肉肉大米

營業中

休息中

小編一直都有個「大和胃」🇯🇵皆因日本嘢真係百吃不厭😋而好好彩香港又有日本過江龍黎插旗🚩 講緊嘅就係日本漢堡扒專門店「肉肉大米」🤩🤩🤩店舖位於沙田新城市廣場一樓，行到入去見到餐廳店員個個都熱烈歡迎，氣氛相當濃厚😎 現場有兩個開放式烤爐，兩邊加埋一共40個吧枱座位，好似四面台咁圍住觀賞師傅現場燒製漢堡扒，啱晒鍾意食飯一路打卡嘅香港人😜除咗表面嘢，佢哋嘅食材用料都係𝙼𝚊𝚍𝚎 𝚒𝚗 𝙹𝚊𝚙𝚊𝚗🇯🇵 佢哋嘅漢堡扒係用九州黑毛和牛小腿肉同埋美國牛肩胛肉混合而成🐮米飯係用日本東北「虹煌米」現磨脫殼製成🍚 雞蛋當然係用日本可生食新鮮雞蛋啦🥚認真講究💯而餐廳就專注做漢堡扒定食，麵豉湯同白飯係任添嘅🤩 今次就試咗個$140嘅混搭漢堡套餐，頭輪先嚟一份原汁原味和牛漢堡扒！漢堡扒肉質鮮嫩，喺鐵板炙燒7至10分鐘外面焦香入面軟熟😋 撈埋生雞蛋黃一齊食，口感更加滑溜，底層嘅白米飯索晒肉汁同蛋汁精華正到痹🤩 第二款係鋪上厚厚芝士同海量芝士碎嘅和牛芝士漢堡扒🧀 芝士呈熔岩狀滲入漢堡扒入邊，惹味鹹香令到漢堡扒味道更加濃郁😋再嚟就係期間限定嘅和牛蟹肉漢堡扒🦀漢堡扒上面鋪住紫蘇葉、蘿蔔絲同新鮮蟹肉，用柚子檸檬醬汁炆煮🍋入口

漢堡扒專門店「肉肉大米」正式登錄沙田新城市廣場主打席前即煎漢堡扒同埋有3款口味嘅和牛漢堡扒，包括原味、芝士同埋香港店限定嘅蟹肉！白飯 西蘭花同埋蜆湯都係任添性價比超高！場內主要都係吧檯座位而且係開放式廚房，所以客人都可以現場睇住漢堡扒嘅烤製過程，氣氛十足而且廚師都充滿活力，會同客人交流互動😆😆「肉肉大米」來自日本「物語公司」，喺內地設多間分店，經營燒肉、拉麵和大阪燒等等嘅日式餐廳和牛漢堡扒套餐價錢由$95-$140左右$140可以試到香港限定版 推薦大家一定要試🥰肉肉大米嘅漢堡扒嚴選九州黑毛和牛同美國牛肉混合而成，牛肉都係每日現絞，確保新鮮而大米都係採用日本東北的嘅「虹煌米」每日現煮再搭配日本生蛋 絕對係完美嘅配搭🥰現場有八種醬料可以自己揀黎點例如燒肉醬、洋蔥醬、沙茶醬、蒜香辣椒醬、日式芥末鹽麴等等廚師最推薦我食奧羅拉醬! 即係蛋黃醬同番茄醬mix埋 有啲似千島醬廚師會先將漢堡肉煎成5成熟，之後客人可以根據自己喜好加熱芝士漢堡就用左車打芝士 仲會即磨大曬芝士上面 超邪惡香港限定嘅和牛蟹肉漢堡扒用松葉蟹肉同蘿蔔絲製成最後會倒入柚子汁肉汁好豐富呢個價錢可以食到咁多野真係好抵有興趣嘅話記得去

第一次嚟肉肉大米用餐，排左成個鐘，等到頸都長埋。入去叫左個2個漢堡排餐 95蚊，已經好食到好飽。（好彩冇叫3個，咪先真係食唔晒）漢堡排個口感好豐富，鮮嫩多汁，咬落去啲肉汁正程會爆出嚟！仲有8種醬可以自己自由加～成個體驗非常滿足，下次會想試埋另外隻芝士同期間限定味！

