影片
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
如果你想：明明可以係銅鑼灣呢區搵到更好嘅嘢食，但係都係想來體驗冇提前叫你搭檯，叫你「坐好啲」，問你「想點」，試下飲有漂白粉味嘅啱啱煲滾嘅水。呢間係你嘅不二之選以下係詳細紀錄：農曆新年之前同frd去SOGO行街，行完唸住係登龍街食嘢，本身唸著去隔離某間燒臘舖食，但係見排隊人都唔少，朋友又見呢間新開整手工麵唸著入來試下。茶記叫人搭檯係香港地都常見，入來見到兩張檯，一張卡位一張正常兩人細檯，朋友打頭行入間鋪，梗係問門口姐姐可以坐邊張啦，門口姐姐似乎掛著篤手機唔係好想睬我地，叫我地隨便。朋友想坐得闊落啲，揀咗坐卡位，直到寫嘢嗰刻，都冇一個姐姐同我地講聲「如果一陣舖頭人多可能要坐埋一邊」咁嘅說話。唸唔到嘅係，原來唔聲唔響咁開始咗我地呢餐食到成肚氣嘅經歷☺️話說我地叫咗個手工餅同兩份三絲涼麵，涼麵韌得過份，調味麻麻，唯一可取之處可能係有唔少三絲，手工餅算酥脆，質素中上，個人覺得調味再濃郁啲可能會更加好味，朋友就覺得調味足夠，呢餐唯一接受到嘅嘢就得舊餅。我同朋友叫嘅麵相同但麵條唔一樣，朋友嗰碟麵上咗先，之後就係舊餅，我唸著一邊食舊餅一邊等我碟麵，點止食完我嗰半舊餅，碟麵可能過咗成10分鐘都仲未上。而我同朋友其實都冇加嘢飲唸著健康啲飲水算，叫姐姐幫手俾兩杯水來，ok俾咗兩杯滾水我，我本身唸著攤凍杯水，不過真係口渴，想請姐姐俾個杯我，我自己整凍杯水，講咗句「可唔可以俾個杯我，啲水真係好熱飲唔到」，我算係對著 兩 位姐姐講，兩位冇反應之餘，我背對著嘅嗰位阿姐仲好意思話「啲水咁煲滾啊嘛」。都幾好笑，你係咪係屋企就係飲啲啱煲滾嘅水？係嘅話都唔好覺得全世界都要同你癲😅幾分鐘之後，門口收銀嗰位姐姐經過，卒之叫到人幫我攞個杯，而我咁啱攞起近距離一望，聞到裡面有【漂白粉】味。我仍心存希望，倒咗啲滾水落個杯度，唸著本身杯水𠺘幾下應該無問題。飲一啖，原來都係有【漂白粉】味😅唔想飲死自己，算罷。到我個麵終於來到，食到一半，一位阿姐後面跟著兩位正準備落座嘅食客，阿姐大大聲問對著坐嘅我同我frd「靚女可唔可以坐好啲？」（原句）。後面兩位食客可能係聽到呢句，驚覺隨時墮入啲服務為負數，得門口啲唔知點樣來嘅若干名人合照嘅食店陷阱，同阿姐講咗句「咁唔使啦」，轉身離開。至此已經成肚氣，兜麵又麻麻，唔想浪費食物，但真係有心無力，碟嘢未食完，剩低好少擺咗係檯面，開始準備同朋友離開，又係頭先嗰位阿姐陰魂不散，企係檯前問「靚女咁你想點？」（原句）。我唔知可以點，香港茶記畢嬲出名服務差，但就算係咁我都從來冇見過咁叫人起火嘅服務。可能貴店真係唔爭我呢檯生意啦，農曆新年已過，登龍街食肆競爭激烈，祝貴店秉持著咁樣嘅服務態度，千祈要記得不忘初心，唔好做到2026❤️
繼續閱讀
我星期六下午同女朋友放假 打算揾間餐廳坐下隨便食少少就算 入到去見都有幾多人 以為正常 點知坐咗好x耐都冇職員出黎 唔知係唔做定點 我放假唔想罵鬼 都唔想要大叫先落到單 嬲嬲哋 自己走咗寫個負評算啦 2025-01-11
繼續閱讀
食過兩次，第一次食湯麵，餃同辣嘅洋蔥牛肉手工餡餅。湯粉係好食，一拎埋嚟聞到好似去x仔x哥米線咁！餃我個人嚟講就一般，偏多肥豬肉。辣嘅牛肉餡餅我點左微辣都好辣，但係脆係惹味嘅！最欣賞手工牛肉餡餅，食得辣不妨一試。第二次食自家牛肉涼麵，同唔辣嘅純手工牛肉餡餅，涼麵好敗筆，已經無咩技巧，麵底下面係一攤淥完麵嘅水。下次不了！其實，我眼見佢將4個人迫埋同一張枱，其中一個仲全程孭住背囊，但有兩張卡位由我一入去到食完依然吉出嚟！其實個個食完都唔會霸住個位，點解要咁？應該都無下次🙏🏻
繼續閱讀
放假出來銅鑼灣，時間比較緊迫就想著趕快找家餐廳吃完就去看電影，於是就走到了登龍街見到這家麵館簡簡單單就爽快決定進去吃。湯麵有幾款湯底選擇，而我們都是選擇了胡椒湯底，現在天氣比較涼，選這個湯底暖一下身；手工麵質地有嚼勁，份量足夠，餃子大大粒餡也很多，整體吃完不錯。📌📌📌芫茜豬肉餃手功麵 $69-粗麵-胡椒湯底滑雞手功麵 $59-寬麵-胡椒湯底口水雞翼 $39（一般 吃得過 但不正宗的感覺)🧮🧮🧮Total HK$167 (2人）
繼續閱讀
手撕雞拌麵及白菜水餃麵條可自選四款不同粗幼。味道可選原味、香辣、麻辣、酸辣，每款辣味亦有四種辣度。白菜水餃一份有10隻。➡️味道方面今次選擇闊麵條、麻辣味、微辣。微辣的程度適合我這種不太食辣的人。只是食到最後麻辣汁沾滿麵條，就有點太辣，但係麻辣的香味依舊能吸引我食完。麵條有韌度，不會太軟，份量頗多。白菜水餃肉味十分香，雖然白菜味不算突出，但會推介嘗試。➡️環境方面雖然店舖不大，但還算舒適。➡️價錢方面合理
繼續閱讀