自煮食材 (已結業)

入到去問個女人有咩食，佢就話得二人餐同一人餐，淨係比左張二人餐既餐牌比我，問佢有無咩飯食，又話無得呢d，雖然個女人幾好禮貌同介紹得幾詳細。我地兩個人就點左個二人餐$288再追加$78一大般腸仔，但賣單時收我四百四十幾，賣單時無留意又無睇單，係自己蠢左，臨走時比我見到佢有d餐牌有d88蛟扒餐擺左一邊，問佢有無其他又話無，可惡。可能見我地兩個係遊客就坤我地，未試過入長洲食野係咁，四百幾蚊去d餐館已經食到好多野了，野食賣相係幾好，但係味道真係好一般，得個牛粒好食，其他都唔得掂，仲要話果個蜜糖雞翼，咸到死，個沙律又酸酸叔叔，個飯賣相係靚兩隻虾都幾大隻，但有d腥，個腸普通到唔普通。真心覺得影響長洲旅遊業

來長州本來去漫活飲杯正咖啡，點知無開，去搵一間正常啲咖啡店，諗住實無死，點知佢係用雀巢即沖咖啡沖的莫加咖啡，正價$35，下午茶加$15😱，點解可以咁？不如我去茶記好了！

被照片吸引了入去，我們選擇了一個二人套餐，滿心期待。但，鐵板牛扒比掌心細，千層麵浴在茄汁中，非常難吃。還叫了紫薯窩夫$78，可是紫薯沒有紫薯味，窩夫比曲奇硬。真，後悔了，個女生日一肚氣「飽」了。

今日是旦搵左一間野試下。朋友係都要入來食。原本唔係好想食野,但係都係叫左個豬排飯。好正!個賣相已經好有驚喜,豬排仲要唔係厚粉豬排而且冇雪藏味。比起出面連鎖咖哩專門店既咖哩豬排飯好食好多。朋友叫左個千層面都好唔錯。只係份量有點少。

話說舒今日忙完冇飯食，行到尼間餐廳，入去坐低叫野食，點完餐點知有個唔知係唔係老闆娘既人放低碟就走咗去，喂！咪玩啦酒樓都分好啦！你就咁放一叠碟係度咩意思先，算唔緊要，你走學黎問我飲唔飲湯但要加$10，都算，叫牛扒冇牛味，羊架肥到根本放唔到入口，薯蓉咸到嘔，最後諗住有個甜品食，佢係芝士cake，點知吉唔到架，仲要5百幾蚊，我以後唔會再去

豬小姐今日同三位姊妹長洲一日遊 已經差唔多六年無尼啦 上次尼之時 仲係個學生妹 今次尼到就緊係要食下嘆relax下爽皮下啦餐廳細細幾橘子 lunch time時間人唔多 見set lunch幾吸引 岩岩落船嘅我地就入去開餐啦四姊妹order左咖哩炸蝦飯 手切煙三文魚忌廉意粉 炸手指魚配凱撒沙律同埋德國腸配凱撒沙律 有餐飲咖哩炸蝦飯嘅咖哩汁只有辣味完全食唔出有咖哩味 汁亦唔夠多 唔夠撈飯 洋蔥太生食唔到 加埋雜豆 有啲奇怪 只有炸蝦是正常的 炸粉薄薄 算香口嘅如果其餘三款都係咁嘅質素我應該會拍枱走人 好彩咖哩飯只係個意外尼手切煙三文魚忌廉意粉喎 砌成玫瑰形狀嘅煙三文魚都有幾塊 唔算菇寒 充滿煙燻魚香而且唔腥 意粉亦有加入三文魚碎 洋蔥 蘑菇去炒 足料嘅！ 意粉軟硬度同cream sauce嘅調味控制做得唔錯凱撒沙律嘅沙律菜夠fresh 其實新鮮嘅菜已經夠哂！車厘茄好清甜 成件事好健康 炸手指魚一共有四條 一人一條剛剛好 熱辣辣鬆脆嘅金黃色 好吸引 嘗試過係屋企自己炸 完全做唔到尼個效果 我諗炸嘅油溫同時間我掌握唔到德國腸 第一個反應係好長囉哈哈 感覺似係加長版嘅脆皮熱狗腸 味道無嘜特別

