芋圓一

營業中

休息中

好日都唔會去西營盤食飯，難得去開呢頭食飯，食完就揾糖水食。水街下底嗰間食過幾次，响Openrice揾到呢間芋圓就撐上去斜路頂試下。雖然大熱天時，同朋友兩個都係叫熱嘅食。我嗰碗紅棗桂圓清心丸芋圓真係好普通，水多料少，每樣得幾粒，$45完全唔吸引，仲要個水唔多好味。咩台灣古早味又真係吹得太大。平時食嘢冇影相習慣有啲後悔唔影低加入呢個食評度。可能食凍野食冰類會好食啲。如果你食過响太子嗰間芋圓，相信你都唔會再去呢間，價錢同質素都冇得比。

桂花仙草芋圓 冷（$40）呢間係近期最愛食既台灣糖水店，唔駛去台灣都食到超足料古早味芋圓，桂花清香唔會太甜，手工芋圓非常煙韌，仙草好滑，好鍾意佢地既粉粿，仲配埋珍珠、薏米、白玉，唔止配料非常豐富，成碗野既口感都好豐富，樣樣都好味，食到好滿足。天氣涼涼地就比較喜歡坐室外感覺好舒服，另外佢地仲有二樓可以堂食，有好多座位，如果怕熱可以上二樓有冷氣。QR code自助下單+送餐服務，但記得食完要自己將餐具交還到櫃枱店員。

同朋友喺西環食飯後, 諗住附近食碗糖水,搵到呢間芋圓一, 芋圓都係我喜好,咁就試吓呢間。睇完menu後, 很多款都有興趣，最後揀咗香芋芋圓仙草(冷）價錢 $43。碗芋圓上抬後, size都幾大碗吓。除芋圓仙草外,仲有愛玉,珍珠等其他配料,加上香芋底 ,未食已經好吸引。我覺得芋圓咬落會比較實, 缺乏”煙韌”嘅質感, 其他配料就ok正常。所有料撈埋香芋底一切食, 其實係好食嘅, 味道亦唔會太甜，食得舒服，成碗食晒，好滿足。

如果唔接單就一早close左OpenRice個平台點餐。朋友現場落單時問左店員OpenRice未接單，佢話等陣睇下但一直冇睇。到過左接單時又等左10分鐘以上先可以同店員溝通。今次佢話冇再接OpenRice。講完又冇再問我叫左咩。朋友現場叫個等左超過20分鐘，完全超過店員之前講的10-15分鐘，最後都等唔切要退款。明白得一個店員係忙，但做唔到咁多單又唔太想理現場買外賣的人不如一早係門口講只做外賣平台（不包括OpenRice）

最近我經過西環，發現咗一間來自台灣嘅甜品小店。一入眼佢俾人第一感覺就係好清新，好文青feel，同埋一種好輕鬆舒服嘅感覺。☺️甜品店分為上下兩層，地下可以坐喺室外位置，可以感受吓初秋嘅涼快感覺。至於樓上就有人手嘅壁畫設計，影相打卡都一流。😍多芒小丸子加桃膠首先小丸子呢啲份量十足，每粒都煙韌又滑嫩，好好咬口。至於主角芒果都非常新鮮，相當香甜。芒果同桃膠嘅結合仲好有驚喜，無論係味道同埋口感都相當配合。🤤椰汁海燕窩芋圓呢款甜品絕對係一個舖頭嘅精心杰作，我自己都好推薦。椰汁滑溜嘅質感同芋圓的韌度出奇地結合，芋圓嘅咬口好好，絕對係令人地越咬越上癮。海燕窩亦都唔單只係配角，每一啖都有濃郁嘅椰汁香甜味。😋食完呢間甜品屋，唔單止味覺嘅享受，更加係一種身心嘅滿足，因為成個感覺都真係好似返咗台灣咁樣。🤣絕對值得一試同支持嘅小店。

