芝麻綠豆甜品屋

營業中

休息中

在紅磡晚飯後想要一點甜, 雖然紅磡黃埔區都開咗好多甜品店, 但芝麻綠豆總係我既首選, 多年前拍拖已經成日黎食糖水。都有一陣子無黎食, 發覺價錢仍然好實惠, 選擇亦多咗, 而家好多新開甜品店價錢都偏高。🔸芒果紅豆綠豆蓉刨冰🔸一次過滿足幾個願望, 樣樣都鍾意食, 就好似喺紅豆冰上放埋芒果同芒果汁, 又出奇地夾。🔸芝麻糊湯圓🔸在門口已經見到店員炒芝麻, 即磨芝麻糊真係特別滑同濃郁, 湯圓都係芝麻味, 滿滿的芝麻香。🔸芝麻蛋白燉鮮奶🔸好多年前已經好鍾意食, 濃濃既芝麻糊遇上白滑既燉鮮奶, 感覺好養顏😂😂😂

食完晚飯老公提議食糖水，我梗係舉腳贊成見好耐冇黎食芝麻綠豆，就試試佢有冇變到點知老公嘅合桃糊酸左嘅其實見老公食第一啖面有難色都覺得奇怪，跟住老公話要試真D，懷疑自己飲完酒，味蕾唔準，我真係吊眼🙄🙄叫我試味得囉我都冇飲酒嘩，唔係講笑，真係有D酸味怪怪的，但合桃糊浸味依然係有嘅，但就夾雜住一陣陣酸味我本身諗住叫人黎check下話cancel 不過我地等左一陣只見樓面D人行來行去唔見疑似老闆物體所以老公就話算數同佢講聲叫佢地留意下就算然後就攞單出去俾錢跟住我同收銀講左之後，佢地第一時間反應係佢地剛剛食過冇事唔，如果真係冇野我就好懷疑你地D碗洗得唔乾淨其實本身好心叫佢地留意下，不過佢地嘅反應好明顯係覺得我地想唔俾＄，好明顯我係！老公食左兩啖就冇食咁都要俾一碗錢我梗係不爽啦，仲要感覺佢地覺得我地老屈佢個下真係嬲不過我一向都以事論事嘅我個碗腐竹薏米糖水就冇事好味嘅，足料仲feel到落左好多腐竹杰達達甜度適中減肥人士都唔太有罪咎感但我覺得做飲食態度都好重要不推介呢間

今日下午三點半左右，我做完義工自己獨自一人找尋美食，在黃埔花園走啊走，找到一家甜品店。我叫了一碗渣渣，這碗渣渣係我做人以來，除了在家媽媽煮的味道以外，沒有比呢碗渣渣好食。渣渣裡料的種類繁多，包括超大但同時包含了超級皮薄入口即溶的芝麻湯圓、超粉芋頭、黃蕃薯、紅豆、西米等等，非常濃醇，而且甜度適中，看得出係非常用心煮的一碗渣渣，以25元的份量來講，我覺得料少了點，建議可多給10%豆子，成本也高不了很多。老闆落Order時聲線柔和有禮，未食已經講了多謝一聲，埋單付款後又一句多謝。現在已經好少有那麽沒架子的老闆了。

芝麻綠豆雖然不是老店，但於區內赫赫有名。甜品款式選擇蠻多，價錢亦很大眾化。店裡桌子間的隔離寬敞，坐起來不會太擁擠。特式喳咋 ($25)喳咋用料非常豐富，紅豆、西米、芋頭、蕃薯，還有湯圓。(這裡的喳咋一般會有兩大塊芋頭及蕃薯，但本人不吃芋頭，而且不想吃得太飽，所以跟店員說不要芋頭和只要一塊蕃薯。店員面對我這麼多要求都友善地一一寫下，並沒有表示任何不滿及不耐煩，服務態度真的很好！👍🏻)蕃薯軟腍帶有薑味，湯圓皮薄且滑溜，芝麻餡料香口，咬開更有流沙之感。紅豆沙加上椰汁，入口綿密且有一股淡淡的陳皮香味，甜度適中，吃完之後唇齒留香。薏米銀杏腐竹糖水 ($20)糖水質感香滑細膩，薏米及銀杏綿軟，味道不錯。(如果腐竹味道再濃郁的話，會更滋味。)

