影片
營業時間
星期一至日
12:00 - 22:00
以上資料只供參考, 請與餐廳確認詳情
晚上9:30打去落單，話大約一個鐘，咁10:30打電話去已冇人聽，以為漏單冇嘢食就算，點知1小時15分鐘10:45先送到。打開膠袋，完全冇熱氣都feel到癩嘢！一打開個批，order咗大批，盒係大批嘅但係修面嘅size變咗細批，另外最火滾係面嘅芝士連醬同埋料已經同批底分離，一拉塊批只meet到塊包，上面嘅係8個一咁痴實，好明顯已經擺到太耐，面層嘅餡料已經結成一塊過。😡😡😡🤬🤬🤬🤬😤😤😤😤😤再試打電話去間舖問，仍然冇人聽！只可以放棄個批。到食雞，冇炸雞換烤雞，果2件雞比起BB手掌遠要細，唔係化🤯🤯🤯😡😡😡海鮮寬條面同pizza 一樣，成盒白汁同寬面擺到結成一舊。🤮🤮🤮🤮🤮咁嘅出品，那間舖嘅管理人係咪要監管一下。
繼續閱讀
遲到，到離譜！打去客戶服務部，一直拖自訣，成日話就到，點知15分鐘後又15分鐘都未到！唔夠人就請人啦，請唔到人，就咪做送外賣啦！好心就量力而為！遲到，唔係問題，唔好老作個時間要客等囉
繼續閱讀
本人叫外賣一定係叫千島海鮮批，肉醬意粉，辣海鮮飯，檸檬蜜糖燒雞翼！這些都是不可缺少的！隔不久了總會回味想食！味道不比某些Pizza店差！價錢也比某些Pizza店便宜！
繼續閱讀
因小妹想食Pizza 加炸雞, 最初好習慣咁諗住叫 "Pizza 克", 但套餐無炸雞要散叫, 加加埋埋發現都唔平, 突然諗起呢間脆味批, 咁就一於試吓呢間啦。電話好快接通, 唔駛點等, 點餐時個姐姐又會提醒你要加錢既項目, 雖然唔係超有禮貌嗰種但語氣都好好。我接近12點打電話, 佢話要1點15分前送到, 其實我預咗要等一個鐘, 所以都ok, 結果佢係1點鐘送到。餐具得5隻义, 可以加多把刀畀我哋切pizza會好啲囉, 無提供膠手套。我要咗個大胃B餐 加 芝士蘑菇焗薯蓉。蘑菇忌廉湯 - 有啲似罐頭湯, 不過都幾香幾滑。Pizza - 我加$12要咗五十五十, 一邊世外桃源, 一邊千島海鮮。Pizza 涵料好豐富, 芝士份量亦好足夠, 勝過越唻越小涵料又無乜芝士既 "Pizza 克"。炸雞 - 炸雞好大件, 而且係我鍾意既脆皮炸雞, 外皮夠脆之餘, 雞肉仲好滑同有汁, 4個女士一致認為好食過 "上校伯伯" 啲炸雞, 但我個人認為有小小炸過火, 顏色黑咗啲, 而且調味方面做得未夠, 淡咗啲, 要點啲茄汁會好味啲。吉列海鮮籃 - 黃金炸蝦卷用既係細細條玻璃蝦, 完全無蝦味, bad。炸蟹鉗內只有魚肉, 一啲蟹肉都無, bad bad。我無食到炸蠔, 但眼見無乜蠔肉······。雖然我對呢個海鮮籃無咩期望, 但都依然失望, 絕無下次。芝士蘑菇焗薯蓉 - 已經太飽, 我無食到。
繼續閱讀
上一次食點左一個 Pizza, 拼盤 同埋炸雞而今次就直接點左一個 Pizza 就算Pizza : 味道 OK 有驚喜因為材料都落得好足拼盤 : 雞翼好香香茅味，唔會太老 其他就不過不失炸雞 : 唯一優點係好嫩滑 仲好 juicy 但係就無咩辣味 or 咸味下次想食 Pizza 都會再幫襯 ... 個味道唔差 價錢好抵！
繼續閱讀