臺北棧 (荷李活道) (已結業)

如果唔係事先 book 好枱應該都有排等🤣黑蒜香油牛肉麵湯底嘅牛肉味同黑蒜味好夾刀削麵軟硬適中又唔會碎哂夾埋啲脆脆地嘅配料一齊食，正👍🏻芭樂苦瓜汁估唔到自己會咁健康揀呢個well...苦瓜真係唔係幾啱我😂(朋友嗌咗 綠豆沙牛乳 ，無聽佢話唔 ok 所以應該係 ok)芋泥鹹蛋黃蛋餅 我會將佢歸類為甜品，因為個芋泥都幾甜不過我唔係好食到蛋味/鹹蛋黃味🤷🏻‍♂️ 糖心蛋滷肉飯 偏細碗，不過有 order 其他野食都 ok同我響台灣食嘅差唔多，唔多講😋伯爵茶凍QQ芋圓 呢個都係十分推薦芋圓真係好QQ，茶凍夠茶味，檸檬愛玉好清新唯一差少少就係啲珍珠韌得濟...總括而言，係好食嘅，不過性價比偏低😂而且今次食唔到奶奶麻糬😗仲有好多款想試，唯有下次啦

之前食過Check in Taipei 覺得幾好食，掛住台灣既我又飛黎食下先🥰🥰🥰 🤩糖心蛋滷肉飯🤩 呢個係cp值之選，細細碗但魯肉都唔少魯肉肥瘦勻稱，送飯食一流😚😚😚  😝薯泥起司松露蛋餅😝  蛋餅真係唔係成日有機會食，呢個仲要係特配既材料，賣相都幾令蛋餅包住口感綿密既薯泥，再配上芝士同松露醬，真係好豐富🥳🥳🥳  😚黑蒜牛肉麵😚  呢個既黑蒜味都好出刀削麵都掛到湯😝重點係配料都有好多，牛𦟌係大大舊咁，口感Q彈😚😚  🥳奶奶麻糬🥳 上次黎已經好想食麻糬但賣哂，今次終於食到呢個招牌菜中意食鳳梨酥其實我中意食個餅皮，呢個就啱哂我，佢用上大量既餅皮配上麻糬黎食，第一次咁食麻糬，口感好滑🥰🥰  人均$185食台灣菜係少貴，但見佢環境咁令，食物賣相同設計都咁有特色，都係值得再試既😚😚😚   

因為疫情關係，中環的酒吧雖然重未可以開始營業，但係重有好多食肆選擇，今日就同朋友去咗荷李活道一間人氣台式餐廳check in taipei，餐廳地方不算大，但勝在極具設計感。主打精緻台式佳餚。蟹肉麻婆豆腐撈麵，秘製麻婆豆腐鹹香惹味，豆腐又夠嫩滑，味道香香辣辣，面上鋪滿啖啖肉的蟹肉，味鮮甜。麵條爽彈有口感，掛汁後好惹味，必試！火焰原條鰻魚玉米蛋餅，上枱時，侍應用火槍燒一燒溶啲芝士，提示我們趁熱食，蛋餅用了鴨蛋，蛋味更加香濃，更貼近台灣地道口味！中間原條鰻魚都好厚肉，加入粟米粒增加口感和甜味，配埋燒汁好惹味！凍豆漿，本身是無糖，如需要甜味要同侍應講。

自從無去旅行好耐都無Check-in 啦！估唔到係香港都有機會感受台北風味～手繪雙色鹽酥雞 ($88)大大份熱辣辣，有清新的柚子醬和又香又惹味的黑松露醬，與啖啖充滿九層塔香味的雞肉很夾。溏心蛋滷肉飯 （$55）不用多說就是必點，很像在台灣吃到的。髒髒芋泥鹹蛋黃蛋餅（$85）賣相精緻，連蛋餅的蛋也是流心的！甜品方面，奶奶麻糬（$75）叫了最古早的花生味，淡淡奶味的麻糬配上香口花生，很像是輕盈台灣版的糖不甩。最後還吃了與 hemma.hk 合作的鐵觀音巴斯克芝士蛋糕，有芝士味又有鐵觀音味，黑糖珍珠和它很夾很好吃!!

