肯德基家鄉雞 (KFC)

營業中

休息中

KFC-NO80 地址：Islano Resort. MallShop G8, G/F, Is and Resort Mall,28 S1Usai wan Road, Cnai wan,HKTel: 2 8 00000日期：2024/05/15 10:59:072XC1：察鄉雞扒通份餐 $76.02：家鄉雞扒2：鬆軟厚焗蛋2:1件香腸2：番茄濃湯扭扭粉（晋通）2：鬆餅2：多汁1：蜜糖綠茶1：多奶1：熱奶茶 總金額：$76.00KFC家鄉雞扒外脆內暖，好好食、配雞扒汁絕配好好食，新炒蛋好好食，腸仔好好食，鬆餅很脆好好食，粟米粒番茄湯通粉好好食，奶茶好好飲，蜜糖綠茶好好飲，值得推介餐廳，記得去試吓

Had lunch at KFC Island Resort. They served me a cold Zinger Burger and coleslaw was half eaten. This is really bad. Goes to show lack of quality management and management of the store is really atrocious. This needs to be fixed.

最近數天終於解封了晚市堂食,延至9點,但只限坐一半位置仍然只限2人用餐,所以其實堂食既人客不多,多半也是外賣為主我由七點用餐到8點多,真正坐低食飯既人客不算多,數埋可能只有十零個難怪取餐都比以前快好多今期用KFC既APP,有60蚊套餐優惠,出示就可以買,4件炸雞,包2個細飯薯格一份,2杯可樂,可選辣雞或原味雞件今晚食到剛炸起既雞件,熱到辣口,但炸得偏乾身,唯有先食薯格先炸得夠脆口,辣味好似輕左?可能太耐無食過堂食炸雞,飯身一如以往都係咁濕可樂無咩氣,標準味道一人30蚊,好抵食入座自行點貼熱探機,無人手CHECK體溫

今期少左出街,都要食飯,懶得煮咪買外賣囉KFC專頁寫左有新特價餐賣,走飲品,一個桶飯加2隻雞 (味道任選)$29 抵食！平時桶飯都３０蚊啦！仲要可以炸雞口味任選，可選今期最新既牛油雞或者原味炸雞份量同平時既完全一樣，沒有減價而縮水但店員好像唔知有呢個優惠咁，要出示ＦＢ先知鴛鴦飯，就係平時既味道後悔了選烤雞，太乾身了，完全沒有肉汁。。。。。部份分店有售，$29一客,另有全桶雞優惠,係呢個時勢做外賣先係皇道呢!柴灣小西灣道28號藍灣廣場G8號舖11點後有售,沒限時間!

最近兩次在CWB及炮台山翻新過的KFC分店吃過晚餐,都覺得KFC的質素大大改善,因為食物維持到其熱度。而且,收銀機及取餐各自獨立加快了效率。然而,仍然有部分分店未實施新的制度,小西灣這間分店就是其中一間,依舊由一位同事負責收錢及準備餐,速度奇慢。食物方面,KFC給人的感覺一直以來就是「萬般皆下品、唯有靚葡撻」,這次充分應用在這間分店內。下午茶餐23元,包了一杯溝水的不健怡可樂、一件越來越細的小炸雞(應該放了一段時間,非常難吃)、一件暖葡撻(仍然好味)、一杯薯蓉(還可以)。今天葡撻10元2件,以及有優惠券9元1件雞下脾，所以就多買了這些小食。整體來說,這間KFC分店每次給我的感覺都是差勁又難吃,以後只會去翻新過的分店食用。

2019年12月22日 星期日今日晏晝做完運動4點幾打算去KFC買茶餐食拎走，等待既時間耐都唔重要，見得一個樓面做嘢又真係慘得既，所以我都無講d咩，凈係要左個雞扒蘑菇細桶飯餐就算點知返到屋企一打開個飯見到凈係得蘑菇飯，完全搵唔到塊雞扒！！無諗過咁都可以漏，身為一間大型連鎖快餐店，連咁基本既都做唔好，點會有客人滿意呀。。。。更何況我無可能即場檢查有無漏野食先走架，我體諒果位店員一個人踢晒腳，但完全接受唔到咁對待顧客

KFC成日都出新嘢，今次又黎試下伏唔伏啦😂😂🙈睇個賣相個舊麻糬望落都幾好食，但食落口佢完全唔係麻糬嘅口感🙄🤡結果佢得個樣佢似係棉花糖嘅質地只係無咁甜同上面加左啲無咩味嘅抹茶粉🥴🤢🤮然後係個舊所謂麻糬下面就係普通嘅葡撻，入面加左幾粒紅豆，無咩特別咁😂😐好普通，但勝在佢夠熱🤣🤣🤣總括而言我覺得用8蚊買普通嘅葡撻就多，唔洗加4蚊為左面個舊麻糬😐我覺得就唔洗咁浪費錢了🙈🤢🤮

