聰嫂私房甜品 (已結業)

外賣自取見有openrice優惠咪試下，折完後有半價左右優惠，買左2個成80蚊既糖水，份量真係好1般，你問我正價一定唔會幫襯，半價都係覺得貴，堂食份量就唔知道。

夜晚又找地方食宵夜，來到旺角見聰嫂，營業至深食一時。我和朋友都點了芒果，芒果布甸，$26，芒果幾鮮甜，布甸可以；芒果椰果冰，$45，沙冰很沙，雪花味；芒果涼粉，$39。芒果，可以推介。

聰嫂真係由將軍澳一開就食，原來宜家開多左好多分店，淨係旺角都有兩間啊～今次食都係叫番招牌既鮮果冰系列！芒果椰果冰($45)食落唔係好甜，有新鮮芒果打出黎既味道，但唔算好濃郁。面頭芒果粒都幾多，只係成碗沙冰個人覺個略嫌有點寡，下次會想叫D芒果冰底加其他配料既甜品，比如豆腐花咁啦～另一個叫左士多啤梨椰果冰($42)呢個士多啤梨冰底粉紅色，極吸引啊～食落有少少奶味，酸酸甜甜好好味！但係呢個冰融得比較快，遲過芒果冰上枱但快融過佢(OK既，唔太大影響🤣🤣)。兩款都好食，但我個人鐘意士多啤梨椰果冰多D！

以前讀科大，附近無野食，要到寶琳將軍澳才有糖水，那時常去聰嫂，現在旺角也開了兩間，也有一段時間了。一直推介的是龍眼椰果冰，蜜瓜水晶珠及榴槤水晶珠，這三款真的很好食！這次點了蜜瓜水晶珠，朋友點了龍眼椰果冰，水準沒有變，不過一定要盡快吃，因為水晶珠如果冰得太耐口感會改變。龍眼椰果冰的甜味很自然，吃了也沒有太多負擔。

和朋友吃晚飯慶生完的下場是吃甜品，我們到了旺角花園街的聰嫂私房甜品吃甜點。📍椰皇燉桃膠 $58這個可以稱上美容的補品。暖暖的燉椰皇，清潤美味。📍椰皇榴槤 $78整個椰皇內充滿牛奶布甸，更毫不吝嗇的加上一球榴槤蓉和透明爽脆珠珠，榴槤蓉香濃味美。美美的店主看到我們幾個女生在替朋友慶生，更送我們一碟密瓜味牛奶冰，更和我們一同唱生日歌給朋友聽，十分好客。甜品店乾淨企理，給人一種舒適的感覺。店員熱情好客，名副其實是甜甜的聰嫂，誠意推介。

食完飯又到甜品時間，咁啱見到就入去，志在繼續吹水。今日唔想食凍野，熱既糖水選擇都唔係好多，最後食左佢呢個秋冬滋潤，暖心䁔胃系列。好快等左幾分鐘就黎喇，個糖水椰奶味幾香，不過唔係好熱只係暖暖地。個底d 蛋白好滑，不過夾埋d 糖水感覺愈食愈甜，而且仲要係凍既，蓮子夠腍都ok 多。如果佢可以減甜同埋熱番d 感覺會良好d, 年紀大開始唔想食咁甜，要養下身子..

同班朋友行完街，又未諗到晚餐食咩好，正因為行過第一間聰嫂甜品地方又迫又窄，聽朋友講前面仲有間聰嫂裝修得好靚😍又坐得舒服☺，知道聰嫂有優惠，問下啫！D員工服務態度非常惡劣囉！我係嚟消費，唔係嚟受氣，價錢已經好貴，仲要受氣！😡😡😡😡😡😡😡😡😡😡😡

食完飯見時間尚早，諗住去旺角行陣街，見到有聰嫂甜品店新開張，剛好唔多人排隊等位，我地排10分就有位喇，望住甜品牌大家諗來諗去樣樣都想食，最後決定叫3個甜品一齊食。榴槤黑糯米，係我其中一個最喜愛嘅甜品， 黑糯米煙煙靭靭好有咬口，不過榴槤蓉太少， 但 好濃榴槤味。我朋友選擇了椰汁椰果西米露，好多椰果，反而西米比較小，唔太甜剛剛好。椰皇燉桃膠， 桃膠原來係冇味道，要配合椰汁一齊食先好味，朋友就話有美顏作用，下次我要自己食一個。

吃飽飯來一碗糖水或吃一些甜品，是常識吧！ 這天晚上和朋友們在旺角很早就吃好晚餐，閒逛一會才20:30，看到甜品鋪的人流尚不多，趕緊入座，省卻要輪候的時間吧！近日天氣稍涼，想吃一點和暖的水滋潤的甜湯，看到餐牌上有椰皇燉桃膠,正合心意。甜湯是原個椰皇上，內裡是香滑的燉蛋白發桃膠。桃膠本身不帶味道，全靠香甜的椰汁及蛋白混在一起吃，感覺很溫暖幸福。朋友點了芒果奶昔雙皮奶， 雙皮奶上鋪滿芒果及雪糕，真材實料。另外一客榴槤黑糯米亦絕不兒戲，一球大大的香濃的榴槤蓉配上軟糯的黑糯米，甜度適中，害我引不住偷吃了朋友的呢！

