聯興茶餐廳

營業中

休息中

見朋友在社交媒體網站上推介椰汁紅豆冰，咁啱我去嗰頭，就同朋友去吃晚餐～椰汁紅豆冰：最上面舖滿椰汁沙冰，齋吃沙冰，淡淡的椰子味可以當清涼的甜品吃，杯中間是濃郁的椰汁，最底係放滿大大粒紅豆，當攪拌混和一起吃，滿口是香濃的椰汁和紅豆，加上椰汁沙冰口感，極力推介這個誠意之作👍❤！叫飯麵或小菜，加$13就有椰汁紅豆冰~ 雪茶肉絲炆米炒得爽又唔油膩👍！以前一向少叫茶記嘅粉麵，因為多數炒得淋咗又油膩，但呢個我真心欣賞😍 若肚餓一點可以吃整碟！豆豉鯪魚油麥菜，朋友想吃就試下，雖然有點油，但炒得有鑊氣，也真的很不錯！🤝🏼店員招待也不錯！

外賣自取，叫錯咖啡做齊啡，比疑似老闆娘既收銀即西口西面話「諗清楚要咩」，比完錢收銀再西聲西氣叫我「門口等」，未食先受飽氣，呢間店老字號唔憂做都唔使態度惡劣到咁😤😠😡🤬。 娘女女

聯興茶餐廳 兒時一家大細幫襯的餐廳老豆 家姐 細路 連埋我 每日午餐晚餐時常食的飯堂大約30年前，小弟最刻骨銘心的事情！記得係一個中午堂食的時候，有一位食客帶住隻大狗光顧，兒時可能亂跑亂撞，不小心踩到狗尾！那隻狗就狠狠地咬落小弟的屁股身上！結果打針打到喊，比老豆罵到死死下入返正題，小弟搬離慈雲山已經廿幾年，偶然於黃大仙上班的時候，必定會光顧各老餐廳！聯興茶餐廳 必定是我首選頭10名之內的餐廳！印象中 聯興茶餐廳 所有出品都幾好味20多年後，再次幫襯，仍能維持水準小弟當晚叫左個晚餐1 黑椒茄子牛仔骨跟1碗飯 1碗湯 ！ 另加8蚊要多杯熱奶茶！等左大約25分鐘，趕時間的食客就未必接受到！在等侯這25分鐘期間，餐廳老闆娘仲係度，餐廳格局冇任何變化，依然是20多年前的佈局！除左對出休憩處外，附近好多野都改變哂，就連一條馬路之隔的餐廳也轉手了，我的出生地，文華髮型屋已經起左一座新樓...！時間真係過得好快先評論 黑椒茄子牛仔骨12舊 茄子 ， 8舊牛仔骨，洋蔥，黃椒，紅椒及蒜頭！ 就材料及味道而言，確實係唔錯！缺點就係 比較油， 同埋 茄子既size 舊舊都唔同款，三角形，正方形，長方形同梯形

喺附近住咗十幾年到今晚先第一次幫襯佢，本來想食羊腩煲，但擔心中伏一瀨嘢就跌幾舊水都係試吓佢哋啲小菜先。兩大一細點咗三個小菜，麵醬雞煲，茄子斑腩，生炒骨，每款$68-70，跟白飯同中湯。（個湯係青紅蘿蔔煲豬骨，唔覺有味精味，掂，例湯嚟講已經係交足功課。）頭嗰兩樣餸都係中上水準，肯定肯定比果啲連鎖店例如道腥，綿仙好食，大加落大塊殼就更加唔使講。今晚亮點係碟生炒骨，大大碟成坐山咁高端上枱，大家自己睇相，大大舊而且係肉厚，咬落去軟熟有肉汁，而家坊間好多都係骨肉比例係3:1 而我呢碟係1:2。 粉薄而脆而又仲係黐住舊肉，有啲食肆做到成粒脹卜卜，層脆漿炸到有啲離肉我個人覺得有啲離題唔正宗。味道方面甜酸適中，個汁唔會太稠，菠蘿同三色椒又夠多。諗起有啲舖搞花神將啲生炒骨放落啲冰度，又話收你兩舊水……另外，呢間鋪啲招呼好親切，伙記同事頭婆又有禮貌，初頭行入去有啲麻甩嘅感覺，估佢唔到又幾斯文，問佢要三杯水仲問我要熱定暖添。短期內一定會再去，試佢嘅羊腩煲！I love 小店。

