肥公車仔麵 (已結業)

真係小學食到讀完中學都好鍾意o係度食野~通常3餸+凍檸茶,唔算平,但好好食~一定要瘦腸~!!仲有佢d即炒炒面又係好好味~佢地d油渣面都ok的說~如果無野arm飲,可以o係隔離士多買支大支可樂飲~

琴日黎買車仔麵做晚餐只係要左淨餸：豬紅．牛筋．牛肺同豬腸每樣４蚊另外賣加１蚊豬紅唔夠滑亦唔覺入味牛筋牛肺夠淋豬腸無臭味亦算入味講真味道唔算特別出色勝在服務好有禮貌要少湯多汁多蔥亦無黑面

細細個住o係o個度上面,得閒就會同媽咪&弟弟去食,我就覺得好好食啦,至少好過大圍o個間顯徑車仔面呀.我覺得佢個羅白&豆腐係最好食o既,當然其他都好好食啦.而且佢個炒面都好正ga~~我而家就算唔o係o個度住都會得閒同弟弟返去食ga~~

之前從朋友口中知道這間車仔麵，今晚便和辣椒女來試試。我們已經提早到，但一去到，已經有好多人了，真係嚇了一跳；好在還有兩個位！我們各叫了一碗麵、一杯豆漿和一碟炒麵。我那一碗係油麵，內裏有魚肉、豆腐、蘿蔔、豬紅和貢丸。魚肉麻麻，唔彈牙，無魚肉味；豆腐外皮炸過，都算幾好；蘿蔔好稔，但沒有蘿蔔味，更不要說有蘿蔔甜味了；豬紅比較韌，比永年差；貢丸味道幾好。辣椒女的那碗係幼麵，內裏有冬菇、豬大腸、蘿蔔和雞中翼。冬菇味道一般，比較上厚，唔多喜歡；豬大腸都算幾好；雞中翼幾入味，幾好。豆漿- 幾有豆味，比想象中好飲。炒麵- 味道都算OK，但可惜唔夠熱，相信如新鮮炒會好味好多。這裏環境真係麻麻，相信單身女仔來就唔多好了。

為左食早餐越行越遠,o係僻靜o既街上忽然見到成堆人,原來o係度食車仔麵,想知咩料,所以都試下.叫個三"食送"粗麵,有牛腩,雞翼同魚蛋,牛腩分量甚多,雖然碎濕濕,但幾乎鋪滿成個碗面,亦好腍,幾蚊野,無謂計較,入口ok冇怪味算收貨.雞翼三隻,滷得好腍而入味,好!魚蛋四粒,麻麻地,肉質較鬆散且呈鮮白色狀,比較低等o既一種魚蛋.粗麵用勁"鸞"o個種,既爽口而有咬口,配合車仔麵最重要o既味精湯,整體尼講如神六太空人所講:"感覺良好!"