肆柒食堂

營業中

休息中

觀塘上班族的我愛上有間平靚正茶餐廳，我覺得值得支持！因食物份量夠又價格合理，便在觀塘鬧市區開源道的肆柒食堂！泰式海南雞油飯海南雞是我最愛，雞肉嫩滑，配上手工泰雞汁，酸酸甜甜帶少少辣，好開胃！另外同事點了個咖哩飯，佢話汁多送飯一流呢！另外因剛好食到2:30 下午茶☕️，便點了個原來都有正野！ 邪惡奶醬西多士勁多花生醬的西多士又好吃又邪惡！食完再運動啦😆【肆柒食堂】 📌觀塘開源道47號凱源工業大廈地下A號舖

這次品嚐的三道菜式，各具特色，令人垂涎。首先是活蜆米線配燒雞扒米線，米線的口感滑順，與新鮮的活蜆搭配，帶來海鮮的鮮甜味道。燒雞扒的肉質嫩滑，經過精心醃製，香氣四溢。整體味道層次分明，蜆的鮮味與雞扒的香醇相得益彰，讓人一口接一口。接著是泰式無骨海南雞飯，這道菜以清淡的雞肉為主角，配上特製的醬油和香料，既保留了雞肉的鮮美，又增添了泰式的獨特風味。搭配的米飯吸收了雞湯的精華，每一口都令人陶醉，令人感受到南洋的熱情。最後是芝麻醬厚多士，這道甜品讓人驚喜。厚厚的多士外脆內軟，淋上香濃的芝麻醬，口感豐富。每一口都是香氣四溢的享受，搭配一杯茶，完美的結尾。整體而言，這三道菜式呈現了不同的風味，無論是鹹食還是甜品，都讓人感受到廚師的用心與創意，值得一再品味。

話說，喺觀塘做完嘢，好肚餓，搵地方食個tea行經見到 canteen47_kt諗都唔諗即刻入去🤣👍🏻肆柒至尊脆狗 $35 (必食推介👍🏻)從來都未食過咁好食嘅hot dog 🤤非常足料，除咗法蘭克福腸、肉醬、芥末，入邊仲有肉碎、蕃茄🍅、青瓜🥒掂👍🏻👍🏻邪惡奶醬西多士 $32 (必食推介👍🏻)超邪惡嘅西多士，勁多奶醬🤤多到好似瀑布咁流🤣多士夠厚，內裏軟綿綿👍🏻唔甜，勁香花生味🤤 完全唔膩👍🏻👍🏻經典豬扒包 $36正常發揮👍🏻鹽酥雞 $12即叫即炸，外脆內軟，一啲都唔乾，咬落勁Juicy，好多雞汁🤤👍🏻凍檸茶 +$3真心抵食

「觀塘除左有隱世工廈美食，開源道亦有出色茶記」小編今次就帶大家黎到觀塘開源道，同大家介紹一間有質素既茶記 一 肆柒食堂🌟日式咖哩吉列豬扒飯 $64茶記一向比人印象頹，而今次同大家介紹既肆柒食堂，對出品有一份堅持同認真，咖哩香濃，吉列豬扒炸得金黃酥脆，加埋隻溏心蛋，真系餸飯一流 🤤👍🏻👍🏻🌟慢煮雞胸和風沙律 $62除左邪惡吉豬，肆柒食堂亦有免澱人之選，慢煮雞胸肉質嫩滑，加埋果仁同沙律菜，清爽之餘簡單增肌减脂🤤👍🏻*午市優惠仲可以優以惠價加配小食🌟台式鹽酥雞 $6優惠價小食亦絕不Hea場台式鹽酥雞炸得金黃酥脆🤤👍🏻🌟港式奶茶 $6港式奶茶，地道風味香濃順滑🤤👍🏻📍肆柒食堂地址：觀塘凱源工業大廈地下A號舖

肆柒食堂 地址: 觀塘開源道47號凱源工業大廈地下A號舖好餓呀，今日整完野先有時間食飯，不知不覺已經是tea time 啦，行落樓搵地方食個tea !由細到大都首選架雞扒啖啖肉，雞扒配活蜆米線，食飽d再去便gym先，當埋晚餐大隻香脆多肉，卜卜蜆好鮮甜好幸福架呢！麵鼓湯低另一份同樣是美味邪惡，免澱人就是走carbohydrates,健身減肥通常會行keto 多肉多油少澱粉，雞胸配和風salad !忍唔住加奶醬多，醬多到流

