芝味鳥 (已搬遷) 新店位置

安定呢間芝味鳥應該十年都有，野食真係好吃過M記，不過兩睇，因為佢呢間無薯條，反而有每次都炸到好香既炸雞。今次叫左個皇牌套餐，其實佢既分類只係份量既分別，分別都不太大。不過我奉勸男人就叫皇牌，否則就會唔夠食。佢每日的粉面套餐都是有分別的，今次都叫左個海鮮焗飯，因為由小到大食左咁多年既經驗，除在焗飯，其他外賣都不太好吃。海鮮焗飯的料次次都好足，加上佢焗到D白汁有少少燶燶地，味道一般，但我就食哂。另外叫左個十年都一樣既忌廉磨菇粟米湯，味道似金寶湯，料足，粟米入面最有營養個粒芯都起到，不過去到最底永遠都有D粉狀既感覺，睇黎佢地落生粉落得太多。炸雞睇黎係呢間店既招牌菜，永遠隔15分鐘，拎番屋企都會仲香、仲熱、仲脆。不過缺點就係你會見到炸雞先生滴油，不過幾岩我口味，因為佢雖然油，但係好乾身，好脆好熱。不過外賣次次都要等4-5個字，好慢，因為佢樓面得1個人，入面個廚房就得3個人，我都慣了，玩玩下手機都過左。

自從幾年前朋友聚會中試過佢地既pizza同炸雞~ 真係平靚正~ 所以好耐冇食過Pixxx Hux 同上校雞~ 今晚懶煮dinner~ 快靚正咁黎返個高卡路里餐~ 18:15打電話叫左個 $133 既"星期一至五套餐"~ 包括: 大批1個, 意粉/飯 1客, 咖喱角春卷/炸雞2件, 田園沙律/餐湯2碗/汽水2罐~女侍應話等大約45mins~ 咁一路上網一路等啦~ 點知~ 18:30 就有人敲門~  嘩!! 15mins就送到~ 快到好似方太教煮餸咁.... 整定~ 從未試過嗌外賣快成咁~ $133 有D咩食呢? 1個環球世界大薄批~ 香辣海鮮焗飯~ 2件炸雞~ 2罐百事~~環球世界大薄批 - 即係PixxxHux既至尊批咁~ 咩都有~   個批好求其咁切左幾下就算~ 完全分唔開~ 要用刀再鋸先可以將佢地分開~   味道可以~ 用料足~ ~香辣海鮮焗飯 - 食完pizza同炸雞已經食唔落~ 留待明晚dinner~ ~炸雞 - 一雞肶一雞胸~ 今次個皮唔夠脆, 淋左~ 個皮炸得比較深色~ 有D過左火咁~   朋友話件雞胸個皮較厚~ 我舊雞脾就OK~ D肉唔鞋唔韌~ 

以為母親節大多數人會出街食, 為咗唔想同人迫, 唯有食pizza, 但點知同出街食冇乜分別, 都係唔多掂...........之前打去問過外賣自取要等幾耐, 個老細答廿分鐘左右, 於是我地六點半叫, 諗住七點有得食, 點知第一次打去响到爆都冇人聽, 再打去, 直頭打唔通, 隔一陣再試都係咁, 唯有行落去門市直接order啦~~未有到去都見到條人龍, 排緊隊時又聽剽d等緊外賣的人話等咗差不多成粒中都未有, 嘩,,,,,,,,,,,,,,等咁耐, 早知叫pizza hut好過啦~~ 但都已經去到, 唯有焗住要幫襯, 因為唔想再行去第間, 根本人手唔夠, 個女仔收收下錢又入咗去廚房幫手, 個老細坐响隔離又唔理, 電話係咁响又唔聽, 係咁望住個mon都唔知做乜? 落單又慢, 服務態度又唔見好得去邊, 仲要等咁耐, 都唔知點解仲咁多人幫襯, 可能係平掛?終於落完單, 問佢要等幾耐, 佢話你預半粒中啦~~ 真係信佢一成都雙目失明, 個個都話等咗成粒中, 仲一路咁多人order, 點只等半粒中丫..........好奇怪地佢拎出嚟叫的no, d pizza都唔算好熱, 再加上如果冇人拎, 佢就咁放响