是晚探險黎到從來未黎過嘅地區搵食，事前搵定幾間目標，兜左個圈之後最後黎到聯興，見到門口坐住2枱熟客食飯煲煙吹水，再加上望入去鋪頭亦有幾枱客，頓時信心大增，俾店員姐姐叫多兩叫就入左去。先睇當晚"特價晚餐"menu，同大部分茶記通常得5,6款選擇唔同，依度有成12款，真係叫我依D選擇困難症患者情何以堪，再望埋main menu，救命，人都癲，諗左10分鐘，肉食者如我喺"蒜蓉一字骨"同"大馬站煲"同"金銀蒜蒸斑片"三者之間徘徊，因為大馬站煲真係好耐冇食過，而且又好少地方有得食，所以真係tough call，最後都係揀左"蒜蓉一字骨"。而我依種麻煩食客連落大排檔食咸蛋蒸肉餅都要轉炒底嘅當然冇咁易收口，再問埋姐姐"特價晚餐"有冇得加錢轉炒底，佢同師傅商量一輪之後可以加10蚊轉炒底，正~!!! 識食一定係食炒底先黎例湯，無甚特別所以不多講一字骨比炒飯更早上枱，賣相不俗，熱辣辣，炸蒜唔係用現成炸好嘅蒜蓉而係即場走油炸起嘅，夠香夠濃。一字骨食落乾身，由於冇上粉炸所以唔會特別脆都合理，唔合理嘅地方係成碟一字骨可以做到肉質嫰滑，食起黎骨肉輕易分離，依家諗起都流口水。炒飯一上枱我就已經心諗，下，咁大碗嘅，大

自從疫情後，很少往鳳凰邨哪裡。曾經居住在這區，剛巧親人入了聖母醫院。趕去探病，便勾起了很多美食回憶。順興的粉麵很好吃，尤其是牛腩/牛肚。每次經過都忍不住入去食番碗先。食完又唔會太口渴，加上街坊的人情味濃，價廉物美。'

偶然之下發現咗呢間茶餐廳，位置都有啲偏，如果唔揸車行上嚟食都會有少少辛苦鰻魚炒飯：高水準之作，飯粒分明，乾爽而不油膩，鑊氣又夠，屬於港式炒法而不是日本料理用照燒汁炒出嚟甜甜地嗰種，鰻魚份量慷慨而且唔係比平價貨色，鰻魚肉質帶爽勁，上品！椒鹽豬扒：豬扒份量同樣慷慨，有接近十塊，香口而不會過鹹，豬扒帶微脆，水準亦相當不俗咖喱雞煲：咖喱味香濃而不會過辣，雞肉都算嫩滑可惜薯仔炸得唔夠透冇辦法食到，浪費左每個小菜都送白飯及例湯一碗，叫咗兩個小菜侍應慷慨地俾咗一大湯碗湯俾我哋，最後一人飲咗二碗味道就不過不失啦再加兩杯凍飲埋單都係$200多少少，抵食

