興旺牛雜粉麵

營業中

休息中

興旺牛雜粉麵😋😋😋快D來開餐啦深水埗搵便宜嘢食的集中地、便宜又唔代表好食、好食又代表好平宜、興旺帶來雙贏🥳、粉麵店簡單整潔、善用空間、可以讓更多人品嚐、嘻嘻！金牌牛三寶麵$50🐂牛腩、牛肚、牛筋粉麵店招牌必備「牛三寶」、各式其式、每店都🈶️自家袐方😘😜牛腩、牛味香濃、帶煙韌有嚼口。牛筋軟綿綿、夠香腍夠滑滑。麵底米線、煙韌有口感。好味食材、售完即止！所以冇牛肚吃、有點🉑️惜🙄只好留返下次再吃😅餐飮配凍奶茶+$5有茶香味、奶唔會掩蓋茶味、yummy 淨上湯鲜蝦雲吞$35抵、抵、抵食、大大粒、最重要每粒雲吞內、都有兩大粒鮮蝦🦐、鮮味彈牙🈶️口感、碗內共🈶️七粒、🆚其他小店、當午餐、晚餐🥣都能吃飽飽👍🏻👍🏻郊外油菜$10綠油油、青脆爽口、雍菜配腐乳醬、配搭一流、提升味蕾口感！每曰必須**醒神早餐街坊價**早上7-8am送凍或熱飲全埸$28👍🏻👍🏻多元化粉麵店、仲🈶️飯供應！興旺牛雜粉麵（深水埗）深水埗汝州街237號-241號玉泉樓地下D號舖港鐵深水埗站A2、出口步行約4分鐘

問心幫襯幾次d牛坑腩同水餃都係好食既，但今次外賣一打開見到其中一粒豬肉丸被人咬左啖好離譜唔衛生亦無哂胃口🤮唔知廚房偷食定出完餐d客食剩再翻用…😫至於海南雞飯.. d雞斬到一忽忽、飯係炒飯黎有薑蓉但無平時食開海南雞d甜豉油/甜酸醬跟..野飲方面 - 凍檸茶過得去，但凍朱古力同凍利賓納都極淡味，凍朱古力似飲奶水.. 凍飲加$5唔預期會慳料到甘….🫠另外，d餐具乾淨既但餐牌就好似無人抹，有時攞上手有d污糟，痴納納..

牛腩麵向來都係平民美食，一向都好鍾意食。深水埗最近開咗間牛雜粉麵要嚟試下先。 牛三寶河粉有牛腩🐮、牛筋、牛肚，一次過可以滿足3個願望，牛腩肥瘦適中，油脂分布很均勻，炆得夠入味，而且好鬆軟；牛肚份量都多，嚼勁十足有口感；牛筋軟棉嫩滑。河粉滑不溜“口”，加埋秘製嘅腩汁，湯味濃郁！ 崩沙腩幼麵：崩沙腩比一般牛腩更加爽軟，充滿油香，而且唔會太肥膩。湯底濃淡得宜，帶陣陣牛香味，幼麵爽口。 淨雲吞：雲吞都幾大粒，雲吞皮夠薄，餡料豐富，啲蝦又好大隻。 淨墨魚丸：墨魚丸有6粒，粒粒雪白彈牙，都幾爽口，配上青葱，份外清香。

淨上湯鮮蝦雲吞 ❤ 內餡有爽蝦配豬肉，爽口皮滑，雲吞皮薄，大細岩岩好~🔥淨上湯墨魚丸 ❤ 入口爽口彈牙，食到有墨魚粒，鮮甜味美，真材實料，彈牙有汁，粉感唔重，肉質爽嫩，足料!❤淨上湯魚蛋 🤤 魚片頭每邊都炸得金黃夠哂爽彈，魚白蛋軟滑、彈牙。一碗滿足你3個口感😋金牌牛三寶米粉 😎 有牛腩，牛肚，牛筋 份量都唔小，牛筋好淋好入味，牛腩淋身同唔韌，蜂巢紋既牛肚有咬勁又唔會靭。😁新鮮豬潤米粉 😈 份量唔算多，但豬潤每一塊都好有口感，又唔腥，仲配有薑絲夠哂補身。

