影片
電話號碼
25523362
附加資料
群心茶餐廳 (Kwan Sham Restaurant)原班人馬主理
營業時間
今日營業
06:00 - 22:00
星期一至日
06:00 - 22:00
以上資料只供參考, 請與餐廳確認詳情
【南區】【肥常餐廳】好難先有機會過南區，今日難得有時間就點都要食埋嘢先走。本身諗住去我嚮往咗好耐嘅田灣商場 food court，因為嗰度有「逾千呎」嘅「超大型」美食廣場，既然想寫就梗係要食吓。點知入到去先發現已經執咗，變咗超市。崩潰我有經驗，都要帶住無奈而失落嘅心情即刻喺附近搵吓嘢食。我發現田灣嘅食肆唔算多，而且都好似開咗一段時間嘅咁，有機會「制霸」吓都幾開心喎。但幾間都滿座嘅情況下，呢間啱啱有人離座，就即刻入去坐低先。本身諗住食吓常餐算，但之前食得太多，嗰吓又想食吓其他嘢。見佢一間咁嘅茶記仔居然有炸子雞食咁攪笑，就叫個 $101 嘅半隻「當紅南乳炸子雞」食吓，炸子雞本身味道唔算特別，不過配埋南乳汁就令佢食落嗰陣冇咁乾身。個餐仲有配「例湯」同「白飯」，個例湯就好例湯，冇乜特別。白飯我叫咗少飯，但好似冇乜點少到咁。本身跟埋熱飲，我加 $2 要「凍奶茶」，都係正常茶記水準，冇特別。埋單價 $103 唔過份，係一間水準可以嘅街坊食堂。。。（地址：香港仔嘉禾街13號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am南區 #香港仔 #田灣 #肥常餐廳 #當紅南乳炸子雞 #例湯 #白飯 #凍奶茶 #1am1276 #1ambackup
繼續閱讀
下午茶炒粉麵飯餐最抵食，三十八元大大碟有嘢飲。不過水準不太穩定，有時好好有時麻麻地。今日的✳️雜燴炒麵就麻麻地。它本身個麵底其實唔差，麵條脆口不乾不油膩，差在個餸和獻汁。話明雜燴，有蝦仁、叉燒、火腿、肉片、雞肉和椰菜，不過口味偏淡，椰菜蝦仁肉片都冇乜味，叉燒好瘦又硬又柴。而且雜燴重頭戲的豬潤和魷魚都沒有😢。另外叫了湯麵下午茶，✳️榨菜雞肉湯意粉，這個ok，只係有幾件雞肉又係好乾好硬，照計雞髀肉都好難會這樣？！餐飮可以選例湯，好飲。
繼續閱讀
今日早餐，又去咗幫襯，我同老公一人叫咗一個早餐，我就梗係叫咗豉油王炒麵加粥，老公就叫左個沙嗲牛肉麵㗎炒蛋同午餐肉，再加一人一杯齋凍咖啡，沙嗲牛肉好入味，面煮到剛剛好，不會太硬！
繼續閱讀
今日食早餐揀左呢間肥常，就等我寫呢度第一個食評啦。呢度早餐偏貴，$30起跳，份量唔大。我今日揀左牛扒雙蛋配牛油方包（$32），外賣加$1。牛扒算嫩，牛味還好，配既醬好重手。煎蛋幾好，唔算太油。方包軟熟，靠佢填肚。叫左熱鴛鴦，黎到已經落左糖，好在唔重手，最後都飲完。
繼續閱讀