上網見到呢間有平安馬卡龍買,咁得意,於是即去睇下呀。平安馬卡龍,每個$15。買左兩個來試,造型同平安包一樣,好得意呀。味道果然好甜,有少少茉莉香,貪過癮可試下呀。

長洲要搵西式餐廳似乎選擇不太多，而且不肯定一個出名食海鮮的小島，食西餐個味道會如何。最靠近大街較當眼位置就是該餐廳。見舖面有心思，企企理理，即管試下，普遍長洲的食肆都好少令人失望，除非太過火啦…。店員哥哥非常親切地向我和女友介紹餐牌，話實，好耐沒有被招待過這種服務態度，受寵若驚但印象良好！食肆最緊要講求食物質素，但是服務態度都一樣重要，趕客定留客，關鍵就是如何招待客人！點了一客雜扒餐和一客日式咖哩炸蝦卷飯和女友分享食。都等了好一會，餐廳感覺似家庭式經營？不太肯定。可能用平常心對待，反而出現驚喜。上菜看到料理並不是只有外表及隨便堆砌，廚房應該有位認真學過西式料理的隱世師傅？！食材，調味，汁料，伴碟，賣相，味道，絕對不會輸俾中環、金鐘的西餐廳！我點的炸蝦到現在都令我回味無窮，一口咬碎的脆，入味的蝦肉，而且好大隻，配上飯汁，其實我可以再食多一客！似乎晚餐餐牌經常轉變，再光顧都已經找不回了。豬扒肉質夠嫩不酥，不會太厚，過厚會容易變韌，黑椒牛扒都是較薄，這樣反而食落有種香脆口感，好味道！肉腸都不失禮，感覺貨源嚴選過，並不是超市買到的普通雜肉香腸，外脆內軟，有德國餐廳的香腸美味。驚喜位來了，女友點

行行吓長洲，已到下午茶時間，見佢之前Lunch嘅時候多人諗住冇死，點知…… 睇勻佢個下午茶和午餐menu都冇咩想食，又貴過出面又冇長洲嘅特色。見到board度寫住「芝士餅+馬卡龍 $40」，我都知係貴咗啲，不過畀起其他食品算冇食水咁深，於是就叫咗嚟食。點知，等……等……等……等咗差唔多15分鐘先上。佢對面就係自己的甜品店，甜品淨咁攞過嚟就得，嗰時間店得兩抬客，使唔使15分鐘咁耐！？我話要趕船，催佢先攞嚟。食物方面，芝士餅嘅味道係對板嘅，有芝士香味。問題係佢嘅質地，實的的。佢唔係元氣芝士蛋糕或者雪糕嗰種實，而是實得嚟用力切就散開嗰種。馬卡龍，係咩味道我食唔出，因為得個甜字，係死甜嗰種。佢嘅外層係脆嘅，但中間嗰部份就冇馬卡龍嗰種煙un嘅口感，有啲失望。pat cream更加係totally out of place，得個甜字，令成件事甜上加甜。最後係價錢。我遇預咗堂食貴啲，但冇諗過價錢差咁遠。外賣芝士餅$17，馬卡龍$10，加埋才$27，而堂食連加一就要$44 如果你唔介意等好鬼耐先有得食嘅就嚟間舖食吧，但我覺得外賣都唔抵

