肥仔黎 (已結業)

好感動好感動好感動之前去咗兩次都買唔到, 今次終於買到肥仔黎嘅鹽水雞啦肥仔黎嘅鹽水雞冇得預訂, 而且一日只出兩轉, 分別係晏晝一點同夜晚六點, 先到先得, 賣完即止肥仔黎嘅包裝超可愛, 好有特色鹽水雞有五款套餐, 分別係獨享餐(雞全翼/雞胸/雞腿+任選三款配料)、半隻雞(任選一款配料)、一隻雞(任選一款配料)、學生餐(雞全翼兩隻+任選兩款配料)同蔬果餐(任選五款配料)<獨享餐>大食妹自己一個食, 就嗌咗份獨享餐雞腿、甜不辣、百葉豆腐同杏鮑菇嘅配搭非常完美雞腿唔算太滑, 但食落啖啖肉百葉豆腐同杏鮑菇水份非常飽滿甜不辣亦幾有咬口

呢間袋裝鹽水雞近年喺元朗勁出名出名長龍之餘 啲雞仲係限量發售！每日一點 六點出雞🐣雞餐有幾個部位選擇 如果要食靚雞腿就要早排隊⚠️-🐥一人獨享雞餐 雞全翼｜雞腿｜雞胸 $47三選一嘅情況下梗係揀雞腿啦仲可以揀三個配菜 就揀咗芭樂 青瓜 杏鮑菇密實袋裝住 幾方便 啱晒掃街又唔怕整污糟雞腿超嫩 加上勁多汁 (˶‾᷄ ⁻̫ ‾᷅˵)醬汁好惹味 重蒜茸胡椒香 但唔會搶咗雞嘅鮮味最好食嘅配菜竟然係芭樂咬落索索聲 爽脆之餘仲帶點甜 👍🏻杏鮑菇都juicy 加埋胡椒醬汁 都正😆如果佢份量多啲會更好啦

肥仔黎鹽水雞🐥供應時間: 13:00 18:00 🕐記得呢兩個時間先好去 如果唔係就會摸門釘 今次係6點左右 舖頭六點就準時落單 落單後等咗20分鐘左右🤤獨享餐 雞髀/雞翼/雞胸🍗+3配菜 $47今次揀咗雞髀🍗⭐️⭐️⭐️⭐️⭐️雞髀好滑 多汁唔會柴口🐥西蘭花🥦+甜不辣+百頁豆腐（必點好入味）西蘭花🥦+甜不辣正常發揮 調味選擇: 中辣🌶重口味 多葱多蒜🧄好野味🤤中辣都唔算話太辣 食得譚仔小辣既都叫辣 調味個汁都幾清新 唔會好似其他舖頭咁樣食到粉狀既辣椒🌶️絕對可以再end call📞

想食咗肥仔黎 @fattylai_hk 好耐喇～～終於有機會去元朗，終於有機會試喇！見到網上供應時間係1點同6點，𝘄𝗲𝗲𝗸𝗱𝗮𝘆大概兩點仲有同埋唔洗排隊𝗷𝗲𝗻𝗴𝗴𝗴🥰ღ 獨享餐 $𝟰𝟱可以揀雞腿/雞胸/雞全翼，今次試咗雞腿，雞肉嫩滑，不過份量較少。配料揀咗甜不辣、魚片同杏鮑菇～好鐘意甜不辣，煙煙韌韌，杏鮑菇都爽脆👍🏻調味都好食，唔會太鹹，惹味～下次買大袋啲先🤪╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬肥仔黎 @fattylai_hk✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟲.𝟴/𝟭𝟬╰┈➤ 📍#BELLYwongs_yuenlong✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟳.𝟴/𝟭𝟬╰┈➤ #BELLYwongs_meats✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟳.𝟮/𝟭𝟬╰┈➤ #BELLYwongs_cheap • $𝟱𝟬/𝗽𝗽✵ 𝒔𝒆𝒓𝒗𝒊𝒄𝒆 𝟳.𝟴/𝟭𝟬✵ 𝒓𝒆𝒗𝒊𝒔𝒊𝒕 ᴍᴀʏʙᴇ

今日咁啱5點幾沿Yoho行過去千色嗰頭，路經肥仔黎附近時家人突然諗起上次買唔到，咁既然喺附近，又唔啱就到6點，即管快速行過去睇下。去到雖然已經有大約10個人排緊，但店員確認仲有雞，咁我地就要咗半隻雞，一份雞胸，一份蔬菜，全部BB辣 (但食落家人都覺得辣)，另加一個大鹵肉飯及一個細米粉。鹽水雞肉質算係夠嫩滑，雞及配菜大致上都算入味，尤其係蘿蔔，魚片，菠蘿等。而份量方面，無論半隻雞，一份雞胸及蔬菜份量都算足夠。如果係小家庭，提議可以叫半隻雞，加飯或米粉，再加一份蔬菜，應該已經好夠食。備註：我地大約5:45pm排隊，6:15pm (即等咗大約半小時) 輪到落order及俾錢。由於落order後要等大約25分鐘，我地去完買其他嘢，先再返轉頭攞，大家都可以考慮呢個安排。