薯泥起司松露蛋餅，表面鋪滿松露醬、芝士，食落好香口，蛋餅口感煙韌，蛋香味濃，薯泥口感綿密。明太子甜不辣，甜不辣口感外香脆口內Q彈，充滿魚，配以粉橙色明太子醬，味道惹味。溏心蛋魯肉飯，溏心蛋溏心效果突出；滷肉飯食落好入味，肉質肥瘦均勻，味道正宗；黃蘿蔔口感爽脆，味道酸甜。OREO奶奶麻糬，麻薯採用日本鮮牛奶製作，奶味醇厚，口感滑溜，配以OREO食用，甜度適中。手作芋泥牛乳冰，表面鋪滿紫薯粉，芋泥口感綿滑，味道清甜，牛乳冰入口即化。

每次去中環食嘢都真係考驗體力嘅時候,周圍都勁斜勁多樓梯行🥲不過咁都無阻我周圍幫大家發掘好餐廳㗎!!!!😤我今次去嘅係一間台式餐廳,雖然都係食牛肉麵蛋餅之類嘅嘢食,但係餐廳就設計左多款特別口味嘅嘢食,包保你起出面搵唔到一樣嘅嘢食!最重要嘅係,餐廳係有酒飲的🤤牛腱鯊魚骨豆乳湯麵 [$148]湯底聽落已經好特別,而飲落魚味係十分重,仲帶有淡淡豆乳味,十分鮮甜😍至於牛腱十分軟綿,質嫩爽口.薯泥起司松露蛋餅 [$78]雖然松露醬唔多,但係味都好出,每啖蛋餅都有濃濃嘅松露香味,薯蓉食落軟綿順滑,蛋餅食落口感很豐富,十分值得一試🤤溏心蛋滷肉飯[$55]豬肉滷到很入味,食落軟滑而且肉汁豐滿,不過就細碗左少少😢鮮鳳梨果肉梳打/玫瑰荔枝梳打 [$55一杯]鳳梨果肉個杯有好多鮮果肉,飲落鮮甜口感豐富,都好解渴,十分適合夏天飲用. 而荔枝梳打就冇果肉而且飲落只有淡淡荔枝味,味道偏淡😥

收工又去食好西，疫情關係已經好耐冇去過旅行，超級想去香港人第二個家，台灣。咁啱收工之後，經過呢一間台灣嘢食，所以又黎到幫襯啦！嚟到台灣點會少得食炸雞，今次我哋叫咗炸鹽酥雞。個雞好香脆熱辣辣，不過重點係佢右邊個醬，有啲甜甜酸酸我自己超級鍾意！呢一個蛋餅直情有我返到台北嘅感覺，好似果陣係台灣日日朝早食嘅早餐咁，一流呢一個台灣牛肉麵亦都不過不失，分量超級抵食！而且其他配料都好入味，佢牛肉亦都相當唔錯！最後當然唔少得台灣嘅甜品，呢一份芋圓滿足到我呢啲貪心嘅人，咩材料都有啲！

香港有很多台式食店，但要做到食物賣相和味道都一樣好而有玩意的卻不多，這間便是其中一間。「我愛台妹」的霓虹燈牌置在門口的當眼處，店內播着耳熟能詳的台歌。麻婆豆腐手工餃($72)，在肉餃子上澆上麻婆豆腐醬，當中的豆腐粒帶點爽滑，口感與一般豆腐與別不同，提升不少餃子的味道。一直以來都是點麵和飲品，這次髒髒芋泥鹹蛋黃蛋餅($85)確實帶來驚喜。雞蛋包裹着綿厚的芋泥，層層不同的口感，加上本身蛋香及芋泥香，令蛋餅在口感、味道和外觀上都十分出色。芋泥迷必吃。黑蒜牛肉麵($118)，黑蒜的顏色成為這碗麵的主色。漆黑的湯底散發出蒜香。在刀削麵和寬粉絲兩者中選了寬粉絲，十分滑溜，但無阻其汲汁。寬粉絲雖不及刀削麵汲汁多，黑色的蒜湯仍掛上透明的粉絲，令粉絲變成半透明的淺黑色。一大匙的蒜蓉加上麵條上吃，蒜味會更濃郁。旁邊有一瓶辣牛油可隨意添加，但個人覺得湯底味道已足夠，加了反而味道過濃。手作芋泥牛乳冰($58)，芋泥量及甜度適中，能嚐到芋泥粒。芋泥味重，與鮮奶攪拌後，芋泥的綿滑和鮮奶的柔滑非常配合，能嚐到兩種層次的滑。喜愛喝芋泥飲品的不能錯過。鮮木瓜牛乳($58)，主要是以新鮮木瓜味為主，木瓜味非常濃郁，如吃新

