膠得喜 (已結業)

原來香港終於開了第一間花膠主題餐廳！ 花膠潤補 係女人最愛 但其實男人都岩食架~   羊肚菌瘦肉燉花膠(即日限定花膠燉湯) ($78) 每天都會供應一款期間限定，特製的湯水，真材實料，今天是這個「羊肚菌瘦肉燉花膠」的燉湯，羊肚菌含多種營養素，包括：蛋白質、多種胺基酸和微量元素，太牛迫啦這個燉湯，還有不同種類的食用藥材跟花膠在裡面。 咖喱花膠撈麵(蝦子麵底) ($58)整個用西式菜擺盤，竟然有薯角跟野菜沙律，太厲害啦唄，蝦子麵採用了粗麵條，好處是提高掛汁的能力，吸收了咖喱醬汁，非常有味道，上面還有一個大花膠，質感較軟綿綿，膠質較多。 花膠濃湯雞煲 ($98+$20)大推介之一，升級了雞腿部分，首先有超香的雞味，湯表面有薄薄的雞油，令湯變成金黃色更好看，一口嚐到濃濃的雞湯味，一定是「老火湯」來的，雞肉最厲害，很有土雞味，肉質鮮嫩彈牙，果然是店家招牌菜。 首創鹽酥花膠 ($88)大推介之一，店家第一個創造的菜式，把花膠鹽穌處理，外皮香脆，裡面膠質感豐富，口感非常特別。 📍膠得喜地址: 佐敦白加士街101號珀軒地下5號舖

我好貪靚㗎，平時都好鍾意食花膠養顏，見到佐敦開咗間花膠餐廳 ，當然要第一時間去嚐鮮。嘩!餐牌好豐富呀!勁多花膠菜式，花多眼亂，店員好友善，會主動介紹菜式 。嗌咗金箔三式花膠撈麵，花膠黑松露炒蛋厚多士，同埋響螺淮山杞子花膠燉雞。先飲個湯，個湯好足料，味道鮮甜，仲有塊花膠係入面，囡囡飲到舐舐脷，大讚好飲。金箔三色花膠撈麵賣相超矜貴，用咗三款唔同嘅花膠去做，面頭嘅金箔金光閃閃好吸引。花膠有一定厚度，有咬口，膠質重，每一啖都是膠原。 花膠黑松露炒蛋多士，多士烘得脆卜卜，炒蛋滑溜有黑松露香味，仲有好多花膠粒粒 ，係好有新意嘅小食。呢度仲坐得都幾闊落，舒舒服服歎花膠，真係人生一大樂事!

聽聞開左間全港首間花膠專門店 係女人都不會say no😍😍 即刻去試試 價錢方便都好合理 碟碟菜式都有花膠 真係無諗過花膠都可以有各式各樣既整法 而唔係得舊式食法而言 ▫️首先就飲個靚湯先 是日限定湯係木瓜雪耳花膠湯 ($78) 個湯好足料的 好滋潤好清甜 岩哂各位美女飲👍▫️咖哩花膠撈麵(魚蓉麵) ($58) 仲要有薯角 炸得好香口好脆 呢個撈麵麵質好唔同同平時食開既 佢係魚蓉麵 咖哩汁少少辣 但連食唔到辣野既我都接受到 好推薦呢個咖哩花膠撈麵👍▫️花膠黑松露炒蛋厚切多士 ($58)呢個又係創新食法之一 牛油多士上舖滿了炒蛋 仲有埋切好哂方型的花膠粒添 好足料👍▫️吉列花膠扒 ($88)原隻既花膠拎去炸 無諗過花膠會炸來吃 開頭諗緊炸左咪好哂 但原因係新食法 個感覺咬落去去煙煙韌韌 出面就炸得好脆的