約左朋友係安定等，點知佢竟然遲大到....無奈之下就去搵野食....俾我發現有一間PIZZA 店，入去試下先~不過一個人又無理由叫PIZZA既,SO我叫左佢地另一招牌菜 - 炸雞等左一陣....(其實都有一段時間,不過因為一邊打機,所以冇留意)D野食黎喇~望落去都幾正~新鮮熱辣辣，搞到我都唔敢即刻食...試食一啖，OK喎~~D肉有調過味,SO雖然都係急凍貨，不過都好好食~而且炸得剛剛好,D肉熟得黎唔會DRY,仲有肉汁.我覺得好食過KFC 果D TIM ~下次有機會再食過~~

之前叫親pizza外賣一定係pizza hut, 上網睇過食評見呢間好似唔錯，就決定試呢間啦!叫左個輕便套餐，炸雞兩件，garlic bread 4塊，同埋一個泰式辣香雞pizza!炸雞好好好好好味呀! 我從來未食過咁好食0既炸雞！個皮好脆，雞肉一d都唔鞋，仲好juicy~garlic bread黎到已經唔太脆，要自己放入焗爐re-heat。第一次食咁特別的pizza，好味!d炸雞實在太好食喇，事別一星期，叫炸雞外賣，6件雞兩個人係食唔晒ga～佢個menu同芝脆雞個menu係一模一樣，佢地係咪同一集團？下回來個Pizza & Chicken VS 芝脆雞!!!!!

本來想叫外賣點知要等兩個鐘就堂食。好彩唔駛等位！叫了一個堂食的四至五人餐，埋單都係$188，平過外賣呀！味道方面：香草烤雞Pizza - 焗得好香又脆，等咗十幾分鐘就有得食唔算耐。食得出加料芝士(I love it!)，第一次食有加蛋的Pizza...好味！栗米忌廉湯 - 基本上係普通過普遍的湯...罐頭湯可能仲好味啲啦！好稀...不過係唔想飲氣水的唯一選擇。白里香燒豬排骨 - 薯角夠脆但頗鹹，豬排骨燒得夠香又淋又入味，好香香草味，加埋個醬好好食。可以畀十個得佢呀！夏威夷豬柳焗飯 - 個汁無論係顏色或者個味道都非常之怪，豬柳多，啲飯唔好食，又硬又軟好似熟唔透。難食到我都忘記了影相...炸雞 - 一共有5件，最後一件要三催四請先來，要臨走前兩分鐘先有。成日話未炸起...唔通得一個炸爐炸雞最多炸四件？其實味道都唔錯，雞肉滑又夠大件...要食平嘢就要在服務方面取捨一下啦！一分錢一分服務啊！

次次去食pizza都會去呢間，但自此之後，一定唔會再去!!!!!點解!??呢間野都唔係做生意，明明俾左錢落左單，好啦，咁係度等啦，等得耐唔緊要，最緊要有野食!!!點知等左45mins，去左催佢，佢話仲整緊，好!!!等多15mins，再催，佢先問我叫左d咩!!咁樣問即係無落單啦!!!錢都收晒，野都叫麻，等左成個鐘咩都無，你地話嬲唔嬲呀!!!以後都唔會再去呀!!!!!完全無服務態度可言!!!!!!

等店鋪開門致電order了20件雞於下午2:30送到,重申一次確定了order的東西,送遞地址及時間,點知等了15分鐘還沒有送來~打去問下只說出了車,問出了多久說15分鐘,那豈不是2:30才出車?!?!再追問下又說沒有這order,再請查證下又說就快到,會給我追一下云云~~~又等多15分鐘,還是沒有來~白等了30分鐘,唯有cancel了~function都過了~~~~too bad!

食物味到不錯, 份量合理, 價錢合理, 唯有等候時間實在令人髮指, 不能接受。但速遞員態度良好, 細心服務, 挽回一些分數。希望餐館在未來的日子能夠針對問題, 作出改善。如果希望以較其他pizza店較低的價錢吃得同樣份量和質素的食物, 又不希望等到頸長, 可以選擇提早2-3小時落order...