元宵佳節梗係要嘆番碗湯圓！同老公晚飯後選擇黎呢間屹立在黃埔十多年，細細已經常來吃的甜品店！可能因為當天是元宵佳節，外面等候堂食及外賣的人眾多。本身諗住放棄，但都決定嘗試等候一會，不消5分鐘便有座位我叫了這裏的招牌芝麻蛋白燉鮮奶加湯圓，而老公就要合桃糊加湯圓。合桃糊味道香濃但略嫌太稀！食落不是太甜，感覺頗健康。芝麻蛋白燉鮮奶- 首先吃面層的蛋白， 很滑，很香蛋味。之後再撈埋芝麻糊食，充滿芝麻味，很香濃，不太甜。唯獨不夠熱。湯圓亦是芝麻湯圓，細細粒口感不錯！離開時結帳也需要排長龍，相信有大部份人也是外賣湯圓回家和家人分享！

既喜歡芝麻 又喜歡燉奶的我 當然要到訪這間全港首創芝麻蛋白燉鮮奶的中式甜品店芝麻蛋白燉鮮奶它這個燉奶很有誠意 芝麻糊不是就這樣蓋在燉奶上 而是埋藏在燉奶之中第一口 吃到面層的燉奶 燉奶滑溜 重奶香 甜度剛好第二口 吃到底下的芝麻糊 很香很滑 但不會太稀再來 兩者攪拌後很搭很滑 甜度較低的芝麻糊中和了燉奶的甜 吃完一整個也不會太膩一個燉奶 可以嘗到幾種感覺紅豆沙拼蛋白鮮奶甜甜的紅豆沙配上燉奶 則比較甜和膩 沒芝麻燉奶那麼特別糖不甩微温 口感煙韌配上花生粉 芝麻 黃糖 很香 甜度剛好

都好多年無去食今次特登帶P小姐去👣叫左「合桃蛋白燉鮮奶」燉奶依然都係咁滑 👐🏻蛋白同奶比例較得好好 perfect match👏🏻仲要讚下唔係好甜 😻不過唯一有啲失望係合桃糊味道比較淡 質地稀左😥😰

今晚去黃埔食完飯，諗住去食糖水，路經呢間糖水舖覺得價錢ok, 啲糖水應該都好難難食，啲水式糖水幾難食都應該唔會食唔落口，就入去試下叫左個合桃燉奶，話全球首創，就即管試下。第一淡食落口，怪怪地，食第二淡，難食到直情想走。奶無奶味，合桃只有苦味，無香味，一味甜，死甜。好似食左淡糖落口。比$22 出來食呢啲野真係好嬲唔係貴但會破壞左整晚心情，好少打open rice 咁嬲，但真係覺得需要改善，糖水唔止要甜，都要有應有既香味

聖誕一家人去左搵啲童年回憶 「芝麻綠豆」咁辛苦排曬隊，入到黎當然係要食招牌燉鮮奶，食左20年都係要食呢個，結果一家四口，一係唔叫，一叫就款款都叫曬叫左合桃露燉奶、芝麻糊燉奶、原味燉奶、紅豆沙燉奶。個燉奶係一如以往冇得輸，滑但唔浠，重奶味但係唔太甜其次就係個芝麻糊，本身滑同足料，溝埋燉奶一齊食更加滑！抵佢做左咁多年生招牌紅豆沙同合桃就一般，有D過甜，夾埋燉奶太膩，食唔曬！建議大家黎呢度都係叫燉奶相關產品，熱食效果更佳不過就唔好對環境同服務有要求喇

芝麻綠豆中式糖水鋪，一直都好想試架啦！今日的起心肝，同朋友叫左三碗糖水食haha1️⃣黑芝麻糊-又滑又重芝麻味，值得一試！2️⃣白果薏米-我唔中意食白果，因為覺得白果好苦，但呢間我都會食d, 因為佢唔算有好苦既口味3️⃣楊枝甘露-無得頂啦！我不嬲最中意食楊枝甘露😍😍呢間好足料，i like it!!!!💕