膠得喜Environment: ★★★★★Service: ★★★★★Taste: ★★★★★最近我曾到膠得喜用餐，今次就和大家分享我於膠得喜的用餐經驗吧。膠得喜位於佐敦，是一間以花膠為主題的餐廳，餐廳內的食物大都有花膠的元素。金箔三式花膠撈麵 （$108)三種花膠各有特色，另外花膠亦比較厚身。撈麵方面，麵條彈牙，配上麵條的醬汁，味道不錯。非洲黃花膠 （$138）賣相精緻，花膠很滑。花膠黑松露炒蛋厚切多士 （$58）炒蛋有豐富的蛋香和黑松露香，間中可以吃到彈牙的花膠。多士上亦塗上了牛油，令味道更豐富。花膠靚湯（$30）可以喝到很香的金華火腿味，湯亦不會過咸。總的來說，個人覺得膠得喜的食物頗有特色，原來花膠也有這麼多種烹調方法。🔛🏃‍♀️🏃‍♀️🏃‍♀️佐敦白加士街101號珀軒地下5號舖#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoodie #hkblogger #hungry #foodphotography #

第一次見到有花膠專門店，超級驚喜🤪 即刻要試下！入邊嘅食物好fusion好特色，細問之下原來老細屋企係做花膠批發，唔怪得之做到又平又靚嘅花膠🤤見到有是日推介靚湯，無花果海底椰雪梨花膠燉瘦肉 ($68) 一邊有一塊花膠，好滑，吸收晒湯嘅甜味同埋精華，夠晒養顏🥳 打個太多幾好飲，好鮮甜。咖喱花膠撈麵 ($58) 呢個花膠撈麵真係冇得頂，首先性價比好高。$58有一大舊花膠，煮得好冧好夠味，而且花膠味道較重，咖喱味好香大都唔會蓋過左花膠嘅味道。但係咖喱配嗰啲撈麵都真係無得輸。係食得出嘅椰香味，辣辣地好惹味，而且個面都好爽口彈牙，出邊好少搵到啲咁好食嘅面。之後唔夠喉我哋仲叫多咗個麻辣花膠撈麵，個辣醬真係冇得輸，唔算好麻辣，但係食落就好香。好多人會買返屋企自己整野食添架。令你原來仲有花膠扒可以食，叫咗非洲黃花膠 ($138) 花膠扒原來可以咁好食，好豐富嘅膠質，然後幾好咬口，個醬汁都做得唔錯。同埋以呢一個價錢食到花膠扒真係好抵。首創鹽酥花膠 ($88) 最後介紹我覺得最有驚喜嘅一樣野食🤤 鹽酥雞，鹽酥豆腐食得多，鹽酥花膠都係第一次試。口感超級正，當花膠仲係好熱嘅時候，食落去有少少黏黏地，但係花膠味

正所謂 女人唔補好易老👵🏽今次就黎到全港唯一一間花膠專門店🚪補下啲膠原bb🔌👶🏻👶🏻.🔥首創鹽酥花膠花膠配鹽酥 可謂好鬼有創意🎈口感好似Jellybean 甜甜地又咸地🍡令人一食就愛上❣️.🍜膠得喜撈麵小編真心大推呢款撈麵😋店主用心挑選十分爽口彈牙既蝦子麵配上扎膠扒☺️Perfect‼️‼️小編貪心如果再多幾塊花膠就正啦🤤.🐥螺頭淮山杞子花膠燉雞淨係見到個名 已經知道店家絕無私心🖖🏻超足料既燉湯 一個字🗣甜💋.🐤花膠濃湯雞煲雞煲既花膠 店家選用另一款較爽身既口感 搭配滑嫩既雞肉 淆製既雞湯特別鮮甜🥺.店家不同菜式選用不同扎膠👻不論膠質與口感都為花式搭配過🤹🏻‍♀️只用十分優惠既價錢可享用中等價格既花膠 值回票價👍🏻.人均消費：$150推介指數：👅👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