小妹今晚同屋企去觀塘行街，醒起呢間餐廳🍴由B出口行約5分鐘就左右就到，超級方便😍 餐廳環境好大，坐得非常舒適，雖然外貌有點似茶餐廳🍴但質素一定好過茶餐廳🍴😌呢度主打免澱人沙律🥗不同款式既米線🍜火鍋🍲日式咖哩飯🍛串燒🍢等等…好多選擇～手撕雞溏心蛋和風沙律🥗呢款係免澱人の選，整體感覺好健康～手撕雞好有份量，肉質嫩滑🤤沙律菜淋咗不少柚子醋，加埋一串兩嚿翠玉瓜及半隻溏心蛋🥚非常好咪😚套餐可以選茶碗蒸或前菜加湯茶碗蒸🥚小妹當然擇咗茶碗蒸啦～呢款茶碗蒸非常足料，食起嚟熱辣辣，蒸蛋好香滑，亦有不少冬菇粒及配料，當中不少得帆立貝😎香茅豬扒煎蛋飯🍳🐖🍚餐廳🍴採用厚大連骨既豬扒🐖 肉質鬆化嫩滑，豬扒亦煎得微微香，入口順滑，上面舖左靚靚不漏黃的煎蛋🍳真係好靚🥰而且仲有一串兩嚿翠玉瓜，正👍🏻日式壽喜燒肥牛鍋🐂🍲呢個壽喜燒湯底為其出色，味道係日式甜醬汁底湯，湯底香甜，味道濃郁，而且不同的配料（如冬菇，金菇、蟹柳等）經烘熱後十分入味，肥牛肉方面亦非常優質，肉質鮮嫩，口感絕佳，帶有油脂甘香🌝檸檬茶🍋整體黎講，呢間餐廳🍴絕對推薦，食咗咁多野都係約$210，真心好抵🫨上菜速度快，職員有禮，地點方便😝

好多朋友做gym都會嚟嘅47食堂 第一次是感覺印象好好 因為有好多款菜式 仲開到夜晚10點鍾意佢呢度有特別menu畀一啲唔鍾意食澱粉質嘅人⭐️慢煮雞胸雜菜飯 喺呢度嘅主打 雞胸好嫩滑好有營養 蔬菜 有脆肉瓜 椰菜花 椰菜等等 配少少飯真係一餐好有營養增肌菜式 另外冬天都想食暖啲 揀咗⭐️美國肥牛日式壽喜燒配白飯 🍚牛肉好多 配上大量蔬菜同同埋豆腐 個壽喜燒汁甜甜地配飯食 好正呢度都有好多串燒食 揀咗冇皮嘅⭐️串燒雞腿肉炭火燒嘅雞髀肉好香 好易上癮飲品都好有誠意⭐️樽仔咖啡 係用即磨咖啡☕️製成 非常好飲 好rich唔會好甜經理十分風趣 地方坐得好舒服 又近地鐵站 感覺 好有人情味 我一定會再嚟

超方便~觀塘地鐵站B出口行5️⃣分鐘就到環境都好舒適，而且下午茶時段人流唔算多，整體氣氛唔錯~😋食評時間😋🔥脆皮燒雞脾🍗大大隻~即叫即整熱辣辣~雞皮燒得好香脆，肉質鮮嫩，咬落去仲好Juicy😋😋🍲活蜆米線🍜蜆肉漲卜卜，肉質唔韌，好有鮮味，而且無沙👍湯底我選咗<味噌清酒湯>，淡淡酒味配埋爽口米線好夾😋

有沙律、米線、日式丼飯、日式咖哩飯、火鍋、串燒等等，選擇非常豐富💕 仲有做gym人士啱食嘅晚餐，非常高質😆日式咖哩吉列豬扒飯🍛真係好正！😍 豬扒好厚身，外脆內嫩，搭配濃郁的咖哩醬，味道香濃，配上白飯簡直係完美組合🤤慢煮雞胸雜菜飯🍗🥦只有350卡路里！健康又美味，雞胸肉經過慢煮，保持肉質鮮嫩，搭配新鮮雜菜，色香味俱全，營養均衡，做gym必食！😆汁燒焦糖豚肉（2串）🍢推薦！豚肉經過特製焦糖醬燒烤，外焦內嫩，甜中帶鹹😋😋 肆柒燴雜菜🥕🥬包含多種時令蔬菜，搭配特製醬汁，既健康又美味，為整體餐點增添清爽口感，好開胃！日式活蜆茶碗蒸🍲精緻嘅日式蒸蛋，蜆的鮮味同滑嫩的蛋羹相結合，口感細膩，食落去感受到海鮮的鮮美，十分適合作為開胃菜😋