朋友住喺元朗，佢樓下有肥仔黎，聽講好出名，於是叫佢買。 因為佢係一點、六點先會有雞賣。朋友話佢前面有10—20 個人排隊，點知佢排咗一個鐘頭隊真係非常不好意思。 佢嗌咗半隻雞，再加啲配菜：西蘭花、杏鮑菇、青瓜、 魚片 、豆腐，bb辣。咁樣就120元。其實都幾大袋，味道都唔錯，雞係算幾滑嘅，配菜都好新鮮，好爽脆。朋友不斷講：如果係佢自己，佢就唔會排隊。佢係為咗我哋先排一個鐘。我哋個個都覺得十分唔好意思。不過畀著我，要排一個鐘，我都會放棄。

呢間鹽水雞係元朗不嬲都好出名🙌🏻每日分別在1點同5點供應⏰屋企人有日3點去仲有最後兩包買就買咗返屋企😙真係幾好運先買到😂🔸獨享餐$45 可以自己揀要雞胸或雞全翼🐣同三樣配料而呢兩包都係雞全翼1️⃣其中一個揀咗西蘭花🥦貢丸嘅同白蘿蔔2️⃣另一個揀咗金針菇🍄秋葵同滷水豆乾兩個都係揀唔辣🙌🏻雖然揀唔辣但胡椒味好重🧂所以都係有d辣🌶整體黎講都幾重口味🤭但同台灣食嘅都差唔多😚值得一試🤤

【每天只發售2個時段 售完即止嘅人氣元朗鹽水雞】鹽水雞除左最多分店嘅ET之外，仲有阿土伯🥰🥰就係元朗肥仔黎最出名已經嚟咗三次🥲🥲第一次撞唔啱時間，第二次嚟到先發現佢突然冇開….第三次終於食到啦！ 仲要唔使排隊🤩🤩咁就叫咗一個獨享餐，可以簡雞翼雞胸雞髀，就叫咗雞髀✨ 3款餸 $45 再加餸每款+$10 雞脾 芭樂 椰菜 甜不辣 百頁豆腐 $55 其實一打開已經幾狼狽，個zip位一堆汁，一打開已經成隻手都中伏… Anyway 就甘打開都揾唔到雞…雞肉有啲少🥲當你以為個舊係雞其實係甜不辣嚟嘅🥵但好在雞髀肉夠嫩滑Overall調味方面頗失望🙍🏻唔重口味..有少少麻辣味嘅但最慘係所有配菜同雞都唔入味… 好似各有各食 連最易入味嘅椰菜都冇味 可能嗰日甘岩有失水準，但始終如果山長水遠入去要排隊係食咁嘅質素，覺得食阿土伯多分店又好好食😋/et 中規中矩 better

話說中秋節的晚上，喺元朗國等村巴去親戚屋企BBQ時，見到好出名的肥仔黎仍然開業而且冇人排隊‼️為食的心軀駛下，對腳就不其然咁行左過去問佢仲有冇鹽水雞賣🙈估唔到咁就比我買左最後一份自私雞胸🐔/No.1🥇雞胸肉獨享餐 $45(配杏鮑菇+芋絲+青瓜)意想不到都幾大袋，份量多且食材新鮮👍🏻叫左淡口味和BB辣既我都覺得佢辣度十足，蒜香味濃，咸辣比例恰好雞胸肉仍有雞皮，保持肉質嫩滑又唔怕鞋😋杏鮑菇厚肉多汁、芋絲爽、青瓜也爽甜，愈食愈滋味💛/聞說平時佢分下午1時及6時開賣，要提早幾個字先有機會買倒，我實在覺得自己太有口福了❣️(但我覺得佢未至於好食到要特登排好耐隊🙊)/題外話：幾欣賞肥仔黎既logo和包裝設計，可愛之餘又夠抵死😆💯