星期日都要返工，放咗工就去咗深水埗附近食個下午茶，見到呢間下午茶好抵食，送嘢飲，油菜都只係$10一碟，一於入去試吓！！😆😆😆一直都超鍾意食豬雜，佢呢度竟然有豬雜白菜湯😍😍好吸引😍😍叫咗一碗黎試吓，黎到好多料，湯底亦都好鮮甜，配上菜，有益又健康😋另外再叫咗一個南乳豬手米粉，豬手炆得好入味，亦都好淋，連啲骨都我可以咬埋佢😆😆佢嘅油菜實在太抵食，而家邊度仲有$10嘅油菜😍😍😍叫咗個腐乳通菜😆😆超抵食，而且舖頭亦都好闊落，不錯！！

☝🏻每次經深水埗都會對呢區既飲飲食食選擇困難🫣，近排中日西食多左，系時候食番地道嘢，正想搵間車仔麵/牛腩麵店撞見呢間人流暢旺小店，光猛+感覺衛生還可以，不容錯失啦當然～一眼望晒枱局，大約5-6張圓枱左右，客源輪轉，食完就走一走又有人入，上枱，5-10分鐘內嘢飲+食品全齊，食緊途中隔離枱都換左好幾枱，唔系講笑都認真幾旺🤔👉🏻金牌牛三寶麵呢到牛三寶分別系：牛肚、牛筋、牛腩，牛肚對比出面食到更為厚切，味道食出已經醃製夠晒入味+煙韌口感，牛筋入口似花膠質感，咬落黏黏地未去到痴牙，而牛汁入味，牛腩質肥瘦均衡，食落肉+脂肪同時間融合必須要讚一讚湯底一d都唔過油，比著平時食開牛麵容易見到成層油脂系面，而呢到湯入口唔會覺得太肥膩👍🏻😚👉🏻馳名崩沙腩麵「崩沙腩」，系橫膈膜附近，兩邊腩位打開似蝴蝶🦋，先叫做「崩沙腩」，有層薄膜+豐富膠質，爽軟鮮嫩不硬同時間叫「爽腩」。呢到崩沙腩比想像中俾得多，$45都成5-6塊厚切既，帶少少爽韌，牛味都系香濃，配牛麵一流👉🏻淨上湯鳳城水餃🥟原本打算來貨嘢，驚喜食到鮮包水餃，餡料充足：木耳絲、蝦粒、肉碎、蒜粒，蝦系彈牙新鮮，雲吞皮唔會過厚，食落又香又鮮，配埋幾條生菜🥬食得滋

財爺話留港消費振興經濟，(深水埗)興旺牛雜粉麵價錢大眾化，店舖裝潢簡約，客人都穿梭不斷，食好嘢當然是這樣啦😊🤩🤩招牌豬雜麵~材料極豐富有粉腸、豬潤、豬心、豬腰……等🌟豬粉腸清洗得好乾淨，吃起來有粉狀感🌟豬心口感帶爽脆🌟豬腰無膻味🌟豬潤口感鮮嫩🌟麵條口感紮實帶煙韌，吃起來好似橡筋一樣有彈性🤩🤩五香牛雜麵~牛雜材料足料🌟金錢牛肚爽口帶煙韌🌟牛腸煙煙靭靭、濃郁牛香🌟牛肺口感很特別味道爽爽脆脆🌟牛膀五香味濃郁，口感粉粉地🤩🤩招牌雲吞雲吞皮薄，餡料新鮮，豬肉新鮮嫩滑，鮮蝦爽脆彈牙🤩🤩水餃木耳爽脆，配入竹筍鮮甜，加上鮮甜爽脆鮮蝦，混入新鮮嫩滑豬肉，令每隻水餃脹卜卜😋