今日行過沙田新城市廣場，見到有一間日本過江龍 叫「肉肉大米」嘅現烤漢堡扒專門店新開張，價錢親民，一人套餐有齊和牛漢堡扒、日本新鮮生雞蛋、麵豉湯同日本東北嘅虹煌米白飯。漢堡扒係師傅現場即叫即煎，煎完之後會放喺每個座位面前嘅烤板上繼續加熱，令到客人可以食到熱辣辣嘅漢堡扒；麵豉湯入面嘅配料唔係普通嘅海帶，而係營養豐富嘅羽衣甘藍，用料非常用心；套餐嘅麵豉湯、白飯同西蘭花仲可以無限添加，所以一定夠飽；醬汁有好多種，包括洋蔥醬、奧羅拉醬、燒肉醬、黃芥末醬、蒜香辣椒醬、日式芥末鹽麴、沙茶醬、胡椒鹽，令到每一啖漢堡扒都可以有唔同口味。🍊經典和牛漢堡扒肉肉大米自家品牌嘅漢堡扒喺用咗日本九州黑毛和牛同美國牛肉混合製成嘅漢堡扒，咬落去充滿油脂同肉汁，口感鬆軟，層次豐富，而且每一塊漢堡扒都非常厚身，放上白飯之後加入日本生雞蛋同醬油，再攪拌一齊食非常滿足🍊和牛芝士漢堡扒經典和牛漢堡扒配上一片濃郁嘅車打芝士片同現場即刨嘅芝士絲，職員刨芝士絕不手軟，刨到成個芝士山咁高！輕輕在喺烤板上加熱就可以將芝士溶化，濃濃嘅芝士味配上和牛漢堡嘅肉味係絕配🍊和牛蟹肉漢堡扒新開張嘅10月份會有期間限定嘅餐牌，呢一個有蟹肉同蘿蔔絲製成

沒比較就沒傷害 - 挽肉と肉肉開業前一個月已經期待，因為沙田友，口痕想食漢堡扒都唔洗過海又要預約，點知期望越大，失望越大。環境挽肉 - 環境設計簡潔通透，座落於IFC，白天陽光，晚上維港，樓底高，燈光柔和，每客桌面有小射燈照亮食材，打卡一流。肉肉 - 位於商場內，空間相對閉密，樓底較矮，大大支射燈係頭上面射落黎，毫無氣氛。服務挽肉 - 員工對於調味、餐具和用餐次序講解詳細。漢堡煎好後，會擺放在鐵網上，底部有鹽槽，既可保溫又能調味。每出一件漢堡，會翻一下木牌，有日式感，不過，座位較為狹窄，要自助取水。肉肉 - 員工會簡單講解，菜、湯、飯可以添加，漢堡煎好就會放到餐台前既鐵板，油脂四濺，如果你叫芝士味，更可以欣賞到芝士散花，一檯都係，不過勝左坐位寬敞，每客都有水酌。衛生挽肉 - 廚房內員工並非全部佩戴口罩和手套，員工之間有講有笑，感覺唔係太好。肉肉 - 廚房內員工整裝上陣，衛生做得較好，不過他們之間的高聲談笑和大動作，非常滋擾食客。價錢挽肉 - 基本餐，3件扒，白飯，湯，蛋X1 $138肉肉 - 菜單選擇較多，按3件扒，白飯，湯，蛋X1 $110食物質素挽肉-漢堡扒- 牛味淡，有洋蔥同黑椒

可以打卡，但品質是失望的。看到門口這麼多人滿心期待湊熱鬧想試一下，排兩小時吃半小時，品質未能滿足期待。湯：蜆充滿沙，食飯期間同時聽到隔離兩台客都話係。🫠漢堡扒：做了八成熟的半成品，然後放到客人的鐵板上，但枱面上的鐵板不夠熱，漢堡扒外面熟時，入面凍生or入面熟時外面鞋口🥹，也沒有黑毛黃牛的感覺。米飯：是好吃，合乎標準的。醬汁：👍🏻很多款、很新奇，但希望餐廳主菜水平有所改善，而不是只有外型相似。在日本吃過很好吃的「另一間」，相對這一間只有外型似，但是完全不能比較，落差有點大。

日本「物語公司」旗下既肉肉大米🍚終於嚟咗香港啦🥰餐廳主打「現煎 現煮 現烤」🔥食材有70%都係來自日本🇯🇵肉肉大米主打當然係漢堡扒🥩用美國牛同日本和牛混合，有美國牛既香濃肉味又有日本牛既嫩滑口感！除咗肉好講究之外，但其他所有食材都細節滿🈵蛋同埋米都係來自日本，店舖入面仲有日本製既精米機，即場精米🍚食落粒粒都好飽滿！今次一次過試晒佢三款口味，「和牛漢堡扒」、「和牛芝士漢堡扒」、仲有期間限定既「和牛蟹肉漢堡扒」🫶店員會先將和牛漢堡扒煎到兩邊金黃色，再放上席前既煎爐，再每邊煎一分半至兩分鐘就大約7成熟！食落真係爆肉汁，再配埋隻蛋食真係perfect match😍第二款加咗兩款芝士喺漢堡扒上面🧀😈芝士味超級香濃！芝士迷必試‼️最後一款就係清爽之選，店員會加入柚子醋再擠少少小柑桔汁，食到最後都會唔好膩！📍#肉肉大米 (#沙田美食)#沙田 新城市廣場一期1樓108號舖

