芭堤雅小廚

營業中

休息中

最唔正宗的香葉肉碎煎蛋飯，就在這𥚃Order咗之後三分鍾內上枱，然後你乾扁四季豆咁長嘅豆角炒肉碎，－片香葉也沒有，龍眼冰就是龍眼加冰水，毫無疑問預先準備好的飯餸，我們一行四人中牛十二時前到，並未有其他客人，今天是星期二中上11:39分超級失望，$80吃了干炒長豆角肉碎煎蛋飯、失望到極點還是$80 不應該有什麼要求？最後絞肚痛，幸好只痾了一次當排毒，但是不會再有下次，唐衣包著的

星期六遊到去大尾篤，夠鐘食晏，見呢間泰菜有午餐，諗住都係是旦搵嘢填肚，就入去快快趣食個午飯。泰式豬手飯（$68）凍檸檬茶（+$8）豬手份量多，炆得腍，但就係炆得太腍，無哂口感，所以唔太好食。另外有半隻烚蛋同一啲酸菜。芭堤雅船麵（$60）凍檸檬茶（+$8）有豬或牛，揀咗後者。湯底清，味濃，還可以。牛肉唔係肥牛片，係梳打牛肉片；牛丸彈牙但無味道；炸豬皮脆，OK。麵最唔掂，黐埋一嚿，要撩散佢先食到，而且麵質又偏糊口。凍檸檬茶最正常。星期六、日、假期，另收加一服務費。

今日見天氣好，揸車去大美督船灣淡水湖水壩行吓，打算在附近食下午茶先行，見到芭堤雅小廚門口有座四面佛，職員在門口好熱情招呼，可以室內或室外用餐，方便踩單車食客，見下午茶價錢唔貴，就走入去試一試。我哋叫咗泰式湯麵餐（$48），有8 款可以選擇，仲可以雙拼加$12， 香芧豬扒加$16。我哋叫豬頸肉金邊粉、香茅豬扒金邊粉及香茅雞翼金邊粉，飲品加$8 ，特飲半價。豬頸肉好香口惹味，雞翼及豬扒都好有香芧味，唔會好乾，金邊粉軟硬度適中而且分量十足，配埋青檸辣椒🌶️汁，更加好味。我加咗件紅豆冰特飲，半價$18（原價$36），唔太甜，正。朋友加$8 叫咗熱奶茶及凍檸茶味道都OK。下午茶仲有其他選擇：小食餐（$43）、泰式無骨豬扒包（$40）及泰式吉列魚柳包（$40），平日唔使加一👍🏻👍🏻

假日嚟到大美督踩單車，發現大美督除咗有好多人BBQ之外，原來附近仲有幾間泰菜可以選擇！ 因為太肚餓嘅關係我哋就揀咗比較小人等位嘅呢間 ！馬拉盞通菜 都係正常水準 覺得可以辣少少金邊粉真係不過不失 不過略嫌成個金邊粉上台嘅時候唔夠熱 懷疑喺廚房已經擺咗一陣煎蛋蠔餅比較有驚喜 呢個就真係要趁熱食！蠔仔嘅份量都算多！新鮮肥美！

［香港］芭堤雅小廚 (大埔)今天下午簡簡單單的在大美督附近找餐廳吃午餐，於是就進去了這間芭堤雅小廚。天氣真的很炎熱，但進去這間餐廳之後感覺很涼快，開了冷氣也有強大的風扇，夏天的時候進去這裏餐廳真的很舒服。餐廳裏面沒有什麼特別，職員很快安排我們坐下來，就看看餐牌點了兩個午餐：🥢 泰式海南雞飯 $65滿滿的一碗黃油飯，配上例牌海南雞。海南雞不算很嫩滑，但肉質也不算很難吃，不太喜歡雞骨被斬到碎碎的，海南雞配上的醬料有一點點辣味，很惹味。🥢 泰式乾炒牛河 $60乾炒牛河不過不失，牛肉份量算足夠，不算韌，河粉也不會碎碎的，午餐來說算是不錯。🥢 跟餐+$8 凍奶茶跟餐冷熱飲品同價，凍奶茶不過不失，夠冰凍，不算十分甜。這間餐廳的好處就是對面有一個很大的咪錶停車場，對駕車來吃飯的人士來說就真的很方便了。餐廳資料：芭堤雅小廚 (大埔)大埔大尾督69A號地舖