$26就有一個焗飯，超多薯角，一個餐湯，仲有tropicana橙汁話就話係輕盈套餐，但係個飯ge份量好啱女仔食d芝士仲好香添～薯角抵勁勁勁勁勁勁勁多，而且真係好好食，我一星期起碼都會黎呢間買一次～堂食冇乜位，不過d野食出得好快外賣自取就...都ok慢囉我覺得～不過我覺得呢間野d pizza麻麻地，我都係鍾意食個底好薄好脆果d多d

外賣速遞足足等足3個鍾 , 重要漏左我3件雞 , 重要話下次先補返比我 . , 講真.....等左3個鐘,餓都餓死 , 由7點等到10點 , 我9點已經即時打電話FOLLOW , 佢話D食物已經整好只係等車返先送到比我 , 最後10點先到, 咁即係話我D食物放左成個鐘啦 , 咁放係到, 送到黎都可想而知有幾好食啦 . 叫左個PIZZA , 一個雞飯 , 3個湯 ......漏左3件雞 , PIZZA 為 around the world : d料都算幾多, 味道都算唔錯 , 送黎既時候都叫做暖暖地 , 香草雞飯 : 雞就唔算好入味 , 份量都算ok , 3個粟米湯就普通, 冇咩特別, 亦冇咩味 , 可以唔洗try .

呢日都唔知做乜，出面落好大既雨。就算點大雨都要食野架，咁就入左黎呢度啦。可能放暑假既關係，人流無之前既咁多。都好既，坐都可以坐得舒服。忌廉湯呢個就無乜特別，不過個湯都算幾好飲。最小唔係麵粉湯啦。炸雞呢個次次黎都會食既，炸雞皮脆肉嫩。不過食完真係好熱氣啊，但真係好好食。焗豬扒飯次次叫焗野既決定都唔會錯得去邊，呢個飯又幾好食。飯係好煙韌，而且豬扒好大件。雖然無成尺長，不過味道都唔差。算係咁啦。大眾化既價錢食到咁既質素既食物，真係日日食都係唔錯既選擇。

第一次寫食評 =p之前係學校訂過2次pizza and chicken都覺得好好食好抵不過親自去食都係第一次同fd去食下午茶 本來去茶餐廳 不過見到價錢差唔多就試下下午茶有3個組合 揀左第2個(是日精選意粉+一款小食)我揀左芝士三文魚長通粉+焗吞拿魚多士fd揀左芝士三文魚長通粉+小食拼盤拼盤有春卷、咖哩角、炸魚圈各2件 都唔少 搞到我有d後悔 XD不過吞拿魚多士都好食!! 好多料~長通粉好食 不過我鍾意多D汁 =P野飲可以揀汽水/湯汽水同餐具要自己去拎~不過我冇咩所謂 汽水都好多款 @_@食完即刻拎張外賣紙返屋企

又話1hr30min送到，但兩個小時都未黎，之後要我打電話去問，佢先同我講架車炒左喎，要多半個鐘先到！！！！ 最後我唔等，太離譜！！！ 我接受唔到lor！電話又時時冇人聽， 要用133先有人接， 好失望！

呢日放左學之後，我就落左屯門買外賣番去食。我好醒目，特登早小小打個電話叫外賣。慳番時間，即整都半粒鐘。值得一讚既係，返到天水圍，野食都仲熱架。炸雞呢個係例牌食既，雞肉好多汁，皮脆肉嫩。Juicy相當，而且炸得好，唔會過哂火。泰式辣香雞pizza好足料，芝士又算幾多。而且個配料好平均，唔會一邊多一邊小。個薄餅有小小黑椒，同個pizza既味好夾。呢個係繼墨西哥香辣之後，第二個都成日叫既pizza。煙三文魚焗飯好多煙三文魚，而且芝士算幾多。海鮮既配料都唔錯，真係好好食，個飯整得好煙韌爽口。一個唔錯既飯。真係好抵食，呢個餐可以夠三至四個人食。除開都係三十幾到啦，呢個價位咁食真係可以食到好飽好滿足架。