肥仔記麵家

營業中

休息中

夜晚10點幾先食晚飯就廢事太chur食太飽，經過門外都見幾多人就入去一試。粉麵價格以銅鑼灣黎講都算ok既，嗌左兩款雙併：牛腩雲吞麵（$36）同墨魚丸魚片頭撈粗麵（$44），加埋生菜（$12）。牛腩偏實，唔肥，但嫌有d老，唔夠鬆軟好食，雲吞d蝦唔夠彈、味道一般。墨魚丸同魚片頭都係正常發揮，無咩特別，撈粗麵揀左腩汁，唔知係個汁定係飲左幾啖湯，食完都幾口渴🤦🏻‍♀️生菜係最好食😂😂😂勝在唔貴囉。

是晚十點幾，還沒有吃晚飯。剛巧經過肥仔麵家，見到門口大大隻字寫住$31麵餐，有麵，有油菜，仲送豆漿。係灣仔嚟講真係講得上係好抵食。叫了一碗雲吞麵，份量正常，有四粒雲吞。麵質算彈牙，雲吞雖然細細粒，但裏面都有兩隻蝦，咬落去都爽口! 食麵我最喜歡加辣。呢度嘅辣椒油我覺得係偏向朝式，夠辣又夠香! 大愛!油菜係我喜歡的腐乳通菜，大大碟。豆漿亦夠冰凍。呢個價錢能夠食到飽一飽，真係性價比高。下次可以再encore!

牛腩河😋$20今日咁啱過黎灣仔個頭，臨離開之前，咁啱經過一間麵店。本來見到$20一碗，我諗同權記一樣價啫，無乜特別😂但見到有牛腩牛筋牛肚，就吸引左我入去試🙈嘩😛真係好抵食，而且唔算細碗👍牛腩好入味🤤而且$30可以變套餐，跟油菜同豆漿😎完全打破我對港島區特別貴既印象😂

中午喺銅鑼灣食飯，平時銅鑼灣食一個lunch都比較貴，今次好難得搵到一間比較抵食嘅雲吞牛腩麵😍😍除咗雲吞牛腩呢一類必點嘅餸之外，仲有其他餸，好多款，好多選擇！而麵就會有粗麵幼麵河粉米粉米線選擇🍜我今次就選擇咗牛腩雲吞麵😁😆雲吞好彈牙一啖一粒剛剛好🍤🍤牛腩肉質夠諗，唔會痴牙🥩再加埋自家製嘅辣椒油配麵，味道突出🤤另外叫埋套餐嘅油菜送蚊豆漿好抵食😋😋😋喺銅鑼灣食呢個價錢，仲有油菜、嘢飲，好抵呀！👍🏻😋

夜麻麻肚餓，粉麵就最啱。肥仔記就腳，價錢有合理，有抵食套餐1碗麵加碟菜，有杯豆漿先$40足料招牌雲吞，大大粒仲有隻蝦係裡頭，仲要係爽脆！碟菜足料，菜芯翠綠，唔似出面街灼過籠。仲有杯凍豆漿。

係銅鑼灣返工正常食個lunch都要四五十蚊，呢度食個粉麵確實算係幾抵，唔洗三十蚊就有交易😀價錢優惠、選擇都算多，而且外賣不另收費，個人覺得比起附近既潮x更好食，因為佢個邊貴夾好咸。而且之前買外賣時，叫加腩汁真係比足，仲會主動幫你分埋湯，呢下加分既。講返今日就食左個紫菜水餃麵～佢呢度湯底鹼水味較重，但我覺得接受既。之前我多數叫淨水餃麵，今日突然好想食紫菜，佢呢度紫菜比較大塊，感覺同一般食到既無咁碎濕濕，真材實料既感覺😯水餃就正常鳳城水餃，有蝦、冬菇、木耳絲咁⋯都大粒同紮實既。而愛辣既我當然加返d辣油🤗辣油辣度夠，不過無咩渣，香味都夠的。係呢度食個麵做lunch,可以係打工仔們不錯既選擇👌🏻👌🏻慳錢之選！

響銅鑼灣食野，如果想抵既都要行遠小小或後巷度揾。呢間肥仔記唔算難揾，而且就近地鐵站，2分鐘就到。佢地有一個全日抵食套餐$40 包一個單拼粉麵，加油菜一碟，仲有機會送豆漿(如果未送完)唔叫套餐單拼都係$29, 雙拼就$35, 三拼就$41。 所以唔太貪心想要多幾味既，套餐真係唔錯既選擇。今日我叫左黃沙豬潤牛根米。無諗過每樣野都有四大件。豬潤比平時既白，食落口就怪怪地。到底豬潤既質感係應該點既呢?平時食開既都係粉粉地既，今日既竟然係爽既仲要唔係幾咬得開。牛根就入晒味，而且林林地唔會硬硬的。補晒骨頭原呀