[ 肉肉大米 ]日本國內及亞洲地區擁有700多間餐廳嘅日本企業 物語公司 將於2024年10月3日首次進軍香港，於 沙田新城市廣場 開設「肉肉大米」呢間現烤日式牛肉漢堡扒專門店🐮🥩。漢堡扒每日係店內開放式廚房用日本🇯🇵九州黑毛和牛同堆美國🇺🇸牛肉混合製成，另外大米以及可生食嘅新鮮雞蛋都係日本產！套餐有兩塊漢堡扒、溫泉蛋🍳🥚西蘭花🥦、白飯🍚及味噌湯更可以無限量添加‼️‼️✿ 和牛漢堡排套餐 $95 (2件) / $110 (3件)店員先係開放式廚房將漢堡扒煎至5分熟鎖住肉汁，再由食客用面前鐵板加熱至自己喜歡嘅熟度🙂‍↔️🙂‍↔️。漢堡扒只使用少量調味料，突出濃厚肉味。另外有八種醬汁和調味料，例如燒肉醬、蒜香辣椒醬、洋蔥醬、沙茶醬等。✿ 和牛芝士漢堡排套餐 $125 (2件) 和牛漢堡扒上面鋪滿厚厚熱溶芝士🧀，再由店員即刨芝士碎，雙重芝士嘅享受，非常濃郁😋😋。✿ 新開張期間限定🦀和牛蟹肉漢堡排套餐 $110起蟹肉鮮甜美味，再加入蘿蔔溶、酸汁、青檸汁🍋‍🟩，整體味道好清新🌿🌿。總結🫦 不到$100可以食到九洲和牛漢堡扒，性價比高🤭🤭，喜歡食和牛/漢堡扒嘅人必試‼️✿✿✿✿✿✿✿✿✿✿✿✿✿✿✿✿✿✿✿

而家快餐文化咁盛行，漢堡扒真係一樣好受歡迎嘅食物。唔論係快餐店定高檔餐廳，幾乎隨時隨地都可以搵到。但係，我最近去肉肉大米食咗一份漢堡扒，真係好失望。首先，漢堡扒嘅口感實在唔好。肉質乾柴，幾乎冇汁，咬落去好似喺咀嚼橡皮咁，完全冇咩味。調味又唔夠，令整個漢堡變得好平淡，根本就唔係享受美食嘅感覺，只係為咗填飽肚子。其次，配料方面都唔夠好。只係得西蘭花，啲配料新鮮度實在唔夠。影響咗整個漢堡嘅口感。而且，醬料冇咩驚喜，缺乏創意。最後，價錢問題都令我覺得唔值。咁嘅質素竟然要咁貴，真係難以接受。總括來講，呢次嘅漢堡扒經歷令我對呢道美食產生質疑。希望將來嘅漢堡扒可以喺質量同口味上改善，畀每位客人都可以享受到真正嘅美味。

日本企業「物語公司」將於2024年10月3日首次進軍香港，並於沙田新城市廣場開設其現烤漢堡排專門店「肉肉大米」香港人又有口福🫶「肉肉大米」堅持使用日本產食材，提供由九州黑毛和牛和美國牛肉混合製成的漢堡排，使用日本東北的「虹煌米」（將玄米從日本進口後在店內現磨脫殼）和可生食的日本新鮮雞蛋，餐廳採用開放式廚房，現場完全看到廚房烤製漢堡排的過程🙌餐單有和牛漢堡排和和牛芝士漢堡排的單人套餐之外，還有期間限定的漢堡排套餐。套餐附有燒肉醬、洋蔥醬、日式芥未鹽麴等8種醬汁和調味料，而且米飯、菜和湯仲係任點任食。今次一次過食晒三款唔同口味，套餐包括米飯、西蘭花和湯，米飯真係好軟熟特別好食，而且湯相當足料，大量蜆肉非常鮮甜🌟和牛漢堡扒排原汁原味，店員將漢堡扒煎至六成熟後放上鐵板上，自行喜歡即刻食或者再煎熟啲也可以，肉味香濃口感Juicy，配合米飯、生雞蛋和燒汁真係超級美味🌟和牛芝士漢堡排我最愛的，先將原塊芝士在和牛漢堡排，再由店員即時刨上大量巴馬臣芝士，芝味滿瀉，芝士是牛肉的最佳拍檔，芝士控表示很喜歡🌟和牛蟹肉漢堡排（期間限定）由蟹肉和蘿蔔絲配合漢堡排淋上酸酸甜甜醬汁，味道非常清新，而且令漢堡排更加Ju