2021/4/19 - check in Taipei😍😍😍係無得快閃台灣既情況下不斷search下有咩台式餐廳！終於 比我黎到呢間係soho區既check in taipei🤩🤩🤩一入門口已經聽到播緊好多台灣歌手既歌☺️餐牌款式唔算超多，但係樣樣都會令你想點！最後，我同朋友決左要一個炸地瓜薯條、髒髒芋泥鹹蛋黃蛋餅、溏心蛋魯肉飯、伯爵茶凍QQ芋圓同埋叫左杯鮮薑汁撞奶☺️炸地瓜薯條炸到脆卜卜，而家地瓜本身好甜好夠味！而芋泥蛋餅兩個人ko完佢已經好飽！😂😂😂好足份量，絕對係芋泥愛好者不能錯過既美食！而我本人最最最鐘意，就係呢個魯肉飯😍😍😍魯肉肥瘦分明！😍😍魯肉汁調得好好！超好食！而且細細碗，好岩想叫多款食物種類既我地😆😆😆而伯爵茶芋圓入面既伯爵茶jelly有少少苦澀味！但食多幾粒之後，伯爵茶既茶香味慢慢出黎☺️成餐飯overall黎講，好掂☺️而家價錢合理～人均大約$160 ☺️☺️☺️

台灣餐廳越開越多，今晚一於到中環Check-in Taipei。同朋友嚟到大館對面嘅Check-In Taipei 餐廳加入酒吧元素，門口招牌‘我愛台妹’打卡一流！✨店內環境走型格路線，一邊係酒吧，另一邊係用餐區。先食 薯泥起司松露蛋餅蛋餅比較厚身但口感軟軟綿綿，內裡包住蛋同薯仔蓉，好飽肚啊！蛋餅面層係黑松露醬，散發好香嘅黑松露香味，啖啖黑松露味，唔錯！😋招牌牛肉麵 餐廳推介!! 梗係要試下啦，每件牛肉好大件，炆得好腍！口感鬆化，牛肉味濃！牛肉極之入味帶有滷水香，配牛骨湯底，啖啖精華麵條係台灣刀削麵，口感爽口唔會太腍另外配菜有蛋心蛋同百頁豆腐，好滿足啊❤️最鍾意食手繪雙色鹽酥雞💛鹽酥雞好香，即叫即炸！炸皮好薄，啖啖厚雞肉，好香口👏🏻特別喜歡自家製醬，濃郁嘅黑松露醬同柚子蛋黃醬✨配黑松露醬最啱我口味！😋唔少得當然要食埋甜品啦🤤Oreo奶奶麻糬！必食！麻糬唔係用糯米粉製成，而係用牛奶🥛口感香滑🤤食得出香濃嘅牛奶味配埋Oreo簡直係完美嘅一餐👏🏻

今晚突然封中環區，疫情嚴重，有錢人都會病㗎～～哈哈😄，香港人的憎人富貴厭人貧表現無遺‼️ 偏偏我們就在這邊吃飯，朋友還說會不會封這邊吃完走不了～～，那就吃豆豉鯪魚，喝維他奶吧‼️ 上次去到門口是17:00，18:00才開門，唯有去另一間，今次是預約的喜歡坐吧枱，與朋友並排坐傾偈，感覺良好我們是由灣仔行了一萬步過來的，所以都很肚餓，點了很多，難怪侍應姐姐要再確認一下好想去台灣喔‼️現在只能吃台灣牛肉麵，黑蒜牛肉刀削麵很好吃，雖然有點油，有三塊牛𦟌，兩人分一個好些，可以加其他東西。甜不辣是逛夜市必食的，今晚這個加了沙律醬，有點認不出來～～還是原來的好煎蛋捲好像是必叫的，點了原條鰻魚蛋捲，好有份量，結果好飽，不過又不是好吃到必吃的地步⋯⋯苦瓜汁好喝，苦得很，感覺是真苦瓜～最好吃的是奶奶麻薯，很新奇，口感特別，不是糯米糍呀，沾滿花生碎🥜，又軟又脆，不會太甜，好味‼️ 這個真心一定要留位置吃，不容錯過～～

係為咗傳說中嘅麻薯而黎！8點幾先到都仲有好多人食緊好好彩等左一陣就入到了～Oreo奶奶麻薯 $85哈哈，原來佢並唔係糯米糍，係用鮮牛奶同木薯粉整出嚟嘅，岩曬唔係好食得糯米嘅我！佢係凍凍地，將佢沾上滿滿嘅oreo，有得玩又有得食牛腱鯊魚骨豆乳湯麵 $148 簡左最鐘意食嘅刀削麵比較大塊同帶啲煙韌嘅口感～另外湯底都好特別，係鯊魚骨加豆乳嘅組合，係神奇地好飲仲有一種好補嘅感覺添！仲有三大嚿牛展，牛根分布得好均勻，而且仲好淋鮮蟹肉麻婆豆腐撈麵 $158蟹肉好足料！🦀睇圖都見到係啖啖蟹肉！又一個特別得來但又惹味嘅組合，下邊仲有一啲麻婆豆腐，整個撈麵酸酸辣辣好開胃。餐廳主打創新玩味嘅台灣菜，果然特別期待佢之後再推出更多唔同嘅菜式