天氣漸涼, 星期六晚上原本想食一個熱辣辣的椰皇燉湯丸的。三個人在門外等位, 等了又等, 終於有位了, 卻要我們坐長枱。原本是沒有問題的, 因為都預左要搭枱。但帶位的那位先生卻要我們一字排開地入座, 我們說不方便傾計交談, 才讓我們其中一個坐對面。好了, 再說食物, 落單時竟然說沒有椰皇了! 為何不在門口的大餐牌上貼上 "椰皇已售馨" 的字眼?! 因為椰皇是外面廣告牌的吸睛位。而且天氣漸寒, 很多人會傾向熱的甜品! 好了, 最後只好 order 3 碗熱蛋白杏仁茶, 來到又有些失望, 因為是用即棄膠碗裝的, 極之不環保。至於味道, 還可以的! 蛋白十分滑, 杏汁特別香濃! 😋

自從知道聰嫂甜品喺旺角開左分店就好興奮, 因為終於可以喺平時成日去嘅旺角食到聰嫂~今次叫左龍眼椰果冰同埋冬日限定嘅豆漿蓮子薏米糖水 (我鐘意食熱野XD)招牌嘅龍眼椰果冰, 入到去見到幾乎枱枱都食緊, 龍眼冰上面係椰果同爆丸, 第一啖食落口, 就覺得非常非常重龍眼味! 就好似真係食緊龍眼一樣! 加上椰果同爆丸嘅口感真係一流, 鐘意食冰嘅大家可以一試!而熱嘅豆漿蓮子薏米糖水就岩哂冬天食, 暖笠笠! 食落其實好似腐竹雞蛋糖水(應該都係類似嘅野) 只係少左雞蛋haha, 薏米食落好有咬口, 豆漿味好香又唔會太甜! 唔鐘意食冰或者天氣凍想食暖野嘅你不防一試~

心血來潮想食碗傳統糖水，見到聰嫂糖水就衝過去拎飛等位。等位期間都已經拿定主意想吃熱辣辣的糖水。我們倆就點了芝麻杏仁茶及黑芝麻湯圓糖水。芝麻杏仁茶上枱時，我忍唔住講左句「白中幾點黑」，因為完全察覺不到有芝麻糊既的存在，於是用匙撈一撈，即見有1/3碗為芝麻糊，可惜拌混後仍只感受到杏仁茶的味道，沒有芝麻糊的味道。接著我試試男友的薑汁湯圓糖水，薑汁味濃，甚至達到頗辣的境界，最後我連湯圓也沒有品嚐。整體來說，以這樣的質素來衡量下，價錢頗貴。

個帶位真的系非常非常差的服務態度，自己無叫號碼就賴我哋，話已叫號，我哋一行8個人，馬上被佢誣賴成非常不受歡迎的客人，個樣衰又惡死，新舖未開張，就有咁嘅員工，只可以祝願長做長有，好差好差好差好差好差好差

朋友提意去食甜品，因為新張買一送一。放工就去，無咩人，兩三枱。叫左榴槤水晶冰，榴槤味都夠，不過冰係好實個種，個人比較鍾意綿綿冰既質感。落單個時已經show比店員like左佢facebook同share，見單無顯示買一送一，店員話收錢時會自動減一個。咁咪放心繼續食。之後加多個榴槤班戟，見係出面個櫃已經整好，但等再十分鐘都未有人去攞，所以問另一店員，原來無落單，之後先見佢去攞。埋單時，要等入面唯一一個廚師出黎收錢，佢就照收兩分榴槤冰價錢，我地話like左facebook有買一送一，佢話要收錢時出示，剛好第一個店員食完煙行過，就話同左我地講收銀時出示，感覺好差，講一套做一套，而你本身都檢查左我地like左啦，又掛住食煩無落單，收銀見同事幫口，立即黑我地面囉，服務太差啦，買一送十都無咩興趣再黎囉。

係旺角行行下，望到聰嫂，就入去試下啦！加上旺角新鋪就更加要去試下啦！去到門口等咗一陣，就有得入去食。望真D間舖真係超細。超迫夾，大家唔好shop完先入去，無位比你放。地方迫到員工行入嚟落單都冇位，要嗌出去落單。嗌都算啦，重覆左三、四次，個員工都好似唔知我地要咩咁，火都滾埋。指住個餐牌，個員工又左望右望，其實個餐牌真係唔係太多野，點解會咁都落唔到呢？等左一陣，甜品就黎到。甜品味道都保持聰嫂一向應有既水準，先消消氣。