肆柒食堂

營業中

休息中

肆柒食堂係我公司附近第一次去已經記住咗佢個名因為佢就係係開源道4️⃣7️⃣號 係米好易記~早餐、午餐我都食過好多次如果禮拜六要返公司我都一定買佢嘅早餐因為早餐嚟講$3X幾蚊連凍飲！附近真係得佢 其他好多都$4X蚊早餐我食開火腿通 沙律蛋 凍檸茶 外賣 $37午餐佢嘅照燒雞扒真係唔錯 $62係好新鮮嘅雞扒 食得出唔係隔夜嘅 個飯仲要有造型仲有活蜆米線都唔錯 仲可以加配小食 菜、串燒、雞翼咁今次仔仔學完鋼琴 帶佢嚟食下午茶下午茶都超正炸雞髀配薯條 小朋友嘅最愛 $39邪惡奶醬西多士 好大份絕對夠醬 $32前排係電視見到佢哋嘅介紹先知道免澱人餐背後嘅心思值得支持 希望你哋可以繼續KEEP住 生意越嚟越好

電視節目介紹過呢間餐廳，今日慕名而來，餐廳裝修稍欠型格，但整齊舒適，座位之間距離寬敞，食物味道更帶嚟咗意外驚喜。**活蜆手撕雞米線**：味噌清酒湯底嘅清甜，完全冇味精嘅感覺，飲得出係用真材實料熬製而成。活蜆新鮮飽滿，米線彈牙，每一啖都充滿住湯底嘅精華。**活蜆米線配燒香茅豬扒**：豬扒經過香茅醃製，煎至金黃色，外皮香脆，內裡 juicy，香茅味濃郁，但唔會搶咗豬肉本身嘅鮮味，令人食慾大增。**9分鐘雞翼**：雞翼肉質嫩滑，加入八角令香味更加有層次，零舍唔同，令人食過返尋味。**熱奶茶**：唯一美中不足嘅係熱奶茶，茶底稍嫌欠缺紅茶嘅香濃，反而普洱茶味過重，掩蓋咗奶茶應有嘅風味。總體而言，呢間茶餐廳嘅食物質素令人滿意，尤其係活蜆米線同燒香茅豬扒，絕對值得一試。希望店家可以改進奶茶嘅配方，令到整體用餐體驗更加完美。

朋友約到，又再嚟食，食物款式多咗好多，員工都好好禮貌。柒分飽飯日式咖哩吉列魚柳飯$39吉列魚柳香脆惹味，日式咖哩汁唔辣，我鐘意❤️免澱人之選燒豚肉溏心蛋和風沙律$60初頭覺得貴，嚟到之後就覺得重料，值得👍下午茶優惠小食台式鹽酥雞 +$6外脆內軟，又大件，掋食👏🏻芝麻醬厚多士 $27厚多士用上香濃芝麻醬令西多士口感浓郁加倍🫶🏻凍奶茶 +$3茶配合啲奶夠絲滑糖漬柳橙紅茶（熱）+$9味道就係飲緊甜甜酸酸嘅茶

每次去親觀塘，唔知食乜第一時間就諗起呢間餐廳，因為呢間餐廳咩款式都有，又唔係澱粉，亦都有飯揀，好多選擇。但係每次都好鍾意食佢個雞扒，因為雞扒醃得好香，塊皮都煎得好香口。

觀塘活蜆配米線少見餐廳以日式燒物 料理 同活蜆主打一個叫左味增清湯 湯湯甜甜 一個叫左冬陰公 酸酸辣辣 香茅豬扒同燒雞扒 燒等幾靚同香蜆肉新鮮 幾好食配料仲有芽菜同生菜✨肆柒食堂 (觀塘)觀塘開源道47號凱源工業大廈地下A號舖#tg31eat觀塘#肆柒食堂.....#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #yummyfood #手機食先 #相機食先 #noodles #seafood

佢哋晚市有啲非常值得一試嘅菜式，特別適合健身人士或者想飲食健康嘅朋友。餐廳晚市係由下午六點開始供應，菜單上有幾樣我覺得超級推薦嘅菜，真係好抵食！😋晚飯時段加套餐係非常之抵食配熱飲凍飲+$3及活蜆茶碗蒸 免費升級 肆柒燴雜菜✏️ 汁燒鹽滷豆腐（2串）$21每一串豆腐都係現點現燒，食落去口感非常好，外表香脆，內裡軟滑。搭配上特製嘅醬汁，味道更添風味，真係一個唔錯嘅開胃小食！而且，豆腐富含蛋白質，對於健身人士嚟講，真係一個健康嘅選擇！🍽️🥦✏️ 串燒雞軟骨（2串）$23雞軟骨嘅口感非常好，咬落去有啲嚼勁，配上燒烤醬，味道更加出色！🍢🔥 鳥軟骨通常都唔容易做到咁好味，呢度的串燒真係值得一試，唔單止味道好，仲可以令你食得開心。😋-如果你想試下健康美味嘅晚市，記得嚟呢間餐廳！喺享受美食之餘，仲可以保持身形，真係一舉兩得！😍 唔好錯過呢啲美味，約埋朋友一齊嚟，享受一個愉快嘅晚餐時間！🎊

三色芝士肉醬撈烏冬配BBQ燒雞扒下午茶新品呢間啲烏冬一向好食口感順滑呢碟都保持到水準沒有因為煮法唔同而口感變差 醬汁味道及份量都恰到好處唔太膩又剛好讓每條烏冬都沾到足夠醬汁雞扒都好好食嫩滑香口唔會乾味道適中只是欠了一點BBQ味價錢認真超值包茶飲都只係50蚊雖然以下午茶嚟講唔算貴但係好夠飽朂近食肆生意慘淡好多人都wfh商業區人頭湧湧光景已不復再所以俍肆真係要諗多啲新意呢個下午茶真心推薦不過寫話限供應唔知係真還是marketing策略但無放係門口宣傳就有啲可惜如果除咗雞扒之外可以再換其他肉則更理想更有encore嘅理由

