膠得喜 (已結業)

今日黎到佐敦，發現呢一帶有好多性貨比高的平民餐廳。仲有多國料理。係咁多個國家之中，我選了這間膠得喜。原因是我在窗外看到餐廳內有好多花膠。呢度都只係冰山一角，場內仲有個紫水晶洞。這個是花膠杏仁茶，味道有點淡，建議加糖。但的確是有花膠的。這個是膠得喜撈麵。個冬菇好大舊好好食，個汁又好味。麵條爽口而彈牙。我是揀蝦子麵的，味道真的不錯。另外也有波菜麵選擇。這個雞飯是沒有花膠的，不這味道好濃，建議一試。環境方面，衞生情況非常好，但座位就是鐵椅。

今日同朋友經過試新野係門口見到花膠好似好正咁不過價錢都唔平，幾貴不過第一次試下啦唔怕，需然預期唔會多不過肉燥花膠真係好少，如果呢個價錢真係差D另外花膠牛肉飯還可以，最好飲係個湯其他都一般，未食過可以去試下既

當日叫了個午市套餐，有湯，有熱飲，主食就order左牛肉花膠飯，由于太怱忙，忘了拍照，花膠切到幼細，牛肉用肥牛，要扣分啦！吾肯用鮮牛肉，而且又有點韌，一點肉味都無，個醬汁味道似曾相識，好有乜乜家味道，個湯喝完都感覺不到有膠質，味道屬正常，熱飲就没特别，這個午餐70元，隔離附近一般40幾～50幾，多幾條膠絲就收貴食家30＋%，以现時咁差的經濟環境下，相信店主真的要加點心思才能殺出重圍，否则淘汰機會好大。

正，d花膠好夠味，仲有可以揀麵底我揀左蝦子麵。另外尼間店仲用左濾水器過濾，令食物更鮮味毫無雜質。直得推介比朋友嘗試，另外尼間店的麻辣醬系自家製，好有麻辣味同夠辣

每次行過呢間餐廳，店員都好有心向我地介紹菜式同推介我地入去食lunch，所以今次有機會就同朋友黎依家餐廳食了。花膠專門店聽落都好架勢！一坐低佢就比一碗花膠燉湯你飲。雖然就冇喺屋企煲果啲咁膠質張住個口，但都叫有啲花膠味嘅。我叫左個濃湯花膠海鮮泡飯， 海鮮料都足嘅。花膠就切成粒狀，顏色偏白，個人覺得有啲怪怪地。個湯飯應該加左水，比飲果碗湯淡味。海鮮都多嘅，依個幾足料，有2隻蝦，帶子同瑤柱。但總括黎講味道偏淡。同行友人加28蚊試左薑汁花膠奶茶。據佢形容係普通奶茶加左幾粒花膠，無薑汁味。總括來講我就覺得質素麻麻地，噱頭就夠嘅，店員都好有心sell野食。希望店家可以增強多啲食物質素啦。

是日燉湯~猴頭菇花膠雪梨燉瘦肉 $78好滋潤，啱晒而家呢啲天氣飲花膠肉燥鹽酥豬扒飯 $65份量都唔少，肉燥不會太咸鹽酥豬扒新鮮炸好，又炸得啱啱好，好淋但就覺得花膠被剪碎了感覺唔到佢嘅存在🙈

前排睇到有關「膠得喜」既文章，專食花膠既店，睇落真係好吸引，亦都好好奇會有咩特別既花膠菜式，所以就拉埋呀媽兩個女人一齊試下，順便食下花膠美顏🤣我地總共嗌左4樣野！首先試既係花膠菠菜麵，麵既份量有點少，配料就只有一片花膠加一粒大冬菇。再來，我地一人一個時日靚湯，個湯超級好味，而且超級多料，花膠亦都好大片，燉得好好，推薦湯佢地既靚湯！我哋嫌個麵太少所以叫多咗一個鹽酥花膠，明顯依個「煮」意來自台式鹽酥雞。賣相都好似鹽酥雞，但係當然口感就完全唔同啦，每一啖咬落去都好膠好煙韌，份量都幾多，食到後尾覺得牙開始有啲攰🤣我覺得如果可以將啲花膠切返大粒少少會更好！口感或會更佳！不過呢，創意真係滿分💯 因爲係第一間店去甘樣整花膠！每人百零蚊食到甘多花膠菜式都真係幾好，過下口癮一流👍🏼

話說見客後餓餓地比大大個粉藍「膠」字招牌吸引了望真啲有花膠🍜～～女人當然喜愛！特別近期少湯水🍵一入店鋪，估計是老闆在午餐，但都立即想招呼你，而員工都好nice !望住餐牌心大心細，最後點了「膠得喜撈麵」和「螺頭准山杞子燉湯」撈麵個汁味道很濃，配上跟餐的花膠雞湯，味道剛剛好😋😋😋但花膠始終有些少膠味，如果可以再煮入味一點就好了！至於個燉湯，兩個字：足料👍🏻👍🏻味道都好夠，最緊要飲完沒有口渴的感覺，返工無時間燉湯的話，過來飲一碗都好！冬天飲完成個人暖笠笠🧣餐牌仲有好多選擇～～都以花膠為主打，下次再試其他款！