KFC久不久有優惠劵推出，二人套餐有4件雞，兩個飯，葡撻和飲品，今日就近近地，平平地，買份二人餐和老婆撐枱腳，我們要辣雞，雞件看得出是新鮮炸起，夠脆身，兩個飯雞肉略嫌少了些，而白飯又爛了點，有待改進。

用餐日期:10月3號中午最近KFC不停推優惠 早午晚各個時期都有今日午餐優惠 兩件避風塘脆辣雞: 只適用於早上11時至下午6時咁我就有興趣試新野,又唔洗硬食套餐,都OK既一件上脾一件下脾味道真係偏濃,係個盒度已經聞到味係偏向重口味,咸到爆既下脾位,炸得太乾,無咩肉汁食,淨係食到脆皮上脾位,肉夠多,中間仍然有肉汁,但係味粉既咸味實在太勁,食到3份2已經覺得好麻痺係咸到麻痺左味覺頂唔順就放棄左今次呢款口味唔好食,唔知似乜柴灣小西灣道28號藍灣廣場G8號舖順便提一下,優惠每天不同,官方專頁會有更新4-6號會有 $30 優惠價食到雞扒辣汁蘑菇飯桶餐  $20就可以買到四件經典葡撻 只要$88就可以喺KFC買到八件雞

今日想下午食少少野,所以同家人一起叫左個KFC食下等左30分鐘左右就送左黎今日集中講幾樣食品辣辣地既雞塊,個皮都幾脆口雞脾都幾滑身,同埋仲可以封住D肉汁,都幾好食但雞粒就太乾了,冇咩汁搞到太鞋了,影響左個口感同埋冇左個雞味,真係食唔出

 路過KFC 見到有舊野翻炒越南牛油雞比起上次幾款,今款好似比較正常吸引有優惠卷到6月12號 69蚊雙人餐2個飯4件雞,飲品X2  2件辣雞/原味 +2件牛油雞 飯各一款主題牛油雞,味道不辣,係有淡淡既牛油香,雞皮係無咁脆口,但都唔錯肉就都係差不多,唔食辣雞都可以試試

今日eatmug9 #47廣東人做雞有特別多的方法肯德基亦然KFC 間唔中都出下新口味刺激下大眾嘅味蕾小弟係一個雞肉腔所以佢一出新口味我都會狗衝食返餐今次KFC 就出咗隻“爆谷脆脆雞”佢個套餐就係2件雞 + 一盒雞皇或磨菇飯 + 一個葡撻 + 飲品一杯都只係四十零蚊啫驟眼睇都算幾抵食食落雞肉質地依舊都算嫩 而且油脂唔算多而且雞皮部分比原味更加脆口啖啖都卜卜脆款雞就配埋一盒焦糖醬畀你如果唔點醬呢 老老竇竇係同原味冇乜分別總結嚟講 依款雞係應該要叫做“焦糖脆雞” 完。

KFC 黃金流沙新地 ($16)Golden sundae (icecream w/ salted egg sauce).throwback一下先，呢個黃金滿溢嘅新地，其實係年初一去KFC食😋攞翻個好意頭😇.黃金 顧名思義就係流沙咸蛋醬🥇你可能會話 咸蛋加入甜品咪好怪？其實我之前都冇聽過😂唔知鹹蛋同埋雪糕可以擦出啲咩火花呢？一於試試伏😎.點知效果出來幾好喎！味道就好似食緊奶黃流沙包咁，毫無違和感！而且啲流沙醬比得超慷慨❤️啖啖雪糕都食到咸蛋醬，軟雪糕嘅奶滑同個醬沙沙地嘅質感相映成趣，食落又唔會好咸喎！.ps:其實一直覺得kfc嘅軟雪糕比麥當勞出色，牛乳嘅味道更加出，更順滑，但唔知係咪習慣嘅關係，食麥當勞雪糕嘅次數比kfc多好多倍😂講番正題 呢個黃金流沙新地 比麥當勞任何新地都正好多值得一試架.🔎ig: @mkbowfoodies

今日去咗小西灣南灣商場地下嘅KFC買咗外賣早餐，叫咗三個唔同嘅早餐，雞扒有兩種，一種係燒雞扒，一種係家鄉雞扒，個人感覺燒雞扒比較好味，肉汁較多，外皮亦比較脆；不嬲都鍾意食佢哋嘅鬆餅，甜甜地確係唔錯，今次仲加咗個薯餅，但係感覺上好油，口感麻麻

新出品～黑椒雞今日中午去左食KFC, 有冇搞錯, 又係食呢啲! 不如食其他就叫個黑椒雞黎食。呢度嘅服務員很好，好有禮貌，值得加分！地方都算整齊整潔，仲有地方洗手！呢隻係非一般嘅雞，佢叫黑椒雞！雞肉同其他雞冇分別，黑椒有黑椒味 - 但係D雞好似無乜味! 真係可惜~ 如果有早知不如食家鄉雞好過⋯可樂同其他KFC無分別，冇驚喜！今次竟然食淨一舊雞，喺我人生中有增加一點污點，唉！葡撻我一口就吃掉，沒有什麼感想！食KFC就係咁無聊架啦⋯⋯不過以後都會繼續來幫襯