肆柒食堂📍地址: 觀塘開源道47號凱源工業大廈地下A號舖✨活蜆米線配燒雞扒米線✨ $64 🌟選了味噌清酒湯這道米線的湯底選擇了味噌清酒湯，湯頭鮮香，帶有淡淡的酒香，讓整道菜更加提味！活蜆的新鮮感和燒雞扒的嫩滑搭配在一起，讓人每一口都充滿驚喜！🥢🐚🍜 這個組合非常適合那些既想吃海鮮又想吃雞肉的朋友，真的是一個完美的選擇！👍✨ ✨泰式無仔海南雞飯✨（配油飯） $62 （指定部位+$5 轉雞髀+$10） 這道泰式海南雞飯的油飯香氣四溢，雞肉鮮嫩多汁，搭配特製的醬料，味道非常棒！😍 特別喜歡可以選擇雞髀的選項，這樣能夠享受到更多的肉質，真的是太貼心了！油飯的口感也非常好，讓整體餐點更加豐富！🍚🐔🌿 ✨芝麻醬厚多士✨ $27 這道芝麻醬厚多士的選項非常特別，香濃的芝麻醬搭配酥脆的多士，讓人一口接一口，完全停不下來！🥪❤️ 每一口都是滿滿的幸福感，簡直是甜品中的一絕！🌟 #香港好去處 #香港旅行 #香港打卡 #香港小店 #香港製造 #香港生活 #香港🇭🇰 #香港品牌 #香港店 #香港景點 #香港電影 #香港街拍 #香港美食指南 #香港美食推介 #香港美食日記 #香港美食地圖 #香港美食

眾所周知，觀塘工業區有好多唔同嘅餐廳，亦都係咁觀塘嘅餐廳都不斷優化✨開始愈嚟愈多元化💕今日我哋揾到一間日系木風嘅茶餐廳🍴幾有驚喜😍係一間會再encore嘅餐廳，真係好岩係工業區翻工嘅朋友👫📍@canteen47_kt🍱沙嗲牛肉麵 $35👍🏻好香麻油味🍱經典豬扒包 $38👍🏻一嚟到包係熱辣辣，豬扒仲要好大塊，好juice 🍱邪惡奶醬多西多士 $32👍🏻超多醬😍好多花生粒🥜🍱9分鐘雞翼 +$18👍🏻每隻都係脹卜卜，好入味，雞翼肉質好嫩滑🍱無冰奶茶 $6👍🏻奶茶茶底好濃，口感好順滑，唔係好甜，好岩怕甜嘅人飲🍱冷泡蜂蜜桂花高山茶 +$9👍🏻好特別，好香蜂蜜嘅味道，清甜滋潤🍱糖漬柳丁梳打 +$9👍🏻將橙肉切粒糖漬，再加入梳打水，好清新，開頭驚好甜，但又唔會，好似橙汁氣水，但味道天然好多📍肆柒食堂 (觀塘)觀塘開源道47號凱源工業大廈地下A號舖#探店 #吃喝玩樂 #香港媽媽 #blogger #觀塘 #觀塘美食 #觀塘工廈

今日嚟到觀塘開源道嘅【肆柒食堂】食個快飯🙌🏻叫咗佢哋嘅「最GYM免澱人系列」同埋「魔鬼八吋燒肉丼」👍🏻👍🏻⭐泰式海南雞沙律 配 手工泰雞汁⭐呢個沙律好適合想食得健康又唔想攝取太多澱粉質嘅我~雞肉嫩滑，配上新鮮嘅沙律菜，口感清爽。最特別係佢哋嘅手工泰雞汁，酸酸甜甜帶少少辣，好開胃，完全唔會覺得油膩。沙律附送咗兩串翠玉瓜串，燒得啱啱好，外皮微微焦香，內裡多汁！⭐魔鬼八吋燒肉丼⭐本身有幾款肉食，不過牛柳賣曬，用咗豚肉代替。丼飯上面鋪滿咗燒雞翼、姜燒豚肉、雞扒，仲有一隻溫泉蛋，撈埋蛋汁真係無得輸！雞翼外皮香脆，豚肉入味，雞扒亦都煎得啱啱好，肉質好好。另外，丼飯加了雜菜粒、南瓜粒、蘿蔔粒同冬菇，令到成個丼飯更加豐富，食落去唔會覺得單調。⭐樽仔綠茶 & 樽仔奶茶⭐飲品方面加配咗樽仔綠茶同樽仔奶茶。兩款飲品都唔會太甜，綠茶清新解膩，奶茶香滑，唔會過甜。【肆柒食堂】📌觀塘開源道47號凱源工業大廈地下A號舖