去完慈山寺，同屋企人去咗大尾督食個下午茶。其實不嬲都覺得呢間都好食，所以帶兩老去試下。行到熱死辣辣，梗係嗌凍嘢飲，個龍眼冰唔太甜幾好。本來想嗌辣肉碎炒飯，但係佢話已經售罄。咁樣兩老就嗌咗湯檬，我就要咖喱雞扒飯試吓。豬頸肉同埋香茅豬扒都表現正常，點知我個咖喱雞扒你嘅時候，實在太恐怖，佢竟然有雜豆。同埋食得開個雞扒係「梅梅」哋，塊皮又唔脆。個咖喱汁係正常偏甜，但係唔熱。下次穩陣起見都係食返海南雞或者豬手飯。

同屋企人食，食到一肚氣，又唔知佢點處理啲餸叫左碟炒通菜，食左一邊，外面熱，入面冰凍，我成啖嘔心比lur返出嚟，叫屋企人咪再食，唔知佢點處理啲食物🤮個老闆娘過嚟”了解”，第一句問我哋兜菜黎左幾耐，個下已經知道佢想導向我哋答”好耐”，但個刻我就諗住認真答所以有認真諗點知我都未答，個老闆娘自己話: 「我都相信黎左好耐」🙄🙄屋企人即刻好嬲好嬲話呀佢咁講咩意思，完全唔聽我哋意見，兩隻耳仔聽住，個老闆娘重要死口唔認自己講過佢相信黎左好似🙄之後同佢理論，全程話係風口問題。喂大佬，你碟野外熱內冷，點會係風口？重要係冰凍，唔係凉🤮佢重要問我係咪100% sure唔關風口，我都好有信心話我100% sure我同你反晒，你第一件事係話我有問題，而唔係正視。大佬，我同你講我直情擔心你食物安全呀💀如果唔係佢隔離間泰國餐廳多人等，我都唔會入嚟食

同鄰居放假冇嘢做，就踩單車過嚟近近地食個晏。大美督其實有好多選擇，但係好耐冇食過呢間。門口侍應，好鬼合作，叫我哋拍好啲單車喺餐廳側邊，咁就二話不說入咗呢一間。12:00入到去已經全場爆滿，睇睇個餐牌午餐選擇唔算多，但係都揀到想食嘅。各有各嗌啦，口痕之下，再加多咗個大拼盤。嘢食嚟到嘅時候，鄰居又好好俾我讓人試啲。個海南雞飯，油飯比我想像中乾身，但雞總算滑。咁就攞咗另外一個鄰居啲咖喱牛腩撈一撈個油飯。個咖喱真係相當出色，椰香味十足，個牛腩都炆得好腍。到我自己嗌個豬手飯黎啦，望落去個汁比較多，都驚有少少服服地，始終好耐冇嚟過食，唔知水準有冇改變。但係食落去出奇地入味又淋滑，$65嚟講真係抵到爆。跟住個大拼盤嚟啦，其實都飽左大半，咁都唔可以嘥嘢。樣樣都水準表現得平均，但係就覺得佢個魚餅有少少偏腍。食飽之後罪惡感倍升，消脂變增磅之旅，但係好食真係大晒嘅。其實自己好鍾意食肉碎煎蛋飯，下次一定要試埋佢。

星期六晚七點幾，見到有位所以入去幫襯下。兩個人叫左5碟野食同2杯飲品。以呢個價錢，其實無諗過碟菜會咁細碟😅蟹肉炒粉絲，啲蟹肉係最後放係面，唔熱亦無味🙂沙嗲串幾好，4串叫左2牛2雞，🐮牛肉大粒，唔乾亦唔韌，🐔雞肉都唔差串燒醬用碟上係絕對加分，我都唔明點解出面大部分都係俾個碟仔你點，用碟上就可以平衡點晒每一粒肉，我鍾意🥰👍🏻👍🏻👍🏻🍤炸蝦餅比外面食的相對淋身，唔算彈牙，但算係成餐唔錯嘅菜色入面第二了。👍🏻👍🏻炸皮蛋就差啲了，皮蛋上黎嘅時候已經散散地。🙂珍多冰係正常的，有綠色嘅珍多加兩三條大樹菠蘿肉。👌🏻