由於朋友極度推介呢間餐廳，推薦咗幾個菜式俾我，於是我想試晒全部菜式。今次朋友推介雪菜肉絲米粉，發現雪菜係鮮雪菜唔係一般醃製唔知擺咗幾耐嘅雪菜。味道好好食，仲食得出湯底有少少黑椒調味鹹淡適中唔會過鹹，食完都唔會頸渴。跟餐仲有滑蛋同多士，兩樣都好好食，滑蛋好香，多士份量適中。下次有機會嘅話食下午茶會加埋奶醬多士，咁就最吸引好好食。呢間餐廳有免澱粉套餐，適合唔同人士嚟食，定你位置又方便，價錢又適中， 10分推介

因為喺附近有嘢做，成日都會喺觀塘，不過最近先知道朋友介紹嘅呢一間飯堂，好近自己平時工作嘅地方。餐廳環境舒適，座位都闊落，好新淨唔舊。有好多座位，等位都唔需要等好耐。朋友極度推薦雞扒煎蛋飯，煎蛋係脆邊有太陽蛋十分之好食，雞扒望落平平無奇，調味好足夠，塊皮都好脆，食落有驚喜。因為太為食，仲叫左個奶醬多士，好多醬而且價錢親民。成餐飯食得好滿足。下次再去會再試其他，見到menu有無澱粉、沙律揀，其實有好多選擇。

星期六啱啱喺附近工廈做完嘢就求其行咗入去呢間餐廳入面，意外發現觀塘工廈區唔顯眼嘅新式茶記，水準唔錯啵~嗌咗個多士餐包杯嘢飲，呢個多士嘅口味比較貼合年輕一代，同以往傳統茶記嘅奶油、奶醬口味相比，佢多咗個黑芝麻味選擇，喺好奇心嘅驅使底下，即刻叫咗份嚟試試佢。 好多人會怕黑芝麻醬好膩好滯，成份厚多個面都搽滿薄薄嘅醬料，雖然味邊唔算好突出但勝在夠出奇不意，最滿意嘅係喺創新嘅同時，又保留到舊式茶記對多士嘅執著。呢份厚多士出爐熱辣辣，用餐刀就可以輕易咁將佢切開，咬落麵包邊脆口，麵包心就軟綿綿，好香口🤤食落好滿足。仲有呀，佢仲提供咗跟餐加配嘅選擇，有得㨂鹽酥雞或者薯條，價錢由6蚊起，我加多咗份薯條，一個人份量剛剛好，值得一讚嘅係薯條係新鮮炸起仲出緊煙嘅。好少去觀塘做嘢，竟然撞手神咁入咗間唔錯嘅茶記，希望再來訪嘅時候可以試到佢嘅午餐，睇下其他食物嘅水準。

食個午餐都不愉快，只係食左20分鐘都冇不斷俾同一個姐姐叫坐埋一邊 但冇人等緊位！ 起初都冇理佢繼續食飯，只係想同屋企人快快食完個午飯，佢再一次同我哋講嘅時候，我就同佢講後面嗰張卡位都係兩個人坐點解你唔叫人移開呢 佢講唔出原因 食物質素還可 但食個午餐 $60幾蚊 仲食得唔舒服過麥當勞！ 咁既服務態度唔ok！

#肆柒食堂門口雖少，但一進入店就會發現有很大嘅空間。港式餐廳，價$相議，上餐快速，是打工仔嘅飯堂。今次嗌左以下：✨️《吉列魚柳和風沙律》$62魚柳1厘米厚、大大塊、炸到脆卜卜。下面有新鮮的蔬菜、栗米、小蕃茄、瓜片。流心蛋黃煮得啱啱好，非常滑溜。✨️《日式活蜆茶碗蒸》$16內有一隻蜆，蛋味香濃，蛋内仲有點香菇，蛋上有香葱調味。✨️《糖漬柳橙梳打》+$9味道偏甜杯内有鲜橙粒和檸檬，梳打水是罐裝玉泉牌。📍觀塘

今日發現，凍飲無少甜，正常甜，上兩星期都有。少甜好難攪咩？唉.....香港食肆真係......點解唔俾少甜？幫店主省錢都唔得？跟住我聽到隔離枱又叫少甜，又無話唔可以。我立刻叫那位侍應過嚟，問唔係無得少甜咩？她說，所有凍飲都已經少甜咗喎！！！唔知邊個真、邊個假。

食過以下兩個午餐：L1. 溏心蛋牛蒡雞丼L2. 溏心蛋牛蒡雞丼 配燒五花豚肉 （貴少少）L1俾一塊大雞扒你，L2一塊雞扒都無，變成肉碎！？我問侍應，為何雞扒變了肉碎，他答是雞肉碎？？？食完結賬，對收銀反映意見，收銀說，這是日式寫法，雞丼即是（雞）肉碎，第一，如果是這樣，為何L1給我雞扒？第二，肉碎沒有雞味。之後收銀快快打發我走。各位，千祈唔好叫L2，真係無雞扒嫁！

從不寫食評但今次真係要分享一下，下午茶叫豬扒薯條嚟到得半塊豬扒都係第一次見，職員聽見即刻話因為件豬扒好大件所以要分一半😓真係聞所未聞，還是我孤陋寡聞？ 其實商家可以選擇改餐價賣貴啲，咁樣比一半食客好似比人食過咁😔真係難怪香港人北上消費，感覺超級差不會再嚟了。