臻.茶 (荷里活廣場)

營業中

休息中

話説今日同女朋友行完街勞動完(血拼完)，岀面好大雨，焗住留係商場，累累地就去買杯就野飲，估唔到有驚喜！叫左杯凍芝芝芒芒，果肉多，芝士味濃，最緊要唔人工甜，值得一試，10分俾9.5分😋女朋友叫左杯黑糖珍珠鮮奶，珍珠口感煙韌，黑糖味香，不過佢點左微糖，點知真係微糖，可以甜多少少，下次識叫啦😂就走既時候見到隔離叫左杯超級水果四季春，大大粒水果肉，好似好吸引咁，下次🥳一定要試！超工der (香港人明既就會明)

見到評論褒貶不一，於是放工行過就買咗杯芝士芒芒試一試伏。拎到杯嘢飲見到都幾靚，芝士份量唔孤寒。叫咗少甜，都擔心芒果可能會酸，但係飲落都冇飲到酸味。芝士味濃郁，芒果味都明顯，同埋飲得出淡淡哋嘅綠茶味。戴返頭盔先，個人口味同意見，只係做個參考總括係個不錯嘅沙冰，夏天買嚟飲啱啱好，見到佢哋都有其他飲品做緊八折，但係芒果冇折，下次再嚟試下其他。

剛剛在荷里活廣場吃晚餐，離開前看到「臻.茶 Fantastic Tea」，所以點了一杯名叫芝芝芒芒的飲品，古名意思杯飲品上層四分之一是芝士奶蓋，下層四分之三是芒果沙冰。其實上層芝士奶蓋是正常好味道，但下層的是沒芒果味的芒果沙冰，價錢是$38元，完全浪費我的金錢！另外我同行兩位朋友也嘗試同杯芝芝芒，試後感同様覺得這杯芝芝芒芒是沒有一丁點芒果味，大家也是極為失望🤮🤮🤮如果不是我開車離開了商場，我停必回去要求更換，真心難飲呀！ 超級難飲🤮🤮🤮完全不推介這家劣質茶飲店「臻.茶 Fantastic Tea」❌❌❌❌❌❌

早兩日試咗杯菠蘿沙冰 諗緊飲咩嗰陣咁啱見到有店員切菠蘿 原來真係用新鮮生果打出嚟👍🏻👍🏻 沙冰打出嚟嘅口感好smooth😋 feel到唔係hea沖 仲有啲菠蘿肉可以食下 鍾意菠蘿或者飲沙冰嘅朋友唔好錯過啊！！

尼幾日氣溫急降 得番十零度 本身好少飲尼啲飲品店 但見咁凍就想買杯熱嘢暖下身 店員推介咗杯紫薯 估唔到比想像中出色 唔會太甜仲可以食埋紫薯肉 店員都好好 問我要熱啲定暖暖地 好細心

冬至約咗屋企人喺荷裡活廣場做節，經過呢間奶茶舖決定一試！因為我個人超中意飲奶茶，所以我對奶茶嘅要求都幾高～ 😎 揀咗杯市面上少有嘅—大紅袍珍珠奶茶🧋結果冇令我失望！ 茶味香濃，珍珠軟硬適中有機會一定會再幫襯 🥳

雖然唔多食評 但見全部評語都幾好所以就試下唔知係我叫咗啲呢間舖唔拿手嘅定咩 但真係好難飲😐我分別同我朋友叫咗一杯大紅袍奶茶($25)同埋一杯白桃紅茶($20) 兩杯都少甜少冰首先 奶茶無奶茶味 我的確係飲到茶味 但成杯嘢都好淡 好似就咁去茶樓飲茶嘅感覺 已經叫咗少冰都可以淡到咁😓另外係杯紅茶 我朋友係形容白桃味極少 唔話你知你都未必飲得出😶自問都幾常飲手搖飲品 不過好少寫食評 但呢間真係難飲得太誇張 希望其他人唔好被佢伏到...不過... 可能佢啲水果系列ok掛... 但我就唔會就浪費金錢了😬

🔸滿杯紅柚($26)🤩🤩最近有新產品，就係呢杯滿杯紅柚，好清爽。同水果茶比較，算係真材實料，唔太甜。賣相都唔錯，買黎打下卡，呃下like🤣🤣重點係，而家仲有七五折啊~📣即係$26就有一杯啦😍😍快啲去買來飲吓啦🏃🏻‍♀️🏃🏻‍♀️

行經荷里活廣場見到新開臻.茶分店(之前無幫襯過)，因剛跑完步好熱又唔使排長龍，所以試咗個瓜瓜爽爽（其實即係西瓜🍉沙冰）算係幾真材實料，唔太甜，消暑一流，新開張期間有其中十款左右飲品做緊八折優惠，之後應該會再試下其他口味(例如芝士火火(火龍果)唔知掂唔掂)，希望其他款式都啱飲😌

果日去咗荷里活商場行街，諗住搵間台飲店解渴，見到呢間小店接受我自攜杯，而且做間優惠所以就買啦。menu都幾多野減價，我揀左超級水果四季春走甜。走甜之後飲落都夠甜，飲完之後見到杯底有兩大條西瓜，兩片橙可以食，幾滿足。

行過見到就買咗杯普通珍珠奶茶$25 買完見到佢幾深色 第一印象唔錯飲落第一啖冇奶味冇茶味得朱古力味😂我懷疑佢啲顏色係落朱古力粉🤫之後有茶味湧番出嚟珍珠軟硬適中 幾好成個配搭「朱古力」奶茶幾得意 唔錯😋

在荷里活廣場新開分店(之前無幫襯過)，本人一向對芝士奶蓋無乜太大興趣，但因天氣太熱見又有八折(折後$30)，所以試咗個芝士瓜瓜(西瓜)，估唔到又幾好飲喎，芝士奶蓋唔會太咸但奶味香濃(怕奶人士唔啱)，西瓜沙冰算係幾真材實料，消暑一流，短時間內已經回購咗三次(肥死)新開張期間有其中十款左右飲品做緊八折優惠，之後應該會再試下其他口味(芝士火火(火龍果)唔知掂唔掂)，希望其他款式唔會中伏啦！如果可以喺荔枝角D2附近開分店就好啦