上星期堂食左🏵桂花鮮草芋圓 ($40) 加湯丸($10 有兩粒)🥥椰汁海燕窩芋圓($42)人均消費 $50我自己個人比較喜歡桂花鮮草芋圓桂花好清香 卻唔會搶左其他配料嘅風頭鮮草嘅滑溜係我意想不到嘅我用匙羹都盛唔起🥲食嘅時候都係將口放喺碗邊不過亦係因此而口感好滑好正芋圓方面 可以食到真係有芋頭粒‼️同街邊啲純粉團唔同🤩不過 我最喜歡嘅係佢嘅黑珍珠蕾蕾我本身係個唔食珍珠嘅人因為唔鍾意咬唔爛嘅感覺但佢地嘅珍珠比較爽口我就好鍾意❤️椰汁海燕窩芋圓就可以見到一大啖燕窩 正但基本上就係只有椰汁味無桂花鮮草芋圓咁多層次但都好味嘅 大愛椰汁嘅人應該會好喜歡除左食野 店內仲有好多graffiti 好適合打卡 我都有淺拍幾張啦～

記得很久之前吃過大角咀的芋圓一後意猶未盡，滿滿的芋圓實在令芋圓控吃完又想再吃，可是之後他們結業了🥲最近他們重新出發，並再悠閒的西環開店，有多款精緻甜品可以試。🔹桂花仙草芋圓芋圓圍繞著碗邊很好看☺而且份量頗多的，每一粒都很有咬口不會太軟，和甜甜的芋泥一起吃芋頭的味道再提升了，桂花汁讓甜品不會太稠還帶清新花香，上面的薏米很有咬口，仙草都很清新😍 🔹冰糖燉雪梨芋圓朋友想吃清一點，選擇了這款，整體味道跟我的相比會比較淡但很滋潤，清心丸很飽滿，和芋圓是另一個感覺，兩者一起吃口感更豐富，加上滿滿的桃膠，很滋潤。看到形形色色的冷泡茶，我忍不住點了一支桂花烏龍😂它的味道很濃郁同時又解渴，喝完後回家我又再加水泡多一次，依然很香🤤

偶然發現之前大角咀嗰間芋圓一，當年真係芋圓最愛原來搬咗係西環已經開返一年喇，味道仲係以前嘅味道😌不過門面太隱蔽...好難先會發現，出面無招牌，唔係刻意搵呢間嘢應該唔會知有間甜品舖😆

💖西環呢間甜品店主打各種仙草、芋圓甜品，近排仲推出刨冰🍧系列。採用QR code落單📱，方便快捷。1⃣️桂花仙草芋圓🌸 $40🔸雪燕 +$7💖推薦！有傳統、芋香同桂花三種口味，桂花汁味清甜帶啲花香。$40黎講好大份，有仙草、薏米、白玉、粉菓、珍珠同芋圓，仙草滑嫩Q彈，白玉煙靭、珍珠香軟但唔會太淋、芋圓有咬口。另外加配左雪燕，份量足滿滿骨膠原～2⃣️多芒小丸子🍡 $45🔸蒟蒻 +$7💖超適合夏天嘅甜品，大大塊飽滿嘅鮮芒果肉🥭配上白玉同芒果汁，香甜得黎滑溜溜，芒果汁唔會假甜。加配左口感好似爆爆珠💥嘅蒟蒻，咬落好爽！💖除左甜品仲有燒賣、花枝丸等台式小食🇹🇼同花茶果茶，用食區係樓上，隱私度唔錯👍🏻。

今日喺附近食完飯，想食糖水所以就黎左。呢度地方唔大，但係上層都有好多位，好適宜一班朋友一齊嚟傾偈食糖水。呢度係手機落單，好方便。我地叫左芋香仙草芋圓同4.3牛乳桃膠芋圓。名不虛傳，個芋圓好彈牙好有口感，加埋仙草同惹米，咬落好有層次，唯一係我地走左冰底，如果有埋冰底應該會更正。而我自己就最鍾意個牛乳桃膠，佢地好夾，桃膠好爽口，牛乳仲要係熱嘅，好impressive! 呢度啲糖水都唔貴，鍾意自己配搭都得，亦唔會貴太多，所以大大推薦！

已經食過好多次，今次仲要食到一半先記得影相。個仙草依然keep住好香好滑，芋汁同埋芋圓全部分開另上，呢一個包裝真係好細心。個外賣雖然到咗大半個鐘先得閒食，但個芋圓仲係勁煙靭，真係可以一再encore

