聯邦皇宮

營業中

休息中

上個星期四放假,同屋企人去左呢間酒樓飲茶,諗住依家變左皇宮,嘢食唔知會唔會好味D,我地2點幾嚟到,係下午茶時間,但係都冇咩人,地方好大,裝修完後變左西式佈置,都真的幾似皇宮的啊.我地點左幾個點心及一碗濛粉一齊食,跟仕應說要廋叉燒,但佢完全冇理我地,跟仕應說另一張紙還有一樣點心,沒有反應.....點心都幾快嚟,有個XO醬鳯眼餃都幾好味,入面都幾多蝦的,上面有一些XO醬,辣辣地的,幾惹味. 還有灌湯餃,正常SIZE,味道都OK,唔貴架,都幾多料,不過係普通料,唔係魚翅,蝦等,有一些肉,菇之類. 叉燒濛粉都幾好味,D濛粉好幼身好入味,叉燒唔算廋但都幾淋及香的.節瓜甫的節瓜有點硬,蝦餃OK,淡左少少. 食物水準其實係幾OK的,但係服務真的十分不行,我們看到有好多仕應拿著個盤行來行去,但係係唔會幫你收嘢,幫你加茶,只係負責行CATWALK及傾計,看電視,有一下看到有六個仕應堆在茶水房門口不知在做甚麼,另一下再看有四個仕應站著看電視.....主任如是,仕應亦如是,我們的點心食完超過十五分鐘都冇人收,沒有人加茶.....我們叫左一個青瓜鴨胸,但等左好耐都未嚟,懷疑係果個仕應在發夢沒有幫我們落單,問主

今日係我哋放假嘅last day, 一家三口就去咗重新裝修兼改名嘅聯邦皇宮試下. 由於今日係平日, 我哋坐低都係10:40啫, 點心價錢唔算貴, 11:30前入單-小點$9.8, 中點$12.8, 大點$16.8. 茶錢就$6.5一位 (星期六/日就$7.00)叫咗:馬拉糕--唔太甜又夠鬆軟, 正!蘿蔔金錢肚--金錢肚夠林, 少少辣, 蘿蔔又入味, 正!魚湯鮮竹卷--鮮竹卷用魚湯浸住, 相比傳統嘅蠔油鮮竹卷較為清新, 少了份油膩感.時菜鯪魚球--鯪魚球林滑, 又加入了蝦米, 令魚球多了咸鮮味. 唔錯!乾蒸牛肉—味道ok叉燒包—包皮鬆軟, 叉燒餡味道都幾好切雞燒肉飯一碗$20.00--燒肉皮脆, 切雞夠入味, 唔錯!收兩位茶錢另加一, 埋單$111.00