雖然我的而且確是，剛剛在「黃大仙」「金鳳街」那一帶的港式茶餐廳裡面，食完一客下午茶茶餐份量的「咖喱牛腩飯」食品，配「凍奶茶」飲品，還額外有下午茶套餐附送的中式例湯一碗。但是下午茶茶餐版本裡面的「咖喱牛腩飯」實際份量，始終未能夠滿足我的胃口和需求，所以享用完下午茶之後，到了晚上我再光顧另一間「黃大仙」茶餐廳食店。這間「黃大仙」茶餐廳食店的實際名稱，叫做「聯興茶餐廳」。「聯興茶餐廳」樓面裡面恰巧也有電視機，不過「聯興茶餐廳」的電視機，原來一早已經被餐廳減弱了聲音。所以我在光顧享用「聯興茶餐廳」晚餐的實際過程期間，完全沒有受到電視臺裡面的新聞報導噪音影響，可以用比較放鬆的心情享用「聯興茶餐廳」晚餐。我最後選擇享用「聯興茶餐廳」裡面的「咖喱牛腩飯」，作為我今晚裡面的晚餐「牛腩」食材部分食品。至於「雞肉」方面，我本來預期「雞肉」食品都會是「雞髀」、「雞翼」等等的小食食品。怎料我在「聯興茶餐廳」無意中在「聯興茶餐廳」餐牌裡面，始終發現不到「雞髀」或者「雞翼」，反而從小食餐牌部分裡面，發現到有一款名稱叫做「雞絲奄列」的食品。「聯興茶餐廳」餐牌裡面的「雞絲奄列」食品實際售價，只賣港幣三十元而已，相對賣

最喜歡幫襯茶餐廳，貪佢快靚正， 聯興茶餐廳就做到這3樣喇~ 座位室內又得，室外亦可。放狗順道食個下午茶簡直首選。但室外座位就要容忍下陣陣煙味了~通常茶餐廳提供五個以上的快餐選擇，每天可能轉其中兩三款，快餐即叫即做，有水準。我比較偏愛海鮮炒烏冬，因為鑊氣夠，配料夠，味道又好，更重要的是不油膩。老公偏愛豬扒飯，說豬扒夠嫩滑，洋蔥汁夠開胃惹味。快餐送例湯和飲品，我覺得餐湯還算足料，夠熱，而且大大碗。 餐飲都大大杯，嘆完都夠晒飽了~

千祈不要外賣，我等了45分鐘，事件是這樣，我叫了外賣當時大約夜晚8:50左右，去到9:15 ，我打電話俾佢哋問佢哋幾時到，佢話轉頭就到，已經係運送中，點知去到9:30 ，再打電話俾佢佢就話老闆娘寫錯咗地址，跟住再送到黎嘅時候9:40左右，足足50分鐘，餐廳距離我住嘅地方路程大約三至4分鐘，啲嘢食製造大約20分鐘，但係足足額外等多30分鐘，總共50分鐘先食到嘢食，因為當時已經太肚餓只能夠要，所以我可以同大家講如果你哋唔趕時間，預計啲嘢食系凍唔需要太熱嘅話，！呢間餐廳係首選！你哋可以嗌外賣，呢間野極度唔推薦，送外賣要等我50分鐘我從來都未試過，其實根本嗰陣時已經確認左地址，有乜可能之後又話事頭婆寫錯咗，簡直不能接受！極差！

作為黄大仙街坊要搵間老字號茶記，問過幾位街坊，呢間聯興親民美味是首選。晚飯時間來到，差不多全店滿座，幸好剛有一張卡位檯兩人進餐。靚姐親切笑容介紹抵食特別晚餐，$63 有12款之多，還有足料老火湯，先飲一個大大碗嘅粟米青紅蘿蔔湯，足料豬骨湯渣，非味精老火湯，兩個飲唔停之後靚仔叔叔還添多一碗，湯前湯後絕對解渴。椒絲腐乳通菜牛肉呢個足料之選真心滿足，腐乳味道滿足入味，送飯一流。咖哩薯仔雞兩個即叫即做的小菜，熱辣辣咖哩雞件，三色椒併甜味咖哩同樣係送飯之選，雞件份量比薯仔多，小菜性價比都令人滿意。見到隔離檯一班親友帶街市海鮮來店，原來靚姐話可以帶生猛海鮮來店，大廚可以協助發板製作。親民街坊店，小菜質素美味，的確難得。👅美味: ⭐️⭐️⭐️⭐️⭐️/5✨環境: ⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5

