肯德基家鄉雞 (KFC)

營業中

休息中

KFC員工比我嘅印象都係手腳特別慢，呢日都係一樣😑由我喺cashier揀咗個 #三件雞餐 + #熱檸茶 之後，我起碼喺櫃檯等左15分鐘先輪到我，眼見櫃檯嘅服務員粗魯咁將啲食物打包， 就好似人客得罪佢一樣，令人有啲不安😰不過我哋嚟係為咗食嘢嘅，都唔理得佢咁多啦👉🏻👈🏻 炸雞外表黑蚊蚊咁，不過食落都唔錯喎，雞肉嫩滑、仲熱辣辣咁，不過因為呢排 #小秘書 戒緊糖，唯有連食 #炸雞 都要飲 #熱檸茶，雖然係有啲九唔搭八嘅😉 不過為咗咁肥目標，我又邁向一步啦😅🤣

花生醬朱古力新地筒 $7KFC新出花生醬口味雪糕！之前見到已經即刻Bookmark左😚除左新地筒外，仲有大枝裝窩夫筒或椰絲新地杯選擇，今次就試一試最Basic果款😘第一啖食落去真係幾香花生味，不過之後朱古力味道更為濃郁，甚至蓋過左花生味🙈，其實可以講話係一枝非常香濃既朱古力雪糕，但如果係花生醬愛好者，就覺得味道不太夠啦🤔

喺九龍區返工， lunch時間周圍都係人，最快嘅方法就係去附近連鎖快餐店KFC，唔使等位，一坐就有位。原來物價已經高漲，普通一個餐都要40幾蚊，見到呢一個上校盛盒， $39 ，有格格脆薯塊、香辣脆雞、大嘅蘑菇飯同埋一粒葡撻次次食KFC都最期待葡撻，但係發現而家嘅KFC葡撻冇以前咁好食啦，個皮不夠酥，但亦都不夠甜有少少失望另外覺得KFC嘅Heinz蕃茄醬幾好食，夠甜夠濃味，啱晒我重口味。總括來講呢個價錢快餐來講算OK 㗎啦。

在2019年6月23日星期日📆，中午與高力北區❤🖤⚙的一位街坊一起在九龍灣德福花園看球衣來到德福廣場第二期，16:00往九龍灣公園足球場出席2018/2019香港女子足總盃🏆季軍賽。這家KFC的原址在德福廣場第一期1/F的McDobald's對面，1/F裝修後搬遷到第二期6/F前Game Zone的店址，搬遷後的用膳區域之前的相近。當天推出了東瀛雞腿，但是我選擇order了一份火腿雞腿包，雞腿比M記的好多，而且份量足夠，沙律醬非常平均。

我份人呢一向中意試新野，明知係伏都會照去試！今次就試下KFC出咗一排嘅越南牛油雞啦！同事同我講話隻雞好鹹，唔好食。朋友同我講話隻雞好臭，唔好食。我就帶住又鹹又臭嘅印象去試食啦。我係用KFC網站嘅COUPON買，買越南牛油雞套餐可以減2蚊，雖然係2蚊，不過都好過無啊嘛！攞到餐果時，擺係枱上仔細地聞，隱隱約約會有少少蝦醬味。攞隻雞脾咬一啖，唔算超級鹹，但都有d鹹，鹹得黎又唔香。雖然無人地講到咁難食，但都唔算好食。與其話係越南牛油雞，不如話係廣東鹹魚雞。

今日出左去九龍灣見客,去到早左未夠鐘所以就快手少少去kfc食個餐先今日叫左蘑菇飯m6餐個餐有蘑菇飯,個蘑菇味都唔錯,飯就淋左少少炸雞係幾好食,夠晒脆薯蓉就唔係咁好食

每次KFC出新口味嘅雞都好有衝動去試，上次試過咸蛋黃味真係幾好食！雖然都試過焦糖爆谷雞覺得無乜特別，個焦糖醬仲甜到有少少伏haha！不過都無阻我試新野今次輪到試越南牛油雞！用左優惠卷食，$69有個二人餐，有兩件越南牛油雞，兩件家鄉雞，巴辣雞粒，蘑菇飯，雞皇飯同兩杯汽水！勁豐富，又平又飽肚！個越南牛油雞都幾好味，一入口已經好香牛油味，加上雞肉夠滑，值得一試！個感覺有少少似係食越南野嘅舖頭食緊越南牛油雞翼果隻味！鐘意牛油香味嘅朋友不容錯過！

呢度附近啲嘢食來來去去都係嗰啲所以已經食到厭，平時好小黎食KFC係因為呢間成日都好多人排隊，唔止排隊落單，仲要排隊攞嘢食。不過既然今日得閑啲就過嚟啦。原本諗住唔使排隊所以就自己落單，因為自助就唔使煩啦。但係一樣要等好耐嘢食，等左大約半個鐘終於有得食啦。呢度啲桶飯餐抵到你唔信，一個大桶雞皇飯餐只係要$26但係就只係得個飯同嘢飲。原本就咁睇我覺得份量有啲少所以我就加多左$10雞扒但係原來我睇左佢。首先個飯都幾多忌廉汁，但係太多飯，食到尾完全食唔晒。咁難得加咗錢要雞扒，就算個飯未食得晒都要試咗先啦。我又覺得似乎炸粉比較多，塊雞扒都大塊嘅，但係一咬就成口粉😂😂😂不過平民餐就唔好咁多要求👻