今日入大美督閒遊，路過呢間芭堤雅餐廳，記得好耐之前黎食過晚餐，印象中好似ok。今日再經過，入嚟食下午茶，好似一般般。假期下午茶set ，都有幾款選擇。海南雞飯 $65～ 味道一般，份量有d少+ $8 配凍檸茶船麵（豬）$58～ 味道濃、配料算多+ $10 配菠蘿冰～ 偏甜船麵（牛）$58～ 味道濃，配料多+ $8 配凍檸茶

由於隔離忠誠茶座不是pet friendly餐廳，所以去左隔離依間試下。抵食就唔叫抵食啦，星期六日及公眾假期仲要加一，本身Menu上既餸都偏貴，但勝在pet friendly, 野食不過不失。烤雞唔會太乾但冇咩汁，味道正常，唔會叫好食但唔難食，係油左少少姐跟住個冬蔭功湯都正常，但$98得兩隻蝦就有少少貴勝在係明火開住個湯熱住飲會好啲，但唔太推薦。。。埋單二人$344，菠蘿冰$34（氣泡水加罐頭菠蘿），白飯$15純粹真係帶住狗冇咩選擇所以食下，不過不失。。。

今次已經唔係第一次嚟呢間餐廳，不過夜晚嚟食都係第一次。餐廳全部都係泰國廚師，都幾正宗！芭堤雅拼盤，呢個係細嘅$148， 比預期大碟喎，有齊晒一般拼盤嘅蝦餅、魚餅、香葉包雞同泰式春卷，件件size都唔細，仲要新鮮整熱辣辣，我最like係蝦餅夠彈牙又啖啖肉，另泰式春卷都好唔錯，入面全是素勁香口😋😋芭堤雅冬蔭公大size $168，湯料好足，勁多蝦仲要好大隻，酸辣度適中，勁濃味👍🏻👍🏻其實點咗其他菜，不過太肚餓，唔記得咗影相😅不過樣樣都好好食，尤其泰式臘腸芝麻蝦飛碟，好特別，好好味，必試！另特別要提一提係服務超級好，可能係平日夜晚人比較少，由打電話book枱到介紹菜式都勁有耐性及禮貌👍🏻

跟朋友週末踩單車入到大美督🚲想找個地方休息下食少少野 來到已經是下午三點 餐廳有下午茶供應 但價錢不便宜 冷熱飲都要另收費 仲要加一服務費😰不過餐廳勝在可以在旁邊放置單車 餐廳冷氣都好足夠✨香茅豬扒拼炸薯條 $43加配熱咖啡 $5豬扒都算細塊 好在新鮮煎起熱辣辣 都唔太油膩炸薯條不錯🍟份量幾多 粗薯條好有薯仔味🥔熱咖啡正常水準 是港式咖啡不是泰式咖啡的味道✨泰式無骨豬扒包 $40加配鹹檸七 $15豬扒同豬扒包都比較細 男士一個餐就一定唔夠飽啦👎🏻鹹檸七要另加$15都吾平 味道正常星期六、日及公眾假期仲要加一服務！📍芭堤雅小廚 (大埔)大埔大尾督69號A地下

平日行完山約十一時多，找地方食lunch。行過巴士站，馬路對面便見到這間餐廳已在營業。門口的哥哥斯文有禮，主動安排角落一張枱給我們。叫了豬頸肉+豬脾飯，pad Thai和椰子雞湯(細) 。椰子雞湯足料開胃，大量雞肉。pad Thai 和豬頸肉正常發揮，味道不俗。叫了一個椰青，清甜多汁，果肉鮮美。同行親友均食得開心。註:店內有嬰兒座椅提供另外，大美督太多別名，很難找到同區餐廳。想向餐廳/OR編輯建議，將大美督之名稱統一或加註以方便食客搜尋。

大約下午五點零鐘 ，響大埔踩單車， 經過餐廳門口， 門口個下午茶餐牌都算ok啦， 咁就入去裏面 坐低醫吓個肚。叫咗個泰式海南雞飯，碟口夠大，雞份量都OK，雞肉鬆散，冇雞味，冇乜味。但係醬汁就唔錯。至於個飯，得個黃色，完全沒有海南雞飯的感覺。豬扒油麵，油麵份量都唔少，夠粗壯，味道一般。豬扒都唔細，但係冇乜味，有少少柴。至於湯底，色素夠，亦冇乜味。賣相都係一般。加錢飲多一杯增多冰，都係得個樣，只係有少少椰汁味，冇乜特別。