今日約了師姐們郊遊，選址就是我們久未踏足的長洲啦～ 說起來，真的是很久沒有一起離島遊呢，所以今次成行，我們都很高興呀！沒有吃早餐的我們，一下船，實在餓的咕嚕咕嚕叫！師姐的朋友介紹我們到自煮食材試試，所以我們下船後，就直奔自煮食材啦～餐廳小小的，慶幸沒有什麼客人，我們可以隨便坐～ 午餐的選擇也不少，包含餐湯餐茶，都只是七十大洋左右，頗化算的～ 所以我們每人選了一份午餐～等了一會兒，餐湯上桌啦～ 想不到，竟然是南瓜湯，金黃色的南瓜湯，雖然不是很濃稠，但南瓜香氣十足，也不錯～另外有一片蒜蓉包伴隨南瓜湯而上，雖然是即烘的，但麵包不是脆脆的，是帶點韌性，食味一般...煙三文魚忌廉意粉($70)，成品賣相頗漂亮，三文魚尚算肥美，意粉亦頗煙韌有嚼勁，醬汁也調得不錯～餐飲可以選擇花茶，所以點了一杯薰衣草茶，味道清清淡淡的，花香十足，風味不錯～本想點試甜點，但想到長洲還有很多美味的，我們還是留肚比較好！

因為駁船入大浪，所以中午已經入長洲，打算食個飽d既lunch然後繼續行程～但估唔到閒日都咁多人入黎長洲，所以好快咁行入內街睇下有咩野食。一行人都對食野冇咩意見，咁我就提出去間食過既又穩陣既,舒舒服服食個lunch~

自煮食材 @ 長洲入長洲,晚餐通常都係食海鮮，但其實其他都非常唔錯，就好似呢間自煮食材U Can Cook，老實講，店外裝修唔顯眼，但西餐質素幾好，價錢實惠抵食。地點非常易搵，落船後，向右手邊行大約7-8分鐘就會見到。一入到舖頭坐低，睇左一陣menu, 決定叫兩人餐。($300/2位)菜湯(5/10)老實講，菜湯只係普通，無乜特別蜜桃沙冰(5/10)太過甜既沙冰，飲完無乜印象,可取之處,只有大大杯田螺薯蓉(7/10)作為前菜，真係非常好食，田螺鹹鹹地，配上焗薯，兩者互相調節，入口滿足。焗羊鞍(8/10)高質素既羊鞍，外層香脆內層多汁嫩滑，咬落唔un，我最怕咬極都咬唔爛。焗得恰到好處，只有少少羊騷味，真係好正。三文魚白汁意粉(6/10)普通餐廳既意粉，三文魚幾好食，整體黎講，都唔錯總括而高地方幾舒服，食物亦都唔錯，如果唔想係長洲食海鮮，其實黎u can cook 都真係唔錯。

依日約左班fd入長洲camping,我同另一半早d入去行下+食lunch,行完見2點幾..又無食早餐勁肚餓諗住是但入一間食~依間餐廳d服務真係好勁~我地係門口睇左好耐搵位完全無人理我地~等左陣..走去對面食(原來都係同一間=.=)我點左"司華力腸伴生果沙律"($39)條腸好長..味道無特別~生果一般新鮮"炸手指魚伴沙律菜"($38)魚柳唔香脆..肉質差~沙律菜都唔太新鮮凍檸茶 & 凍咖啡(各+$3)~整體食物唔掂~服務好一般

擴充業務，用埋對面鋪位，好坐好多。set lunch 煙三文魚白汁意粉 兩客賣相不錯，一大片煙三文魚很有口感，可惜意粉裡的三文魚碎熟透了，不夠滑。整體ok，只係沒有驚喜。落單即時柯打推介芝士焗餅（紐約/雲石/蘋果味）可享正價減一蚊優惠。幾香，唔錯。用個迷李砧板裝住上枱，幾特別。

去左長洲渡假。。。臨走既時候搵野食，最後選左呢間餐廳!可能閒日既關係，入到去無咩人，我地兩個人點左兩份午餐煙三文魚意粉，好多汁好濃，正！焗豬扒飯，好夠芝士，啖啖都拉到芝士!加錢轉飲朱古力沙冰，沙冰打到好幼，好好飲！呢間餐廳睇落平平無奇，原來都幾好食