之前一直bookmark左呢間茶餐廳，因為睇相見佢啲菜式好似同平時啲茶餐廳好唔同。呢日放咗工同同事去買嘢經過，於是就入去食個晚餐～最Gym 免澱人餐 - 燒活蝦慢煮雞胸配和風沙律啲蝦燒得啱啱好，肉質唔錯而且好有BBQ 風味。燒蝦同燒脆肉瓜都係用竹籤串住，食起上黎好方便。值得一讚嘅係雞胸肉，切得好薄而且佢唔似平時啲雞胸肉咁鞋，配左個有洋蔥、黑椒嘅汁令人好易入口，和風沙律，份量亦都好多，夠曬健康。最Gym 免澱人餐 - 活蜆茶碗蒸 呢個茶碗蒸絕對唔輸俾日式餐廳，蛋蒸得好滑，入面除左有蜆之外仲有菇、蟹柳等等，蜆肉好鮮甜，呢味前菜令人好開胃活蜆牛丸米粉呢碗米粉份量好足，兩個女仔share都夠食。我地揀左味噌清酒湯，湯底好清甜好有酒香味。最正嘅係啲蜆新鮮得黎完全無沙，牛丸亦好彈牙牛油蒜蓉燒雜菇雜菇包括左金菇同另一種菇，佢地吸收左牛油同蒜蓉嘅香氣，香脆得黎好有燒烤風味凍檸茶茶底唔錯，而且真係跟足我要求要少甜，食咁多野飲返杯真係好幫助消化自家樽仔無糖綠茶朋友覺得佢有埋個樽幾方便，飲唔曬可以帶走，所以就叫左呢個。佢話啲綠茶清香得黎唔澀，而且無糖，真係好健康好養生

肆柒食堂係我公司附近第一次去已經記住咗佢個名因為佢就係係開源道4️⃣7️⃣號 係米好易記~早餐、午餐我都食過好多次如果禮拜六要返公司我都一定買佢嘅早餐因為早餐嚟講$3X幾蚊連凍飲！附近真係得佢 其他好多都$4X蚊早餐我食開火腿通 沙律蛋 凍檸茶 外賣 $37午餐佢嘅照燒雞扒真係唔錯 $62係好新鮮嘅雞扒 食得出唔係隔夜嘅 個飯仲要有造型仲有活蜆米線都唔錯 仲可以加配小食 菜、串燒、雞翼咁今次仔仔學完鋼琴 帶佢嚟食下午茶下午茶都超正炸雞髀配薯條 小朋友嘅最愛 $39邪惡奶醬西多士 好大份絕對夠醬 $32前排係電視見到佢哋嘅介紹先知道免澱人餐背後嘅心思值得支持 希望你哋可以繼續KEEP住 生意越嚟越好

電視節目介紹過呢間餐廳，今日慕名而來，餐廳裝修稍欠型格，但整齊舒適，座位之間距離寬敞，食物味道更帶嚟咗意外驚喜。**活蜆手撕雞米線**：味噌清酒湯底嘅清甜，完全冇味精嘅感覺，飲得出係用真材實料熬製而成。活蜆新鮮飽滿，米線彈牙，每一啖都充滿住湯底嘅精華。**活蜆米線配燒香茅豬扒**：豬扒經過香茅醃製，煎至金黃色，外皮香脆，內裡 juicy，香茅味濃郁，但唔會搶咗豬肉本身嘅鮮味，令人食慾大增。**9分鐘雞翼**：雞翼肉質嫩滑，加入八角令香味更加有層次，零舍唔同，令人食過返尋味。**熱奶茶**：唯一美中不足嘅係熱奶茶，茶底稍嫌欠缺紅茶嘅香濃，反而普洱茶味過重，掩蓋咗奶茶應有嘅風味。總體而言，呢間茶餐廳嘅食物質素令人滿意，尤其係活蜆米線同燒香茅豬扒，絕對值得一試。希望店家可以改進奶茶嘅配方，令到整體用餐體驗更加完美。