等緊食飯果陣碌ig見到kfc爆谷脆雞既廣告成功咁引起左我既注意💡又見好耐冇食kfc🐥所以就決定去食lu😋.我就嗌左D推廣既產品包括爆谷脆雞啦 芝士格格薯塊啦 爆谷啦.店員有個好貼心既行為😻就係攞餐果陣會主問你雪糕要吾要轉頭先拎🤩💓咁就吾洗個餐都未食完 雪糕就融Q哂🥴加分加分🥳❤️.爆谷脆雞係爆谷攪碎然後一齊炸(?)我估😹所以真係好好食😻加埋焦糖醬一齊點簡直係一流🤭💕.次次都吾Q記得同店員講蘑菇飯要轉返雞飯😫.到芝士格格薯塊😹D芝士醬好鬼䶢因為D醬係預先吱落去所以就冇得自己調節份量☹️下次都係嗌返齋薯塊算了😂.食完個餐就去拎返我杯雪糕了真心正 焦糖加埋爆谷度又幾夾喎🤩D雪糕偏硬 所以無咁易溶完美嘅結束🥳

終於都去試咗新出嘅咸蛋雪糕，原本諗住佢又咸又甜會好怪，但一試之下，覺得出乎意料好味好驚喜。如果可以每間分店都有售就更加好。順帶一提，德福廣場呢間嘅收銀好有禮貌希望可以保持落去

#小秘書 每個星期日都會去上游水堂，沖完身搞得來已經6:30， 加上出面微微雨、個天又黑，感覺特別肚餓（藉口🤣）其實游完水理應唔好食嘢，俾個機會啲脂肪燃燒下... 可惜小秘書又忍唔住口😅 見到KFC個「咸蛋黃金」招牌咁吸引，梗係要食啲益下個肚啦🤩唔知點解間間KFC啲員工都手腳慢腳，排隊連等食物，我企喺櫃位超過15分鐘😅 請問HR/店經理點安排人手㗎？好在啲食物質素唔錯啫👍🏻 估唔到炸雞同鹹蛋黃可以咁配合，脆脆嘅雞皮上面再加一層咸蛋醬，非常野味👍🏻👍🏻 仲有#葡撻，香濃嘅味道KFC獨有，可惜只得一件😅唔夠喉！#蘑菇飯 唔係我強項，打包返屋企俾媽咪食就最啱啦（佢好鐘意食㗎，絕對唔係蝦佢）。呢個套餐只係$48， 有雞、有飯、有葡撻、 仲有杯汽水🥰 抵食唔錯呀！

鹹蛋黃醬配搭上脆皮的炸雞翼，不但鹹香可口，令你食唔停口，而且炸雞裡面既雞油同鹹蛋黃既鹹香超級match，十分juicy呀！但你佢地炸雞既水準同埋依款邪惡既配搭，其實真係值得一試！睇翻日期，佢地到3月6號之後就冇既啦，小編真心推薦大家去試試！

tea time見肚餓，又有啲想食葡撻，所以就嚟咗kfc睇下有咩tea食佢個Tea set總共有5個set, 因為唔想食炸雞所以揀咗個嘅S1嚟食仲加咗10蚊追加咗個芝士醬格格脆薯塊添個格格脆薯塊係regular size嚟,淋咗芝士醬同蛋黃醬定唔知沙津醬,再淋啲乾咗嘅煙肉碎係面咁，薯格仲好熱食落去好脆，啲芝士醬同薯格好夾，雖然好肥蘑菇飯好多蘑菇, 個汁辣辣地幾惹味撈埋d飯食熱辣辣咁都ok冬天時份最啱就係飲返杯潤喉嘅蜜糖綠茶不過個人覺得蜜糖味好淡唔夠濃

KFC 點解會去食：2018-12-20 今日自己一個人，出咗去做嘢，下晝返公司之前，走去懷緬下兒時最喜愛的炸雞餐廳， KFC，最欣賞係佢嗰個slogan：我們做雞是對的。食物新鮮程度：⭐⭐⭐⭐其實，今日吸引我去嘅原因，就係佢個蜂蜜脆雞，香脆嘅外層，加上微甜嘅蜂蜜平衡到佢嘅油膩，亦能夠提起雞肉的味道。食物合適溫度：⭐⭐⭐雞上脾同雞下俾依然都係咁好食，講真，以一間快餐店來講佢嘅炸雞已經係世界級數，而我去過好多唔同食炸雞嘅餐廳都未必有佢咁高水準，呢句非常真心！雖然都仲有好多可以挑剔嘅地方！食物驚喜程度：⭐⭐⭐⭐️最驚喜都係個葡撻，你望吓張圖就知，一個唔蒲嘅葡撻，仲叫唔叫做葡撻呢？—————————————————服務員態度：⭐⭐⭐️呢類快餐店，而家都請埋d學生嚟做嘢，我唔覺得有乜嘢服務可言，串串貢，又唔識做嘢，又唔醒水！—————————————————最重要系。。。我會唔會再去？重遊指數：⭐⭐⭐⭐

今日係kfc食lunch我就叫咗個大盛巨盒E1 set, 咁呢個set就跟左2件炸雞，一件葡撻，regular size嘅蘑菇飯，脆薯格同埋一杯汽水嘅雖然話kfc嘅主角係炸雞，但其實係好多香港人嘅心目中kfc最出名嘅其實係葡撻而唔係炸雞先講下葡撻葡撻一如以往有好香奶味，食落又滑又甜，正蘑菇飯都係同平時一樣，有啲辣辣地嘅汁加埋蘑菇撈飯食，個人覺得一般薯格又香又脆，一塊接一塊咁不知不覺就食晒kfc啲炸雞好唔好食真係好撞手神今次炸雞唔知係咪炸好擺得耐定點，好乾而且有d鞋