，叫招待安排靠邊的座位，等咗15分鐘左右就可入坐。可能係午餐時間，坐得比較迫，原來酒家地方唔係太大。叫咗碟菜遠牛肉炒河，胡椒豬肚湯，牛肉腸粉，牛柏葉，鹹水角等。飲茶例牌的食物，味道不過不失。碟茶遠牛肉河比較淡味道，不如其他酒家的濃味道，因有老人家，淡味道可以接受。見到隔籬枱叫咗藥膳鳳爪，係一壺壺的，應該有湯在裏面，如果下次再來會試試。另外一提，茶壺比較小，常常要叫侍應要斟水，辛苦晒佢哋。

寫明大閘蟹每隻有大約四両半，但係出嚟就只有兩両左右，仲細過一包紙巾嘅尺寸。問過部長，他話全部都係咁嘅size，冇辦法！咁下次唔該唔好寫出嚟，咁我就唔會食，因為咁細隻，係唔會有肉食，唔好食囉！完全違反說明條例，可以上去消費者委員會告佢。聯盛宴做不到就不要寫明去騙我人啊！價錢平都不值吃一隻蟹，冇肉冇蟹膏，仲嘥時間剝蟹。送嘅湯圓超難食，冇人會食。湯圓正常都冇可能咁差吧！太失望啦！個部長完全冇理會人的。貨不對辦完全唔係他們問題，好搞笑！

真係未試過又乾又硬又巢皮嘅芝麻卷。碟芝麻卷一送到，真係嚇一跳，名叫香滑芝麻卷但係一送到見到個樣就唔想食，因為全部都係巢皮又縮水。目測係好硬及好乾。叫經理過來想取消，經理話冇問題佢地碟碟都係咁。唯有當破財買一個教訓。

復活節長假期跟屋企人去飲茶， 每次都會叫川芎白芷魚頭湯。 好像每一枱都會點這個湯 藥材味濃郁還有足料魚頭。另外我哋點選了叉燒腸，奶黃包，煎釀茄子，鳳爪，魚肉生菜，魚湯浸竹笙白菜， 素菜餃，煎薄撐， 百花釀魚肚。 要讚的是鳳爪好入味，還有魚湯浸竹笙白菜，魚湯超鮮味 叉燒腸的皮煙韌 軟骨， 配上甜豉油真的很好吃。 另外第一次點素菜餃， 裏面的餡料非常豐富， 是一道很健康的點心。百花釀魚肚很大舊，蝦滑也啖啖肉魚肉生菜的魚肉 大大嚿， 分量也很多。 流沙奶皇包內裡流沙餡料很多， 一咬就流 奶黃餡料出來了

今午在區內辦事後,在這間亦有歷史的食店集團午膳,客人頗多,等了十多分鐘才有枱,佈置及服務大眾化路線😀點了：醉豬手雞絲粉卷鴨腳紮鮮茄海鮮湯淮山麵豬手酒量適中, 點心夠熱度, 湯麵胡椒粉味減少些則更理想🤔又一次探店

今晚同屋企人係附近食中菜，揀左呢間位於荷里活廣場既聯盛宴，見佢最近做緊片皮鴨優惠咁吸引一定要去試下京式片皮鴨 ($88/半隻)片皮鴨半隻但份量都幾多，雖然擺盤比較普通，但皮脆肉嫩超高質，呢個價錢簡直係超值南非六頭鮑魚扣玉掌 ($78/位)鮑魚炆到好腍好入味，又夠大隻，用醬汁送飯一流，鵝掌都好高水準，CP值高濃湯金腿津白花膠雞煲 ($198)平時係屋企好少煲湯，見到佢地有花膠雞煲就叫左個試下，用左大量雞殼熬製既雞湯非常清甜，花腸份量都幾多，補充骨膠原就最好不過，每人都分到兩三碗，超豐富