當我知道呢間之前位於大角嘴既芋圓店要停業一段時間就感到好失落, 最近佢地終於係西營盤開返喇, 黎開港島呢頭梗係要支持下啦, 呢度有門口兩個戶外高枱位同樓上既卡位, 牆身仲佈滿可以既壁畫添😎 餐牌同以前差唔多, 質素都係一樣咁好😍桂花仙草芋圓🍡($40)清香既桂花味配上手工製既煙韌三色芋圓, 仙草, 粉粿條, 小丸子, 薏米份量十足, 係一個幾清新既甜品😍手工大芒果糯米糍🥭($40)2粒大大粒煙韌糯米皮包裹住微酸既芒果肉, 不錯, 另外仲有貓山皇口味可以選擇🙃冷萃菊花普洱茶🌼($18)浸泡到出曬味既菊普有兒時去飲茶既味道, 菊花味好突出, 配甜品飲好夾🥰食物既水準依舊, 都有好多人黎幫襯, 下次會再黎😉

同朋友食完lunch係西營盤想搵糖水食，搵到呢間專食芋圓仙草店就去試。門店有兩層高 門口仲有個小露台位感覺幾度假feel～好方便上去上層坐低就有得掃code自己落單，好快就有人將野袋送上來了。除咗甜糖水仲有小食叫，好吸引！椒鹽炸燒賣熱辣辣 炸得勁香脆 椒鹽味真係冇得頂！地道小食真係世界第一！yummy!桂花仙草芋圓桂花汁香味好濃 唔會過甜 好清香 仙草滑 芋圓係超煙韌！仲要好多粒！仲有好多配料 白玉 珍珠 粉粿 薏米，全部都係好煙韌有口感！大大碗勁抵食～芋香仙草芋圓呢個係香芋汁配仙草底，又幾夾！唔會太過甜膩～都係有好多配料 食到飽！真係粒粒都好有口感！正！

蕉媽和MM爸對西營盤水街充滿回憶大學畢業後蕉媽喺水街住過幾年以前成日喺水街附近食嘢今日喺OP搵到水街有間新新哋嘅糖水舖所以過嚟試吓咁啱落大雨一個人都冇我哋變咗包場上到二樓見牆上面有好多得意壁畫好啱打卡📸今日我哋點咗😁1️⃣桃膠雪燕窩清心丸芋圓（熱）2️⃣多芒小丸子（凍）以糖水嚟講算好大碗，對得起個價錢😀。桃膠雪燕窩清心丸芋圓好足料，桃膠爽口，芋圓夠煙韌，加上燕窩養顏，感覺很滋補。不過糖水味道略甜。多芒🥭小丸子🍡的芒果汁非常香甜，小丸子煙煙韌韌有𡁻口。如果糖水凍少少會加分。我哋食完剛好停雨，陸陸續續多了幾台客人。我們成功包場半小時😆。

西營盤水街仲有一間台灣甜品店，雖然餐廳空間唔算好多，但係有好多唔同種類嘅台灣小食同甜品。招牌的手工芋圓是店主每日新鮮製作，有芋圓、蕃薯圓和紫薯圓3款種類。🌟芒果甘露芋圓(冷）可加黑糖珍珠 呢個極力推介，因為碌柚唔會有苦澀味之餘，芒果又甜又多入邊仲有唔同味道嘅芋圓，煙煙韌韌，仲有好有咬口嘅蒟蒻，滿足到我呢啲最鍾意有口感嘅朋友仔🥰加咗黑糖珍珠就更加豐富，芒果香濃仲有咁多配料，簡直係一碗甜品滿足晒咁多願望。🤭👍🌟多芒小丸子(冷）呢個多芒小丸子好足料，份量十足，芒果又甜又多汁，可以加其他配料添。芒果汁香濃，加上小丸子嘅彈牙，好好味。🌟手工大芒果糯米糍2件 糯米糍嘅皮都好薄入邊有好多好甜又新鮮的芒果，如果鍾意芒果嘅一定覺得好好食。$40有兩件大大件嘅糯米糍真係好抵食🤭🌟冷萃桂花烏龍茶 食完啲甜嘢飲呢個桂花烏龍茶就一絕。🌟冷萃白桃烏龍茶 帶少少甜味同香味，桂花就會清淡一點。