行行下City Super覺得肚餓，又嫌嗰度嘅food court太貴，於是就行咗出街搵嘢食。行遠少少終於搵到啲平啲嘅食肆，嗰下唔知點解好想食豬潤麵，見佢古色古香，諗住係老店掛，就入咗嚟呢間肥仔記。同行友人叫左鮮蝦雲吞河加腩汁(單拼$36)，我就叫咗豬膶麵，我哋再自己整成雙拼。友人話，湯汁唔夠鮮味，河粉太林，鮮蝦雲吞啲蝦唔係鮮蝦，而且個鎮江醋一啲都唔酸。你見佢透明咁嘅色就知佢唔係靚蝦。黃沙豬潤麵嘅份量比較少，我係女仔食完覺得唔太夠飽。我嗰個面冇加腩汁就更加冇味道啦。豬膶唔係舊舊都好食，有啲成舊都好爽，有啲外面爽裏面糊。望落去個色就唔係太新鮮嘅，不過係勝在夠大塊囉。薑汁味重啲就仲好。屎忽痕上返OpenRice睇，原來負評多個正評。只可以話銅鑼灣搵食，想食平嘢都係想OpenRice搵搵先。可能係銅鑼灣租貴啦，第二啲區同樣嘅價錢會搵到更好食嘅麵家。

之前提過銅鑼灣有我心目中有最愛嘅雲吞麵檔，今次轉戰第二間試下，近近地就腳去左肥仔記食麵！在場座位好迫，坐係到基本上係背頂背，四人位其實都手臂掂手臂。叫左粉麵套餐，40蚊有一大碟菜、雲吞麵加凍豆漿。銅鑼灣算係抵食，叫左菜心唔知點解有唐蒿味。雲吞好大粒，皮滑，可惜內餡好重胡椒粉，成粒都係胡椒粉味！湯底同樣都係胡椒粉好重，唔知係一時失手定一向係咁？食完好口渴，返公司飲左兩杯水都解唔到渴，大廚調味可以輕手啲！

喺銅鑼灣諗住食碗牛腩麵， 本上喺香港啲麵舖唔會太差， 竟然畀我遇到呢間咁難食嘅。因為肚餓， 所以冇周圍搵，見到中式麵店就行入去， 就係呢間銅鑼灣肥仔記。一入去坐低已經聞到，空氣入面有啲唔乾淨嘅氣味。我叫豬潤牛腩麵佢畀錯河粉， 個牛腩好鞋完全冇牛味， 又硬又實，仲有陣騷味，好難食。d 豬潤唔算難食冇異味 ，但好多筋 。 啲河粉碎濕濕咁 。 個湯就 又濃又鹹咁囉， 原來全場得一個侍應， 佢冇時間抹枱，所以有一陣味。 絕對唔會再幫襯啦。

今日要去銅鑼灣辦公事，一個人吃lunch,又唔想食茶餐廳，但又要趕時間，所以揾左呢間肥仔記麵家，好在唔洗等，睇左餐牌一陣，實在太多選擇，最後叫左套歺:鳳城水餃配粗麵+芥蘭油菜+凍豆漿都係$40 咋。等左一陣豆漿先到，味道都OK, 有豆味，碗麵有四大粒水餃，味道真係唔錯，有原隻蝦，有口感，麻油好香，湯底加左牛腩汁超正，粗麵口感一流，不太淋，煮得剛剛好。我喜歡油菜加腩汁，味道一絕，芥蘭唔會太淋又新鮮，而且好大碟，呢歺唔錯！

Stopped by because I felt like some noodles.Ordered the wontons with prawn roe.The noodles and broth were tasteless and the wonton was decent with visible prawns, pork and prawn roe that has gone pink but again it doesn't really wow you.

收工到銅鑼灣先去食晚餐，在小巴站附近見到呢間麵店，門口好大塊木牌招牌，入內長方木桌同木椅，幾有古裝片嘅麵檔感覺，餐牌食物款式都幾多！簡單叫個麵餐！食物好快到！雲吞河（$40）白底藍紋瓦碗，雲吞皮薄，餡料蝦肉爽口，豬肉唔多，好味，河粉太厚唔滑，青蔥花用匙盛起，方便食客可以唔食，湯底無味，真係連味精味都無，好淡，落辣椒油先好啲！跟餐油菜：可以揀芥蘭或生菜，揀了生菜，菜葉睇落好青綠，但好老，仲有苦澀味，只食到半碟，蠔油係味精蠔油，沾啲都好鹹香！跟餐豆漿：送完即止，凍飲，微甜無豆味，只可解渴！店員阿姐幾nice,後過我嘅食客無豆漿炸型（冷/熱飲品要加錢）佢笑笑口講解番規則，無黑面！食物普通，但服務ok

看到門外的相片，推介的蟹籽墨魚丸看似很吸引，以及有名人推薦，於是就進去了。點了兩個餐，分別有蟹籽墨魚丸以及豬潤。蟹籽墨魚丸卻與相片的大相徑庭，只是很普通的墨魚丸，也沒有蟹籽。豬潤還不錯，很爽口，胡椒味很重。兩杯餐飲：凍檸茶不好喝，滿杯都是檸檬籽，雖不酸，但有種說不出的奇怪（可能是茶的問題吧）；凍豆漿太甜。

一句講哂，食物差，態度更差！未試過預過差到咁既態度！我平時都唔會用我既時間去寫食評，今次真係唔share唔得.真心冇下次，亦都會同想或唔想試既所有朋友分享！希望呢間食店可以自我檢討下！