係黃埔行街，呢區小店多就試下甜品，咁岩search到呢間就試下。。。結果係可一不可再見餐牌價錢都合理，就叫左佢所謂既雙皮奶同DIY雙拼試下啦雙皮奶，故名思義，應該係有皮架啦？點知單皮都冇，以為等既時間唔夠，決定等10分鐘凍小小，都係冇皮。。。呢碗只可以叫好稀既蛋白燉奶朋友叫左椰汁西米冰配芒果，加海鹽雪糕，可能配搭怪，味道都怪，而個雪糕等到天荒地老都係硬過琺瑯質呢張係等左15分鐘既雪糕圖，用匙都整唔爛，最後朋友成舊食服務方面更加差，完全唔憂做咁，問可唔可以唔要椰汁轉花奶，佢咬住野食答我所以講唔清楚，我問多次佢都嫌我煩，反晒白眼咁

今日食完牛扒，行左一陣，就去食呢間既甜品，一入去唔使等就有位，叫左三個甜品芝麻蛋白燉鮮奶，好滑，好嫩係凍凍地既天氣一定要食，楊枝甘露係有d麻麻地可能因為d西柚肉有d酸，除左呢樣其他都好正，值得推介

晚飯還有時間就打算吃甜品，反正好久沒去黃埔了，就去看看有什麼甜品店試一試。我是從灣仔乘115號巴士返回黃埔，紅磡民泰街車站落車，沿著地鐵站附近走了個圈，真的十分多食店，特別是有不少居酒屋.....喔.....發現了芝麻綠豆，在外看入去裝修還算寬敞，有圓桌及方型桌子，時間差不多晚上9點，還不算人多，牆上很多明星照(這樣宣傳是皇道吧)。店員招呼我們二人座下『先看看餐牌，有不明白或落單就叫我們，慢慢看啊』。打開餐牌翻來覆去，都說了照片是很重要的，作為一張食物照片要吸引食客去選擇它確是一項有難度的事情，在眾多甜品中..... 另類香蕉船？到底有幾奇趣呢，好久沒有吃香蕉船了，就選它吧。奇趣帆船：主角香蕉、士多啤梨、脆麥片+雙色意大利雪糕，我就選了3.6牛奶及士多啤梨味雪糕，再霖上朱古力醬。不用多久船就送到來了，的確很吸引，二話不說當然是先吃雪糕，哦？不差啊 ! 3.6有著香濃的牛奶味，士多啤梨味也很香滑，香蕉跟雪糕同時吃起來滑滑軟軟的感覺真是一流。椰汁西米露拼曲奇妙脆雪糕：友人說椰子味很香，西米又多，雪糕也很滑溜，如果冰能夠再打碎多一點點就好了。

食完晚飯之後梗係要去食甜品啦。搜尋附近甜品舖，就見這家，唔駛行太遠，以前經過人龍都好長，宜家好在有一張枱吉咗出嚟，咁我同朋友就走入咗去啦。選擇困難症嘅我呢，睇咗好耐個餐牌，突然間諗吓我要養生喎，我同朋友就選擇咗兩個白色嘅甜品。等了一陣，好快就有得食。即製養顏蛋白杏仁茶 ($32)即製，即係夠熱，好重杏仁味， 蛋白夠滑，不過不失啦。合桃蛋白燉鮮奶 ($24)餐牌話全球首創喎， 以為合桃只係嗰點，擘開原來內有乾坤，其實都有少少似流心做法，流心合桃。不過合桃味道可以再香啲就更好。個蛋白燉鮮奶都合格，搞到自己鬼咁滋陰。其實價錢跟其他區差唔多，算係咁啦!

從黃埔坊食飽飽後，另一半要食甜品，只有遵命⋯。⋯來到這間「芝麻綠豆」店⋯。過來時我和佢都有期望，因平時都排曬隊⋯，坐落後才⋯店內沒人會招呼你，你行埋去叫落單，佢會坐底，等左十分鐘才完成，端糖水的員工，有一隻手指公插左落碗糖水，食品不過不失。如果可以在人手方面改善一下，還是會光顧的（因為間舖就在我樓下）