聽朋友講中環大館附近有間新派台灣菜餐廳唔錯，於是經開大館就去試下。夜晚7點幾去到，由於冇book位，係門口排左20分鐘左右先可以入去。order左3樣菜，有蛋餅，牛肉麵， 滷肉飯。先介紹呢款， 火焰原條鰻魚玉米蛋餅，價錢$148。成條鰻魚上，都燒得幾入味，蛋餅嘅皮都夠薄，不過面上嘅醬就多左d，如果少返d就好，因為比較溜。另外就係招牌牛肉麵，價錢$118。湯底濃，牛肉香口同軟，仲有蟲草花，都幾補下。最後，食台灣菜梗係要有滷肉飯，價錢$55。肉質軟，溏心蛋正。總結，大致味道都好食，食物份量都算大。唔怪得間鋪頭full晒。裝修都有台灣味道，有周杰倫嘅相... 希望可以快d可以去台灣食當地嘅美食

中環美食雲集又夠國際化今日就去治吓冇得去台灣旅行嘅癮呢度算係一間酒吧式嘅餐廳三個女仔叫咗個五個菜式(最後係夾硬食晒佢嘅)1️⃣髒髒芋泥鹹蛋黃蛋餅整體係偏甜嘅 雖然加咗鹹蛋黃不過味道唔夠出 始終係新式菜式 無保留到台式蛋餅嘅特式 有醬汁 所以略為失色2️⃣手繪雙色鹽酥雞雞件好大件 偏濕 炸得唔夠脆醃得夠味但不夠台式覺得係兩個醬拯救咗整體嘅味道3️⃣明太子甜不辣我覺得係最好食鐘意佢個甜辣醬 有明太子好惹味甜不辣又好煙韌4️⃣Oreo 奶奶麻糬呢個好難整得好食 覺得喺香港食過咁多間呢間算係唔錯 麻薯質地流質得嚟又煙韌 如果可以有少少Oreo 整嘅醬 平衡翻太多Oreo碎好乾嘅問題就好了(雖然原本食譜無得咁LoL)4️⃣黑蒜牛肉麵呢個係今晚第二好食 黑蒜味好香又唔會太咸牛肉又夠多配料又好足 係幾好食不過黑蒜味少少蓋咗牛肉湯底嘅味總括而言 係幾enjoy係度食飯 台式餐廳嚟講算係不錯~

近來疫情放緩，要多外出用餐享受宅渡假，以解未能旅行之苦。其中一間推介的必去餐廳一定是check-in-taipei。今日跟朋友再光顧，就讓自己再感受一下去台灣享用美食的快樂時光(笑)。其實今次主要想再試一試本店的招牌菜 - QQ麻糬，之前光顧的時候試不到，所以今日已經早一點到，但仍然售罄，有點失望。所以就試另一款甜品，伯爵茶凍QQ芋圓。另外亦點了一些小食及主食，包括台灣腸、蛋黃餅、牛肉麵及苦瓜汁。先上枱的是蒜香三色台腸，台灣腸有兩種，分別是紅色和黑色，切成片狀再煎香。台灣腸向來好味的地方就是充滿油香，鹹中帶甜，而且有肥豬肉的口感。加上蒜片，炸得香脆，亦令鹹香味更上一層樓。值得一讚的是食物切片不會太薄，因此仍能保持台灣腸有咬口的口感。由於朋友第一次光顧，因此點了招牌牛肉麵給他試試。今次選了刀削麵，麵質偏厚身，彈牙，掛湯。牛肉是牛𦟌位置，炆得十分腍身軟口， 而且充滿牛肉香。湯底是傳統台灣式的牛肉湯，鹹香味道偏濃，很有台灣感覺。另一款主食是髒髒芋泥鹹蛋黃蛋餅。之前試過黑松露芝士蛋餅，味道已經驚為天人，而這一款則是另外一種感覺。本身蛋餅的蛋皮很Q彈軟熟，中間的芋泥蓉填得滿滿，芋泥有濃濃的芋香味