呢間茶餐廳位於金鳳街附近，餐廳門外都可以坐，而且唔會怕熱因為門外有支大風扇俾你吹，我地坐低左响入面卡位位置，職員好有善甘即刻拎洗好既碗杯筷子俾我地，職員推薦食特價晚餐，我地叫左碟黑椒牛柳粒小炒，火喉好夠，好快就炒好左，大大碟牛柳粒都好多，好入味，連配菜都好好味，仲叫左個咕嚕蜜桃魚柳，蜜桃配酸甜既魚塊真係好開胃，而且魚柳好淋，好大塊，抵食大大碟，仲有最正既係每個餐都跟湯同飯，而且湯既份量真係好大碗好抵飲，第一次飲湯係甘大碗同足料完全係估佢唔到見到真係wa左一聲，黎呢度絕對推介飲湯真材實料。仲飲左兩杯香滑既奶茶。

我呢個老街坊今日去左附近老字號食飯，同家姐都係細食之人，揀左兩個比較輕食的晚餐😆~先黎粉葛紅蘿蔔豬骨湯，一大碗任飲，老火湯好正，唔係出面溝水個d例湯，係真材實料，用新鮮湯骨煲嘅，又有我鍾意嘅粉葛，岩哂我呢d少湯水飲嘅人，未食正餐都飽左一半😅。~蝦醬通菜牛肉，牛肉係新鮮嘅，夠淋滑；通菜以蝦醬再配牛肉係最夾，蝦醬味道岩岩好，唔會因太多蝦醬搶哂牛肉嘅味道😋~薑蔥枝竹雞煲，好多蔥，家姐最鍾意食；雞件滑，我覺得係新鮮雞的味道，整個煲食完都唔會好油👍晚餐逢星期一轉 menu，一星期通用。我見好多老主顧街坊一家幾口都係黎食海鮮類，薑蔥大肉蟹，有三斤，眼光都好大隻活生生，$688都唔算貴，街市都百幾二百蚊一斤，下次有機會要試下。聯興嘅食物係以新鮮食材為賣點，我好欣賞👍以街坊價，味道，份量更勝茶樓水準😎

今日屋企同男朋友去左黃大仙搵食，去左呢間佢由細食到大嘅茶記。呢到嘅姐姐好好客，每圍枱都傾幾句，係人情嘅味道呀❤️我地一入座姐姐就比左一大碗例湯我地，姐姐話每日個例湯都係唔同嘅，今日嘅就係金銀菜煲豬骨，裏面用嘅全部都係新鮮嘅豬骨黎架🤪之後我地就叫左個薑蔥枝竹炆雞，超多薑蔥仲有少量香菜同其他調味，成個雞煲都好入味好香😚雞件有連骨增加鮮味，食嘅時候要小心碎骨～而肉質方便就啱啱好、唔會過老😛最正就係啲索晒味嘅枝竹同蔥啦🥰我地另外仲叫左個芝士白汁焗石斑魚，一上菜就聞到好香芝士味，雖然做唔到拉絲、但都夠晒邪惡啦！魚塊舊舊都好大塊，有成7-8舊架🥰另外仲有幾種唔同嘅菇類，啱晒我！呢到嘅特價晚餐全部都有跟白飯同湯，仲每碟都好大份，$63非常抵食。姐姐話呢到嘅特價晚餐逢星期一會轉餐牌架，成日黎就可以試到唔同嘅嘢啦

這間茶餐廳沒有很大的地方，亦沒有光鮮的門面，但勝在地道，價錢平，份量大，沒有味精，有著家的感覺。餐牌選擇多樣化，但最抵食還是特價晚餐，有十多款選擇，有湯有飯有餸都只是$63，比自己買餸煮飯還要平。點菜後，立即送上一大碗是日老火湯，今晚是老黃瓜，十分清甜，湯料十足。點了兩個晚餐，咸魚蓉煎肉餅及生菜鯪魚煲，份量十足。咸魚蓉煎肉餅做法有如漢堡扒，將咸魚蓉混入肉餅中來煎，更多一份咸香味，煎完的肉餅沒有變得太乾身，仍然充滿肉汁，老闆建議沾上喼汁更惹味，這個餸十分好送飯。而生菜鯪魚煲，份量大大煲，單是鯪魚球都有十粒之多，口感爽彈，另有生菜，豆腐，冬菇，簡單而清淡。