影片
更多
2020-04-25
932 瀏覽
今日去左買罐椰汁蛋捲、芝麻杏仁餅，之後順便係嗰度食埋飯。但唔太推介👎🏻，因為嗰度啲職員態度麻麻，期間仲發生左件唔開心嘅事😢💔。坐我地後面嗰檯係對上左年紀嘅夫婦，佢地早過我地黎，一早食緊，但就仲差碟餸未到。我見佢地追過幾次，但遲遲都未有。我地嗰檯啲嘢食都有齊，連我隔離遲過我地黎嘅，佢地叫4碟餸都到埋。但嗰對夫婦嗰碟仲未到（其實個職員好似冇同佢認真跟，最後嗰次個客叫佢，個職員態度都差差地話「得啦！轉頭幫你！」但唔見佢轉頭有行過去跟進。對夫婦最後唔等喇，去找數。個男人話「我淨係俾返一個餸嘅錢！」但個收銀堅持話「先生，$207！」個男人話「我冇食過，做咩要我俾埋嗰碟嘅錢！」個職員話「先生，個餸煮緊架喇！」個男人話「唔等喇，等左好耐，啲飯都凍晒。」個收銀繼續堅持話「先生，$207！」之後個男人就發癲，話點解要叫佢俾呢個價錢，有碟餸都冇黎，佢話冇食過，所以佢話只會俾返嗰$80幾蚊。之後個職員爆左句「乞衣！！」個男人就更嬲啦，冇啦啦俾人話乞衣。個職員死都唔肯讓步，佢仲話「先生，$207！」之後仲發悔氣話「算喇！我請你喇！」個男人聽到後好嬲「唔洗你請！你請我唔起呀！我洗你請呀！」之後仲發脾氣掉野。個男
但唔太推介👎🏻，因為嗰度啲職員態度麻麻，期間仲發生左件唔開心嘅事😢💔。
坐我地後面嗰檯係對上左年紀嘅夫婦，佢地早過我地黎，一早食緊，但就仲差碟餸未到。我見佢地追過幾次，但遲遲都未有。我地嗰檯啲嘢食都有齊，連我隔離遲過我地黎嘅，佢地叫4碟餸都到埋。但嗰對夫婦嗰碟仲未到（其實個職員好似冇同佢認真跟，最後嗰次個客叫佢，個職員態度都差差地話「得啦！轉頭幫你！」但唔見佢轉頭有行過去跟進。
對夫婦最後唔等喇，去找數。
個男人話「我淨係俾返一個餸嘅錢！」
但個收銀堅持話「先生，$207！」
個男人話「我冇食過，做咩要我俾埋嗰碟嘅錢！」
個職員話「先生，個餸煮緊架喇！」
個男人話「唔等喇，等左好耐，啲飯都凍晒。」
個收銀繼續堅持話「先生，$207！」
之後個男人就發癲，話點解要叫佢俾呢個價錢，有碟餸都冇黎，佢話冇食過，所以佢話只會俾返嗰$80幾蚊。
之後個職員爆左句「乞衣！！」
個男人就更嬲啦，冇啦啦俾人話乞衣。
個職員死都唔肯讓步，佢仲話「先生，$207！」之後仲發悔氣話「算喇！我請你喇！」
個男人聽到後好嬲「唔洗你請！你請我唔起呀！我洗你請呀！」之後仲發脾氣掉野。
個男人話要俾返個$80幾蚊，但個職員堅持話「我一係就唔收，要收就收$207！！」
個男人個老婆頭先行開左去左廁所，一返黎見到佢老公咁嬲，問佢咩事，個男人就話個職員話佢乞衣！
個女人就好好，好冷靜的話「你地話人乞衣就真係唔啱，但我地真係等左好耐，唔等喇，因為我地泊左架車都過晒鐘。同埋我地第一次等登黎幫襯，搞到咁真係好唔開心。」
最後個女人安撫個佢老公(佢老公真係好嬲，嬲到就爆血管嗰款，我都好擔心佢，俾著我都真係好嬲)，個女人放低張$100就夾佢老公走。
個職員收到個$100後，發悔氣咁，冇放入收銀機，直接掉入捐俾手足個捐款箱。
隔左一陣，個亞伯嬲到又返來嘈，之後佢老婆夾硬拉返佢走。。。
好慘囉個亞伯，追個餸追咁多次都未有，已經好嬲，臨尾仲要俾人冇啦啦話乞衣，俾人搞到咁激氣，真係好慘😢
其實除咗收銀嗰個男職員態差，其他職員態度都一般。我地入到去，唔知原來另一邊有得排隊等候入席的，我地唔知，企左係另一門口度等，有個女職員指示唔清晰，佢指一指叫我地去入邊，我地見入邊有檯咪坐囉，之後另一女職員態度好差咁問我地做咩？話要係出面排隊架喎！（我地唔知哎嘛.....)
21 瀏覽
1 讚好
0 留言
張貼