地點在鑽石山地鐵站上，四方八面過來都很就腳，揸車就更適合，因為荷里活商場的泊車優惠，一向給我的印象都覺得他們非常歡迎你來泊車，商場千方百計都會送泊車優惠给你🤣講到食物呢忘記影相！下次再晚飯補影先！其實我經常都會到這裏飲茶，整體食物確實不錯的，而且價錢亦都相宜。總結我覺得如果揸車人士，這裏係一個好好的選擇，和約四方八面的朋友對我來講大家都覺得方便👍🏻

帶子蒸粉絲的帶子帶「叔臭」味。波士頓龍蝦伊面的龍蝦「梅肉」，筷子🥢一篤，肉散。向店員反應後，店員解釋因為龍蝦是中午已經煮定，晚市會唔夠時間煮。最後，送咕嚕肉以示歉意。咕嚕肉味道ok.

二人限聚令下同老公去左飲茶☕️聯盛宴推出左二人同行迷你精選賣點係每碟份量少D但可以食多啲款的食物山竹牛肉球$23.8馬蹄爽口，牛肉彈牙腐竹索唒牛肉嘅肉汁，再加甜甜嘅咭汁好美wor~鮮蝦燒賣皇$21.8燒賣肉質緊實正常發揮香煎鴛鴦糕$23.8蘿蔔糕加埋馬蹄糕煎得都幾香口XO醬啫啫蝦米腸$47概念沿至於啫啫雞煲上碟熟辣辣辣辣哋好惹味但有少少油膩蝦頭油玉帶炒飯（迷你）$98炒飯乾身但無咩蝦味埋單$236每人$118點心質素有保證但係我比較過二人份量比正常份量單價貴精明消費者要比較清楚吖

I was (once again) shopping at Plaza Hollywood, but I started to get hungry , so I found this Cantonese restaurant, there wasn't much people waiting so I went inside .My impression of their service was already bad once I went in . No one gave clear instructions about where I should sit , so I had to find a seat myself and asked the staff whether I can sit there . Initially, the staff member told me that I could sit there, though another staff member came and told me that I couldn't . Miscomm

疫情關係，周邊多間茶楼停業，3月20日，想飲個早茶及食點心，衹好選擇呢間，離住處最近的酒楼，本來點了，五款點心，但個灌湯餃，靚媽和我都食到有異味，所以即場退貨，而碟牛肉腸粉就，皮厚欠滑衹勝在牛肉較多，味道麻麻，其餘虾蛟，及柚片鮮魷，和帶子擔仔麵呢三樣食品，則味道不俗，尚可一試，反之此店所提供茶葉，卻有驚喜，比一般茶楼優勝，不過當疫情過後，周邊酒楼又回復正常營業，若有其他選擇我和靚媽都唔會再光顧此店！

兩個人去飲茶，由於一般一籠點心至少有三件，四件，令到兩人飲茶時點心叫的數量較少。今天在這間酒樓飲茶，發現有二人同行迷你點心供應，我和朋友就可以有多些選擇了。除了迷你點心還有迷你小食，真是貼心。飲茶蝦餃，燒賣不可少，另外要了韓式泡菜餃，香煎鴛鴦糕，腸粉和一份小食，六款食品，我們兩人吃得滋味。晶瑩蝦餃皇，兩大粒，餃身飽滿，蝦肉爽口。鮮蝦燒賣皇，也是漲漲實實，面層有些蟹籽和蝦膠，內層全是蝦肉，爽口彈牙。韓式泡菜餃，餃皮掐成三角形，內裏有很多小蝦仁和切碎了的泡菜，味道帶鹹而不辣。上面吃的點心全是蝦做餡，口感全部清爽不油膩。香煎鴛鴦糕，我以為是一件鹹一件甜的配搭，上檯時見到全是甜的。一件馬蹄糕和一件年榚。甜度也適中，馬蹄糕可以吃到絲絲馬蹄，年榚煙煙韌韌。叉燒腸，這個是正常份量，一碟有六件，因為已切開，吃起來方便。叉燒肥瘦適中，不過腸皮不夠薄，有點黏牙。風沙脆炸魷魚鬚，魷魚鬚炸得香口，脆漿不過份，薄薄的包著魷魚鬚，醮上喼汁同吃，口感甚佳。由於份量不多，淺嚐即止，不怕吃過量而增磅。