呢間係全港唯一主打花膠餐廳，花膠養顏，營養價值高，有時自己屋企整都要發，同埋要時間，呢間餐廳平民價錢就可以食到唔同種類嘅花膠，仲有好多創新花膠料理。🔸是日限定湯係木瓜雪耳花膠湯（$78）湯真材實料，味道清甜，加埋木瓜、雪耳、花膠，滋潤又補身。🔸金箔三食花膠撈麵（$108）有三種唔同花膠，唔同厚度同口感，食落去質感唔錯，好似補充左唔少骨膠原咁☺️花膠面上仲有啲金箔，賣相好靚。麵可揀蝦子麵、菠菜麵或魚蓉麵。我哋揀咗菠菜麵，麵夾埋啲汁再配花膠，幾好食😋 呢個我推介🏅🔸吉列花膠扒（$88）真係未試過食炸嘅花膠，食落去外脆內軟，入面煙煙靭靭，口感有啲漿住嘅感覺，幾特別。🔸鮮奶燉花膠（$48）甜品唔會好甜，仲好滋潤，花膠食落口感似燕窩，唔錯！

讚1. 花膠算足料，叫個撈麵都有兩片，點個湯又有兩片咁2. 夥計好勤力，不斷咁同客解釋野食，唔錯彈1. 蝦子麵無蝦子味，同煮到一團咁，食唔到啊2. 燉湯實在太太太太鹹，老闆要好好控制下落料既份量

朋友介紹我去呢間膠得喜餐廳，話佢哋煮嘅花膠無得頂，而且款式創新，一於試試佢。首先係螺頭淮山杞子花膠燉雞，聞落去已經好香，飲落去第一啖就嘩咗出聲，鮮甜到不得了，花膠吸晒螺肉同雞嘅味道，真材實料。花膠濃湯雞㷛，雖然無咗第一個湯嘅清甜感覺，但多咗一份濃濃嘅雞味，花膠份量絶不馬虎。膠得喜撈蝦子面，蝦子面都食得多，但係用花膠做配襯就真係未食過，感覺幾招積。首創鹽酥花膠，有咁嘅整法真係未食過，感覺都特別，而且唔會太咸。最後加多兩碗糖水。

新式花膠專門店 -膠得喜一直以來花膠畀我嘅概念就係燉湯同撈麵兩種食法 今次機緣巧合下嚟咗呢一間花膠專門店食晚飯 發覺原來花膠都有可以有唔同嘅食法 好味之餘仲幾養顏補身 ✨紅蘿蔔豬肉乾貝桂圓燉花膠 ($58)黎到食花膠，花膠燉湯當然唔少得啦 見到餐廳入邊有唔少燉湯菜式 我平時成日出街食都無啖靚湯飲 所以就即刻嗌咗呢一份暖粒粒嘅燉湯✨首創鹽酥花膠($88)鹽酥雞 鹽酥尤魚等等嘅食物平時都食唔少用鹽酥嘅方法嚟整花膠真係第一次食 一食落真係覺得唔係講得笑 真係認真高質 係一流嘅伴酒小食✨花膠濃湯雞煲($98)花膠同雞湯有着一個密不可分嘅關係有花膠嘅個人認為呢度嘅花膠同雞湯嘅配合真係非常正10分推介！雞湯落左半隻雞落去同埋一大塊花膠扒 令到成個湯都非常鮮甜 啲雞肉亦都非常嫩滑✨金箔三色花膠撈麵($108)終於我最期待嘅菜式花膠撈麵 餐廳嘅花膠撈麵可以用可以選擇用蝦子麵魚蓉面同埋菠菜麵而我就選擇左綠色既菠菜麵菠菜面上灑上氣派嘅金箔，仲有三種唔同嘅花膠！老闆特登出嚟介紹三種花膠嘅特色，佢哋分別係扎膠 紐肚膠 花紋膠味道同質感都各有千秋 一個撈麵入面可以試晒三種唔同嘅花膠 認真有特色！

天氣開始轉，肌膚乾燥，係時候要補下，一於食餐滋補養顏花膠全餐😈🥢麻辣花膠撈麵 $68 推介👍🏻 麻辣香口，辣得好滋味， 花膠約有4 片，食落黏口， 有口感🥢紅蘿蔔豬肉乾貝桂圓燉花膠 $58足料湯， 好清甜.🥢首創鹽酥花膠 $88 真係從未食過鹽酥花膠，好特別，食落外脆內Q彈，口感好豐富，但如果可以俾d辣粉我加落去更好，更香口🥢花膠濃湯雞煲 $98 花膠大大塊，足半隻雞， 雞湯濃郁，食完飽哂😆美中不足是我太飽， 無食埋花膠燉鮮奶先走 ，下次要去encore ，食埋燉奶- - - - -