相片同實物不付，招牌麵的花膠同鮑魚同相片有好大出入。食物水準要大大改良。椒鹽花膠好韌，敦湯算是比較好。值得一提服務很好，環境也很舒服，食物就真係令人失望左少少啦！

2-3年前喺筲箕灣食過類似嘅，呢間係唔係原創就有保留喇。門面同menu幾吸引，嗌咗個lunch set嘅秘製花膠肉燥溏心蛋飯，跟花膠湯（$60）。味道不過不失，可能因為花膠魚肚都係d無味嘅嘢，靠嘅係肉燥味，pat肉燥咩味d花膠就咩味。肉燥同芡汁比例多d，間唔中食到一些花膠粒，整體無咩粘嘴嘅感覺。湯都係唔粘嘴，似有少少海味的雞湯，都好味。食得花膠都係想補下d骨膠原，所以我個人係期望多點花膠，再黏嘴少少。不過，呢個親民價位加環境，其實已經好好，當淨係食肉燥飯加老火湯都抵返。

今天午飯經過這邊看到是新的店所以就打算一試💕比呢個招牌吸引左我入去有大大隻膠字菜式睇落都好新奇Menu都好簡約系💛花膠撈面$52這一個吃法是我在香港第一次吃到的所以呢覺得大家可以去試試看💕我點的是花膠蝦子麵那蝦子麵部分很爽脆的就是不會太乾因為他也有放一些醬汁💛椰子烏雞燉花膠湯🥥🐓這邊如果在午市來的話還會送一碗膠質很重的湯平時自己很喜歡喝到有花膠的湯主要是花膠對皮膚很好但是在香港很少在普通小餐廳吃到花膠料理通常都是家裡煲得湯才會有下花膠這碗超香椰子味的🥥🥥💛花膠吃起來很黏黏的感覺膠質很重的感覺味道淡了點💛冬菇冬菇好大顆很入味呢

膠得喜，新開幕2個月唔夠，主打係不同食法嘅花膠，無論係撈麵、燉湯，甚至豪華嘅花膠扒，都可以搵到花膠嘅蹤影。咖喱花膠撈麵（$58）咖喱味嘅撈麵，再加埋花膠，味道濃郁。麵條可以有三種選擇；蝦子麵、魚蓉麵、或者我所選擇嘅菠菜麵。即日限定花膠燉湯（$78）椰子竹絲雞燉花膠，非常滋補養生，而且限量供應，更顯矜貴。主角係原隻金箔扣花膠，非洲黃花膠（$138）。街坊價錢食到花膠扒，花膠入味有膠質，實在不容錯過。呢度仲有款好特別嘅小食，鹽酥花膠，可惜趕時間上堂，下次一定要試下。

香港首創花膠主題餐廳原來花膠都可以做到好多款菜式而且花膠養顏補身 男女老幼都食得🤤花膠麻辣撈麵 $68個辣汁無得輸 勁香 又唔會太辣 撈麵食一流🤤 麵底用上蝦子麵 加埋花膠 口感一流仲有隻炆得入味嘅大冬菇😌非洲黃花膠 $138平時食西餐就鋸扒鋸得多 花膠排就得一次食好high class 嘅感覺 花膠扒好配上自家製嘅醬汁好入味滿滿骨膠原嘅感覺吉列花膠排 $88新鮮嘅食法 炸原隻花膠 無諗過會拎花膠去炸 咬落去煙煙韌韌咁 痴住左個咀咁😂紅蘿蔔豬肉乾貝桂圓燉花膠 $58長期缺乏湯水嘅小妹見到自家製燉湯當然要嗌返碗啦燉湯冇落鹽 都幾健康而且材料十足 飲完都覺得滋潤左😛

今日同朋友咁啱去開佐敦行街街到搵食時間，唔知食咩開openrice 搵周邊食店見到呢間"食花膠"諗住好少有呢d 食店就試下我地都鍾意試下新野咁啱係Lunch 時間佢有set Lunch👉🏻竟然送花膠湯😱(又幾好飲)仲有杯飲品我地只叫一個set + 佢出名嘅"花膠撈麵"有三種麵選擇👉🏻我地要魚蓉麵底煮得太腍👉🏻二片花膠+一隻菇花膠唔多似👉🏻成碟冇咩味👎🏻反而個花膠肉碎飯都幾好味😋服務都ok

自從舊時筲箕灣的花膠撈麵專門店結業了，久久沒有一間餐廳可以提供花膠撈麵突然發現佐敦裕華後面，有家專食花膠的餐廳，就決定出去一嚐鋪面寫到明，只要光顧午餐，每位客人必有一碗花膠雞湯花膠雞湯是也。喝起來都有豐富膠質感覺，但欠缺雞味和只有胡椒味味道確實似足一碗胡椒豬肚湯。秘製花膠肉燥糖心蛋飯 $60本身個飯熱辣辣的，但沙律菜卻是冷冰冰的，感覺不match，如果改為幾棵生菜或菜心會較好值得一提，沙律菜都幾新鮮、爽脆的。肉燥份量頗多，都挺不錯的，但花膠呢？原來花膠切到碎碎的，感覺變了豬皮感覺不如一大片花膠放置於飯中那麼美好。唯獨是因為飯中有花膠碎，令飯粒更有膠感至於糖心蛋則正常的，蛋黃甜度剛好看來花膠與飯，只是相生相剋的，不配合大家的屬性下次可以就再嚐花膠撈麵。