早半年肥仔黎係排隊排得好誇張嘅一間人龍店嚟，基本上佢都只係靠賣一樣野就可以吸引到好多人排隊買，果樣就係鹽水雞喇，咁就已經可以證明得到佢哋嘅鹽水雞係有幾咁好食喇，難得熱潮已過，見到無人排隊，就試一試佢個鹽水雞係有幾咁好食喇。門口有個好CUTE嘅LOGO係肥仔黎本人嘅Q版，暖簾上面有肥仔黎個patpat圖，就知佢哋係行玩味輕鬆路線。我哋就order咗一份鹽水雞，加咗三個小食，鳳梨，芭樂，青瓜。先講佢個雞，份量係多，雞件個size大細剛好，一口一件，雞大至上都係嫩滑嘅，果個鹽水汁鹹味適中，不錯。鳳梨好甜，明顯係台灣貨，無呃人，多汁好食。芭樂爽口得嚟清甜，與鹽水汁好夾。青瓜脆口，清爽，好食。雞件與配料小食共吃時會有不同的口感(爽口、脆口、滑身、爆汁)及食味(酸、鹹、甜、辣)，可以互補及提味，重點只係58蚊就可以食到咁嘅美食，絶對超值。

發現自己好少介紹街頭小食添😝今日決定介紹元朗長期排隊嘅街頭小食 #台式鹽水雞基本上每次去都係要下晝六點先開始售賣 另外發現佢換咗新包裝 有冇人同我一樣覺得佢之前透明嗰個包裝靚啲🤣？🐥一人餐 $45 可以揀鹽水雞腿/雞胸/雞翼餐＋包3款配菜我就揀咗 雞胸 配西蘭花 百頁豆腐 杏鮑菇〰️唔知大家仲記唔記得台灣西門町好出名嗰間鹽水雞舖呢？呢間同個間都有7成似😳♥️〰️啲雞好夠滑🐥西蘭花🥦百頁豆腐完全係朔晒啲汁〰️ 夠辣夠惹味😍❗️當小食又得 當餸撈飯食都得🤣因為太好食了 所以好希望佢份量可以多啲😝❗️之前都有食過佢哋嘅鴨血同滷肉飯 鴨血我覺得就偏甜 滷肉飯係偏乾身 食呢間我覺得都係佢鹽水雞係最好食😋好鍾意食台式鹽水雞 有冇人知仲有邊間好食？😚

肥仔黎既鹽水雞已經食過幾次，今次係中午一點排隊等開門～有時晚上會摸門釘，因為他們賣完便會關門，想試的朋友要注意。今次點了兩隻雞加不同配菜，還有兩盒鴨血和兩盒滷肉飯。他們家的鹽水雞必點多蒜，調味非常惹味，就像在台灣吃到似的。由於鹽水雞是冷盤，更加講求雞肉是否嫩滑，他們家的雞肉很入味，而且不會太柴，分量足夠。今次點餐的時候見到有麻辣鴨血，鴨血內裏嫩滑，咬落去有口感，不會太散，而且非常非常入味，麻辣湯底不會搶喉，一個人都能吃完一碗。滷肉飯方面，滷肉都算入味，若果能再加多一點肥肉會更好，便更能帶出滷肉的香味～

雖然要排隊，不過可以食到肥仔黎既豬紅，都值得！我12:30黎排，排第一，過一陣後面條龍長到呢……豬紅有咬口，好入味，入面仲會有幾舊蘿蔔，好正！不過30蚊呢個份量略少。但係會照幫親！太好味啦。😋😋😋我地仲order左鹽水雞同蔬菜。鹽水雞保持水準，叫左少辣、多蔥、多蒜！全部都好正。蔬菜揀左好多款：百葉豆腐、金針菇、芭樂、秋葵、海帶，雖然全部唔同口感，又幾夾窩！😎😎😎唔少得仲有佢既滷肉飯！滷肉多多，好似去左台灣🤪🤪🤪

#kopo元朗人氣鹽水雞🐥⁡次次經開都大排長龍🙈 個日咁岩開舖冇耐 冇咩人就等下 等左20-30分鐘行過咁多次 今次終於有得食😊即叫即整 😆得肥仔黎自己一個調理食物⁡半隻鹽水雞套餐 $74 + 每款配菜 $10 🔖 4.4/5分 - 除咗半隻套餐之外 仲可以選擇全隻/唔同部位- 配菜都有唔同蔬菜🥬 丸類 可以揀- 今次食BB辣 味道都夠香夠惹味- 雞肉比想像中軟身 完全唔柴- 今次揀左青瓜 芋絲 貢丸 芋絲加上鹽水雞的汁特別出色😆⁡📍 肥仔黎 (元朗)元朗鳳琴街15-21號鴻運中心地下12號舖 #kopo台式#kopo西鐵線⁡#hkfoodie#foodiecouple#hkfoodblogger#hkfood#foodiegram#hkfoodiecouple

今日下午經過見到冇人就想入去買，當我想入去嗰刻，被佢地的店員好大聲咁喝住，問我想買咩？嗰一刻被佢嚇親，我以為自己做錯什麼事，需唔需要咁的態度呀！只不過是一間買鹽水雞的食物，何需要咁的氣焰！請佢哋尊重每一位消費者！