行街行到去佐敦，見到有間新店，主打以花膠做各種菜式，一於走入去食。店子不雖大，裝修以簡潔為主，有很多街坊光顧。【雪梨花膠燉瘦肉湯】是即日限定。好清甜，好潤，飲落好舒暢。【麻辣花膠菠菜麵】有一整件花膠，好揼本，膠質重，好黏，好正! 冬菇也大件厚肉，配西式沙律，脆口之餘，更可平衡花膠的軟腍質感。【花膠松露滑蛋厚多士】炒蛋好滑，松露味道濃，多士是較為普通的方包，如果可採用較高級的麵包來造多士，相信整份【花膠松露滑蛋厚多士】會即時升呢。【鮮奶燉花膠】花膠又腍又滑，鮮奶香甜滋潤，是美顏佳品。【花膠XO醬】臨走時，見到有XO醬外賣，$68不算貴，買了一樽返屋企試下。

#第一件事 #睇完Memu先講 #花膠雞絲菠菜麵 #冇花膠 #問店員 #啲膠响湯到 #叫我飲膠湯稻香打邊爐都有花膠仔，我唔係話要舊超唔現實嘅花膠出現我眼前，但不至於同我講係個湯先有花膠，太呃人喇😅我同店員講應該改memu寫花膠湯雞絲麵會比較合理，但佢可能都唔話得事，所以個店員hehe我就走開。

女生一定要時不時補補，花膠直頭是女性佳品！網上見到佐敦依間以花膠作主題嘅餐廳一於捉埋好姊妹去膠膠去🤪🤪🤪餐廳近地鐵站，交通方便，一入店店員已熱情介紹及安排位置。他們説一定要試花膠扒，果然，冇令我地失望！大大的花膠扒很入味，店舖自己製的醬油和花膠很配！每一口都有滿滿嘅骨膠原感覺！伴碟是西蘭花🥦另外，花膠黑松露多士確係夠哂創意！完全未聽過冇諗過！入口先有香氣十足嘅黑松露，繼而是口感彈口嘅花膠，金黃色嘅滑蛋！真係色香味俱全！ 整體來說超滿意🥰💪🏽

今日同班絲打shopping，路經佐敦白加士街，見到有一間新開小店，以賣花膠為主，更取名為《膠得喜》，一班貪靚女子，梗要入內試試。食肆面積不算大，佈置簡約，環境乾淨企理。打開餐牌一看，選擇頗多，各式食物均以花膠入饌，但價錢絕不昂貴。新張期內惠顧，午市更免費送花膠湯一碗。湯色奶白，入口綿密，味道不俗。金箔三式花膠撈麵 ($108)，份量十足，且以金箔點綴，賣相精緻。大廚按季節以3種不同的花膠炮製，包括花紋膠、紐西蘭肚及扎膠，有煙韌、有軟糯、有爽口，各有不同層次。今次我挑的是粗身的蝦子麵，食落滑溜彈牙，更有炆得入味的大大隻冬菇，令人食得非常滿足。首創鹽酥花膠 ($88)，平日從來沒有見過這種吃法，將花膠切成一小塊，然後再沾脆漿表面炸個金黄酥脆，入面的花膠口感軟糯，相當惹味可口，多吃幾塊也不覺膩，讚！吃花膠，當然免不了叫個燉湯試試，這個螺頭淮山杞子花膠燉鷄 ($68)，啖啖清甜鮮美，飲完立即有非常滋潤的感覺。花膠濃湯鷄煲 ($98)，鷄脾位加 ($20)，煲一上枱，乍見金黄色的鷄湯，原隻花膠筒配上鮮鷄，已叫人食指大動。呷一口湯，鮮美無比，鷄肉又嫩又滑，滋味十足。平時想吃花膠，事先要花很多時間