肉肉大米登陸香港喇🇭🇰！10月3號就正式開幕同另一間餐廳競爭！😎 $95起就可以食到和牛漢堡扒餐，仼食白飯，蜆湯，西蘭花 🥦-佢哋採用日本虹煌米，肉扒方面係用九州產黑毛和牛同美國牛肉混合而成，雞蛋都係由日本進口😚 可以現場望住師傅整漢堡扒同烹飪，職員都會好用心介紹每一塊漢堡扒😋-🥢第一塊漢堡扒可以食到佢既原汁原味，6成熟我就覺得啱啱好喇👍🏻 想熟啲都可以自己喺鐵板上面再煎吓！一咬落去就爆汁😍 可以撈埋蛋一齊食或你沾調味料都得！推薦要撈蛋汁落啲飯到更加下飯！🥢第二塊係芝士味，成片芝士放係肉扒上面焗溶，面頭再加上大量即刨芝士碎🧀 真係勁夾😍🥢最後一塊係限定款既蟹肉味，蟹肉配埋蘿蔔蓉，青檸同埋柚子醋，成件事勁fresh😚 可以減少肉汁帶黎既油膩感-開幕之後想必會同挽肉成為競爭對手！有興趣嘅大家都可以等佢之後開幕去試吓

搶先試試人氣日式漢堡專門店-肉肉大米 係日本物語公司企下品牌 喺內地有16間分店 最近決定10月3日喺沙田開立香港第一間分店 今次幫大家去試試體驗一下.佢哋主打現做即煎牛肉漢堡 最平只係$95咁佢哋堅持使用日本食材選用咗左九州黑毛和牛 同美牛肩胛混合製作漢堡扒無論係蛋 定係米飯都係日本進口玄米使用咗日本東北虹煌米 店內現磨完全感受到日資公司對食材嗰種執着.餐廳環境吧枱設計 可以望到前面開放式廚房廚師會喺前面即煎漢堡扒再直接放喺客人面前 可以按喜好再煎熟d‼️最重要係漢堡扒 真係好Juicy多汁‼️輕輕夾一下 已經係咁流出嚟枱前面都有多款醬汁蔬菜 米飯 蜆湯 都可以無限添加仲可以選擇和牛芝士漢堡扒同埋沙田店限定 和牛蟹肉漢堡扒.幾期待佢哋10月3日正式開幕 想再去食多次.#hkfunfoodrecord窮遊香港#hkfunfoodrecord_沙田.#肉肉大米 (沙田)地址：沙田沙田正街18-19號新城市廣場一期1樓108號舖.（如果鐘意睇飲食紀錄 記住 追蹤/like/分享 感謝你哋支持🙏🏻）.‼️想睇更多資訊‼️ig： hkfunfoodrecord‼️fb : funfunfoodreco

🙆‍♂️另有30秒短片食評在“影片”中🙆‍♂️日本過江龍「肉肉大米」進軍香港啦！10月3日於沙田新城市開幕😎「肉肉大米」是「物語公司」的其中一個品牌，在日本和亞洲地區擁有700多間餐廳，店內僅設有吧檯座位，漢堡排是由九州黑毛和牛+美國牛肉混合製成。幾乎所有的製作過程都在店內進行。每天在店內攪肉製成漢堡排，在現場廚房看到漢堡排的烤製過程，廚師會先煮到6成熟，再放到鐵板上烤，可按照自己喜歡的生熟程度去調整😍放上日本蛋，附有8種醬汁和調味料。米飯使用來自日本東北地區的「虹煌米」品種，經由從日本進口後在店內現磨脫殼。麵豉湯，虹煌米和西蘭花都是任食喔。和牛芝士漢堡排， 好多芝士好開心😚期間限定：和牛蟹肉漢堡排，加上青檸汁好清新😍📍肉肉大米新城市廣場一期一樓108號舖(沙田站A出口)

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯萬眾期待既肉肉大米將會喺10月3號喺沙田隆重開幕，餐廳係由日本企業”物語公司”，喺中國已有16間店舖但首次進軍香港餐廳堅持選用多種日本食材，高品質適合香港人口味，當中嘅漢堡扒係由九州黑毛和牛和美國牛肉混合製成，白米係日本東北既”虹煌米”, 以及日本的新鮮雞蛋漢堡扒會喺外面煎熟至六至八成熟後，再雞蛋享用，除咗常規和牛漢堡扒及芝士漢堡扒套餐，期間限定亦都會推出和牛蟹肉漢堡扒如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